ارجو الرد بسرعة لشراء تلفزيون led

[jbl2010]

32P2305EA توشيبا إل إى دىhttps://www.elarabygroup.com/ar/audio-visual-2/32P2305EA.html
ام
تلفزيون Samsung 32H4100 32 Inch LED HDTV
من حيث جودة الصورة والضمان

[kemo044]

اخى انا كنت فى نفس موقفك لما جيت اشترى تليفزيون وبعد لف ودوران وسؤال ومقارنات على مواقع اجنبية لقيت ان السامسونج ناس كثير بترشحه انما لما شفت التلفزيونات على الطبيعة وشغلت فيلم خدته معايا على فلاشة وجربته على اكثر من ماركة لقيت ان ال جى تتفوق على سامسونج فى الامكانيات والصورة وكمان زواية الرؤيه وخاصة الثرى دى وكما نضارتهم بسيطة وبتاخد اربع نظارت مع التلفزيون انما سامسونج 2 وكمان السعر ارخص
فنصيحة ليك هات ال جى32 سينما 6210 ثرى دى وسمارت وفول اتش دى وكمان موديل حديث ورخيص بحوالى 3480 من بى تك وفيه كل حاجة بعكس موديلات السامسونج المتاخرة جدا احدث حاجة فى سامسونج الفئة السادسة فى مصر بعكس ال جى موديل السنة عموما روح مكان فيه كذا ماركة زى بى تك وشوف بعينك وقارن وخد معاك فلاشة عليها كليب اوفيلم وشغلها هناك

و احب الفت انتباهك الى خدمة ما بعد البيع فى ال جى افضل مليون مرة من سامسونج اللى كل الناس بتشتم فى توكليها

اما عن توشيبا فهى جودة متوسطة مقارنة بالسامسونج وال جى الشى الوحيد الكويس فيها ان ضمانها 5 سنين بعكس سامسونج و ال ج سنتين بس

اما لو عايز تلفزيون رقم واحد فى العالم فلا يوجد غير سونى بس طبعا سعره غالى

ولو لقيت ان التلفزيون اللى قولتك عليه غالى على ميزانيتك او لو مش محتاجة سمارت او ثرى دى في موديلات كثير من ال جى فول اتش دى بس روح وشوف واختار او ممكن تشوف الموديلات واسعارها سواء ال جى او سامسونج على موقع اسمه القاهرة للمبيعات