استفسار عن شراء المستعمل

[mohamed_21_11]

اريد ان اعرف اسم محل يكون موثوق في بيع المستعمل في مول البستان بيع كروت شاشة ومستلزمات الكمبيوتر

Sent from my ALCATEL ONE TOUCH 903D using Tapatalk 2

[mido salah]

انا ما اعتقدش ان فية محلات مخصوصة عشان المستعمل انت تروح تسئل اسحنلك

[kemo044]

بص روح المول فى الدور الرابع هتلاقى اللى انتا عايزه عند كذا محل لو عايز اوصفلك محلات حدد انتا عايز اية بالضبط وانا اديلك يعنى كروت الشاشة - الشاشة - البوردة- البروسيسور- الرامات لان كل شى وله محلات تعاملت معاهم ممكن اوصفهالك

[mohamed_21_11]

بص روح المول فى الدور الرابع هتلاقى اللى انتا عايزه عند كذا محل لو عايز اوصفلك محلات حدد انتا عايز اية بالضبط وانا اديلك يعنى كروت الشاشة - الشاشة - البوردة- البروسيسور- الرامات لان كل شى وله محلات تعاملت معاهم ممكن اوصفهالك

بص انا متشكر جدا لاهتمامك انا كنت بسأل على كروت شاشة و بروسيسور ورامات

[MaHmOuD ZeRo]

طيب ما تشوف اللى انت عاوزه وتشوفه هنا فى المنتدى
هيكون ارخص من سعر المول

[mohamed_21_11]

طيب ما تشوف اللى انت عاوزه وتشوفه هنا فى المنتدى هيكون ارخص من سعر المول اصل انا اخاف اشترى حاجة ويطلع فها مشكلة او عيب وهرجعها ازاى بعد كدة

[kemo044]

برده انتا محدتش عايز ايه بالضبط

على العموم بالنسبة للبروسيسور لو عايز جديد او تراى يعنى بدون كارتونة بس هيديك ضمان سنه علية عندك محل فى الدور الاول اخر الطرقة جنب السلم اسمه سبيد
وفي محل تانى فى نفس الدور اسمه البدر


اما لو عايز بروسيسور ورامات مستعملة عندك محل فى الدور الرابع اسمه الكمال وفيه محل تانى اسمة المدينة

اما لو عايز بوردة ففى محل فى الدور الاول اسمه المجد وايضا محل الكمال فى الدور الرابع
اما بالنسبة لكروت الشاشة حتلاقى محل فى الدور الثالث اسمه الحسينى وفى عندك المدينة برده اللى فى الدور الرابع ومحل المصطفى فى الدور الاول


وابقا اسأل هناك فى محلات كثير بس دول اللى انا اتعاملت معاهم من سنين ومصدر ثقة بالنسبة لى