المساعد الشخصي الرقمي

مشاهدة النسخة كاملة : اية افضل كيبورد احترافى للجيمز ويكون مريح



Karim Gaber
20-06-2014, 01:06
صباح الخير انا كنت عاوز اجيب كيبورد احترافى Gaming ويكون مريح وانا دورد لقيت

Gigabyte Aivia Osmium Gaming Keyboard
ولا فى حاجة تانية احسن

bazilizk
20-06-2014, 02:07
الجيجابايت اوزميوم كيبورد ممتازة عن تجربة . ذات سويتشات Cherry mx red (خفيفة جدا السويتشات)
ممتازة للجيمز ولكن غير مناسبة للكتابة (وحسب راحتك الشخصية)
ممكن تسأل علي الكولر ماستر
تريجر (ومتهيالي خلصت من السوق- بس ممتازة جدا ) او الكويك فاير برو او التيميت او رابيد . فيها سويتشات براون وبلو وبلاك
بس للامانة مش عارف لسه متوافرة في السوق زي جيجابايت ولا لأ.

Karim Gaber
20-06-2014, 02:18
ليه غير مناسبه للكتابه علشان يعنى مفيش عربي فيها لو دى المشكله فأنا شغال بكيبورد من غير حروف عربى من أربع سنين تقريبا ولا حضرتك تقصد ايه

bazilizk
20-06-2014, 02:29
لا لا مش قصة الحروف العربي نهائي.
حضرتك ممكن تراجع الفروقات بين الاربع انواع من السويتشات (الاكثر شيوعا) في الكيبوردات الميكانيكال.
cherry Mx Black, Blue, Brown & Red>
باختصار جدا:
كل نوع سويتش فيهم بيحتاج ضغطة من صوابعك بمقدار معين. اتقلهم الاسود واخفهم الاحمر.
وبسبب خفة السويتش الاحمر لا ينصح به في الكتابة بسبب زيادة معدل الخطأ اثناء الكتابة . مع ان في صديق وجار ليا اتعود خلاص يكتب بنفس السويتش.
اما البلو (الوحيد اللي له صوت كليكات مسموع زي الماوس او زي الالة الكاتبة) وده اشهر سويتش في الكتابة . ومناسب كمان في الجيمز. شركة ريزر قعدت فترة كبيرة بتنتج كيبوردات بسويتشات بلو بس . وبعدين زودت البراون وزودت السنة دي سويتشات خاصة بيها اخضر وبرتقالي و هما عبارة عن بلو وبراون معدلين.

اخيرا: لو اول مرة تجرب كيبوردات ميكانيكال . اول كيبورد حتجيبها حتتعود عليها وحتحبها ومش حتقدر تستعمل كيبوردات ميمبرين تاني :)
ولو المتاح فقط الجيجابايت فهي ممتازة جدا والوحيدة اللي فيها امكانيات زيادة زي مخارج usb3 ومخارج اوديو ومايك بالاضافة لزراير مالتي ميديا منفصلة.
ومبروك مقدما

Karim Gaber
20-06-2014, 10:33
عندك حق فعلا لما جبت الماوس بعديها بيوم او اثنين قولت اجرب االعب بالقديم معرفتش وفى الشغل عندى بحس فى بطئ شديد جدا فى الماوس خاصة فى الاجيمز :D

انا شوفت كذا موديل من logiteck بس معجبنيش وطبعا فى نواع كتيرة زى ميكروسوفت :D

الاكيد هل هوا مميز بالفعل اقصد مريح وهل بعد مدة الزراير بتعتو بتنهم وبتبوظ زى العادى ام لا+وهل هيسعدى جدا فى الجيمز ام لا وشكرا

3GRAD
20-06-2014, 10:47
Razer black widow 2013


Sent from my iPhone using Tapatalk

Karim Gaber
20-06-2014, 10:52
لأسف منتاجاتRazer غير موجودة بالسوق حالا
او حضرتك لو تعرف من عندة منتاجات Rezer وبكام

شكرا ليك

3GRAD
20-06-2014, 10:56
لأسف منتاجاتRazer غير موجودة بالسوق حالا
او حضرتك لو تعرف من عندة منتاجات Rezer وبكام

شكرا ليك

ممكن تحصل عليه من امازون


Sent from my iPhone using Tapatalk

Karim Gaber
20-06-2014, 10:59
مشكلة
اول حاجة هتاخد وقت كبير

ثانيا الحجم هيكون كبير بالتالى هدفع كتر علشان الجمارك والحوارات دى +عموله الى هيشترى باختصار هيبقى اغلى من امازون كمان :(

Karim Gaber
20-06-2014, 11:02
عندى حل لكن الحل دة هيتاخر 3 شهور ليا صديق لية فى الكويت والحاجة هناك ارخص حوالى 300-400 ممكن يجبهولى بس دة بعد اربع 3 شهور علشان هينزل ولا مفيش ولا شركة زى High end او ماكسميم هيكونو عندهم

لاسف دورت فى متجر عرب هارد وير لما اجدة من اساسة

bazilizk
20-06-2014, 11:56
كيبوردات الريزر ممتازة ولكنها لا ترقي لجودة كولر ماستر او جيجابايت في الصلابة .
كان عندي Razer Black widow ultimate بس معجبتنيش .
وبالنسبة لعمر الزراير اكنر من 50 مليون ضربة للزرار (لاي ماركة كيبورد بتستعممل سويتشات cherry mx )
عايز نصيحتي. ممكن تشوف الجيجابايت سعرها هنا ارخص من امريكا. او دور علي كولر ماستر تريجر

Karim Gaber
20-06-2014, 12:08
عامله 800 جنيه

Karim Gaber
20-06-2014, 12:11
هنا وفي متجر عرب هاردوير ب 720 لكن غير متوفرة لاسف ؟

Karim Gaber
20-06-2014, 15:04
صحيح مبيجيش مع الكيبورد الاسطوانه الخاصه بالكيبورد لاني شفتها في مراجعه عربيه بتقول بتزلها من موقع جيجا بايت ؟

bazilizk
20-06-2014, 16:34
معظم الاكسسوار مش بييجي معاه اسطوانة تعريف.
تعري الاوزميوم بتنزله من موقع جيجابايت ومساحته تقريبا ١٣ ميجا وهو نفس تعريف الماوس الكريبتون لو عندك

Karim Gaber
20-06-2014, 16:39
اسطوانه الي عندى مع الماوس

Karim Gaber
20-06-2014, 16:50
طيب حضرتك تنصحني بيها ولا في موديل او ماركه تانيه تصحني بيها علشان احتمال انزل ااقاهرة هجيبها يوم الاحد