المساعد الشخصي الرقمي

مشاهدة النسخة كاملة : تجميع جهاز كامل - ميزانية 10.000 جنيه مصرى - Rendering



Mizo Dous
25-06-2014, 16:43
- أقصى ميزانية محددة: 10.000 جنيه مصرى

- استخدامك للجهاز: Photoshop + 3ds Max

- حجم الشاشة و الدقة (Resolution) التي تستخدمها: لسه مشترتش الشاشه بس اعتقد 23" هتكون مناسبه

- القطع التي تنوي شراءها: كيسه كامله + شاشه + كيبور وماوس + سبيكر متوسط

- القطع التي ستعيد استخدامها من الجهاز القديم: لا يوجد

- ميعاد شراء الجهاز: بعد اسبوع

- مكان الشراء: القاهرة

- محل سكنك: مبين اسيوط والقاهره واسكندرية :D


شفت تجميعات كتير ومش قادر احدد الافضل .. هكتب بعض التجميعات تساعدونى فى اختيار الافضل .. او تدلونى على افضل منهم


1
Processor : AMD 8350
MotherBoard : GB AMD 990
VGA : GTX 750 Ti
RAM : 16GB DDR3
Hard Drive : 2TB HDD
Monitor : 23" LED Samsung
CD-Drive : DVD R/W Asus
Case : Cooler Master 525W Power Supply



2
Processor : AMD 8350
MotherBoard : GB AMD 990
VGA : GTX 760
RAM : 16GB DDR3
Hard Drive : 2TB HDD
Monitor : 23" LED Samsung
CD-Drive : DVD R/W Asus
Case : Simple Tek + PSU Gamma 700W



3
Processor : i7 4770
MotherBoard : GB Z87-HD3
VGA : GTX 750 Ti
RAM : 16GB DDR3
Hard Drive : 2TB HDD
Monitor : 23" LED Samsung
CD-Drive : DVD R/W Asus
Case : Cooler Master 525W Power Supply

4
Processor : i7 4770
MotherBoard : GB Z87-HD3
VGA : GTX 760
RAM : 16GB DDR3
Hard Drive : 2TB HDD
Monitor : 23" LED Samsung
CD-Drive : DVD R/W Asus
Case : Simple Tek + PSU Gamma 700W



عندى سؤال بسيط .. هو الاسعار اللى على المواقع ذى مثلا ******** بتكون نهائيه ولا فى اضافات عليها ذى ضريبه وكدا .. لانى سمعت ان فى شركات بتزود على الفاتوره 10% بعد تجميع سعر الجهاز !!

Mr.Evil
25-06-2014, 18:04
السلام عليكم أخى الكريم , أفضل التجميعات التى ذكرتهم هى رقم 4 , لكن أنا إن شاء الله هرشح لحضرتك واحده أخرى ( من Intel لانها الافضل فى أعمال الجرافيك و التصميم ) , هتكون أفضل بحيث تكون الميزانيه متوزعه بشكل أفضل على القطع الهامه ,

================================================== ========

Intel Core I7-4770K Haswell 3.5GHz 8M LGA 1150 = 2600 LE

Gigabyte GA-Z97-D3H Socket 1150 Motherboard = 1175 LE

Aerocool Strike-X Red Mid Tower Case = 550 LE

SeaSonic M12II Bronze 620W 80 PLUS PSU = 725 LE

Team Xtreem Dark (1 X 8GB) DDR3 1600 CL9 1.5V = 625 LE

Western Digital (WD) Caviar Green WD20EZRX 2TB 64MB Cache = 650 LE

Gigabyte GeForce GTX 760 OC 4GB GDDR5 Windforce 3X (rev. 2.0) = 2500 LE

Samsung 24X DVD-RW DL Drive = 115 LE

Samsung SyncMaster S23c350h 23 Inch LED LCD Monitor = 1020 LE

Logitech MK120 Desktop Arabic Keyboard & Mouse = 199 LE

================================================== =
المجموع : 10160ج , تم التعديل على بعض القطع لتكون مناسبه إذا قمت بكسر السرعه , فى المستقبل إن شاء الله ممكن زياده قطعه رام 8 جيجا إن شئت و لكن الــ 8 جيجا تكفيك الان فى التصميم و الالعاب إن أدرت , بالنسبه لكارت الشاشه فأفضل شىء فيه هو قوته و الذاكره الرسوميه الــ 4 جيجا التى سوف تفيدك فى الجرافيك و الالعاب أيضا الان و مستقبلا , يمكن أيضا فى المستقبل شراء هارد SSD للحصول على أداء أفضل فى سرعه النظام , و أن شاء الله معظم القطع هتلاقيها فى سوق العصر - مصر الجديده - القاهرة و بالتحديد عند High End

Mizo Dous
25-06-2014, 18:43
شكرا جدا على المساعده .. هشوف واقرا شويه عن التعديلات ولو عندى استفسارات هكتبها بليل ولو حضرتك تقدر ترد عليها هكون شاكر جدا ليك

بس عندى سؤال .. هى الاسعار دى نهائيه ولا بيتضاف عليها ضريبه اللى هى 10% ؟
لانى شوفت عروض اسعار بعد جمع سعر القطع متضاف 10% على اجمالى الفاتوره.

Mr.Evil
25-06-2014, 19:43
لا أعتقد هذا يا ميزو , لان الميزانيه تقريبا 10000ج , هيزودوا 1000ج أيضا على التجميعه ! ده يبقى نصب , بس على سبيل الاحتياط فقط حاول بقدر الامكان شراء كل قطعه أو كل قطعتين من محل مختلف , خليك ناصح :D

و أن شاء الله متابع مع حضرتك الى أن تقرر أى القطع تريد .

Mohamed Ibrahim The Unstoppable
25-06-2014, 20:40
السلام عليكم
Samsung SyncMaster S22B300B 22 inch LED LCD Monitor (Malaysia) 830
Intel Core I7-4790 Haswell 3.6GHz LGA 1150 2300
Gigabyte GA-B85-HD3 Socket 1150 Motherboard 770
Team Xtreem Dark 8GB (2 X 4GB) DDR3 1600 CL9 1.5V 600
Seagate ST1000DM003 1TB 7200 SATA 6Gb/s HDD 460
Kingston SSDNow V300 60GB SATA 6.0GB/s 450
PNY VGA QUADRO K2000 2GB GDDR5 4150
Thermaltake Chaser A21 Mid Tower 450
SeaSonic S12II Bronze 520W 80 PLUS Certified PSU 525
المجموع 10085 ج

Mizo Dous
26-06-2014, 05:45
شكرا جدا لحضراتكم ..
بعد مقريت ريفيوز كتير عن التجميعات و القطع اللى حضراتكم رشحتوها.. وطبعا كلها رائعه وفشيخه الحقيقة :D :D .. شكرا جدا
ووصلت للاتى

Processor :
I7-4790

فضلتو عن الـ 4770 و الـ 4770k لانى مش هعمل اوفر كلوك وكمان سعره



Motherboard :
Gigabyte GA-B85-HD3 (https://store.arabhardware.net/hardware/motherboards/gigabyte-ga-b85-hd3-socket-1150.html)
اخترتها لانى مش لاقى فرق مهم مبين البورد .. فاختارت الارخص

VGA :GTX 760 2GB
فضلتها عن الـ K2000 بسبب فرق السعر الكبير جدا اللى ممكن استغله فى رام و هارد SSD افضل ( هل هيكون فى فرق كبير فى الاداء ؟؟ ) .. دا غير ان شكلها مش متوافر فى السوق !!
وفضلتها عن الـ GTX 760 4GB .. لان بيتهيئلى مش هحتاج الـ vRAM دا كلو على الشاشه الـ 23 ( هل هحتاج فعلا الـ 4 جيجا ولا 2 هيكونوا كفايه ؟؟ )


RAM : 16GB DDR3 ADATA 8X2
اعتقد الـ 16 هيدوا اداء افضل من الـ 8 .. واختارت A.DATA لانها شركة معروفه ومشهودلها بالكفائه

Hard Drive : 2TB WD Green + 120 SSD
اخترت الـ 2 تيرا الويسترن جرين لانه رخيص ومعايا واحد من فتره وشغال تمام ( ممكن اجيب ايه افضل ؟؟ )
الهاراد الـ SSD مليش اى خبره معاه .. بس اخترت واحد 120 علشان يشيل الويندوز وكل برامج الشغل (( مستنى رائيكم ))

Monitor : لسه مقررتش

Case : انا مش عارف احسب بالظبط هحتاج باور سبلاى كام وات !!!
هل ممكن اشترى بادى كويسه وفيها باور سبلاى نضيف تريحنى بدل ماشترى بادى وحده و باور سبلاى وحده !؟

+ كيبور وماوس + سبيكرز متوسطين


عندى سؤالين بعد اذنكم ..
1- حد عنده معلومات عن موضوع الـ 10% اللى بتضاف على الفاتوره دى ؟؟
2- هل ممكن استخدم 2 هارد HDD واخليهم RAID 1 علشان اشيل عليهم الداتا ومخفش عليهم واخلى الهارد الـ SSD للويندوز والبرامج ؟ ولا مينفعش وانا كدا بألف !

شكرا مقدما لتعبكم

Mr.Evil
26-06-2014, 08:07
السلام عليكم أخى الكريم , القطع الجيده لن أتحدث عنها و سوف أتحدث عن القطع التى تتطلب نصيحه أو تعديل , 1: كارت الشاشه اختيار GTX 760 إختيار موفق لكن أنصحك بشراء النسخه التى بها 4 جيجا رام لانها سوف تنفعك مستقبلا و بشده فى الجرافيك و الالعاب أيضا , حتى أن الكثير من الاعضاء يتجهون الى شراء كروت شاشه ذواكرها 3 جيجا و أزيد لمواكبة تطور الرسوميات. 2: الهاردين الــ 2 تيرا ممتازين و أنصحك بالويستيرن لانه قليل المشاكل . 3: بالنسبه للكيسه و الباور يفضل أن يكونوا منفصلين لكى يكون الجهاز مستقر من حيث الطاقه , لان كفائه كلا منهما منفصلين أفضل من كونهما مجتمعين معا و أرشحلك :
Aerocool Strike-X Red Mid Tower Case = 550 LE + الباور سبلاى ZALMAN ZM500-GV 500w 80 Plus Bronze PSU = 450 LE , اما بالنسبه للكيبورد و الماوس Logitech MK120 Desktop Arabic Keyboard & Mouse = 199 LE , أخر سؤالين حضرتك طرحتهم , يفضل شخص أخر أكثر منى خبره يفيد حضرتك و يفضل أيضا يكون عن تجربه.

ĐєçєหŢ ҚỉℓℓęЯ
26-06-2014, 08:12
طالما اعمال الجرافيك والتصميم فقط ولا مجال للالعاب هنا

يبقى كارت الكوادرو اللي رشحلة له الاستاذ محمد ابراهيم سيكون افضل واعتقد سيكون متوفر على المتجر :)

Mizo Dous
26-06-2014, 18:56
اكتر حاجه محيرانى دلوقت الـ VGA
GTX 760 2GB - GTX 760 4GB - Quadro K2000

الـ Quadro اغلى بكتير .. كمان على حسب الـ benchmarks اللى فى Tom's Hardware .. فالـ gtx 760 افضل من الـ K2000 فى شغل ال 3ds max

شوفو كدا هنا .. وياريت تصححولى لو انا فاهم غلط
https://www.tomshardware.com/charts/workstation-graphics-2013/10-AutoCAD-2013-3D-Performance-Summary,3286.html

هو سؤالى بخصوص الـ RAID .. ممكن اطرحه فى اى قسم ؟؟
ولو ممكن حد ياكدلى او ينفيلى موضوع الـ 10% اللى بتضاف على الفتوره دا هكون شاكر جدا !!

kiki_riki
27-06-2014, 02:53
زززززز

bazilizk
27-06-2014, 03:32
شكرا جدا لحضراتكم ..
بعد مقريت ريفيوز كتير عن التجميعات و القطع اللى حضراتكم رشحتوها.. وطبعا كلها رائعه وفشيخه الحقيقة :D :D .. شكرا جدا
ووصلت للاتى

Processor :
I7-4790

فضلتو عن الـ 4770 و الـ 4770k لانى مش هعمل اوفر كلوك وكمان سعره



Motherboard :
Gigabyte GA-B85-HD3 (https://store.arabhardware.net/hardware/motherboards/gigabyte-ga-b85-hd3-socket-1150.html)
اخترتها لانى مش لاقى فرق مهم مبين البورد .. فاختارت الارخص

VGA :GTX 760 2GB
فضلتها عن الـ K2000 بسبب فرق السعر الكبير جدا اللى ممكن استغله فى رام و هارد SSD افضل ( هل هيكون فى فرق كبير فى الاداء ؟؟ ) .. دا غير ان شكلها مش متوافر فى السوق !!
وفضلتها عن الـ GTX 760 4GB .. لان بيتهيئلى مش هحتاج الـ vRAM دا كلو على الشاشه الـ 23 ( هل هحتاج فعلا الـ 4 جيجا ولا 2 هيكونوا كفايه ؟؟ )


RAM : 16GB DDR3 ADATA 8X2
اعتقد الـ 16 هيدوا اداء افضل من الـ 8 .. واختارت A.DATA لانها شركة معروفه ومشهودلها بالكفائه

Hard Drive : 2TB WD Green + 120 SSD
اخترت الـ 2 تيرا الويسترن جرين لانه رخيص ومعايا واحد من فتره وشغال تمام ( ممكن اجيب ايه افضل ؟؟ )
الهاراد الـ SSD مليش اى خبره معاه .. بس اخترت واحد 120 علشان يشيل الويندوز وكل برامج الشغل (( مستنى رائيكم ))

Monitor : لسه مقررتش

Case : انا مش عارف احسب بالظبط هحتاج باور سبلاى كام وات !!!
هل ممكن اشترى بادى كويسه وفيها باور سبلاى نضيف تريحنى بدل ماشترى بادى وحده و باور سبلاى وحده !؟

+ كيبور وماوس + سبيكرز متوسطين


عندى سؤالين بعد اذنكم ..
1- حد عنده معلومات عن موضوع الـ 10% اللى بتضاف على الفاتوره دى ؟؟
2- هل ممكن استخدم 2 هارد HDD واخليهم RAID 1 علشان اشيل عليهم الداتا ومخفش عليهم واخلى الهارد الـ SSD للويندوز والبرامج ؟ ولا مينفعش وانا كدا بألف !

شكرا مقدما لتعبكم


طبعا السادة الاعضاء الافاضل ردوا عليك ردود ممتازة.
بس عشان تقطع الشك باليقين .
حارد علي حضرتك تاني.
اولا : ممتاز جدا البروسيسور 4790 بما انك مش ناوي تعمل اوفر كلوك .
ثانيا البوردة اختيار موفق وملائمة للبروسيسور .
ثالثا : الجدل الكتير المثار حول كروت الجيفورس او الكوادرو بالنسبة لبرنامج الماكس. كروت الجيفورس مناسبة جدا جدا ومش محتاج اكتر من كده. الكوادرو عايز برامج تانية خالص عشان تستفيد بيه.
امتي حضرتك تستفيد من vram بتاع الكارت ؟. 2 جيجا مناسب جدا لشاشة 23 بوصة Full HD>
امتي حتحتاج رامات كارت اعلي ؟ لما حضرتك تشتغل شغل احترافي علي الماكس ويكون ال scenes في ملفاتك ضخمة جدا ويكون فيها بوليجونز بالملايين الملايين . ساعتها بس ممكن تحس بتقل في الفيو بورت بتاع البرنامج لو رامات كارتك 2 جيجا.
فكلما زودت مساحة رامات للفيجا كان افضل . لو شغلك لا يتطلب ذلك . 2 جيجا كافي جدا.

رابعا : الرامات ال Adata ممتازة جدا والكينج ستون ممتازة جدا والجي سكيل ممتازة والكورسير ممتازة.
حاول تختار اعلي باص عشان بتفرق في الماكس . و بتفرق فعلا في سرعة الريندر عن تجربة . والافضل ليك 16 جيجا ويا حبذا لو جيبت الكينج ستون 2400 . (عن تجربة فرقت تقريبا 8% اقل في وقت الريندر )

خامسا: الهاردات :
بالنسبة لل ssd لن تستفيد منه في تقليل وقت الريندر نهائي . كل الاستفادة في تقليل وقت فتح الويندوز وبرنامج الماكس او الفوتوشوب فقط.
بس هو عامة امتلاكه تجربة ممتعة .
وطبعا بيبقي علي أد الويندوز والبرامج المتصطبة عليه. واوعي تسيب عليه ملفات شغل . الاحتياط واجب.
بالنسبة لهارد التخزين : خليك في الويسترن البلاك . هاردات ممتازة وتستحمل عدد ساعات شغل اكتر من الجرين او البلو او السيجسيت المتوافر في السوق المصري. بس بيحتاج تهوية جيدة وباور من نوع محترم .عشان ثبات الفولت الواصل له.
وطبعا ترجعلك في النهاية حرية شراء ssd من عدمه حسب ميزانيتك.

سادسا: الشاشة : اي شاشة 23 بوصة full hd كافية للغرض . ونصيحة بلاش ال 27 بوصة عشان حتكون متعبة للعين اثناء تركيزك في الفيرتكس الصغيرة داخل الماكس.

سابعا : الكيس والباور:
* الكيبس : مش حتفرق كتير اي كيسة بشرط يكون فيها مروحة امام راكات الهاردات او علي الاقل ينفع تركبلها مروحة امامية او اتنين عشان التهوية ومروحة او اتنين علوية عشان طرد الهواء الساخن وطبعا المروحة الخلفية اساسي في اي كيس.: وكل مازاد عدد المراوح يكون افضل للجهاز ككل.
تذكر انك ناوي تعمل ريندر والريندر بيضغط علي كل مكونات الجهاز بنسبة 100% فبيولد سخونة . فلازم مراوح تدخل الهواء البارد ومراوح تخرج الهواء الساخن.
* الباور : لو حسبت احتياجك للباور بعد كل مكوناتك تقريبا مش حتعدي 500 او 550 وات.
لو جيبت علي قدهم بالظبط حتبقي مشغل الباور تقريا طول الوقت في حالة ضغط. وده مش مطلوب ابدا.
الافضل تجيب باور اعلي من احتياجك عشان مايبقاش شغال دايما معاك علي اخره. يبقي مستريح يعني عشان ما تقصرش عمره.
ف لو جيبت اي باور 600 وات برونز او 650 وات برونز . يكون ممتاز جدا جدا ويعيش معاك فترة محترمة بدون اي مشاكل . وافضل حاجة في فئة ال 650 وات برونز ال xfx >

اخر سؤالين :/
1- موضوع ال 10 % ده موجود فقط في محلات الكبري زي كومبيو مي او كومبيوتر شوب . ولو انت شايبف عندهم في العرض سعر سلعة معينة مثلا مكتوب عليها 1000 جنيه . بيكون متضمن الضريبة.
وطبعا لو حتشتري حتروح سوق العصر في الخليفة المِأمون او متجر عرب هاردوير :). او المول في جامعة الدول . مافيش عندهم حكاية ال 10 % ضريبة وبتلاقي فعلا غالبا الاسعار عندهم مناسبة وارخص . ومضمونة بضمان الوكيل. مفيش حاجة بعد كده بصراحة.
2- موضوعRaid 1 او 0 .... ابعد عنه نهااائي. الا لو كنت محترف وعايز تعمل بينشماركات وعايز تجيب سكور عالي . فدي حاجة ترجعلك.
بس الامان . بلاش موضوع raid ده خالص لان مشاكله كتير وخصوصا مع الداتا وكمان بيقصر عمر الهاردات .

ملحوظة :. لو حتي حتزود مبلغ صغير عشان تجيب باور غالي شوية بس في المقابل تبقي شغال وانت مرتاح وتستبعد كتير من المشاكل اللي بتقابل اي حد بيعمل ريندر لفترات طويلة. يبقي افضل طبعا. (الباور هو قلب الجهاز)
وشكرا

Mizo Dous
27-06-2014, 04:46
السﻻم عليكم .. بالنسبه لموضوع الريندر ماشين اللى عايز توفرة فانا شايف ان فى حاجات كتير انت مش محتاجها وهتوفرلك كتير واللى هيتوفر دا هتحطة فقطع اهم .. بالنسبه لموضوع ال raid فطبعا ينفع وانا شخصيا عامله فجهاز البيت عندى
بالنسبه لل 10 % فانا مش فاهم بتوع ايه لو قصدك ضريبه مبيعات فدا على حسب المكان اللى بتشترى منه وعلى حسب انت محتاج فاتورة وﻻ ﻻء

عموما معاك مهندس احمد عامر ودا رقمى 01114646447 لو محتاج اى حاجة كلمنى وانا تحت امرك.. على فكرة انا مهندس IT وكنت شغال فى مكتب استشارات هندسيه امريكى ليه فرع فمصر وكنت موفرلهم ريندر ماشين.. كلمنى لو حابب اقول تفاصيل اكتر .. واتمنى اكون وفرتلك معلومة

ياريت لو امكن حضرتك توضحلى القطع اللى تقصدها بـ "
اللى عايز توفرة فانا شايف ان فى حاجات كتير انت مش محتاجها وهتوفرلك كتير واللى هيتوفر دا هتحطة فقطع اهم
"

واعتقد ان الـ 10% دول ضريبة مبيعات اه .. بس 10% كتير جداااا يعنى حرام ادفع اكتر من 1000 لولا حاجه !!!!!!!


مشتكر جدا يا م/ احمد .. وان شاء الله هكلم حضرتك.

Mizo Dous
27-06-2014, 04:57
طبعا السادة الاعضاء الافاضل ردوا عليك ردود ممتازة.
بس عشان تقطع الشك باليقين .
حارد علي حضرتك تاني.
اولا : ممتاز جدا البروسيسور 4790 بما انك مش ناوي تعمل اوفر كلوك .
ثانيا البوردة اختيار موفق وملائمة للبروسيسور .
ثالثا : الجدل الكتير المثار حول كروت الجيفورس او الكوادرو بالنسبة لبرنامج الماكس. كروت الجيفورس مناسبة جدا جدا ومش محتاج اكتر من كده. الكوادرو عايز برامج تانية خالص عشان تستفيد بيه.
امتي حضرتك تستفيد من vram بتاع الكارت ؟. 2 جيجا مناسب جدا لشاشة 23 بوصة Full HD>
امتي حتحتاج رامات كارت اعلي ؟ لما حضرتك تشتغل شغل احترافي علي الماكس ويكون ال scenes في ملفاتك ضخمة جدا ويكون فيها بوليجونز بالملايين الملايين . ساعتها بس ممكن تحس بتقل في الفيو بورت بتاع البرنامج لو رامات كارتك 2 جيجا.
فكلما زودت مساحة رامات للفيجا كان افضل . لو شغلك لا يتطلب ذلك . 2 جيجا كافي جدا.

رابعا : الرامات ال Adata ممتازة جدا والكينج ستون ممتازة جدا والجي سكيل ممتازة والكورسير ممتازة.
حاول تختار اعلي باص عشان بتفرق في الماكس . و بتفرق فعلا في سرعة الريندر عن تجربة . والافضل ليك 16 جيجا ويا حبذا لو جيبت الكينج ستون 2400 . (عن تجربة فرقت تقريبا 8% اقل في وقت الريندر )

خامسا: الهاردات :
بالنسبة لل ssd لن تستفيد منه في تقليل وقت الريندر نهائي . كل الاستفادة في تقليل وقت فتح الويندوز وبرنامج الماكس او الفوتوشوب فقط.
بس هو عامة امتلاكه تجربة ممتعة .
وطبعا بيبقي علي أد الويندوز والبرامج المتصطبة عليه. واوعي تسيب عليه ملفات شغل . الاحتياط واجب.
بالنسبة لهارد التخزين : خليك في الويسترن البلاك . هاردات ممتازة وتستحمل عدد ساعات شغل اكتر من الجرين او البلو او السيجسيت المتوافر في السوق المصري. بس بيحتاج تهوية جيدة وباور من نوع محترم .عشان ثبات الفولت الواصل له.
وطبعا ترجعلك في النهاية حرية شراء ssd من عدمه حسب ميزانيتك.

سادسا: الشاشة : اي شاشة 23 بوصة full hd كافية للغرض . ونصيحة بلاش ال 27 بوصة عشان حتكون متعبة للعين اثناء تركيزك في الفيرتكس الصغيرة داخل الماكس.

سابعا : الكيس والباور:
* الكيبس : مش حتفرق كتير اي كيسة بشرط يكون فيها مروحة امام راكات الهاردات او علي الاقل ينفع تركبلها مروحة امامية او اتنين عشان التهوية ومروحة او اتنين علوية عشان طرد الهواء الساخن وطبعا المروحة الخلفية اساسي في اي كيس.: وكل مازاد عدد المراوح يكون افضل للجهاز ككل.
تذكر انك ناوي تعمل ريندر والريندر بيضغط علي كل مكونات الجهاز بنسبة 100% فبيولد سخونة . فلازم مراوح تدخل الهواء البارد ومراوح تخرج الهواء الساخن.
* الباور : لو حسبت احتياجك للباور بعد كل مكوناتك تقريبا مش حتعدي 500 او 550 وات.
لو جيبت علي قدهم بالظبط حتبقي مشغل الباور تقريا طول الوقت في حالة ضغط. وده مش مطلوب ابدا.
الافضل تجيب باور اعلي من احتياجك عشان مايبقاش شغال دايما معاك علي اخره. يبقي مستريح يعني عشان ما تقصرش عمره.
ف لو جيبت اي باور 600 وات برونز او 650 وات برونز . يكون ممتاز جدا جدا ويعيش معاك فترة محترمة بدون اي مشاكل . وافضل حاجة في فئة ال 650 وات برونز ال xfx >

اخر سؤالين :/
1- موضوع ال 10 % ده موجود فقط في محلات الكبري زي كومبيو مي او كومبيوتر شوب . ولو انت شايبف عندهم في العرض سعر سلعة معينة مثلا مكتوب عليها 1000 جنيه . بيكون متضمن الضريبة.
وطبعا لو حتشتري حتروح سوق العصر في الخليفة المِأمون او متجر عرب هاردوير :). او المول في جامعة الدول . مافيش عندهم حكاية ال 10 % ضريبة وبتلاقي فعلا غالبا الاسعار عندهم مناسبة وارخص . ومضمونة بضمان الوكيل. مفيش حاجة بعد كده بصراحة.
2- موضوعRaid 1 او 0 .... ابعد عنه نهااائي. الا لو كنت محترف وعايز تعمل بينشماركات وعايز تجيب سكور عالي . فدي حاجة ترجعلك.
بس الامان . بلاش موضوع raid ده خالص لان مشاكله كتير وخصوصا مع الداتا وكمان بيقصر عمر الهاردات .

ملحوظة :. لو حتي حتزود مبلغ صغير عشان تجيب باور غالي شوية بس في المقابل تبقي شغال وانت مرتاح وتستبعد كتير من المشاكل اللي بتقابل اي حد بيعمل ريندر لفترات طويلة. يبقي افضل طبعا. (الباور هو قلب الجهاز)
وشكرا


شكرا جداا جدااااا لحضرتك على الشرح المفصل ..:):)

بخصوص كارت الشاشه حضرتك ترشحلى حاجه معينه ؟ GTX 760 كويس ولا اروح لكارت اعلى شويه ذى الـ GTX 770 مثلا او اعلى ؟

بخصوص الهاردات انا هشترى واحد SSD علشان سرعة فتح الويندوز والبرامج وكدا .. بالمره يعنى يتجمع الجهاز كويس حتى لو مش هيفيد فى الريندرينج نفسه

بخصوص الـ RAID .. انا كنت بفكر استخدمها علشان لو الهارد جراله حاجه او كدا تكون الداتا موجود منها ميرور
يعنى RAID 1 مش RAID معقد يعنى ولا حاجه .. هى اول مره ليه بس من اللى قريته انه مش حاجه معقده قوى يعنى !!

bazilizk
27-06-2014, 05:05
الكلام طبعا كله معتمد علي انك حتستعمل 3dsmax .

لو حتستعمل مثلا Vray RT plugin يبقي الافضل كارت ال 770
عشان بيعتمد في الريندر علي كارت الشاشة. كل ما الكودا كورز عليت كل ما كان الريندر اسرع. ده بالنسبة لل Vray RT وماشابه من بلاجينز.

لو حتستعمل Vray Adv مش حيفرق الكارتين عن بعض في حاجة.
هما الاتنين حيقضوا وظيفتهم فقط في الفيو بورت ليس الا. والفرق بينهم لن يذكر.
لان البلاجن ده بيعتمد علي البروسيسور في الريندر بعكس ال RT اللي بيعتمد علي الكودا بتاعة الكارت في الريندر

بالنسبة لل Raid براحتك طبعا حرية شخصية. بس انا باتكلم عن الامان ليس الا.
ولا شكر علي واجب اخي الفاضل

bazilizk
27-06-2014, 05:06
خليك عامة في ال 760 . اوفر الف جنيه . وحتستفيد منه بشكل ممتاز ان شاء الله. ومبروك مقدما

kiki_riki
27-06-2014, 10:02
معلش يا ميزو انا عشان بكتب من الموبيل فبيبقي موضوع الكتابه ممل بس اﻻخ الفاضل اللى رد بعدى عليك قالك شويه معلومات صح ومهمه لما تكلمنى هوضحلك قصدى .. بس على سبيل المثال الهارد ال ssd مالوش اى لزمة فالريندر الميزة اللى هتاخدها انك هتوفر وقت فبوت الجهاز اى تحميل الويندوز وففتتح البرامح ﻻكن ك ريندر مش هتستفاد حاجة.. بالنسبه لل raid فانا مختلف مع اﻻخ اللى رد فشئ ومتفق فشئ .. متفق ان عمر الهارد ممكن يكون بيقل ﻻكن مختلف معاه فان مالوش لزمة ﻻنه مهم جداااا من وجهه نظرى طالما يهمك الداتا اللى عليه واﻻ مكنتش كل الشركات الكبرى شغاله raid ﻻهميه الداتا دا على سبيل المثال ولما نتكلم اقولك اكتر... ملحوظة انا مش هنصحك بشئ معين يعنى متنتظرش منى اقولك هات البروسيسةر دا او الفيجا دى .. ﻻكن هساعدك فاىختيلر الصح اللى يحققلك طلباتك

bazilizk
27-06-2014, 15:11
معلش يا ميزو انا عشان بكتب من الموبيل فبيبقي موضوع الكتابه ممل بس اﻻخ الفاضل اللى رد بعدى عليك قالك شويه معلومات صح ومهمه لما تكلمنى هوضحلك قصدى .. بس على سبيل المثال الهارد ال ssd مالوش اى لزمة فالريندر الميزة اللى هتاخدها انك هتوفر وقت فبوت الجهاز اى تحميل الويندوز وففتتح البرامح ﻻكن ك ريندر مش هتستفاد حاجة.. بالنسبه لل raid فانا مختلف مع اﻻخ اللى رد فشئ ومتفق فشئ .. متفق ان عمر الهارد ممكن يكون بيقل ﻻكن مختلف معاه فان مالوش لزمة ﻻنه مهم جداااا من وجهه نظرى طالما يهمك الداتا اللى عليه واﻻ مكنتش كل الشركات الكبرى شغاله raid ﻻهميه الداتا دا على سبيل المثال ولما نتكلم اقولك اكتر... ملحوظة انا مش هنصحك بشئ معين يعنى متنتظرش منى اقولك هات البروسيسةر دا او الفيجا دى .. ﻻكن هساعدك فاىختيلر الصح اللى يحققلك طلباتك

اخي الفاضل .. تم انشا هذا المنتدي لنشر الفايدة بين الاعضا وغير الاعضا القادمين من محركات البحث الخارجية

وملحوظة انا بكتب برضه من الموبايل ومفيش للاسف علامة الهمزة في الكيبورد
ممكن تكتب نصايحك هنا يمكن واحد زيي يغير فكرته عن ال Raid ويبقي جزاك الله خيرا طبعا

kiki_riki
27-06-2014, 15:37
ياباشا انا تحت امرك وانا مببخلش على حد بمعلومة وكاتب رقمى فالبوست اللى فات.. ﻻكن سامحنى انا ماليش خلق فالكتابه عمووما وهصوصا للموبيل .. يعنى مثﻻ انت غامل اقتباس انا مش عارف اعمله من الموبيل .. بالنسبه لل raid فانا مش عارف ايه غكرتك عنخ عشان اغيرهالك بس عشان مطولش ميزو كان بيسال على ال raid عشان الداتا تهمه وانا قلتله ينفع وانت رديت انه بيبوظ الهارد وانا اكدت كﻻمك فانا مش فاهم ايه الفكرة اللى هتغيرها

Mizo Dous
28-06-2014, 05:39
متشكر جدا جدااا لكل الناس اللى افادتنى كتير وقالت رائيها :D
كعادة افضل منتدى عربى وافضل اعضاء :ah38:

متشكر جداااا كمان مره :):)

Abdu.Shrek
29-06-2014, 18:42
السلام عليكم اخي الكريم
CPU :4930K:4850
GPU: MSI GTX 750TI OC:1300
CPU COOLER: Thermaltake Water 2.0 Pro :700
MB :ASRock Z87 Pro3:800
RAM :Adata XPG V2 8GB (2 x 4GB) DDR3-1600 CL9 Dual Channel KiT:700
PSU:SeaSonic M12II Bronze 620W 80 PLUS:725
HARD: (WD) Caviar BLUE 1TB :460
CASE: Cooler Master K280 K-Series Mid Tower:300
DVD:Samsung 24X DVD-RW DL Drive :115
MONITOR:Samsung SyncMaster S23c350h 23 Inch LED LCD Monitor :1020
TOTAL :10970LE
نصيحة مني لو تعرف تزود 970 عشان البروسيسور ده هيفرق معاك جدا عن تجربه انا اخويا شغال في المجال بتاعك كان عنده نفس البروسيسور وانا معايا ال4770k الفرق يستحق
لو مش هتقدر تجيبهم يبقا انصحك بال 4770k وكارت الشاشة هيبقا ال gtx 760oc

انا دي تاني مشاركة ليا في المنتدى يارب اكون ساعدتك
وربنا معاك D: