[مشكلة] بطاقة GTX 780 Ti جديدة يصدر منها ضجيج غير مألوف [الأرشيف]

مشاهدة النسخة كاملة : [مشكلة] بطاقة GTX 780 Ti جديدة يصدر منها ضجيج غير مألوف

الصفحات : [1] 2

Ahmed Alahdal

26-06-2014, 13:01

السلام عليكم
مرحباً أصدقائي في عرب هاردوير

يوم الثلاثاء اللي فات أو بالأخص يوم 24 - 6 - 2014 روحت أشتريت بطاقة رسومية
Gigabyte GeForce GTX 780 Ti OC 3GB GDDR5 Windforce 3X
بسعر 5600 جنيه من ماكسيموم هاردوير في إسكندرية اللي عند الديب مول
ومش بس الكارت انا جمعت كل جهازي من هناك يومها

ركبت الكيس إمبارح وشغلته وكله كان تمام، بعد ساعه من الإستخدام بدأت الاحظ صوت
كانه صوت فان من الفانات فيه مشكله، بيعمل صوت طنين كده او معرفش اسمه ايه بالظبط
وقعدت اختبر اشوف الصوت منين وفصلت كل الفانات وفي الاخر المشكله طلعت من الكارت نفسه
طبعاً الصوت مش مألوف ويعتبر ضجيج، والحكاية دي في حد ذاتها مسببالي ازمة نفسية!
ف كنت عاوز أعرف دلوقتي انا أعمل ايه ؟ هل ده شيء طبيعي ولا دي مشكلة ومينفعش يتسكتلها ؟
وبصراحه الصوت صعب جدا الواحد يقدر يعديه كده وخلاص ..

bazilizk

26-06-2014, 13:55

ترجعه فورا للماكسيمم حيستبدلهولك بعد ما يختبره عندهم.,
وتقوله في مشكلة في الفانات

ĐєçєหŢ ҚỉℓℓęЯ

26-06-2014, 15:01

عادي خالص روح لماكسيمم يستبدلك الكارت بأخر مفيهوش مشاكل

او ممكن تستبدل الكارت بكارتين gtx 760 وبسعر ارخص هتوفرلك حوالي اكثر من 1000 جنية والكارتين سيعيطك اداء اعلى بنسبة تتراوح بين 13-30% على حسب اللعبة وبسعر اقل

mido salah

26-06-2014, 16:20

ودية لماكسيمم في اسرع وقت وهما يغيرة

Ahmed Alahdal

26-06-2014, 18:05

وديته لماكسيموم مع صديق ليا والصديق ده كمان سمع الصوت اللي عامله الكارت قبل ما افكه
ولسه واصل هناك عند ماكسيموم واتصل عليا والراجل جربه وبيقولي مفيش اي صوت خالص من الفانات
وبيقولي ان انا ركبته غلط وما اليه مع اني متأكد ان مفيش حاجه غلط وشلت الكرت وركبته كذا مره وبردوا نفس الحكاية
ورفض يستبدله وللاسف الفرع اللي في اسكندريه البائع اللي فيه معاملته سيئه جداً وبيكلمك كانك شاحت منه الكارت ومفيش تفاهم ابداً
وللاسف الكرت راجع تاني دلوقتي البيت، وكمان مصور فيديو للكارت وهو بيعمل صوت ورفض ياخذ الفيديو
للي محتاج يشوف الفيديو اهو : https://www.youtube.com/watch?v=Dp3-L_rC-JA
المشكله ممكن تكون فين ؟ مع العلم اني فصلت كل الفانات قبل كده وشغلت الكارت وهو الوحيد اللي بيعمل الصوت ده!

bazilizk

26-06-2014, 18:31

هو ده صوت رفة . مش كده لان الصوت غير واضح اوي عشان الموبايل.
ممكن حضرتك تصطب gpuz وتشوف الحرارة كام اثنا الضغط او لعبة تقيلة زي باتلفيد ٤

bazilizk

26-06-2014, 18:53

انا شغلت الكليب تاني من علي الكومبيوترومش شايف ان الصوت مزعج اوي تقريبا .
فياريت لو حد عنده نفس الكارت او نفس نظام التبريد من جيجابايت يفيدك اكتر في مسالة الصوت دي

Ahmed Alahdal

26-06-2014, 19:05

هو مش صوت مزعج يا صديقي ولكن صوت ضجيج مسموع جدا يعني حاجه لا يمكن تكون طبيعيه، انا عندي اخويه جايب كارت gigabyte r9 280x ومفيش ابدا صوت الضجيج اللي عندي ده

Elhariri

26-06-2014, 19:09

Ahmed Alahdal

26-06-2014, 22:29

اخويا دية ممكن تكون حاجة اسمها Coilwhine

https://www.youtube.com/watch?v=56Sxmu8QOu0

اتاكد الاول من المراوح يعنى حاول مثلا توقفهم وشوف الكارت لسة بيطلع صوت لو بيطلع يبقى Coilwhine

ودية حاجة مش بتاثر على اداء الكارت لكن بتكون مزعجة
ولو حبيت ترجع الكارت الشركات المصرية المعفنة مش هترضى وهتقولك شغال ولا مفهوش ومسمعناش صوت حتى الشركات الكبيره منهم بس جرب الاول وزهقهم وخليك معاهم للنهاية لو عايز ممكن يبدلوا

والله يا صديقي انا قرفت وتعبت، وجاني احباط من البائع اللي في فرعهم في اسكندرية وما زال مصر ان مفيش صوت في الكارت
ومعرفش ازاي عنده مفيش صوت وعندي في صوت، ورجع الكارت دلوقتي البيت وركبته تاني وما زال نفس الصوت اللعين زي ماهو
اتمنى تفيدوني اعمل ايه دلوقتي ؟

Karim Gaber

26-06-2014, 22:39

اتصل بالفرع بتاع القاهره وقولهم المشكله

mahmoud78678967

26-06-2014, 22:54

الاخ احمد معاة الكارت كان عامل unboxing للكارت دة الرابطhttps://arabhardware.net/forum/showthread.php?t=386431 اسائلة الصوت عادى ولا اية اواصلتك لحد معاة الكارت عشان هوة يفديك اكتر

ShevoManser

26-06-2014, 23:18

هو الجهاز ب 5600 جنيه ولا الكرت بس

noura.a

27-06-2014, 00:12

السلام عليكم و رحمة الله و بركاته

اخي من الواضح انك لم تذكر البورسبلاي :لانه هو من يقوم ب إصدار هذا الصوت .
عندما يكون هناك طاقة قويه من نايحة gpu
Volt = 850 تجاري لايصلح إلى gpu gtx 780 ti

اخي اتمنى تصوير فيديو للمشكلة . و الصوت , ان المشكلة هذه متاكدة انو من هاي الصوت , لان في الفيديو اللذي وضعته لم يضهر لي ان الصوت من الجرافيك انما بشكل عام كلما تقرب له يضهر الصوت بقوة , في حال ان المشكلة من البطاقة : قم بإرجاعها بنفسك و لا تطلع الى و ان تستلم واحدة جديدة او استرجاع الفلوس .

و دعهم يجربوا هذه البطاقة في كمبيوتر اخر ل يتم معرفة المشكلة بشكل عام : و دعهم يجربوا ان يشغلوا عليها 3D و العاب لانه ممكن تكون بالوضع العادي بدون اصوات و انما تحت وضع الضغط من الالعاب قد يضهر هذا الصوت .

[ اتمنى ذكر الباورسبلاي و تصويره و تصوير فيديو للصوت ]

ملاحظة : لاتقوم بتخويف نفسك , المشكلة بسيطة مرة بس عليك ان تقوم بعمل هذه الخطوات و ذكر الباورسبلاي
لانه في العادة الاخوة الكرام لا يعلمون ان البورسبلاي قد يكون تجاري و من ظمنها انه لا يتحمل قوه البطاقة هذه
اما من ناحية ان البطاقة يوجد بها هذا الصوت لا اتوقع لان هذه الاصوات تضهر في بطاقات AMD بالعادة .

اختك
Noura

ĐєçєหŢ ҚỉℓℓęЯ

27-06-2014, 00:25

من رأي تأخد 2 كارت gtx 760 وتربطهم SLi بدل من gtx 780 ti وستحصل على اداء اعلى بنسبة تتراوح بين 13 -30% مع توفير مبلغ قدرة 1000 على الاقل ويمكن اكثر

الاستبدال مسموح به وحتى ارتجاع الكارت نهائيا في فترة ال 14 يوم من بداية شراء المنتج

3GRAD

27-06-2014, 01:24

3GRAD

27-06-2014, 01:25

Ahmed Alahdal

27-06-2014, 01:29

اتصل بالفرع بتاع القاهره وقولهم المشكله

بعتلهم رساله على الفيس بوك، لو مردوش هتصل على فرع القاهرة

الاخ احمد معاة الكارت كان عامل unboxing للكارت دة الرابطhttps://arabhardware.net/forum/showthread.php?t=386431 اسائلة الصوت عادى ولا اية اواصلتك لحد معاة الكارت عشان هوة يفديك اكتر

تمام هبعتله رساله اشوفه

هو الجهاز ب 5600 جنيه ولا الكرت بس

الكارت بس :(

السلام عليكم و رحمة الله و بركاته

اخي من الواضح انك لم تذكر البورسبلاي :لانه هو من يقوم ب إصدار هذا الصوت .
عندما يكون هناك طاقة قويه من نايحة gpu
Volt = 850 تجاري لايصلح إلى gpu gtx 780 ti

اخي اتمنى تصوير فيديو للمشكلة . و الصوت , ان المشكلة هذه متاكدة انو من هاي الصوت , لان في الفيديو اللذي وضعته لم يضهر لي ان الصوت من الجرافيك انما بشكل عام كلما تقرب له يضهر الصوت بقوة , في حال ان المشكلة من البطاقة : قم بإرجاعها بنفسك و لا تطلع الى و ان تستلم واحدة جديدة او استرجاع الفلوس .

و دعهم يجربوا هذه البطاقة في كمبيوتر اخر ل يتم معرفة المشكلة بشكل عام : و دعهم يجربوا ان يشغلوا عليها 3D و العاب لانه ممكن تكون بالوضع العادي بدون اصوات و انما تحت وضع الضغط من الالعاب قد يضهر هذا الصوت .

[ اتمنى ذكر الباورسبلاي و تصويره و تصوير فيديو للصوت ]

ملاحظة : لاتقوم بتخويف نفسك , المشكلة بسيطة مرة بس عليك ان تقوم بعمل هذه الخطوات و ذكر الباورسبلاي
لانه في العادة الاخوة الكرام لا يعلمون ان البورسبلاي قد يكون تجاري و من ظمنها انه لا يتحمل قوه البطاقة هذه
اما من ناحية ان البطاقة يوجد بها هذا الصوت لا اتوقع لان هذه الاصوات تضهر في بطاقات AMD بالعادة .

اختك
Noura

أهلاً نوره، ده الباور سبلاي اللي عندي : SeaSonic M12II Bronze 850W 80 PLUS PSU
بالنسبة لموضوع الصوت، الصوت موجود علطول بشكل خفيف، واوقات مع الضغط او الخمول الصوت بيرتفع ويبقى مسموع بره الكيس
يعني لو صوت الرنين منخفض لازم اقرب للكيس عشان اسمعه، ولو ارتفع بقدر اسمعه بدون ما اقرب للكيس، تقريبا حتى اللي معايا في الغرفه يقدروا يسمعوه!

بالنسبة لموضوع ان الصوت من الباور، انا جربت اشغل الكيس بدون كارت شاشه ومظهرش اي صوت ابدا لا منخفض ولا مرتفع
وكمان لما بيكون كارت الشاشه شغال في مروحه منهم بوقفها بايدي اللي هي على اقصى اليسار وكمان المروحه اللي على اقصى اليمين
لما بوقفهم بايدي الصوت بيختفي تماماً، وده اللي خلاني اتأكد ان المشكلة من الكارت

بالنسبة لتجربة الكارت عندهم، انا وديته النهارده وجربوه على كيس بيتجمع جديد وقالي مفيش صوت في الكارت!
والتجربه كانت لمده ربع ساعه ومكنش في صوت، حتى صديقي اللي بعته يوصلي الكارت قالي مفيش صوت في الكارت لما جربوه!
بعد ما رجعلي الكارت تاني ركبته وجربته وبردوا نفس المشكلة صوت رنين وضجيج منخفض ومرتفع ..

بالنسبة للصور، ليس في مقدوري حاليا لأن الجو عندي مشغول
وهيكون ليا رد جديد فيه صور للباور سبلاي وكمان فيديو جديد يوضح المشكلة بشكل أفضل

من رأي تأخد 2 كارت gtx 760 وتربطهم SLi بدل من gtx 780 ti وستحصل على اداء اعلى بنسبة تتراوح بين 13 -30% مع توفير مبلغ قدرة 1000 على الاقل ويمكن اكثر

الاستبدال مسموح به وحتى ارتجاع الكارت نهائيا في فترة ال 14 يوم من بداية شراء المنتج

صديقي انا مش قادر استبدل كارت بكارت نفسه من فرعهم في اسكندريه
يعني في الحالتين انا متكتف تماماً ولا قادر ابدل ولا استبدل ولا اي حاجه
بسبب ان الكارت راح هناك وقالك مفيش صوت والبائع بيعاملني بشكل سيء جدا
وعندي احباط شديد من اني اكلمه تاني دلوقتي واقوله الكارت بيزن عندي بردوا
والله ما عارف اعمل ايه انا زهقت

Ahmed Alahdal

27-06-2014, 01:35

في الواقع انا امتلك نفس البطاقه نفس النسخه gigabyte gtx 780 ti oc

ولا يوجد الضجيج هذا عندي و الامر مستتبه

و لكن انصحك انك تفك المشتت الخاص بالبطاقه و تراجع المراوح من الداخل و تشغل المراوح الخاصه بالمشتت بدون البطاقه

Sent from my iPhone using Tapatalk

موضوع اني افك الكارت ده شيء متخوف منه شوية
وخايف مثلا افكه وبعد كده معرفش استبدله بسبب اني فكيته
حاول تقرب من الكيس عندك كده يا صديقي وشوف لو في ادنى صوت رنين ولو بسيط كده
وكمان قولي ايه الباور اللي بتستخدمه بما ان في بعض الاصدقاء بيقولولي قد تكون المشكله من الباور

3GRAD

27-06-2014, 01:41

موضوع اني افك الكارت ده شيء متخوف منه شوية
وخايف مثلا افكه وبعد كده معرفش استبدله بسبب اني فكيته
حاول تقرب من الكيس عندك كده يا صديقي وشوف لو في ادنى صوت رنين ولو بسيط كده
وكمان قولي ايه الباور اللي بتستخدمه بما ان في بعض الاصدقاء بيقولولي قد تكون المشكله من الباور

لا يوجد صوت إطلاقا علي كذا كارت من نفس النسخه شوفتو غير الي هنا ... ايه نوع الباور بتاعك ؟؟

Sent from my iPhone using Tapatalk

Ahmed Alahdal

27-06-2014, 01:55

لا يوجد صوت إطلاقا علي كذا كارت من نفس النسخه شوفتو غير الي هنا ... ايه نوع الباور بتاعك ؟؟

Sent from my iPhone using Tapatalk

SeaSonic M12II Bronze 850W 80 PLUS PSU

noura.a

27-06-2014, 02:07

أهلاً نوره، ده الباور سبلاي اللي عندي : SeaSonic M12II Bronze 850W 80 PLUS PSU
بالنسبة لموضوع الصوت، الصوت موجود علطول بشكل خفيف، واوقات مع الضغط او الخمول الصوت بيرتفع ويبقى مسموع بره الكيس
يعني لو صوت الرنين منخفض لازم اقرب للكيس عشان اسمعه، ولو ارتفع بقدر اسمعه بدون ما اقرب للكيس، تقريبا حتى اللي معايا في الغرفه يقدروا يسمعوه!

بالنسبة لموضوع ان الصوت من الباور، انا جربت اشغل الكيس بدون كارت شاشه ومظهرش اي صوت ابدا لا منخفض ولا مرتفع
وكمان لما بيكون كارت الشاشه شغال في مروحه منهم بوقفها بايدي اللي هي على اقصى اليسار وكمان المروحه اللي على اقصى اليمين
لما بوقفهم بايدي الصوت بيختفي تماماً، وده اللي خلاني اتأكد ان المشكلة من الكارت

بالنسبة لتجربة الكارت عندهم، انا وديته النهارده وجربوه على كيس بيتجمع جديد وقالي مفيش صوت في الكارت!
والتجربه كانت لمده ربع ساعه ومكنش في صوت، حتى صديقي اللي بعته يوصلي الكارت قالي مفيش صوت في الكارت لما جربوه!
بعد ما رجعلي الكارت تاني ركبته وجربته وبردوا نفس المشكلة صوت رنين وضجيج منخفض ومرتفع ..

السلام عليكم ,

اخي الكريم احتمال 90% من البورسبلاي بشكل متاكدة من هذا الكلام , انا عارفة بتقول انو كافي 850 بس بعض البور بيطلع اصوات مش طبيعية في حال الضغط من ناحية الكرت ..
و انت بنفسك ذكرت ان الكرت لم يضهر منه اي صوت عندما قاموا بتجربته ,.

اختك ,
Noura

fakeeda

27-06-2014, 02:24

اخي الكريم
بطاقات جيجابيت نسخة
Windforce عامة مشهورة بقلة الضجيج .. فابنسبة 99% تبريد الكرت فيه مشكلة.
ارجع للمحل بنفسك وقف علي ايد الموظف حتي تظهر المشكلة .. وارغمو علي مشاهدة الفديو .. وان ان رفض ارجع لحقوق المستهلك ..انت معك حق استبدال واسترجاع 14 يوم .
يعني لو عايز ترجع الكرت هترجعه غصب عنهم ..
ما ضاع حق وراءه مطالب.
ربنا معاك

Karim Gaber

27-06-2014, 02:26

تعامل فرع القاهرة والبائعين هناك فوق ممتاز جدا انشاء الله هيسعدوك لانى تقريبا هناك الرئيسى وشكرا وان شاء الله تستبدلة

3GRAD

27-06-2014, 02:47

الباور كافي و زياده

Sent from my iPhone using Tapatalk

Elhariri

27-06-2014, 03:45

اخويا قولت ليك وقف المرواح وشوف الصوت لسة موجود لو موجود يبقى حاجة اسمها Coilwhine ورجعوا او ممكن تسيبوا عادى

واقفها بالبتاعة بتاعت الودان مش هيحصل حاجة لو الصوت راح يبقى المرواح

والمشكلة لا يمكن تكون باور سبلاى لان الكارت بتقول بيعمل كده فى الوضع العادى والكارت اساسا بيكون فى الوضع العادى عامل لنفسة Downclock فى الفولت وكل حاجة يعنى مش ضغط على الباور وبرضة بيحصل صوت

انا اشك بسنة كبيره انة Coilwhine

ĐєçєหŢ ҚỉℓℓęЯ

27-06-2014, 14:17

780ti
يتفوق علي gtx 680 sli تأكد من معلوماتك

Sent from my iPhone using Tapatalk

انا عن نفسي متأكد
ال 680 sli يهزم ال 690

https://images.anandtech.com/graphs/graph6973/54879.png

https://images.anandtech.com/graphs/graph6973/54880.png

https://images.anandtech.com/graphs/graph6973/54891.png

https://images.anandtech.com/graphs/graph6973/54887.png

وغيرهم كتير هنا
https://www.anandtech.com/show/6973/nvidia-geforce-gtx-780-review/16

-------------
اما بقى ال gtx 760 sli مقابل gtx 780 ti
https://otavafiles.fi/plaza/s/f/editor/images/X-2014010216261533112.png

https://otavafiles.fi/plaza/s/f/editor/images/X-2014010216261670622.png

فحتى لو اتى ال gtx 760 sli باداء مساوي لل gtx 780ti فالصفقة الرابحه هنا هي ال 760 sli ومع توفير 1000 جنية :rolleyes:

3GRAD

27-06-2014, 15:32

https://img.tapatalk.com/d/14/06/27/a3uhuqa8.jpg
https://img.tapatalk.com/d/14/06/27/sevaqugu.jpg
https://img.tapatalk.com/d/14/06/27/zaryvepu.jpg
صور توضح الفارق بين بطاقتين gtx 760 و بطاقه gtx 78ti

Sent from my iPhone using Tapatalk

fexeromar

27-06-2014, 17:23

ممكن حضرتك يكون كسر سرعة البروسيسور
او ان الكيسة تكون ضيقة والتبريد بتاعها سئ
ممكن تقول اه نوع الكيسة وسعرها ؟

3GRAD

27-06-2014, 19:18

انا رأي ان تاخد الكارت و تروح لضمان الوكيل نفسو و تعرضلو المشكله لان ماكسيمم تعاملهم سئ جدا ناا اعلم ذلك

من هوا وكيل الكارت بيبقي مكتوب علي العلبه اعتقد gamma ?/