استشارة فى زيادة رامات

[peter magdy mon]

مساء الخير يا شباب
كل سنة و حضراتكم بخير بمناسبة شهر رمضان - اعادة على مصر كلها بالخير
--------------------------------
امكانيات جهازى
AMD 1090 X6
ASUS M4A785TD-V
RAM 1600 CL8 APOGEE 2X2 - v1.5
AMD 6950/2GB @ LED SAMSUNG PX 2370
HEC 600W
دلوقتى انا عايز ازود رامة تانى و مش عارف اجيب النوع دة لانى جايبها من اكتر من 3 سنوات و الحمد للة شغالين زى الفل بدون مشكلة
لكن الالعاب دلوقتى بقت بتتطلب رامات اكتر و بقيت بحس ان الجهاز تقيل شوية فى بداية تحميل اللعبة او بعد ما اخلص و خصوصا لعبة Watch_Dogs
فهل ينفع ازود رامة 2 جيجا مثلا تانى ولا ازود 4 جيجا مع اللى موجود
لانى صعب ابيعهم و هخسر جامد فيهم و هما اصلا شغاليين و مشتكوش
و دى بيانتهم بالتفصيل
https://im63.gulfup.com/8D2qkt.bmp (https://www.gulfup.com/?7zpYVv)
https://im63.gulfup.com/LylHD5.bmp (https://www.gulfup.com/?ScEEz2)
ارجو الافادة فى نوع كويس
و عدد الجيجا المطلوب
شكرا

[3GRAD]

معتقدش انك هتلاقي الرمات دي في السوق فا مش هينفع تزودها برمات مختلفه

افضل حل انك تبيعهم و تجيب new kit


Sent from my iPhone using Tapatalk

[peter magdy mon]

انا قصدى اى ماركة تانى ممكن تركب معاهم
او ممكن ابيعهم - بس هل ممكن تقولى ابيعهم بكام
شكرا

[peter magdy mon]

طب ممكن حد يرد عليا فى السؤال دة بعد اذنكم
انا دلوقتى بحب الالعاب جدا جدا و شبة مدمن اللعاب
دلوقتى انا امكانيات جهازى مكتوبة فوق فى اول الموضوع
بالنسبة لى مافيش اى مشكلة فى الالعاب قبل كدة لكن
لعبة Watch_Dogs و هيا بتشتغل و هيا بتقفل بتبقى تقيلة جدا جدا - و ساعات بحس بسنة تقل فى الجهاز برضو
فهل انا محتاج اغير الرامات من 4 جيجا الى 8 جيجا
ارجو الرد ضرورى
شكرا

[Mr.Evil]

السلام عليكم أخى الكريم , نعم أخى عند زياده رامات 4 جيجا , الاداء العام للجهاز هيكون أفضل بدرجه كبيره و أيضا لعبه Watch Dogs ستكون قويه معك خصوصا أن أمكانيات الجهاز جيده و مناسبه للعبه و انصحك بشراء , Team Xtreem Dark (1 X 4GB) DDR3 1600 CL9 1.5V = 325 LE , هترفع الاداء معك بشكل قوى , و سوف تتوافق مع الرامات الاخرى بدون مشاكل إن شاء الله .

[3GRAD]

ليس منصح انك تركب رامات مختلفه .... انصح ببيعها بسعر 200 و شراء kingston hyperx beast 2x4 2400mhz


Sent from my iPhone using Tapatalk

[kemo044]

اخى بامكانك تركيب اى رامة من ماركة تانية بشرط تكون نفس الفولت ولايشترط التردد لان الرامات هتشتغل فى البوردة على التردد الاقل يعنى لو ركبت رامات بتردد 1600 مع رامات بتردد 1333 الرامات الاثنين هيشتغلو على تردد 1333 بدون مشاكل طالما البوردة تدعم التردد ودا عن تجربة لناس كتير .

ولكن يفضل ان تكون الرامتان توام متطابق للأستفادة من خاصية الديول شانل التى تعطى فرق فى سرعة الرامات قليلاُ

[3GRAD]

اخى بامكانك تركيب اى رامة من ماركة تانية بشرط تكون نفس الفولت ولايشترط التردد لان الرامات هتشتغل فى البوردة على التردد الاقل يعنى لو ركبت رامات بتردد 1600 مع رامات بتردد 1333 الرامات الاثنين هيشتغلو على تردد 1333 بدون مشاكل طالما البوردة تدعم التردد ودا عن تجربة لناس كتير .

ولكن يفضل ان تكون الرامتان توام متطابق للأستفادة من خاصية الديول شانل التى تعطى فرق فى سرعة الرامات قليلاُ

بخصوص التوقيتات ؟؟


Sent from my iPhone using Tapatalk

[kemo044]

بخصوص التوقيتات ؟؟


Sent from my iPhone using Tapatalk

عادى هتشتغل بس يغير تواقيت الرامات الجديدة من البايوس لانه هيترفع الى الاعلى

الفرق بين التوقيتات يتجلى فى سرعة Memory Read حيث كلما قل التوقيت كلما قل الزمن المطلوب لوصول البيانات

مع الاخر كده هتشتغل وتادى معاه الغرض عادى بس الافضل تكون نفس الزمن حتى لا تعمل ريسترت للجهاز او تجيب شاشة زرقة مع الضغط العالى على الرامات وهو امر نسبة حدوثه قليل جدا

[peter magdy mon]

انا متشكر جدا جدا لاهتمام حضراتكم
بس افهم من كلام حضراتكم انى لو جبت رامة 4 جيجا مع الاتنين اللى موجودين دول
و بيانتهم موجودة فوق و هشترى معاهم الرامة دى مثلا
Team Xtreem Dark (1 X 4GB) DDR3 1600 CL9 1.5V


التوقيت هيبقى على 8 ولا 9
وهل كدة ممكن الاقى مشكلة فى الكمبيوتر و خصوصا مع الالعاب او البرامج التقيلة
شكرا

[kemo044]

شوف يا سيدى لو عايز افضل اداء للرمات على الاطلاق يبقى لازم تبيع الرامة القديمة وتجيب رامتان تؤام 2*4 جيجا زى بعض بالضبط فى كل شىء التردد والفولت وزمن التأخير واسم الشركة علشان تستفيد بخاصية الديوال شانيل

اما لو امكانياتك المادية لاتسمح هات الرامة اللى قولت عليها وهتشتغل معاك عادى بس هتحتاج تظبط ليها التوقيت من bioss بس هيبقى الاداء اقل من ادأء الرامتين التوأم

وكل عام وانتم بخير :cdcd: رمضان كريم

[peter magdy mon]

متشكر جدا جدا
و كل سنة و حضرتك بخير
و على مصر كلها بالخير انشاء اللة