انا عايز اشترى شاشة 3d تكون جامدة ياريت حد يساعدنى عشان انا مش عارف

[RVD150]

انا عايز شاشة 3d تكون جامدة و من الاخر و برضو جامدة فى ال 2d عشان فى ناس بتقول lg افضل فى 3d بس وحشة فى 2d و السامسونج جامدة فى 2d و كويسة فى 3d طيب اعمل اية ياريت حد يقولى على نوع معين بضبط و يقولى ممكن الاقى فين عشان برضو كل ما اسال على 3d الاقى كلو tv و انا عايز شاشة للكمبيوتر مش tv و تتركب على الكمبيوتر

المزانية 3000 جنية

ملحوظة انا عندى كارت amd r9 290 مش نفديا

[kemo044]

مين قالك ان ال جى صورة 2d فيها وحشة هى بس نسبة تدرج اللون الاسود فيها اقل من سامسونج حاجة بسيطة
نسبة السواد فى سامسونج 6.8 وفى ال جى 6.2
بس ال جى افضل من سامسونج الف مرة فى زواية الرؤيه ومعدلRefresh rate

فيها اعلى من سامسونج

بس صورة التو دى في ال جى ممتازة برده كمان فى الثرى دى مفيش اى شاشة تانى تقدر توصل لنفس جودة الثرى دى فى ال جى

على العموم راجع مشاركتى فى الموضوعين دول وانتا هتكون صورة كاملة عن ايهما افضل وليه وقرر واختار بنفسك


https://arabhardware.net/forum/showthread.php?t=391931


https://arabhardware.net/forum/showthread.php?t=394321

(https://arabhardware.net/forum/showthread.php?t=394321)
(https://arabhardware.net/forum/showthread.php?t=394321) من الاخر سيبك من كلام اى حد يقولك ده حلوة وده وحشة وانزل وشوف بنفسك على الطبيعة واختبر كل شاشة بنفسك


وبالنسبة لشاشة الكمبيوتر في عندك غير ال جى اسوس ممتازة بس برده فى الثرى دى ال جى افضل
فى الاخر ما تحاولش تدور على شاشة فيها كل حاجة لان مفيش شاشة كاملة هتلاقى نوع كويس فى حاجة وضعيف فى حاجة

[RVD150]

انا سالت فى اماكن كتير مش لاقيى غير تلفزيونات بس مافيش شاشات كمبيوتر 3d مش لاقى ياريت تقولى نوع معين من lg و تقولى ادور علية فين فى حدود 3000 جنية لو اقل ماشى برضو

[kemo044]

شوف الموقع ده

https://egypt.souq.com/eg-ar/computer-monitor/l/


او اتصل بخدمة عملاء ال جى على الرقم ده
19960
واسئلهم الاقى فين وهما هيقولك

[RVD150]

طيب قولى نوع شاشة تكون كويسة لى lg

دة حتى موقع سوق دوت كوم مش علية شاشات للكمبيوتر 3d

[kemo044]

سيبك من كلام اى حد يقولك ده حلوة وده وحشة وانزل وشوف بنفسك على الطبيعة واختبر كل شاشة بنفسك

[RVD150]

انزل فيييييييين يا معلم طيب ما انا مش لاقى حد عندو ولا سامسونج ولا ل جى حتى مافيش اى شاشات كمبيوتر 3d خلاص كلو تلفزيونات ياريت تقولى اروح فيييين

[kemo044]

قولت لك كلم خدمة العملاء احسن وهما هيقولوا لك عنواين الموزعين اللى عندهم شاشات كمبيوتر 3d على العموم ممكن تنزل مول البستان هتلاقى فى الدور الاول شاشات اسوس وسامسونج وال جى ومش عارف ان كان فيهم 3d ولا لا

[silent_x]

انصحك ب LG

[RVD150]

اتصلت بى شركة lg نفسها قالولى مش عارفين موجودة فين دور فى المولات اعمل اية بقى اروح فين انا دورت فى كل المولات فعلا مافيش ولا lg ولا سامسونج اللى موجود عند ماكسيمم شاشة asuss 27 بس بتشتغل على كروت نفديا بس

[RVD150]

??????????????????????????????

[kemo044]

بص هقولك على حل ظريف انتا معاك 3000 ممكن تزود 300 ج كمان يجبولك شاشة تلفزيون 32وتوصلها على الكمبيوتر بوصلة hdmi على كارت الشاشة
لو فيه مدخل hdmi وهتبقى افضل 100 مرة واقوى من شاشة الكمبيوتر لان معدل Refresh rate بتعها 200 مش 60 او 120 زى شاشات الكمبيوتر وكمان هيبقى فيها سمارت يعنى ممكن تتصفح النت واليوتوب من الشاشة مباشرة من غير جهاز كمبيوتر وصلها بسلك النت او الوير لس وعيش وطبعا بالنسبة للثرى دى كل ما كبر حجم الشاشة كان الثرى دى افضل لو عجبتك الفكرة قولى اديك رقم موديل ممتاز من الشاشة ال جى وكمان المكان الموجودة فيه

[RVD150]

بص هقولك على حل ظريف انتا معاك 3000 ممكن تزود 300 ج كمان يجبولك شاشة تلفزيون 32وتوصلها على الكمبيوتر بوصلة hdmi على كارت الشاشة
لو فيه مدخل hdmi وهتبقى افضل 100 مرة واقوى من شاشة الكمبيوتر لان معدل Refresh rate بتعها 200 مش 60 او 120 زى شاشات الكمبيوتر وكمان هيبقى فيها سمارت يعنى ممكن تتصفح النت واليوتوب من الشاشة مباشرة من غير جهاز كمبيوتر وصلها بسلك النت او الوير لس وعيش وطبعا بالنسبة للثرى دى كل ما كبر حجم الشاشة كان الثرى دى افضل لو عجبتك الفكرة قولى اديك رقم موديل ممتاز من الشاشة ال جى وكمان المكان الموجودة فيه

انا سالت قالولى ان شاشة الكمبيوتر بتبقى افضل 100 مرة على الكمبيوتر يعنى متجبش تلفزيون و توصلو بى الكمبيوتر زى ماتوصل شاشة بتاعت الكمبيوتر اصلا قالولى فى فرق كبير جدا و قالولى لو كدا ماكن كل ناس ماجبتش شاشات كمبيوتر و جابت شاشات تلفزيون و يشتغل الاتنين

حاجة تانى معلشى ممكن تقولى اية شاشات ال 4k دى

[RVD150]

???????????????????

[RVD150]

ياريت حد يرد عليا ؟؟؟؟؟ظ

[kemo044]

بالنسبة للاستفسار الأول فهو عاري تماماً من الصحة هذا الكلام كان ينطبق على الشاشات سابقا نظرا لان شاشات التلفزيون كانت بجودة اقل في عرض النصوص ونسبة تباين اقل واكثر ضرر للعين من شاشة الكمبيوتر ولكن الآن فى ظل جودة الفول اتش دى الحديثة وكل المستحدثات والتقنيات ومعالجات الاضاءة التى دخلت فى صناعة شاشات التلفزيون لم يعد لهذة النظرية اى وجود أو اساس من الصحة وقد سبق وقلت لك لا تستمع لكلام احد من الباعين وعليك اختبار ومعاينة كل شاشة على ارض الواقع بنفسك.



أما بالنسبة لموضوع 4k هى أقوى الشاشات التي تقدم دقة عرض فائقة الوضوح، حيث تبلغ دقتها تقريبا نحو 4096X2160 بكسل واقل مقاس بها 28 بوصة وسعرها مرتفع ويلزمها كارت شاشة يدعم نفس الدقة وبالطبع سعره مرتفع هو الاخر.


ولكن لا انصح باقتناء هذه النوعية من الشاشات فى الوقت الحالى لانه لا يوجد محتوى يدعم هذة الدقة سواء أفلام او العاب حيث ان المشكلة الرئيسة تتمثل فى انك لو شغلت فيلم full hd على دقة 4k وعملت full screen ستجد الصورة سئية جدا لأن عدد بكسلات الفيلم أقل بكثير من بكسلات الشاشة وعلشان كده هتلاقى مربعات صغيرة فى الصورة تفسد نقائها

[RVD150]

طيب ممكن تقولى انزل فين يكون مكان كلو شاشات معروضة و انا اختار

[kemo044]

روح فرع بى تك اللى فى شارع شبرا بجوار سينما دولى او اى فرع من فروع بي تك وهتلاقى شاشات كمبيوتر وشاشات تلفزيون انواع وموديلات كتير وماركات مختلفة قارن وشوف واختبر وقرر

ولو قررت تجيب شاشة تلفزيون لازم يكون عندك مدخل hdmi فى كارت الشاشة وهذة الحالة انصحك ب32 بوصة هتبقى افضل كثيرا فى الثرى دى وموديل

LG 6210 3D CINEMA كويس جدا

[AMRSOFTWARE]

مشكور جد على تعبك فى الموضوع بالرغم من ان صاحب الموضوع لم يقلها لك
ولكنك بالفعل افادتنى كثيرا بمعلوماتك الجميلة عن الشاشات فى كل مداخلاتك التى افادت بها الاعضاء فى هذا القسم وجاوبت عن استفسارتهم فى اكثر من موضوع
واكرر طلبى اللى سبق وطلبته منك بان تعمل موضوع تجمع فيه تلك المعلومات المفيدة عن الشاشات لتكون مصدر متاح امام كل الاعضاء

وشكرا لك مرة اخرى وجزاك الله خيراً وكل عام وانت بخير

[RVD150]

لا طبعا صاحب الموضوع بيشكر kemo044 (https://arabhardware.net/forum/member.php?u=11296676) على اهتمامو شكرااااااااااااااااااااااااااااااااااااااااااااااا ااااااااااااااااااااااااااااااااااااااااااا

[kemo044]

مشكور جد على تعبك فى الموضوع بالرغم من ان صاحب الموضوع لم يقلها لك
ولكنك بالفعل افادتنى كثيرا بمعلوماتك الجميلة عن الشاشات فى كل مداخلاتك التى افادت بها الاعضاء فى هذا القسم وجاوبت عن استفسارتهم فى اكثر من موضوع
واكرر طلبى اللى سبق وطلبته منك بان تعمل موضوع تجمع فيه تلك المعلومات المفيدة عن الشاشات لتكون مصدر متاح امام كل الاعضاء

وشكرا لك مرة اخرى وجزاك الله خيراً وكل عام وانت بخير






https://arabhardware.net/forum/images/metro/bw/misc/quote_icon.png المشاركة الأصلية كتبت بواسطة RVD150 https://arabhardware.net/forum/images/metro/bw/buttons/viewpost-left.png (https://arabhardware.net/forum/showthread.php?p=2815466#post2815466)

لا طبعا صاحب الموضوع بيشكر kemo044 (https://arabhardware.net/forum/member.php?u=11296676) على اهتمامو شكرااااااااااااااااااااااااااااااااااااااااااااااا ااااااااااااااااااااااااااااااااااااااااااا


مشكورين يا اخوان وبارك الله فيكم

[RVD150]

معلشى يا معلم انا نزلت روحت مكان كلو شاشات المهم سالت عن شاشات 3d قالى موجودة بس عشان تبقى عارف شاشات ال 3d بتتسحب من سوق زى ما وقفو انتاج شاشات 3d للكمبيوتر هايوقفو كمان للتلفزيون قالى حرام تشترى شاشة 3d عشان اصلا كدا انتاج الافلام و الحاجات ال 3d هاتقف قالى لو عايز بقى تشترى شاشة جامدة خد 4k قالى و لو انا بضحك عليك هاتلى شركة لسة بتبيع شاشة 3d للكمبيوتر انا عايز اعرف بقى اية علاقة 4k بى 3d هو ال 4k بيعمل زى 3d
و انت رايك اية بقى اعمل اية انا زهقت

[kemo044]

اولا انا قولتك قبل كده سيبك من كلام الباعين لانه واضح ان اللى قالك كده لايفقه اى شىء(ح - ر) يعنى ايه هيتوقف انتاج الافلام الثرى دى

ثانيا ارجو توضيح نقطة هو انتا عايز شاشة علشان تشغلها افلام والعاب بتقنية ثرى دى ولا محتاج شاشة فول اتش دى تدعم محتوى بجودة عالية فقط بدون استخدام تقنية البعد الثالث فلو محتاجها ثرى دى لازم كارت الشاشة عندك يكون بيدعم خاصية الثرى دى مش بس الشاشة اما لو عايز شاشة للكمبيوتر بجودة عالية فقط يكفيك شاشة 22 فول اتش دى

وبالنسبة لموضوع 4k قد سبق ايضاً وشرحت لحضرتك انها اعلى جودة فى الصورة ولكن يعيبها ان تحتاج الى كارت شاشة يدعم دقة 4k يعنى من الاخر كده هتجيب كارت شاشة غالى غير ثمن الشاشة والنقطة الثانية اللى وضحتها لك فى هذا الموضوع ان مفيش افلام او العاب فى الوقت الحالى تدعم هذة التقنية 4k ولو حبيت تشغل عليها فيلم بجودة اقل من 4k بوضع الفول اسكرين هتلاقى الصورة مبكسلة

فلو انتا محتاج شاشة 4k هاتها بس مش هتلاقى افلام تدعم هذة الدقة فى الوقت الحالى ولو محتاج خاصية الثرى دى لازم تجيب شاشة 4k تدعم خاصية الثرى دى لان الشاشة العادية لن تشغل 3d

فحدد انتا استخدامك ايه وميزانيتك كام ولو عايز الحاجة الاحدث لمجرد انها الاحدث يبقى هات 4k واستنى لحد ما تلاقى افلام تدعم الدقة

[RVD150]

بص يا معلم الراجل قالى كدا ال 4k افضل من 3d و اصلا ال 3d هايتلغى من السوق قالى هاتلى حد بيبيع شاشة 3d للكمبيوتر الشركات كلها وقفت انتاج شاشات 3d للكمبيوتر ؟؟؟؟

تانى انا عندى كارت شاشة r9 290 اعتقد انو يشغل 3d و ال 4k صح ؟؟؟؟؟؟؟

اخر حاجة من كلامك ان شاشة ال 4k مش هاتشتغل قبل سنتين يعنى لو عايز اشترى شاشة 4k ماجبهاش قبل سنتين عشان يبقى فى حاجات نزلت ليها صح ؟؟؟؟

[kemo044]

من الاخر كده اسأل هل الشاشة 4k تدعم خاصية الثرى دى ام لا لان جودة الصورة حاجة والتقنية ثلاثية الابعاد حاجة تانيه خالص اذا كانت الاجابة نعم اشتريها وريح دماغك واذا كانت لا يبقى اشترى شاشة 3d فول اتش دى


اما بخصوص الكارت فهو يدعم الثرى دى اما بخصوص 4k لا اعلم مكن تدخل على موقع الشركة وتتأكد

[RVD150]

ال 4k غالية اوى و حضرتك قولت ان مافيش اى حاجة لية دلوقتى عشان استخدمها يعنى اقرب حاجة ممكن تنزل بعد سنة تكون سعرها نزل اصلا صح ؟؟؟؟؟

حاجة تانى لو جبت ال full hd 3d هاتشتغل معايا لمدة سنتين مثلا ولا خلاص هايبقى بعد كدا كلو هايشتغل على 4k و مش هايشتغل على full hd

[kemo044]

طبعا مفيش حاجة اسمها الثرى هيتلغى كمان 10 سنين حتى يا باشا

جودة الصورة سواء كانت hd او full hd او lcd او led او 4k ملهاش علاقة بتفتيه العرض الثلاثى الابعاد لان دى تقنيه خاصة وخاصية مضافة الى الشاشة يعنى هتلاقى شاشة بتدعم ثرى دى وشاشة لاتدعم الخاصية

[LB-ZIAD]

Samsung S27A950D 27 inch 3D LED monitor
23176
23177

[RVD150]

طبعا مفيش حاجة اسمها الثرى هيتلغى كمان 10 سنين حتى يا باشا

جودة الصورة سواء كانت hd او full hd او lcd او led او 4k ملهاش علاقة بتفتيه العرض الثلاثى الابعاد لان دى تقنيه خاصة وخاصية مضافة الى الشاشة يعنى هتلاقى شاشة بتدعم ثرى دى وشاشة لاتدعم الخاصية

شكراااااااا ليك جدا طيب يعنى اتوكل على الله و اجيب حاجة full hd 3d

[kemo044]

نعم بس الاول اختبر كل الانواع زى ما قولت لك وشوف اللى يعجبك وقارن بين الماركات المختلفة

على فكرة فى حاجة مهمة نسيت اقولك عليها خد معاك البرنامج ده

DEAD PIXEL TESTER

البرنامج فى هذا الرابط
https://www.dps.uk.com/downloads/freeware/DPT.exe (https://www.dps.uk.com/downloads/freeware/DPT.exe)


ابقى خده البرنامج معاك على فلاشة واختبر الشاشة قبل ما تشتريها او اعمل الاختبار بالبرنامج اول ما تروح البيت على طول

وهذا البرنامج لاختبار الشاشة من عيب اسمهDEAD PIXEL اى النقط الغير مضيئة والميتة بالشاشة


لو قيت نقاط ميته لازم تغير الشاشة وسيبك من اللى يقولك لازم يبقى اكثر 7 ديد بيكسل علشان ترجع الشاشة

البرنامج سهل جدا
ومهمته عرض صور بألوان متعدده ( و هى الألوان الأساسيه التى يعرضها الترانزيستور ) مثل ” الأحمر و الأخضر و الأزرق و الأبيض و الأسود “ و التى يظهر بها الديد بيكسل

البرنامج حجمه صغير فهو لا يتعدى الـ 300 كيلو بايت

و لا يحتاج الى تنصيب : فقط تضعه على الفلاش و تجربه من الفلاش بكل سهولة

وطريقة الاختبار بالبرنامج هى

اولاً : تأكد من نظافه سطح شاشتك من العلامات او الأتربه و خلافه

ثانياً : تأكد ان ريزوليوشن العرض هو ريزوليوشن عرض الشاشه ( اى انه المفروض ضبط الشاشه على اعلى دقه لها قبل فتح البرنامج ) و هذا بيان لكل من لا تظهر عنده ديد بيكسل على الدقات المنخفضه
ثالثا : اضغط ESC لإخفاء واجهه البرنامج و قائمه HELP و لعرض اللون بكامل الشاشه
رابعا : استخدم مفتاح C للتغيير بين الألوان الأساسيه و ابتدى لاحظ وجود اى بيكسل فى الشاشه مع كل لون
خامسا : لو لم اى نقط مختلفه يبقى الف مبروك عليك الشاشه سليمه 100%

ومبروك مقدماً