المساعد الشخصي الرقمي

مشاهدة النسخة كاملة : استفسار بخصوص درجة الحرارة



fexeromar
02-07-2014, 12:28
تم بحمد الله تعالى شراء جهاز جديد
ومواصفاته كالاتى :
1- core i7 haswell 4770k 3.5
2-gigabyte z97 SLI
3-ram Adata 2*8
4-hard disk HHSD
5-case : cooler master N600
الكيسة معاها مروحتين وجبت مروحة كمان يبقى كلهم 3 مراوح واحده فوق وواحده فى الامام وواحده فى الخلف
6-كارت الشاشة AMD saphire 260x 2G
7-الباور cooler master 500w

---------------------------------------------------------------
دلوقتى بقى ليا شوية استفسارات :

1-سرعة البروسيسور 3.5 بس لما بفتح برنامج cpu_z احيانا بتكون 3.8 او اقل من 3.5 يعنى متغير بس مع الضغط بتكون 3.8
فما معنى هذا ؟

2-انا مش مركب مشتت انا مرجب الكولر الى جى معى البروسيسور عادى
درجة حرارة البروسيور بتطلع احيانا الى 75 مع الضغط فهل هذا طبيعى ؟
رابط الصورة من برنامج درجات الحرارة
https://www.gulfup.com/?QzJa0X
https://www.gulfup.com/?QzJa0X
وهل لازم اجيب مشتت احترفى ؟

3- درجة حرارة الكارت نفس الكلام بتطلع الى 75 فى الضغط وفى نفس الصورة مع ان الكيسة تهويتها كويسة
مش عارف هل ده طبيعى ولا اجيب مراوح كمان

4-انا ناوى ان شاء الله اكسر سرعة البروسيسور فعايز اقصى تردد ممكن اوصله
وما افضل مشتت هوائى يكون كويس يجيب درجة حرارة منخفضة ؟

5-حصلت مشكلة غريبة اثناء ما كنت بكتب استفسار وهو انى الشاشة فجاة بقتى سوداء ومفيش استجابة من الكيبورد واتطريت انى ارستر الجهاز واكتب الاتسفسار مرة اخرى من جديد
ملحوظة هامة اثناء ما كنت بكتب الاستفسار ايضا كنت فاتح لعبة Wolfenstein The New Order فى الخلفية يعنى علشان اعمل لود على الجهاز
مش عارف المشكلة ده من الكارت تقريبا ولا البروسيسور ؟؟

بس انا كنت فاتح الجهاز من انبارح بعمل دونلود والجهاز مقفلش ولا حاجة وكانت درجة حرارة البروسيسور وقتها 33 فى الحمول يعنى


اسف جدا على كثرة اسالتى بس انا حبيت اجمع كل الاسئلة فى موضوع واحد
وشكرا مقدما لكل من قدم مساعدى لى وكل عام وانت بخير

salab
02-07-2014, 14:41
السلام عليكم

1-مبدئيا الi7 4770K و البروسيسورات الجديدة من انتل و أعتقد Amd كمان فيها خاصية turbo boost يعنى البروسيسور عندك 3.5 GHZ فى الخمول و الاستخدام البسيط هتلاقى البروسيسور عند أقل من 3.5 GHZ لأنه مش محتاج يشتغل على كامل الأداء و لكن فى الضغط عند الturbo boost بيشتغل تلقائيا عشان يطلع أقصى قوة للمعالج و بالنسبة للبروسيسور الi7 4770k فا هو 3.5 GHZ و مع الturbo boost بيوصل لغاية 3.9 GHZ

2-بروسيسورس haswell اللى هى الجيل الرابع من i7 بتشتغل بحرارة عالية و ما بين 70 ل 75 مئوية فى الضغط درجة حرارة تعتبر كويسة بالنسبة لمصر و الدول العربية الى الحرارة فيها عالية . لو الحرارة زادت عن 75 مئوية أو وصلت ل 80 مئوية تبتدى تعتير ان حرارة خطرة مع ان العلم ان البرويسسور ممكن يستحمل درجة حرارة 90 مئوية و يفضل شغال لغاية 105 مئوية و يفصل عند الحرارة ديه عشان يحافظ على الروسيسور لكن يفضل طبعا انك تستخدم مشتت عشان تبقى مطمن و تحافظ على البروسيسور .

3-الكارت حرارته المفروض متعديش 80-85 ديه أقصى حاجة بس بالنسبة للجو الحر دلوقتى فا أنا شايف انه شئ متوقع الكارت يبقى عند الحرارة ديه لو تقدر تزود مراوح للكيسة أكيد هيفيد

4- مفيش حاجة اسمها أقصى تردد لأن ده بيعتمد على حرارة المعالج و استقراره عند الضغط و انك تبقى مش معلى الفوات أوى يبقى فى الحدود المسموحة (Vcore<1.35) و بالنسبة للمشتات الجيدة فا
NOCTUA NH-D14وسعره في مصر حوالى 700 جنيه
Noctua NH-C14 CPU Cooler و سعره حوالى 500 جنيه
Noctua NH-C12P-SE14 CPU Cooler و سعره حوالى 450-500 جنيه
COOLER MASTER TPC812 و سعره 550
THERMALTAKE NIC C5 و سعره 500
Cooler Master Hyper 612 PWM CPU Cooler و سعره حوالى 400 جنيه
Cooler Master Hyper 212 Evo و سعره حوالى 275 جنيه

ده بانسبة للمشتتات الهوائية أما بقى لو عاوز مشتت مائى عشان أداء أفضل قدامك

CORSAIR Hydro Series H100i High Performance Liquid CPU Cooler و سعره حوالى 1050 جنيه مصرى
Thermaltake Water 3.0 Extreme Water Cooler و سعره حوالى 900 جنيه
CORSAIR Hydro Series H80i High Performance Liquid CPU Cooler و سعره حوالى 850 جنيه

5- المشكلة احتمال تكون فى تعريفات كارت الشاشة حاول تنزل أخر تعريفات ليه من على موقع AMD

fexeromar
02-07-2014, 14:53
اولا الف شكر لحضرتك على ردك السريع والوافى بد انسان محترم جدا انت وكل الناس هنا فى المنتدى
ثانيا بخصوص المشتات الهوائية
ما الفرق بينهم يعنى لو جبت واحد ب 250 جنية ما الفرق بينه وبين الى ب 450 جنية يعنى ما فرق الداء يعنى مثلا هل حيدينى تبريد اكتر بكتير



5-حصلت مشكلة غريبة اثناء ما كنت بكتب استفسار وهو انى الشاشة فجاة بقتى سوداء ومفيش استجابة من الكيبورد واتطريت انى ارستر الجهاز واكتب الاتسفسار مرة اخرى من جديد
ملحوظة هامة اثناء ما كنت بكتب الاستفسار ايضا كنت فاتح لعبة Wolfenstein The New Order فى الخلفية يعنى علشان اعمل لود على الجهاز
مش عارف المشكلة ده من الكارت تقريبا ولا البروسيسور ؟؟

بس انا كنت فاتح الجهاز من انبارح بعمل دونلود والجهاز مقفلش ولا حاجة وكانت درجة حرارة البروسيسور وقتها 33 فى الحمول يعنى

انا مسطب اخر تحديث بالفعل
المهم انا عايز اتاكد ان المشكلة مش من البروسيسور او اى قطعة تانية يعنى المهم انها من الكارت صح كده ؟؟

salab
02-07-2014, 15:06
أنا حاططلك المشتتات بالترتييب من فوق لتحت بالنسبة للتبريد الهوائى يعنى كل لما تتنزل فى القايمة لتحت كل لما المشتت أدائه أقل و كمان أنا حاولت أديك اختيارات كتير عشان لما متلاقيش حاجة تحاول تجيب التانية ز بالنسبة للشاشة السوداء ممكن يكون ليها ألف سبب و مممكن يكون سببها نسحة لعبة wolfenstein عندك فا الحل انك تحاول تشوف لو ظهرتلك تانى أو لا . و لو ظهرت تانى فى حاجة غير wolfenstein تبقى تحددلنا هنا فى الموضوع ايه الحصل و ان شاء الله خير

fexeromar
02-07-2014, 18:34
طاب بخصوص المشتت فى مشتت كويس اسمة cooler master T4 سعرة 250 جنية ويكبلة مروحة كمان يبقى بمروحتين هل المشتت ده كويس ويجيب معايا تردد كام وبدرجة حرارة كام ؟

salab
02-07-2014, 22:59
طاب بخصوص المشتت فى مشتت كويس اسمة cooler master T4 سعرة 250 جنية ويكبلة مروحة كمان يبقى بمروحتين هل المشتت ده كويس ويجيب معايا تردد كام وبدرجة حرارة كام ؟

بص هو يعتبر من أقل المشتتات و لكن أعتقد انه كويس بس مظنش ان فيه حد يقدر يحدد هتقدر توصل لتردد كام أو حرارة كام ده محدش يقدر يحدده بيعتمد على قطعة البروسيسور اللى عندك يعنى ممكن قطعة البروسيسور اللى عندك تقدر تبقى مستقرة على تردد غير قطعة i7 4770k تانية عند حد تانى ساعات. بس طبعا المشتت كل لما يعلى كل لما تقدر تنزل فى الحرارة و ده أكيد هيفيدك فى كسر السرعة و استقرار المعالج . انت ايه استخدامك لان البروسيسور كافى جدا مش محتاج كسر سرعة بالنسبة لأغلبية المستخدمين حاليا بس الصراحة أنا مش هقدر أفيدك أكتر من كدة فى موضوع هيبقى بحرارة كام أو تردد لانى مش عاوز أفتى فمن قال لا أعلم فقد افتى من الأخر مش عاوز أقلك كلام محدش يقدر يحدده أو على الأقل أنا مشش هقدر

fexeromar
04-07-2014, 12:17
انا فى مشكلة معايا دلوقتى وهى انى كولر cooler master x6 او hyper 612 المشتتان سوكت 1155 و 1156 وانا المازر بورد بتاعتى gigabyte z97 SLI socet 1150
ولما كنت عند المحل الرجل حاول يركب x6 بس مرضاش يركب

هل ينفع اركب ال x6 والراجل هو الى مش عارف ولا اه ؟؟

salab
04-07-2014, 14:42
مشتتات سوكيت 1156 و 1155 بيركبوا عادى على سوكيت 1150

fexeromar
04-07-2014, 18:10
مشتتات سوكيت 1156 و 1155 بيركبوا عادى على سوكيت 1150







بس انا ككنت عند الراجل ومعرفش يركبه
طاب انا دلوقتى لو جبت واحد سوكت 1155 هل حقدر اركبة بنفسى ؟؟

salab
04-07-2014, 18:16
مش عارف الصراحة انت هتعرف تركبه ولا لا ممكن تحاول تشوف لو فيه فيديوهات او شرح دور فى جوجل

fexeromar
04-07-2014, 19:04
مش عارف الصراحة انت هتعرف تركبه ولا لا ممكن تحاول تشوف لو فيه فيديوهات او شرح دور فى جوجل







بس هل حضرتك متاكد ان سوكت 1155 و 1156 يركب عادى على سوكت 1150 اصل الراجل حاول ولئه ان قطع التثبيت الحديد مش راضية تدخل فى الاماكن المخصصة لها

life end
04-07-2014, 21:27
بس هل حضرتك متاكد ان سوكت 1155 و 1156 يركب عادى على سوكت 1150 اصل الراجل حاول ولئه ان قطع التثبيت الحديد مش راضية تدخل فى الاماكن المخصصة لها

[/B][/COLOR][/RIGHT]
متقلقش هيركب عادي جدا اي مشتت بيشتغل على سوكيت 1155 هيركب على 1150 طبيعي وبدون اي مشاكل
انا مربك x6 على سوكيت 1150 ومش مكتوب انه بيقبل السوكيت ده على العلبه
انا ركبته بنفسي وفي فيديوهات ع اليوتيوب تشرح تركيبه هوا صعب شويه عشان كبير بس ملهوش علاقه بالسوكيت ويفضل انك انت الي تركبه بنفسك الا لو الراجل الي هيركبهولك واثق منه وعارف انه فاهم شغله

Sent from my SM-N9005

salab
04-07-2014, 21:59
بس هل حضرتك متاكد ان سوكت 1155 و 1156 يركب عادى على سوكت 1150 اصل الراجل حاول ولئه ان قطع التثبيت الحديد مش راضية تدخل فى الاماكن المخصصة لها

[/B][/COLOR][/RIGHT]

ايوة متأكد

fexeromar
04-07-2014, 23:22
متقلقش هيركب عادي جدا اي مشتت بيشتغل على سوكيت 1155 هيركب على 1150 طبيعي وبدون اي مشاكل
انا مربك x6 على سوكيت 1150 ومش مكتوب انه بيقبل السوكيت ده على العلبه
انا ركبته بنفسي وفي فيديوهات ع اليوتيوب تشرح تركيبه هوا صعب شويه عشان كبير بس ملهوش علاقه بالسوكيت ويفضل انك انت الي تركبه بنفسك الا لو الراجل الي هيركبهولك واثق منه وعارف انه فاهم شغله

Sent from my SM-N9005

طاب حضرتك عندك بروسيسور اه وما الترد الذى وصلت اليه وما درجة الحرارة عند الضغط ؟

life end
05-07-2014, 04:21
عندي بروسيسور i5-4670k لم اكسر سرعه عشان مسافر دلوقتي وبصراحه ما اقدرش افيدك في المشتت وضعه عشان اشتريته اقبل مسافر بكام يوم وركبته وقفلت الجهاز وحضرت الشنطه وطرت .... لاكن اتوقع انه مشتت جيد خاصه من الفيديوات ع اليوتيوب انا كنت هشتري 212evo ولكن لم اجده في اسكندريه ولقيت الشتت ده المفروض انه افضل واعلى... يا ريت حد من الاعضاء يكون جرب المشتت ويطمني ويطمنك

Sent from my SM-N9005

fexeromar
07-07-2014, 05:17
طاب انا معروض عليا اشترى cooler master x6 بسعر 450 جنية مصرى
هل المشت ده كويس وحيدينى درجة حرارة كويسة ؟؟

bazilizk
07-07-2014, 05:28
طاب انا معروض عليا اشترى cooler master x6 بسعر 450 جنية مصرى
هل المشت ده كويس وحيدينى درجة حرارة كويسة ؟؟

هو كويس بس اداؤه اقل من النوكشوا

gostman2006
07-07-2014, 15:05
ده حصل معايا بالظبط مع الكرت hd6670 وكان العيب تهنيج نتيجة درجة الحرارة ولما ستبط MSI Afterburner 301 وزودت سرعة المروحة قلت العملية شويه
رابط البرنامج https://arabhardware.net/forum/showthread.php?t=395623

الحوت
07-07-2014, 15:33
بس انا ككنت عند الراجل ومعرفش يركبه
طاب انا دلوقتى لو جبت واحد سوكت 1155 هل حقدر اركبة بنفسى ؟؟[/B][/COLOR][/RIGHT]

آه يركب عادي لانه 115X كلهم نفس الترتيب من ناحيه التركيب