استفسار (شك) فى جهاز dell 5537

[MO hamed]

السلام عليكم
بدايتا انا معلوماتى فى الكمبيوتر و انظمه التشغيل قريبه من الصفر فهحتاج حد يكون معايا و يستحملنى
انا اشتريت الاب ده dell 5537 و للاسف مش من مصدر موثوق من محل صاحبه يعرف والدى و عندى شك فيه لان ادائه اقل من المتوقع بيفتح ببطئ و انا بستخدم و يندوز 7 غير ان البلوتوث مش راضى يشتغل خالص و لا مع الفاره و لا مع الموبايل غير ان قريت ان المفروض و انا بفتحه اول مره يجيلى خطوات تسطيب
نسخة اللينكس و ده محصلش و ان المفروض جاى بوندوز 8 دا غير ان بعدها بفتره جالى رساله ان الوندوز غير اصلى و نزلتله ويندوز
و بحس ساعات بكهرباء عليه و انا بمسحه

الاسئله هنا
1- ازاى اعرف امكانيات الجهاز كامله و انا هبقى اعرضها عليكم تناقشونى فيها و تقولولى العيوب فيه و ان كانت متوافقه مع المفروض و لا فى حاجه متغيره
2- ازاى اعرف ان كل التعريفات المفروضه معموله صح
3- موضوع اللينكس ؟

معلش يا ريت تستحملونى لانى محتاج ليكم بجد فى الموضوع ده لانه قلقنى جامد ممكن الى يناقشى يناقشى نقطه نقطه بالترتيب علشان انا زى ما قلت معلوماتى فى الكمبيوتر قليله

[arsenal_henry]

اهلا بيك في المنتدى ..

1- ازاى اعرف امكانيات الجهاز كامله و انا هبقى اعرضها عليكم تناقشونى فيها و تقولولى العيوب فيه و ان كانت متوافقه مع المفروض و لا فى حاجه متغيره
عندك اكتر من طريقة لكن الاشمل بواسطة برنامج اسمه CPU-z بيعرفك على نوع المعالج والرامات وبرنامج GPU-z بيعرفك على كارت الشاشة او الكروت المتوفرة بالجهاز سواء كارت داخلي او منفصل زي AMD او نفيديا .. ممكن تنزل التطبيق من الروابط التالية وهو حجمه صغير ..
https://www.cpuid.com/softwares/cpu-z.html
https://www.techpowerup.com/downloads/SysInfo/GPU-Z/


2- ازاى اعرف ان كل التعريفات المفروضه معموله صح
ببساطة تدخل على Device manager والقطع اللي بها مشكلة او مش متعرفة هيظهر عليها علامة صفرا تفيد ان بها مشكلة او مش متعرفة بشكل صحيح ..
المفروض بعد تنزيل نسخة الويندوز وتتأكد انها سليمة ويفضل تكون Win 7 Ultimate x64 تنزل التعريفات من الموقع الرسمي لشركة ديل ويكون بالترتيب التالي .. Chipest ثم Intel Graphics ثم AMD Graphics ثم MousePad ثم باقي التعريفات كالصوت والانترنت ..


3- موضوع اللينكس ؟
لو انت شاري الجهاز على اساس انه بنسخة ويندوز 8 ، المفروض بيكون عليه ملصق برمز ويندوز 8 سواء جنب الماوس باد او ممكن تلاقيه اسفل ظهر اللاب ولو مش موجود يبقى الجهاز بدون نسخة واحياناً بيضعوا نسخة اللينكس لانها مجانية بدل ما يكون من غير نسخة تماما FreeDos ..

اي استفسارات اخرى تفضل ..

[3bdu alrhman]

هتاخد سيريال بتاع الجهاز وتخش على موقع ديل
support < support by product

هتكتب السيرفيس تاج بتاع الجهاز بعد كده
System configuration (https://www.dell.com/support/home/us/en/04/product-support/servicetag/6W3VWY1/configuration)

Components

ومنه هتعرف كل مواصفات الجهاز

[MO hamed]

الينك التانى البرنامج الى فيه كان بيوقف الجهاز خالص خلانى شديت الفيشه 3 مرات الرابط الاولانى شغال تمام
دى الصوره من البرنامج و طبعا انا مش فاهم الا حجات قليله من المكتوب يا ريت حضرتك تناقشنى فيه و تقولى العيوب و هل هى دى الاماكنيات بتاعت الاب و لا فيه حاجه متغيره
https://im53.gulfup.com/HwYljW.jpg (https://www.gulfup.com/?CUPEux)

https://im53.gulfup.com/Zc7lm9.jpg (https://www.gulfup.com/?RGQQh4)


https://im53.gulfup.com/lytS8I.jpg (https://www.gulfup.com/?pC98h5)

https://im53.gulfup.com/TLA9zt.jpg (https://www.gulfup.com/?VKJgVX)

https://im53.gulfup.com/o9Yade.jpg (https://www.gulfup.com/?z0U3uN)

https://im53.gulfup.com/NhSePS.jpg (https://www.gulfup.com/?GkXQ3J)


و التعريفات صح كلها و موجوده مش عارف ليه البلوتوث مش شغال ؟؟

[arsenal_henry]

كليك يمين على My Computer ثم properties ثم تبويب hardware ثم device manager واضغط على display adapter شوف هيظهرلك كارت انتل فقط ام كارت انتل وكارت AMD وقمه ايه ؟
ولاحظ ايضاً Bluetooth device .. هل ظاهرة ام يوجد مشكلة ام غير موجود اصلاً ؟

[MO hamed]

https://im52.gulfup.com/lNKM47.png (https://www.gulfup.com/?EVoyUj)

[arsenal_henry]

الجهاز بكارت 8670M AMD بالاضافة لكارت الانتل المدمج بالمعالج ..
يتبقى لديك مشكلة البلوتوث .. ادخل على الرابط التالي واختار من Operating System: Win 7 x64 .. و من Category: Application .. ونزل تطبيق Dell Quickset .. وافتحه وشغل منه البلوتوث ..
https://www.dell.com/support/home/us/en/19/product-support/product/inspiron-15r-5537/drivers

[MO hamed]

يا ريت حضرتك تناقشنى فى الامكانيات و تقولى ايه العيب فيه و تديله كام من 10 مثلا


و الرابط بيطلعلى ايرور و انا بسطبه فى حاجه ممكن تكون مهمه ان البلوتوث بيشوف الموبايل مثلا لكن لكا باجى ابعت يقولى ايرور
https://im58.gulfup.com/feLziZ.png (https://www.gulfup.com/?ezNRB5)

[arsenal_henry]

لو الايقونة للبلوتوث ظاهرة على اليمين بجانب الساعة كليك يمين ثم add device وتأكد انك مظبط اعدادات البلوتوث في الموبايل ليكون ظاهر للاجهزة الاخرى ويقبل البيانات منها ..

[MO hamed]

معلش مردتش الفتره الى فاتت حصل ظروف
مشكله البلوتوث مش المكشله الاساسيه و انا حاسس انها مينفعش تتحل كدا لازم يكون جهازى قدامك
المهم فى بطئ الفتح الجهاز بيفضل على كلمه welcome حوالى دقيقتين

[arsenal_henry]

معلش مردتش الفتره الى فاتت حصل ظروف
مشكله البلوتوث مش المكشله الاساسيه و انا حاسس انها مينفعش تتحل كدا لازم يكون جهازى قدامك
المهم فى بطئ الفتح الجهاز بيفضل على كلمه welcome حوالى دقيقتين

اسم النسخة اللي نات منزلها ايه بالكامل ؟

[MO hamed]

windows 7 64 ultimate

[arsenal_henry]

لو انت متأكد من سلامة النسخة ومجربها قبل كدة ونزلت النسخة بطريقة صحيحة ..
ممكن يكون في مشكلة في التعريفات او يوجد تطبيق او برنامج متقل الجهاز ع الفاضي ..
اضغط على Ctrl+Shift+Esc هيظهرلك الـTaskManager .. ومن تبويب Processes رتب التطبيقات من حيث الاكثر ضغط على المعالج من cpu هيرتب التطبيقات لاحظ البرنامج الاكثر ضغط ..

[KalemarO]

السلام عليكم

انا معايا نفس الجهاز لسه شاريه جديد برده وعندي نفس المشكله البلتوث ظاهر انه متعرف بس مش بيشتغل ومش عارف اعمل ايه وكارت ال AMD مش متعرف ونزلت كل التعريفات من موقع ديل ومش عارف ايه السبب


ارجووو الأفادة :)

[MO hamed]

هو مش المفروض بامكانيات الجهاز العاليه يبقى مفيش حاجه تضغط عليه؟؟؟
على العموم دى الصوره الى طلعت بس لما بشيل الصح الى تحت بتتغير مش عارف انهى واحده عايزها
و انا بعمل Updatesالى كانت متأخره تفتكر ممكن تكون السبب ؟؟
https://im82.gulfup.com/k25HFY.jpg (https://www.gulfup.com/?nnjrz1)


حضرتك انا كمان عملت فى Troubleshooting بحث عن مشاكل فى الميمورى و قفل الجهاز و فتح شاشه زرقاء و م بحث و ملقاش حاجه عملت بحث فى الاداء و برده ملقاش مشاكل

[arsenal_henry]

لو بتنزل التحديثات فالجهاز هيتأخر عند الاقلاع لتحميل التحديثات وتنصيبها ..
هل بعد ما خلصت التحديث واتصطبت .. الاقلاع يظل بطئ ؟

[MO hamed]

انا جربت اشوف البرامج الى اا مسطبها و رتبتها بالتاريخ و اتلاقيت بالتاريخ الى المشكله ظهرت فيه كان فيه برنامج linkey و setting manager من نفس المصدر azatec media و انا مش فاكر انى حملتهم
انا مسحتهم ببساطه من add and remove program
لكن بحث فى النت اتلاقيت موضوع كبير و خطوات كتير كداعلشان امسحهم و كلام كبير انهم برنامج تجسس و حجات غريبه كدا و ده رابط مصدر من المصادر الى فيها الكلام ده
https://malwaretips.com/blogs/settings-manager-popup-virus/


ايه رأيك بمجرد ما مسحتهم الفتح بقى اسرع بس مش عارف هل انا محتاج اعمل خطوات المسح دى كلها و ايه حكايه الملفات دى

[arsenal_henry]

دي فيروسات بتنزل مع تسطيب بعض البرامج او فتح بعض المواقع .. ويبدو انها كما ذكرت انت انه السبب في بطئ الجهاز ..
بالنسبة للرابط فهو يشرح مسح الفيروس بأكثر من برنامج يمكن اختيار اي منهم بمعنى انها ليست خطوات متتالية بل منفصلة على حده ..
ممكن تنزل برنامج MalwareBytes وتقوم بعمل مسح شامل ضد هذا النوع من الفيروسات ..

[MO hamed]

اصلوا كاتب Please perform all the steps in the correct order.
انا هنزل البرانامج الى قلتلى عليه و هقولك النتائج لان الجهاز اينعم بقى بيفتح اسرع بس مش بالسرعه الى انا مفترض انه المفروض يفتح بيها
هبقى ارفع نتيجه الاسكان

[MO hamed]

نتيجه الاسكان بالبرنامج كبيره جدا حدد 95 ملف !!!! مع ان الافيرا مش بيطلع حاجه
شكل البرنامج عندى مختلف تماما عن الى عند الكل و مفهوش كل الاعدادات الى انا اتلاقيتها فى شروحات الناس
وانا خايف امسح لان اغلبها ملفات ويندوز من ال سى دا غير انه مطلع ملفات فى جوجل كروم و فاير فوكس

https://im49.gulfup.com/I0gTyZ.png (https://www.gulfup.com/?SyOk3T)

[arsenal_henry]

انقل ملفاتك المهمة من على الـC الاول وخليه يمسحهم ..

[MO hamed]

انا خلاص مسحتهم كلهم الجهاز بيفتح دلوقتى فى دقيقه و 52 ثانيه و دى مده طويله برده بس كان لاول بياخد ب 3 دقايق

[arsenal_henry]

بتعتمد ايضاَ على البرامج اللي بتشتغل عند اقلاع الجهاز .. كلما زادت قل وقت الاقلاع ..