مشكلة فى تشغيل الجهاز

[max2005]

بسم الله
السلام عليكم و رحمة الله وبركاته

المشكلة الجهاز بيشتغل ولكن الشاشه مبتقرأش اى بيانات وتكون اكن الجهاز مش شغال ملحوظه الفارة والكيبورد usb و مبينوروش لما اضغط على زر البور واشغل الجهاز
تمام
انا هشرح بالتفصيل بداية ظهور المشكله كل ده حصل معايا امبارح و هقول كل اللى انا لاحظته.


امكانيات جهازى ومراجعة له فى التوقيع

البداية
البداية مع لعبة devil may cray
]دخلت اللعبة ويدوب بضغط start mission
لقيت الجهاز فصل ولكن الجهاز اشتغل مع نفسه مفيش ثانيتين افتكرت الكهرباء قطعت وجات دخلت برده على اللعبة حصل نفس المشكله قولت يمكن العيب فى تعريف كارت الشاشه رغم انى بلعب اللعبة من زمان وشغاله تمام وبلعب battalfaield4 وغيرهم
ملحوظة كنت هنسى
الجهاز لما فصل واشتغل الشاشه ميظهرش عليها اى بيانات كنت اضر افصل كابلات الطاقة قيمة خمس دقايق واشغله يشتغل

***
لما اشغله الجهاز يقعد قيمة ساعة ساعة إلا ربع ويعمل نفس الحركة ...
****
رحت شايل كارت تعريف كارت الشاشه القديم وقولت انزل واحد جديد من الموقع الرسمى وسبت الجهاز بيعمل داونلوود يدوب اللى غبته ساعة رجعت لاقيت الجهاز عاملها وشكله فصل واشتغل وطبعا مفيش بيانات على الشاشة ..
قولت افصل شوية واشغلة مفيش فايدة بدأت افصل مثلا كارت الشاشه خالص واركب الشاشه على كارت الشاشه الداخلى يمكن العيب فيه برده مفيش فايدة اشيل رامه وابدل ما بينهم مفيش فايده اركب رامه تانية خالص مفيش فايده افصل الهارد افصل مراوح التبريد اشيل البطارية اللى فى المازر قولت يمكن البروسيسور بيسخن فكيته وبسيط عليه وضفتله سٍنة معجون وعلى فكره انا كنت شكيت فيه فى الأول وشغلت برنامج قياس الحرارة لآقيت ان الحرارة بتاعة اعلى كور فى البروسيسور مبتعديش 47 درجه.

ملحوظة
انا لما فصلت الرامات خالص عن الجهاز المفروض اسمع سفارة على ما اعتقد مسمعتش ولا سفارة لما فصلت اى من مكونات المازر .
انا كتبت المشكله باستفاضة ارجو المساعده ولو فى اى استفسار تانى متابع معاكم

[MDxavi]

اخي أذكر اسم الباور المستعمل

[max2005]

اخي أذكر اسم الباور المستعمل

اسمه GTech
شغال به من تقريبا سنتين و مظهرش منه مشاكل قبل كده كان ثمنه تقريبا 160 مكتوب عليه ATX 350 w
المهندس اللى باعوهولى قالى هيشغلك كارت الشاشة بدون مشاكل وفعلا كان كلامة مضبوط .

جبت بور تانى بس تجارى وجربته برده مفيش نتيجه

[kemo044]

يمكن الكيسة اتهزت منك فك كارت الشاشة وركبة تانى واخلع الرامات وامسحها وركبها وامسح تعريف كارت الشاشة ونزل احدث اصدار نهائى ولو استمرت المشكلة ارفع صورة لحرارة الجهاز وكارت الشاشة

[max2005]

يمكن الكيسة اتهزت منك فك كارت الشاشة وركبة تانى واخلع الرامات وامسحها وركبها وامسح تعريف كارت الشاشة ونزل احدث اصدار نهائى ولو استمرت المشكلة ارفع صورة لحرارة الجهاز وكارت الشاشة

جزاك الله خيرا
كل ده عاملته انا كاتب كل ده انت فاهم قصدى الجهاز عندى بنظفه باستمرار مفيهش تراب خالص ويا ريت الجهاز يفتح وانا انزل اخر تحديث

[kemo044]

بص على اى مكثفات تكون منتفخة فى البوردة لو مفيش يبقى البوردة محتاجة شحن بايوس على الاغلب او بها مشكلة بدائرة البور وديها التوكيل طالما جربت ببور اخر وعملت كل حاجة تتعمل

[max2005]

lمفيش اى مشكله ظاهريه مكتوب على الكرتونه gigabyte gamma 3 years
الاقى التوكيل ده فين

[max2005]

فالنفرض انها عاوزه شحن بيوس لو اتشحنت بيقع تانى وكل فتره يحصل الموضوع ده ولا اشترى مازر تانيه وامرى لله

[kemo044]

lمفيش اى مشكله ظاهريه مكتوب على الكرتونه gigabyte gamma 3 years
الاقى التوكيل ده فين

الوكيل جاما هتلاقيه فى سوق العصر ميدان روكسي فى مول الاسيوطى فى الدور الثالث بجوار مول السخاوى

[kemo044]

فالنفرض انها عاوزه شحن بيوس لو اتشحنت بيقع تانى وكل فتره يحصل الموضوع ده ولا اشترى مازر تانيه وامرى لله


الموضوع بسيط مش محتاج انك تغير البوردة وانتا فى فتره الضمان يعنى مش هتدفع فلوس ولو حصل اى مشكلة تانى وديها الضمان تتصلح هناك مجانا

[max2005]

شكرا جزيلا بس لهم ارقام تليفونات علشان استفسر منهم علشان انا من طنطا وهيكون مشوار جامد اوى

[max2005]

اسف لو اتأخرت فى الرد علشان انا بتكلم من عند واحد صاحبى

[kemo044]

شكرا جزيلا بس لهم ارقام تليفونات علشان استفسر منهم علشان انا من طنطا وهيكون مشوار جامد اوى

هذا الموقع بتاعهم فيه عنواين الفروع وارقام التلفونات ويمكن التواصل مع الدعم الفنى على الموقع

https://www.gammaegypt.com/contactus.aspx

[MDxavi]

اخي المشكل الان محصور بالبوردة هي لي عاملة المشكل

[max2005]

اخي المشكل الان محصور بالبوردة هي لي عاملة المشكل

جزاك الله خير
انا تعبت معاها وعملت معاها جيمع المحاولات وان شاء الله اروح التوكيل
بس فى سؤال هى مراكز الصيانة ممكن يكون فيها شحن بيوس هيكون احسن ليا بدل مشوار القاهره ده
سؤال تانى هل من طريقة انى ارجع البيوس الأصلى للبورده ك rest مثلا

[max2005]

للرفع

[kemo044]

الكلام ده لو انت هتحدث اصدار البيوس
يجب انك تسحب نسخة من البيوس القديم وتحتفظ بها على جهازك حتى تستطيع العودة الى الاصدار القديم فى حال حدوث مشكلة بعد تحديث الاصدار الجديد

اما شحن البيوس فهو امر مختلف

[max2005]

بسم الله
السلام عليكم ورحمة الله

الحمد لله خليت مهندس كهرباء الكترونيات يبص على المازر وشغالها وطلعت مش عاوزة شحن bois وقالى انها كانت عامله قافله وهو فك القافله .
وخد الجهاز وركبته وانا بكلمكم منه دلوقتى بس للأسف بيعمل نفس المشكلة انه يشتغل قيمة 1/2 ساعة ويفصل ويعمل نفس الموضوع ده

لجهاز لما فصل واشتغل الشاشه ميظهرش عليها اى بيانات كنت اضر افصل كابلات الطاقة قيمة خمس دقايق واشغله يشتغل
انا كده مش عارف المشكله فين وفصلت كارت الشاشه وركبته على الكارت الداخلى وعامل نفس المشكله ارجو المساعده.

[emre]

اغلب الحلات بيكون باور جرب باور تاني لانك لما شلت الرامه وشغلت ومافيش صفاره جتلك بيكون باور يامعلم بس اتاكد الاول انك مركب الاسبيكر :D شوف ومستني ردك

[max2005]

شكرا جزيلا
انا مركب الأسبيكر
وبسمع دلوقتى الصفارة بتاعت بداية التشغيل ...
هحاول ببور تانى ان شاء الله بس البور اللى موجود تجارى اللى هو مكتوب عليه 600 w
انا برده شاكك فى البور بس كل اللى انا خايف منه انه العيب ميطلعش منه اصلها مش مستحمله مصاريف انى اشترى واحد جديد وميطلعش العيب منه علشان كده انا عاوز اتأكد.

[max2005]

الجهاز شغال دلوقتى من قيمة ساعة ونصف فتحسست مكونات الجهاز لقيت ان القطعة دى سخنة جدا لدرجة انها بتلسع يدى هل ده سبب المشكله ولماذا وما هو الحل.
https://im78.gulfup.com/a8Vd21.jpg (https://www.gulfup.com/?aDUqcI)

ارجو التفاعل انا بحاول اتتبع المشكله

[kemo044]

سخونة الشبة امر طبيعى انما لو عايز تقلل الحرارة شوية فك الكلبسات البلاستك واخلع الحديدة وامسح المعجون وضع نقطة معجون من نوعية جيدة على الشبة وركب الحديدة تانى والكلبسات

[max2005]

يعنى استبعده من المشكله والعيب دلوقتى فين فى البور

[AMRSOFTWARE]

راجع المكثفات على البوردة ربما بها انتفاخ فى احداها وهيكون سبب المشكلة ان وجدتها سليمة عليك ببور سبلاى اخر

[AboElyazed]

الاستاذ max 2005 علي فكرة المشكلة 100% من البروسيسر بيسخن كتير انا بتحصل معاية كتير نفس المشكلة الجهاز بيفصل لوحدة بعد نص ساعة واوقات بعد ما اشغلة علي طول واوقات ما يشتغلش خالص الا لما اسيب يبرد العيب كانت في سخانة البروسيسر حطيتلو معجون واتحلت المشكلة وحاول تظبط المراوح كويس واتاكد انا ما فيش اي تراب علي البروسيسر تقبل مروري

انشاء الله تنحل المشكلة

[max2005]

راجع المكثفات على البوردة ربما بها انتفاخ فى احداها وهيكون سبب المشكلة ان وجدتها سليمة عليك ببور سبلاى اخر
شكرا جزيلا
معنى كلام حضرتك بما ان المكثفات سليمة إذن القطعة دى َمهمَ سخنت حت لة بتلسع ايدك بعد ثانيتين من ملامستها ده طبيعى واركز على البور .



الاستاذ max 2005 علي فكرة المشكلة 100% من البروسيسر بيسخن كتير انا بتحصل معاية كتير نفس المشكلة الجهاز بيفصل لوحدة بعد نص ساعة واوقات بعد ما اشغلة علي طول واوقات ما يشتغلش خالص الا لما اسيب يبرد العيب كانت في سخانة البروسيسر حطيتلو معجون واتحلت المشكلة وحاول تظبط المراوح كويس واتاكد انا ما فيش اي تراب علي البروسيسر تقبل مروري

انشاء الله تنحل المشكلة
شكرا جزيلا لمرورك.
الحمد لله المشكلة مش من البروسيسور انا متابع درجة الحرارة بتاعته مبتعديش الخمسين و معلوش تراب خالص مروحة التبريد شغاله تمام
ودى صوره
https://im73.gulfup.com/PRNvqL.jpg (https://www.gulfup.com/?Ejkhk6)

[SamoxBlackxRose]

جرب رامة تانية عشان تبقى عملت اللي عليك

Sent via Calculator

[max2005]

جرب رامة تانية عشان تبقى عملت اللي عليك

Sent via Calculator
شكرا جزيلا
جربت اكثر من رامة

[kemo044]

جرب تحدث البيوس الاول الى اخر اصدار من على موقع الشركة وتأكد من رقم rev يكون مطابق لنفس rev بتاعك ثم بعد تحديث البيوس ادخل على اعدادات صفحة البيوس واعمل ديفولت للاعدادات واخبرنا بالنتيجة

وحط نقطة معجون زى ما قولت لك على الشبة لو حاسس ان السخونة عالية قوى

[MSR1192]

شوف اي صاحب ليك عنده باور فعلي مش تجاري والعيب من الباور باذن الله