المساعد الشخصي الرقمي

مشاهدة النسخة كاملة : استفسار ضروري بخصوص الكرت zotac 780 gtx AMP edition


hesha2010jeeran
31-07-2014, 04:26
انا كنت ناوي اشتري كرت ان شاء الله 780 نظرا لاني عندي كرت r9290 وال optimize للالعاب كلها لصالح نفيديا .... وده لاحظته في كذا لعبه مش لعبه واحده بس بشكل مبالغ فيه ... لعبه زي مافيا 2 مثلا قافل الفيزيكس واللعبه فيها دروب في الفريمات بشكل ممل زيها زي ووتش دوجز التفوق الوحيد للكرت عندي هي لعبة باتليفيلد 4 ولعبة سليبينج دوجز ومجربتش باقي الالعاب .... اي لعبه نفيديا sponser فيها بتشتغل بشكل سئ جدا جدا على كروت ال ati .... فالملخص اني هغير وخلاص ففيه كرت قدامي من شركة zotac النسخة المكسورة السرعه ... انا شوفت مرجعات للكرت هل النسخه دي قوية فعلا وبتقرب من نسخة الجيجا بايت المكسورة السرعه ونسخة ال evga ? لاني مجربتش الشركه دي قبل كدا ... ارجو الافاده بأي معلومه عن الشركه والنسخه دي بذات من ال 780 وشكرا جزيلا
mohamedmostaf
31-07-2014, 05:11
اولا حضرتك ما تغيرش الكارت الكارت بتاعك اقوى
ثانيا ازاى حضرتك تشغل الفيزيكس وانت عندك amd
ثالثا لعبة watch dogs فعلا فيها مشاكل لكن لعبة mafia 2 اعتقد لو حضرتك محملها من على النت يبقى النسخة فيها مشكلة
ارجو انى اكون ساعدت حضرتك
mahmoudkamall
31-07-2014, 06:26
كلام حضرتك غير منطقى انا عندى ال 290 ومفيش اى لعبة فيها اى مشكلة وكل الالعاب بشغلها على اعلى اعدادات دون ى نقصان مهما كانت حتى واتش دوجز هى فيها مشاكل بس انا بلعبها على اعلى الاعدادات مع اعلى انتى اليزينج وبتكون الفريمات من 28 فيما فوق

ال780 جيد بس النسخة العادية اقل من ال 290 بحجات بسيطة بس النسخة ال 780ghz اعلى شوية من ال 780 الادية الفروق بين الشركات غير ملحوظة
مافيا 2 اكيد المشكلة باللعبة
hesha2010jeeran
31-07-2014, 06:28
شكرا لردك اولا .... انا كاتب اني في مافيا 2 قافل الفيزيكس :) واللعبه بتقطع وفيها دروب في الفريمات ... انا كان عندي 580 جي تي اكس وقفلت عليها مافيا 2 من غير اي مشاكل وهي هي نفس النسخة الايزو مش مشكلة نسخه وكنت قافل الفيزيكس برده والعاب تانيه كتير ... صراحه ال AMD شركه ندمت بشده اني جبت كرت منهم يلا الحمد لله على كل حاجه
hesha2010jeeran
31-07-2014, 07:29
كلام حضرتك غير منطقى انا عندى ال 290 ومفيش اى لعبة فيها اى مشكلة وكل الالعاب بشغلها على اعلى اعدادات دون ى نقصان مهما كانت حتى واتش دوجز هى فيها مشاكل بس انا بلعبها على اعلى الاعدادات مع اعلى انتى اليزينج وبتكون الفريمات من 28 فيما فوق

ال780 جيد بس النسخة العادية اقل من ال 290 بحجات بسيطة بس النسخة ال 780ghz اعلى شوية من ال 780 الادية الفروق بين الشركات غير ملحوظة
مافيا 2 اكيد المشكلة باللعبة

مفيش مشكلة في اللعبه .... فيه العاب فعلا فيها مشاكل مع كروت ال Ati المتوسطه منها والهاي اند ... كلامي منطقي جدا بالتجربه لاني جربت الاتنين وانا ليا تجارب في كروت الشاشه من 8 سنين تقريبا فعارف كل كلمه بقلها .... للاسف نفيديا ليه دخل كبير في تطوير العاب كتير في السوق عشان تشتغل بشكل افضل من كروت ال ati
mahmoudkamall
31-07-2014, 09:40
محصلتش معايا فى العاب اطلاقا
TIMO1
31-07-2014, 10:02
نصيحه منى ان كنت ناوى تنتقل انتظر وصول الجيل الجديد من 800 مع نزول الاجيال الجديده بيتم ترحيل الاسعار بمعنى الكرت الى بيوازى ال 780 حاليا هاتلاقيه بسعر ال 770 4جيجا زى ما حصل وقت طرح جيل 700 الكرت 680 كان سعره 500 دولار جه حل ملحه 770 ونزل سعره 420 دولار اول نزوله ... فان كنت تنوى انصحك بان تنتظر مده وان كنت لا تستطيع الانتظار . فانصحك جيدا بمعرفه حراره الكرت الزوتاك الذى تنوى شرائه فى الضغط الشديد على الالعاب اقصى حراره فان كان يتعدى ال75 فابتعد عنه ان كان النسخه التى تقصدها الاحترافيه ذات 3 مراوح .. لانى حسب ماريت هنا احد الاخوه اشتكى من 760 ذو التبريد الاحترافى 2 مروحه كان الكرت بيتعدى ال80 درجه حراره ..
CrazyGamer
31-07-2014, 10:31
انا بصراحه مش عجباني شركه Zotac ... بس امت اصلا مش محتاج تغيير للكارت .. انا واحد صاحبي معاه ال290 Tri-X و نسخه فخيمه جدا و اداء عالي و مثلها مثل ال Asus GTX 780 Strix ... اعتقد انك توفر فلوسك في حاجه ثانيه افضل .. لكن لو ماسك في ال780 فانصحك بالWindforce او الAsus Direct CuII .. فهم افضل شركتين لNvidia
mohamedmostaf
31-07-2014, 16:29
افضل حضرتك خليك فى ال 290 لأنك لو هتشترى ال 780 هتدفع فلوس كتير من غير لازمة لأن الكارت بتاع حضرتك اقوى صحيح اقوى بحاجة بسيطة ولكن لازال اقوى وارخص
بالنسبة لمافيا 2 اولا حضرتك طالما عندك ati يبقى مينفعش تشغل الفيزيكس لأن ديت خاصية مش موجودة غيير فى كروت الnvidia
حاول حضرتك تنزل تعريفات للكارت ممكن تكون المشكلة بسبب الحكاية ديت
لا تغير الكارت قبل سنة او اتنين كمان الكارت ممكن يشغلك الألعاب الجديدة كلها ل 3 سنين كمان انصح حضرتك متغيرهوش
اما بقى لو حضرتك مصر بردو يبقى استنى كروت ال 8xx و r3xx لغايت لما تنزل
™ The Rock
31-07-2014, 17:47
بص يا غالي كارت جيد
بس لو قرفت منه اصبر للجيل الجديد من نيفيديا
حتلاقي الاسعار ارخص وافضل في الاداء
ahmed maradona
01-08-2014, 18:19
ياراجل انا كان معايا كارت ati 7950 والفيفا كان فيها دروب ف الفريمات :D