هل الماذربورد تأثر فى مكونات الجهاز ؟ [الأرشيف]

Adel Ahmed

01-08-2014, 02:50

السلام عليكم ورحمه الله وبركاته

انا عندى أستفسار بسيط

هل الماذربورد تأثر فى باقى مكونات الجهاز ؟
يعنى بتأثر فى سرعة أنتقال البيانات بمعنى لو أنا حبيت أركب بروسيسور
Core i7 4770
على ماذر بورد H81
هيكون نفس الأداء لو ركبته على ماذربورد H97 ولا هيفرق
وبردو بالنسبه للرام وكارت الشاشة هيفرق ولا لأ !!
أنا ملبوخ الصراحة ونفسى أفهم الموضوع لانى لما بدخل على أى ريفيو لموقع اجنبى بيقولو

Motherboard not for performance but for features
هل صح الكلام دا وياريت لو فى دليل يبقى تمام اوى

Dr_Hema2017

01-08-2014, 03:08

على حد خبرتي الكلام مظبوط طبعا غير في حالة البوردة اللي بتدعم الكسر لإنك معاها بتقدر تكسر سرعة المعالج الداعم للكسر و بالتالي الأداء يكون أحسن
مظنش سرعة نقل البيانات أو كروت الشاشة بتفرق من بوردة للتانية بس فيه بوردة بتدعم الكروس فاير أو SLI - تركيب كرتين من AMD أو nVidia مع بعض للحصول على أداء أفضل -و بوردة مبتدعمش و رأيي ان أصلا الخاصية دي ليها مشاكلها فأفضل كارت قوي أحسن من كارتين بنفس الأداء
أي بروسيسور ممكن يركب على أي بوردة و يكون نفس الأداء إلا الداعمة للكسر لازم تركب على بوردة داعمة للكسر علشان تقدر تكسر سرعتها لإنك لو ركبتها على بوردة عادية مش هتستفيد من الميزة دي و البوردات دي بتكون بشريحة Z زي Z87 & Z97 و المعالجات الداعمة للكسر بتنتهي بالحرف K
الرام بتفرق علشان كل ما البوردة تكون أعلى كل ما تستقبل عدد أكبر من الرام و كمان ترددات أعلى بس 8 جيجا رام بتردد 1600 كافي جدا و دا ممكن توصلو مع بوردة بشريحة H81 عادي
في بقى كماليات زي مثلا البلوتوث و غيرها بس لو هتسألني هقولك "طالما مش ناوي تكسر سرعة يبقى هات أرخص بوردة و زود في الحاجات التانية لإنها أهم"
مثال للتوضيح....بوردة بشريحة Z97 مع معالج i5 4440 مع كارت R9 270x تدي نفس الأداء بتاع بوردة H81 و نفس المعالج و نفس الكارت
طب إيه ميزة البوردة ال Z97 غالية ع الفاضي ؟ الإجابة لأ طبعا بيكون فيها مميزات تانية كتير غير البوردة العادية بس الحاجات دي كماليات مش كل الناس تحتاجها ++++ كسر السرعة و دي ميزة ممتازة لإنك مثلا معاك معالج i5 قابل للكسر و كارت شاشة قوي و شغالين تمام و بعد سنتين تلاتة حبيت تغير الكارت بس فوجئت ان المعالج مش قادر يشغل الكارت بكامل قوتو هنا بتضطر تكسر سرعة المعالج و بالتالي تتغلب على عنق الزجاجة و الأداء بيتحسن
أرجو أكون وضحتلك بشكل كافي :)