محتارة فاللاب ال hp

[love life]

السلام عليكم ..
انا جديدة معاكم هنا والصراحة اشتركت مخصوص عشان حسيتكم فاهمين فالصيانة واللابات وكده فقلت اخد رأيكم

انا محتاجة لاب توب وعايزة اشترى واحد فسألت كتير ونزلت أكتر من مرة اسأل على كذا لاب انا عايزاه امكانياته كويسة وسعره برده كويس عشان يشغل العاب وجرافيك عالى

لقيت اللاب ده مواصفاته اهيه :

LAPTOP "HP"
PROCCESOR " AMD A6
RAM :4GB
VGA : 2 GB ATI
HARD : 500
TOUCH SREEN & NORMAL SCREEN
WIN : 8 ORIGINAL WITH RECOVERY
PRICE : 3200

بس المشكلة اللى محتاجة مساعدتكم فيها ان هل HP كويس لأنى شفت ليه مشاكل كتير وكتير قالولى بيسخن جدااااااا وممكن يبوظ الاجهزة بتاعته جوه من السخونية وقالولى تجيبيله المروحة اللى تحته حتتحل المشكلة بس انا حاسه انى كأنى حبقى جايبة لاب بالعيب بتاعه
وفى قالولى HP كويس والعيب ده كان اصدارات قديمة انما الامكانيات دى والسعر ده يبقى كويس اوى معاكى ومش حيسخن ادام اصدار جديد
وفى حد قالى ان البروسيسور ادام AMD يبقى كويس ومش بيسخن الاب اوى وانا الصراحة دى امكانياتى ماديا مقدرش ادفع اكتر من كده فالمشكلة سألت على DELL لقيته عالى اوى فالسعر ونص الامكانيات دى وبرده سمعت عليه عيوب وكنت عايزة LENOVO قالولى مشكلته فلو جيتى تبيعيه مش حيجيب سعر وبرده صيانته مش متوفرة وكمان برده الامكانيات الكويسة حتعدى السعر ده
معلششششش انا طولت عليكم بس اتمنى تفيدونى انا بقاالى اكتر من يوم بنزل وكل شوية اروح من غير ما اجيب حاجه وزهقت الصراحة مكنتش فاكرة الموضوع متعب كده وخايفة اجيب حاجة اندم عليها واضيع فلوسى

تنصحونى بأيه ؟؟؟؟؟؟؟

[arsenal_henry]

يا ريت لو تذكري الميزانية في حدود كام ؟
وهل جهاز الـHP اسمه بالكامل HP Pavilion 15 (https://egyptlaptop.com/hp-pavilion-15-n020se-.html) ام شئ آخر ؟

[boddaxp]

فعلاً ليا قريب شغال في الجرافكس استخدم الـ HP سخن ولزق في المفرش .. افضل ماركة عن تجربة هي DELL والدي جايب واحد من 2004 صناعة ايرلندي شغال لغاية النهاردة بكفاءة وكله شكر لي في الديل وانا بشتري اليومين دول واحد برضه وهجيب ديل ان شاء الله
واسمع ان البروسيسور الـ intel افضل بكتير من الـ AMD رغم اني مش بحب intel عشان مكونها اسرائيلي بس الفرق كبير بصراحة و واحد مجرب قال لي AMD بيستهلك كهرباء اكتر بالنسبة للكمبيوتر المكتبي معرفش في اللاب نظامه ايه
عموما في laptops من dell اسعارها في حدود 3000 امكانياتها كويسة جدا لكن غالبا بدون كارت شاشة خارجي يعني للإستخدام المكتبي حلو لكن مش للألعاب

[love life]

فعلاً ليا قريب شغال في الجرافكس استخدم الـ HP سخن ولزق في المفرش .. افضل ماركة عن تجربة هي DELL والدي جايب واحد من 2004 صناعة ايرلندي شغال لغاية النهاردة بكفاءة وكله شكر لي في الديل وانا بشتري اليومين دول واحد برضه وهجيب ديل ان شاء الله
واسمع ان البروسيسور الـ intel افضل بكتير من الـ AMD رغم اني مش بحب intel عشان مكونها اسرائيلي بس الفرق كبير بصراحة و واحد مجرب قال لي AMD بيستهلك كهرباء اكتر بالنسبة للكمبيوتر المكتبي معرفش في اللاب نظامه ايه
عموما في laptops من dell اسعارها في حدود 3000 امكانياتها كويسة جدا لكن غالبا بدون كارت شاشة خارجي يعني للإستخدام المكتبي حلو لكن مش للألعاب

شكرااااا جداااا على ردك ... انا الصراحة فعلا خفت من ال hp رغم ان سعره وامكانياته كويسة بس سمعت عن موضوع السخونية كتير فمحبتش اغامر بصراحة
وفعلا عندك حق انا برده قريت كتير وسألت كتير برده على البروسيسور واتضح ان intel أفضل بكتير من amd فرق سرعة وخامة وكله :)
انا الحمد لله نزلت انهاردة اشتريت خلاص بعد دوخة ايااااام وكان نفسى فلاب lenovo وجبته الحمد لله كويس ماشاء الله ومفيش حد شفته اشتكى منه خالص ولا قريت ليه مشكلة خالص وجبته امكانياته كويسة وسعره كويس جداااا بالنسبة لامكانياته وبشكرك جداا على اهتمامك وردك

[love life]

يا ريت لو تذكري الميزانية في حدود كام ؟
وهل جهاز الـHP اسمه بالكامل HP Pavilion 15 (https://egyptlaptop.com/hp-pavilion-15-n020se-.html) ام شئ آخر ؟

هو أنا اصلا مكنتش اعرف الموديل اسمه ايه وعموما بشكرك اوى على اهتمامك وردك انا جبت لاب lenovo كويس سعره وامكانياته تمام الحمد لله شكراااااااا

[eslamgulbrto]

لو ممكن تكتبي نوع اللاب اللي اشترتيه ومكان الشراء وسعره ومواصفاته للافادة

[love life]

LAP TOP " LENOVO B5400 "
PROCCESSOR : INTEL I5
RAM : 4 GB
HARD : 500
VGA : NVIDIA 1GB UP TO 2GB
PRICE : 3450
المكان : فى مول سوق العصر بمصر الجديدة _ شارع الخليفة المأمون
اى استفسار تانى انا موجودة