المساعد الشخصي الرقمي

مشاهدة النسخة كاملة : nokia lumia 1520



mohamed9191
05-08-2014, 21:24
السلام عليكم ورحمة الله وبركاته.

انا كنت حابب اشكر اداره القسم والمنتدى على المجهود الجميل فى هذا القسم الاكثر من رائع بجد فى افاده جامده جدا.
وثانيا انا بفكر اشترى نوكيا لوميا 1520 فا كنت حابب اعرف رئى الاخوه الكرام فى هذا الموبيل.
وكنت اتمنى انكو تعرضو عليا مميزاته وعيوبه لو ممكن وكمان سعره فى مصر وفيين الاماكن البيتباع فيها يعنى على ثبيل المثال هل هو موجود فى دريم 2000 ولا لاء وهل اشتريه من هناك ولا من فرع نوكيا افضل وارخص فا يريت حد يفدينى.
وشكرا جزيلا.

mohamed9191
06-08-2014, 15:01
ايه ده مافيش اى رد كدا!؟
دا عمال اشكر فيكو يا جدعان :(

MOHAMED FAROOQ
07-08-2014, 01:04
عذراً أخى الغالى على التأخر فى الرد ولكل منا له ظروفه ومشغولياته الخاصه
ورجاءاً لاتستخدم فى الكتابه خط أكبر من حجم 3 فهذا مخالف لقوانين القسم.. وتم التعديل

وبالنسبه لــ lumia 1520 فهو جهاز ممتاز جداً
و يحتوى على معالج 2.2 غيغا هرتز × 4أنويه ويتميز بـكاميرا 20 ميغا بيكسل : 5248 × 3936 وأيضا ذاكرته 32 جيجا داخليه بخلاف إستقباله لكارت خارجيه ويصل حتى 64 جيجا وحجم الرام 2 جيجا بايت
وطبعاً يعمل بنظام تشغيل Windows Phone

وسعره وأماكن بيعه فى مصر

https://content.screencast.com/users/zoom4/folders/Jing/media/4139cd77-a775-4c42-b08b-890160397910/2014-08-07_0100.png (https://content.screencast.com/users/zoom4/folders/Jing/media/4139cd77-a775-4c42-b08b-890160397910/2014-08-07_0100.png)

وأيضاً

https://content.screencast.com/users/zoom4/folders/Jing/media/a4727b61-b37e-4011-b438-25cac509cefc/2014-08-07_0103.png (https://content.screencast.com/users/zoom4/folders/Jing/media/a4727b61-b37e-4011-b438-25cac509cefc/2014-08-07_0103.png)

evo2022
08-08-2014, 16:06
اخي الكريم هو ارخص سعر هتلاقية في دريم 2000 في القاهرة
و في محلات الشعيب في المنصورة ب4400 جنية
الجها تحفة بكل المقاييس و صوت رائع جدا و التصوير جميل جدا جدا و الشاشة ممتازة ايضا بطارية الجهاز بتفضل معي 2 يومين في التوسط و بيجي معه جرب هدية و الاجمل ان شحن الجهاز سريع ايضا
توكل علي الجهاز خرافة فعلا انصحك به و بقوة ايضا
اشترية من محل لكن المهم انك تحصل علي فتورة ضريبة عشان تاريخ الضمان و الاستبدال تحسب من تاريخ الشراء
معلومة عند الشراء الهاتف نزل التحديث الجديد WP8.1

mohamed9191
10-08-2014, 16:31
شكرا جزيلا للرد الممتاز وبجد انتو شجعتونى جامد انا كنت خايف اجيبه
شكرا مره تانيه

dwatkins24
16-08-2014, 15:46
Nokia devices are really in good quality. Most phones have a camera with a high quality and durable really.

mohamed9191
16-08-2014, 18:13
Thnx dwatkins24 (https://arabhardware.net/forum/member.php?u=11320813) :D

UNREAL
17-08-2014, 11:14
أنا لسه مغير جهازي من Lumia 820 إلى Lumia 1520
باختصار من وجهة نظري الشخصية ومن طبيعة إحتياجاتي الـ Lumia 1520 هو أفضل شيء مطروح بنظام WP8 منافسه هو الجديد Lumia 930 ب

نفس المواصفات مع 3 فروقات رئيسية:
1- شاشة 5" ، مش كل الناس تتقبل حجم Lumia 1520
2- بطارية أصغر 2400mAh الـ Lumia 1520 بطاريته 3500mAh
3- الـ Lumia 930 زجاج الشاشة Gorilla Glass 3 بينما في الـ Lumia 1520 هو Gorilla Glass 2

باقي المواصفات متطابقة تقريباً

mohamed9191
24-08-2014, 04:48
طيب هو نزل ف السوق المصرى ولا لاء وهل سعره نفس سعر 1520 وهل 930 فى وجهة نظرك افضل ام العكس ؟

McLaren
24-08-2014, 14:10
طيب هو نزل ف السوق المصرى ولا لاء وهل سعره نفس سعر 1520 وهل 930 فى وجهة نظرك افضل ام العكس ؟

سعر لوميا 930
5000 جنية مصري
والجهاز بالفعل في السوق المصرية

بخصوص من أفضل,
فأنا شخصياً أفضل 1520 بسبب الشاشة الكبيرة,
وأرى أن 930 مناسب أكثر لمن لا يحبون الشاشات الكبيرة, أو لا تناسبهم في التنقل به.

صراحةً الشاشة الكبيرة لها متعتها في التصفح وإستعراض محتوى الفيديو والألعاب بشكل مؤثر.

خاصةً وأنهم نفس الرقاقة
أي نفس المعالج والرام وكرت الشاشة بدون أي تغيير

وأن أداء بطارية 1520 أعلى بكثير من 930
ف 1520 هو أفضل أداء بطارية على مستوى العالم وبفارق كبير عن وصيفه
وأقتبس من موقع GSMArena الشهير: "أداء بطارية من كوكب آخر".

وأهم شيء هو أن Lumia 930 لا يمكن زيادة ذاكرته ب SD Card
أي أنك ستظل حبيس ال 32 جيجا إذا لم يكفوك.


لذلك لو كنت مكانك لاخترت 1520 بدون تفكير :)

bazilizk
24-08-2014, 14:30
بالفعل لوميا 1520 افضل ما انتجته نوكيا حتي الان . خاصة بعد تحديث ويندوز 8.1 رسميا.
وقمت بالانتقال اليه بعد sonu xperia z1 واستعماله لمدة شهر.
التصوير افضل والشاشة افضل. بالاضافة لجودة نوكيا المعهودة في باقي الهاردوير والصلابة.
ولكن يجب الاخذ في الاعتبار مقاس الشاشة لانها قد لاتناسب جيوب البعض بسهولة :)

McLaren
25-08-2014, 00:59
بالفعل لوميا 1520 افضل ما انتجته نوكيا حتي الان . خاصة بعد تحديث ويندوز 8.1 رسميا.
وقمت بالانتقال اليه بعد sonu xperia z1 واستعماله لمدة شهر.
التصوير افضل والشاشة افضل. بالاضافة لجودة نوكيا المعهودة في باقي الهاردوير والصلابة.
ولكن يجب الاخذ في الاعتبار مقاس الشاشة لانها قد لاتناسب جيوب البعض بسهولة :)

مبارك عليك الجهاز, اختيار موفق.

أعرف شخص خاض نفس تجربتك ولكن مع النوت 3.
الجهاز على حظه اتفيرس بعد ما اشتراه بفترة قصيرة, وأصبح الجهاز معه بشع لدرجة الملل.

فقال: لمَ أوجع دماغي كل فترة بهذا الهاتف؟!
وأستبدله بلوميا 1520 وأعجبه به جداً جداً بعد ما استخدمه

قال بنفس اللفظ: "بلا نوت بلا زفت" !
:)

mohamed9191
30-08-2014, 20:29
انا مضايق جدا يا جماعه انا روحت اجيب الموبيل من دريم 2000 قالولى خلص ومافيش وقت محدد اننا نجيبه تانى فا مش عارف اعمل ايه وانا مش عارف اجيب موبيل ايه انا عايز حاجه ف نفس امكنياته او حتى قريب منه :( بجد مصدوم ... انا غلطان انى اتاخرت فى الشراء بس انا كنت مسافر ومكنتش فاضى خالص.
ياله لعله خير ... ممكن طيب حد ينصحنى اجيب ايه وهل هيكون متوافر ف دريم 2000.

McLaren
30-08-2014, 20:53
طب متقدرش تجيبه من مكان تاني.
الجهاز موجود في كل حتة

وممكن تشتريه من على موقعهم بس هيبقى فيه تكلفة توصيل 20 جنية تقريباً:
https://www.dreem2000.net/Nokia_Lumia_1520.html

أو تروح فرع ثاني:
https://www.google.com.eg/maps/search/%D8%AF%D8%B1%D9%8A%D9%85+2000%E2%80%AD/@30.1065299,31.3455141,12z

mu$lim
14-12-2014, 21:32
ارخص سعر كان فعلا فى دريم 2000
كنت هاشتريه امبارح قالولى خلص حتى مبقاش موجود على الموقع
لو حد يعرف مكان بيبيعه بسعر كويس ياريت يعرفنا

McLaren
15-12-2014, 15:39
ارخص سعر كان فعلا فى دريم 2000
كنت هاشتريه امبارح قالولى خلص حتى مبقاش موجود على الموقع
لو حد يعرف مكان بيبيعه بسعر كويس ياريت يعرفنا
إلحق بقى العرض ده بسرعة عشان ممكن يخلص

Lumia 1520 4g النسخة ال 32 جيجا مش ال 16

ب3888 جنية مصري على سوق:
https://egypt.souq.com/eg-ar/نوكيا-لوميا-1520-rm-937-سعة-32-جيجابايت-مايكروسوفت-ويندوز-8-lte-الجيل-الرابع-احمر-6312801/i/

mu$lim
16-12-2014, 21:14
للاسف ال على سوق استعمال عايز اجيبه جديد هدية لزوجتى
متشكر جدا

McLaren
17-12-2014, 16:18
للاسف ال على سوق استعمال عايز اجيبه جديد هدية لزوجتى
متشكر جدا

مش مستعمل ده خلص ! (الصفحة مكانتش كده)
"السلعة غير متوفرة حاليا بلّغني في حال توفر السلعـة"

المستعمل كان ب 2500 جنية
الجديد اللي كنت أقصده كان عرض ب 3888 جديد
وكان عليه ضمان سنه

العرض كان بقاله أصلاً فترة وأنت للأسف ملحقتهوش !

mmfis
18-12-2014, 01:55
مش مستعمل ده خلص ! (الصفحة مكانتش كده) "السلعة غير متوفرة حاليا بلّغني في حال توفر السلعـة" المستعمل كان ب 2500 جنية الجديد اللي كنت أقصده كان عرض ب 3888 جديد وكان عليه ضمان سنه العرض كان بقاله أصلاً فترة وأنت للأسف ملحقتهوش ! الموبايل موجود اخي الحبيب بنفس السعر هذا تقريبا في هذا الموقع yashry.com https://www.yashry.com/product/1114282/Nokia-Lumia-1520-Yellow-Factory-Unlocked-Rm-937-4g-Lte-800-900-1800-2100-2600 والذي كنت اود الاعلان عنه لان اسعاره جميلة وبها منتجات حصرية مثل nexus 6 - nexus 9 وغير ذلك ولصاحب الموضوع فيه ايضا lumia1020 fبـ 3500 https://www.yashry.com/product/1114282/Nokia-Lumia-1520-Yellow-Factory-Unlocked-Rm-937-4g-Lte-800-900-1800-2100-2600

mu$lim
19-12-2014, 22:51
شكرا اخى الكريم جزاكم الله كل خير

mmfis
20-12-2014, 00:17
واياك اخي الحبيب