مساعده فى راوتر td-w8951nd توقف عن العمل كراوتر ويعمل كسويتش فقط

[bebozoma]

السلام عليكم اخوانى الكرام عندى راوتر  تى بى لينك td-w8951nd  الكهرباء قطعت وهو شغال ولما جات توقف عن العمل  برغم ان لمبة الانتر نت منورة ولمبة الشبكه كمان لكن لمبة الواى فاى وwps مش منورة   و  لا يدخل على صفحة الاعدادات ولا يعمل ريسيت !!  ورغم هذا كله   عندما وصلت له وصلة نت جايه من راوتر تى اى داتا اللى ركبته مكانه   واخخدت منه (  رواتر تى بى لينك ) وصله للكمبيوتر النت اشتغل  مش فاهم بصراحه  هو كده ايه حصله  والزاى اقدر اخل على صفحه الاعدادات  وهل دا مشكلة سوفت ولا هارد وشكرا

[bebozoma]

ايه يا جماعه مفيش حد هيساعدنى ولا ايه ؟

[westwind]

ايه ياكابتن... يعني ما صبرتش نص ساعة ؟
ده منتدى مش موقع دردشة او موقع خدمة العملاء.... يعني بتسأل و بتنتظر ساعة و ساعتين و يوم و يومين و فيه بعض الردود بعد اسبوع . :rolleyes:

لما وصلت الكومبيوتر بالراوتر بالكابل, اخذ الكومبيوتر اي بي من الراوتر ؟ اي وضع الايبيهات بعد توصيله الى منفذ lan ؟
cmd ipconfig

[bebozoma]

شكرا جدا لرد حضرتك وانا صبور جدا والحمد لله بس شفت المشاهدات ومفيش رد مش اكتر... انا بمجرد ما حطيت سلك وصلة النت فى الراوتر التى بى لينك لمبة البورت نورت رحت واخد من البورت الى جاره ووصلته للاب النت اشتغل ومعملتش اى حاجه واﻻي بى هوا هوا متغيرش ولما حبيت ادخل على صفحة اﻻعدادات 192.168.1.1 دخلنى ع الراوتر الرئيسى بتاع تى اى داتا اللى استعملته مكان التى بى لينك رغم انه نفس اﻻيبى

[westwind]

خليني اوضحلك الفكرة ايه حتى تكون معاية في الصورة. احنه عاوزين نرست راوتر التيبي لينك اللي فيه مشكلة و نشوف لو قدر يصحح ويرجع مثل الاول, تمام ؟ يعني ده اول اجراء حه نقوم فيه.
طيب سيبك من وصلة النت و من الراوتر الثاني. و خليك في راوتر التيبي لينك. افصل كل الكابلات و ابدي وصل كابل الكهربا ثم كابل lan من واحد من البورتات الصفرة الى جهاز الكومبيوتر. تمام ؟ انته معاية ؟ سيبك من وصلة الانترنيت زي ماقلتلك.
دلوقتي شوف لو الكومبيوتر اخذ ايبي من الراوتر وللا لا. اعمل اي حاجة حتى تتأكد انو بياخذ ايبي او لا. ريستارت للكومبيوتر مرة و مرتين . فصل الكابل و شبكه مرة تانية و ثالثة. اذا كنت تعرف شوية في الشبكات فأدخل على cmd و اعمل release ثم renew للايبيهات. انتبه لو كان شايف الراوتر على انه gateway default

المهم انك تعطيني نتيجة حاسمة و لا تقبل الشك. الراوتر بيوزع ايبيهات ولللله لا. حتى نمشي بالاجراء اللي بعدو.

[bebozoma]

شاكر جدا لا هتمام حضرتك ان عملت فعلا اللى حضرتك قولت عليه ووصلت راوتر التى بى لينك فقط وللاسف الجهاز مش بياخد ايبهات ووفتحت ال cmd وعملت ip config الجات واى اصفار وحاولت اعمل ريسيت من الفتحه اللى خلف الراوتر مش بيستجيب لكن لما بوصله كسويتش بيشتغل تمام

[westwind]

يبدو ان الفلاشة nvram قد تأثرت بتغير الفولتية المفاجئ.
حاول ان تعمل hard reset او ما تسمى 30 30 30 لو بحثت عنها في الغوغل.
و اذا لم يحل المشكل فمع الاسف nvram قد تضررت و لو كنت في مكانك ارميه و اخذ غيره.
فيه بعض الناس بتحاول انعاش و اعادة احياء الراوترات عن طريق التفليش flashing بإستخدام jtac . انا شخصياً أرى ان الحالة لا تستحق العناء.

[bebozoma]

شكرا لاهتمامك الزايد بس هو مش بيعمل هارد ريسيت من الزرار اللى فى خلف الراوتر.... قدر الله وماشاء فعل .. الحمد لله

[bebozoma]

وعملت ال 30.30.30 للا سف برضه مفيش فايدة ..