اريد رأيكم قبل شراء اللاب غداً ! اي مشكلة اهون ؟ HP 450 G1 او Lenovo Z510 !

[boddaxp]

السلام عليكم،

ان شاء الله غداً اشتري اللاب ، الفرق في السعر بينهم 50 جنيه فقط لصالح اللينوفو

الإثنين رام 6 جيجا وهارد 1 تيرا وبروسيسور 4200M والإختلافات البسيطة ان HP شكله افضل لكن كارت اضعف بفرق بسيط وهو 8750 بينما Lenovo بكيبورد مضيئ ومميزات بسيطة اكثر وكارت GT740M ..

المشكلة ان HP حرارته بدون ضغط "طبيعي" 45 الى 60 وبالضغط تصل لـ 80 او تتجاوز ذلك ودا غير مناسب لبرامج الجرافيكس تقريباً وهيسبب مشاكل .. اما Lenovo بطارية داخلية صعب نزعها الا بإلغاء الضمان و4 خلايا فقط ممكن تضعف اكتر مع استخدام الشاحن !

مع العلم اني افضل Dell ولكن 5537 بروسيسور ضعيف 4200U ولا يوجد النسخة i5 التي تحتوي على كارت 8850 في مصر تقريباً بالإضافة إلى ان النسخة الـ i7 فرق السعر كبير بالنسبة لي لذلك للأسف هو اختيار مستبعد

اشتري اي لاب فيهم مع العلم ان الإتنين بسعر متقارب جداً ومواصفات تعتبر واحدة ولكن اي مشكلة ستكون اهون بالنسبة للإستخدام الدراسي والألعاب "ليس كثيراً لأني املك Desktop ايضاً" .. ؟!

[mostfa5]

بالنسبالى Lenovo احسن

[mario.nady]

hp افضل

[arsenal_henry]

بالنسبه لموضوع الحراره فالجهازين بيسخنوا .. موضوع لوحة المفاتيح المضيئة تأكد منها لانها موجودة في النسخه i7 ..
اي من الجهازين مناسب لاستخدامك والفرق في كارت الشاشه ضئيل ..

[boddaxp]

شكراً لآرائكم .. بصراحة ازدت حيرة :D


بالنسبه لموضوع الحراره فالجهازين بيسخنوا .. موضوع لوحة المفاتيح المضيئة تأكد منها لانها موجودة في النسخه i7 ..
اي من الجهازين مناسب لاستخدامك والفرق في كارت الشاشه ضئيل ..

في المراجعتين : لينوفو https://arabhardware.net/forum/showthread.php?t=378248
HP : https://arabhardware.net/forum/showthread.php?t=386124

فا لينوفو اثناء تشغيل AC لم يصل 50 حسب كلام الأستاذ صاحب الموضوع اما الـHP يصل إلى 80 مثلا مع بعض الالعاب وهو شئ معروف عن الـ HP ان تبريده اقل مالباقي للأسف ..!

استخدامي سيكون بعض الألعاب لكن الأهم هو بعض البرامج الهندسية مثل AutoCAD واعتقد انها تحتاج لمعالج جيد لذلك ابتعدت عن الديل لأنه لا ينزل بـ i5 إلا 4200U تقريباً وذلك لا يناسب صح ؟

بالنسبة للكيبورد المضيئ في اللينوفو فسواء كان موجود ام لا هو مش مهم جدا بالنسبة لي ، بالتأكيد يضيف ميزة جمالية ولكن الأهم الإمكانيات والتحمل
هتأكد ساعت الشراء اكيد برضه ، مش لاقي كلام واضح على الإنترنت لكن في الموقع دا مثلاً: https://www.snapdeal.com/product/lenovo-ideapad-z510-59405848-notebook/1794320990 دي نسخة i5 مكتوب ان الكيبورد AccuType Backlit Keyboard

[mario.nady]

hp ده انا مستحدموا ولاب توب زى الفل ورائع وموش بيسخن وكل الكلام عليه ده كدب

[boddaxp]

hp ده انا مستحدموا ولاب توب زى الفل ورائع وموش بيسخن وكل الكلام عليه ده كدب

حضرتك اكيد مجربتهوش مع برامج زي AutoCAD الي بتسبب ضغط عالي .. اعرف واحد كان شغال على HP شغل تصميم بس معرفش موديل ايه، اللاب سخن لدرجة ان المفرش ساح واتحرق!

[mario.nady]

انا بستخدم لاب توب hp probook 450 g1 لاب توب رائع وموش بيسخن وعندما استخدام كارت شاشة خارجة اقصى لعبة بتوصل درجة حرارة الى 72 اقصى درجة شوفتوا عليها وع اتقل لعبة

[mostafabarca]

انصحك بلينوفو ولا انصحك بhp لانه معروف انه بيسخن بسرعه جدا

[mario.nady]

ياجدعان اصدارات القديمة بتاعت hp هى الى بتسخن انما ال probook لا

[abouzeid007]

لا أنصحك بلينوفو z510 نظرا لتجربتي السيئة معاه من اول اسبوع مشتغلش ورجعته

[القبطان 436]

اخي نصيحة خد اللينوفو النسخة i7 روعة والفرق مش كتير ............... ابعد عن الاتش بي فئة البرو بوك في الالعاب احسن كلها سنتين والكارت المنفصل اللي فية هيسيح وترمية ف الزبالة

[محمد احمد 197]

يا جماعة الاب توب عموما مش للالعاب يعني م الاخر انا مش هلعب عليه الاحاجات خفيفة بردوا هيسخن ؟؟؟؟؟؟؟؟؟؟؟؟ كلامي عن hp probook 450 g1 انا كل ما بتقدم خطوة قدام برجع 10 لورا بسبب ان كل واحد بيشكر في الجهاز اللي عندة و هو اصلا مجربش الاجهزة التانية انا شايف ان ال z510 مش كويس عشان البطارية داخلية و4 خلايا فقط و التاش باد بطيئ و سمعت في مشكله ف الهارد

[mario.nady]

hp pro book 450 g1 لاب جيد جدا ومن افضل لابات وانا استخدمه وخامته كويسة جدا

[القبطان 436]

اعتذر للاخوة انا مش عايزفرض رايي علي حد ابدا ابدا وبعتذر للاخ صاحب الاتش بي
بالنسبة للينوفو البطارية في اي جهاز في الدنيا مابتقعدش اكتر من 4 سنين حتي لو كانت 9 خلايا وانت من المفترض ان اكتر استعمالك يكون علي الشاحن علشان تستفيد بشكل كبير من الجهاز
ولكن استعمالك علي البطارية هتلا حظ تراجع في اداء الجهاز وبعدين البروسوسر مش موفر للطاقة والبطارية مش هتعقد امتر من 4 ساعات شغل
اشتري الاتش بي مع مبرد مناسب لتستعملة بمرونة علي الزمن البعيد لو انت غاوي العاب
ارجو المعلومة تكون اتضحت

[Ahmed.Elsayed]

انا بستخدم لاب توب hp probook 450 g1 لاب توب رائع وموش بيسخن وعندما استخدام كارت شاشة خارجة اقصى لعبة بتوصل درجة حرارة الى 72 اقصى درجة شوفتوا عليها وع اتقل لعبة
بما أن حضرتك بتستخدم اللاب ده فممكن حضرتك تجرب لعبة Crysis 3 بدون قاعدة تهوية وتشغل برنامج HWMonitor فى الخلفية وتلعب لمدة ساعة وترفعلنا صورة لبرنامج HWMonitor بعد الخروج من اللعبة

وهبقى أسألك شوية أسئلة مهمة بس بعدين وشكراً ليك مقدماً

[abouzeid007]

لآ انصحك ب lenovo Z510 لان من مراجعات اجنبية البطارية مبتكملش شهور مش هقولك سنه وهما الجهاز نزل عندهم من فترة كافية انهم جربوه واتأكد بنفسك ده غير ان جسم الجهاز مش قوي هو كشكل تحفه وده لينك من الموقع لينوفو نفسه لمراجعات بس متاخدش باول صفحه لانه بيكون الجهاز لسه جديد ومحدش جربه ابدأ من الصحة الاخيرة رقم 8 ثم 7 ثم 6 وهكذا وشوف راي الناس
https://shop.lenovo.com/us/en/laptops/lenovo/z-series/z510/#reviews

[Ahmed.Elsayed]

بعد تجربة جهاز HP Probook 450 G1 فرأيى أنه جهاز جيد يستحق الشراء ، الجهاز سريع ودرجة حرارة الجهاز فى الحدود الآمنة فى الجو الحار الذى نعيش فيه وأقل كثيراً من أجهزة ال HP الأقدم منه

وميزة الجهاز أن الجهاز من أسفل يمكن فكه بسهولة وتنظيف الجهاز بدون خروجه من الضمان.

[Eng Mahmoud Hamada]

من رايى

ال Hp 450 G1 افضل ومشاكله اقل

[Ahmedyasser]

محتار بقالي فترة أشتري أي جهاز .. الاتنين إمكانياتهم ممتازة بالنسبة للفئة السعرية

الجهازين إمكانياتهم قريبين من بعض

اللينوفو أحسن في : كارت الشاشة، الكيبورد المضيئة، سماعات JBL

HP : قارىء البصمة، بطارية أفضل قابلة للنزع .

أنا مايل ناحية اللينوفو

[Ahmed.Elsayed]

محتار بقالي فترة أشتري أي جهاز .. الاتنين إمكانياتهم ممتازة بالنسبة للفئة السعرية

الجهازين إمكانياتهم قريبين من بعض

اللينوفو أحسن في : كارت الشاشة، الكيبورد المضيئة، سماعات JBL

HP : قارىء البصمة، بطارية أفضل قابلة للنزع .

أنا مايل ناحية اللينوفو

أولاً الكارتين متقاربان جداً فى الأداء ويتفوق كارت GT 740m بنسبة بسيطة وهذا بالنسبة للنسخة ال 64bit

ثانياً على حسب معرفتى الكيبورد المضئ موجودة فقط فى النسخة ال I7

إذا كان البطارية ليست مهمة فى إختيارك فأنصحك باللينوفو

[Ahmedyasser]

أولاً الكارتين متقاربان جداً فى الأداء ويتفوق كارت GT 740m بنسبة بسيطة وهذا بالنسبة للنسخة ال 128bit وليس ال 64bit

ثانياً على حسب معرفتى الكيبورد المضئ موجودة فقط فى النسخة ال I7

إذا كان البطارية ليست مهمة فى إختيارك فأنصحك باللينوفو

بالنسبة يا أستاذ أحمد للنسخة الـ 64 فالـ gt 740 أفضل حاجة بسيطة . زي ما بتقول الأداء يعتبر متقارب

https://www.game-debate.com/gpu/index.php?gid=1852&gid2=1493&compare=geforce-gt-740m-64-bit-edition-vs-radeon-hd-8750m-2gb-ddr3


وبالنسبة للكيبورد كان أستاذ أحمد عنتر في المراجعة بيقول إن الكيبورد بتتقاد وتنطفي والنسخة اللي معاه i5

https://arabhardware.net/forum/showthread.php?t=378248

هما الجهازين قريبين من بعض ويستحقوا الاقتناء بالنسبة للسعر

[Eng Mahmoud Hamada]

بالنسبة يا أستاذ أحمد للنسخة الـ 64 فالـ gt 740 أفضل حاجة بسيطة . زي ما بتقول الأداء يعتبر متقارب

https://www.game-debate.com/gpu/index.php?gid=1852&gid2=1493&compare=geforce-gt-740m-64-bit-edition-vs-radeon-hd-8750m-2gb-ddr3


وبالنسبة للكيبورد كان أستاذ أحمد عنتر في المراجعة بيقول إن الكيبورد بتتقاد وتنطفي والنسخة اللي معاه i5

https://arabhardware.net/forum/showthread.php?t=378248

هما الجهازين قريبين من بعض ويستحقوا الاقتناء بالنسبة للسعر


زة ما قال مشرفنا
ان كنت غير مهتم بموضوع البطارية فاشترى اللينوفو لان مشكلة اللينوفو فى البطارية

[Ahmed.Elsayed]

نعم أقصد النسخة ال 64bit تعطى نفس الأداء تقريباً ، وجميل جداً أن الكيبورد مضئ أيضاً فى النسخة ال I5 هذه نقطة تُحسب له

والمراجعة لا تُظهر أعلى درجة حرارة ممكن أن يصل إليها Z510 عند الضغط عليه

لكن مذكور فى المراجعة الاحترافية الخاصة به على موقع Notebook Check أن درجة حرارة المعالج وصلت إلى 87 عند الضغط عليه

https://www.notebookcheck.net/Review-Lenovo-IdeaPad-Z510-Notebook.105627.0.html

وهذه مراجعة لل HP Probook 450 G1 من نفس الموقت لكنها نسخة أخرى من نفس الجهاز لا تحتوى على كارت شاشة خارجى

https://www.notebookcheck.net/Review-Update-HP-ProBook-450-G1-E9Y58EA-Notebook.112013.0.html

أعلى درجة حرارة وصل إليها المعالج هى 75 درجة وهى أقل من جهاز اللينوفو

واللينوفو يعطى وقت إستخدام متوسط بالبطارية مقارب لجهاز ال HP لكن العيب الجوهرى أن البطارية لا يمكن فكها إلا بخروج الجهاز من الضمان

وسبب ميلى أكتر لجهاز HP Proobook 450 G1 هو أنه أخف فى الحجم والبطارية يمكن فكها فى أى وقت عند عدم الحاجة إليها وأن سعره أفضل.

[boddaxp]

شكراً جميعاً على الإفادة ..
بصراحة اتجهت للـ Dell 5537 i7 على امل ان اجده بكارت 8850 بس لحد دلوقتي مش موجود الا 8670.. وفي الحالة دي اعتقد هشتري اللينوفو لكن هصبر شهرين كدا ان شاء الله يمكن السوق يتغير

[ramy esam]

طيب مدام انت محتار اوى بين اللابين دول دور شوية وحاول تشوف ماركة مختلفة وياريت تشوف ناس مجربة اللبات دى متخدش براى اى حد انا عن نفسة بكره hp من غير ماجربها من كترالمشاكل اللى بسمعها عنها وربنا معاك
وفى الابين دول هما اقل فى كرت الشاشة الاول

Toshiba Satellite C50-A546 Notebook PC
Intel® Core™ i5-4200M Processor (3M Cache, 2.5 GHz)
4GB DDR3 RAM
500 GB HDD 5400 rpm
DVD±R/RW
15.6" LED Backlight Display (1366 x 768)
NVIDIA® GeForce® 710Mwebcam
WiFi - Bluetooth - USB - Ethernet
HDMI
Flat matt white keyboard and 10-digit numeric keypad
Touchpad
Free Dos
وفى اللاب دة

Lenovo B5400
Intel® Core™ i5-4200M Processor (3M Cache, up to 3.10 GHz)
6GB DDR3 RAM
1TB HDD
DVD±R/RW Drive
15.6" HD LED display ( 1366 x 768)
NVIDIA® GeForce GT 720M 1GB
Web Camera
Wi-Fi - USB - Bluetooth- Ethernet 10/100
HDMI
6 cell battery
Free Dos
ارجو ان اكون افدت

[mamdouh.0100]

انا معايا HP probook 450 G1
core I7 ram 8 vga ati 8750 hard 1tb
بصراحه الجهاز اداءه ممتاز وسخونته معقوله الى حد كبير
قبل مشتريه فكرت في اللينوفو Z510 وقارنت كتير بنهم " وعلى الرغم ان في ناس خوفتنى من اتش بى وقالولى ان في مشاكل زى السخونه وصوت الهارد والواى فاى بيفصل "
الا انى اتاكدت قبل مشتره ان مشكله الواى فاى اتحلت بتعريف جديد وصوت الهارد مقبول انا عن نفسى مش بسمعه ولا بركز معاه
والسخـــــــــونه "بما يرضى الله" اكتر درجه حراره شفتها من يوم مشتريته كانت 80 او 82 ودى بسبب عمل رندر لفيديو مدته ســــاعه على برنامج Adobe Premiere pro cs6 والبروسيسور وقتها كان شغال بكامل طاقته 100% واعتقد ان دى درجه حراره معقوله مع الضغط على البروسيسور 100%
مع العلم ان البروسيسور ده بيتحمل لدرجه 100 درجه كما صرحت انتل نفسها ولو وصل 100 بيقلل الجهد اوتوماتيك لتقليل درجه الحراره بالاضافه طبعا للسمارت فان.

[Ahmed.Elsayed]

شكراً جميعاً على الإفادة ..
بصراحة اتجهت للـ Dell 5537 i7 على امل ان اجده بكارت 8850 بس لحد دلوقتي مش موجود الا 8670.. وفي الحالة دي اعتقد هشتري اللينوفو لكن هصبر شهرين كدا ان شاء الله يمكن السوق يتغير

أفضل جهاز الآن كمجمل هو جهاز HP Probook 450 G1 وكثير من الأعضاء أشتروه وأنا أيضاً قمت بشراءه والمشاكل التى تُقال عنه غير موجودة فيه مثل الوايرلس أو السخونية أو جودة التصنيع

فالجهاز درجة حرارته مثل الأجهزة المنافسة ومشكلة الوايرلس تم حلها فى آخر تعريف والجهاز مصنوع من خامات جيدة

ويمكن فك قاعدة اللاب وتنضيفه بسهولة فى أى وقت بدون الحاجة لفك أى مسامير من الجهاز وخروجه من الضمان وهذه ميزة غير موجودة فى الأجهزة الأخرى.

[aboyoussef1]

نا معايا الجهاز ده hp 450g1
عندى مشكله مع ويندوز 8.1 فى تعريف كارت الشاشه بيقراه انه 32 m وطبعا مبقدرش العب اى حاجه لكن مع ويندوز 8 المشكله بتختفى ياريت اللى نزل 8.1 وكارت الشاشه معاه ظبوط يقولى على التعريف السليم علما انى منزل تعريف الكارت من موقع اتش بى الخاص بويندوز 8

[boddaxp]

أفضل جهاز الآن كمجمل هو جهاز HP Probook 450 G1 وكثير من الأعضاء أشتروه وأنا أيضاً قمت بشراءه والمشاكل التى تُقال عنه غير موجودة فيه مثل الوايرلس أو السخونية أو جودة التصنيع

فالجهاز درجة حرارته مثل الأجهزة المنافسة ومشكلة الوايرلس تم حلها فى آخر تعريف والجهاز مصنوع من خامات جيدة

ويمكن فك قاعدة اللاب وتنضيفه بسهولة فى أى وقت بدون الحاجة لفك أى مسامير من الجهاز وخروجه من الضمان وهذه ميزة غير موجودة فى الأجهزة الأخرى.

دا يثبت انه جهاز جيد ولكن اكيد ديل 5537 i7 افضل منه في حااال كان الكارت 8850 .. لأن تبريد الديل اقوى بكتير وخامته افضل وامتن ولاحظت الحرارة من موقع نوت بوك تشك كانت افضل من اللينوفو والأتش بي .. عموما زي ما قلت هنتظر شهرين كدا ونشوف