ما هو الباور المناسب لهذه التجميعة ؟؟

[KeMo007]

السلام عليكم ورحمة الله وبركاتة

أولاً انا الحمد لله أستقريت على التجميعة ديه :

Intel Core I7 4790 Haswell 3.6 GHZ
GigaByte G1 Sniper Z97
G.Skill RipjawsX 8Gb 2x4 DDR3 1866
Aerocool Stike X Red Mid Tower Case
GigaByte GTX 760 OC 2GB GDDR5
WD Caviar Blue 1TB

السؤال هنا ما هو الباور المناسب لهذه التجميعة هل هذا الباور مناسب ام لا : Seasonic S 12 II Bronze 520W

وهل التجميعة ديه متوافقة مع بعضها العبض ؟؟؟

وشكراً.

(https://www.********.com/en/product.php?id=35785)

[alepop]

الاجابه لا

اشترى اقل باور 650+

[KeMo007]

طيب حضرتك ممكن ترشحلى باور 650 وات مناسب

[amrelsersay]

الكرت بيحتاج باور 500 وات الباور كفاية متقلقش
https://www.geforce.com/hardware/desktop-gpus/geforce-gtx-760
بس اكتب ميزانيتك للتجميعة كدة عشان افضل انك توفر في تمن المزربورد شوية طلاما مش هتكسر سرعة وتجيب
MSI B85=G43 GAMING 750 LE
وتزود ل GTX 770 2850 LE
بس فيا لحالة دي هترفع الباور لباور 650 وات

[KeMo007]

شكراً أخى عمرو على مساهمتك ،، يعنى ان شاء الله باور الـ SeaSonic كافى و هيشغل الجهاز مستريح ولا أجيب حاجة أعلى أضمن ؟
وبالنسبة لموضوع اللوحة فهذه اللوحة G1 Sniper انا أخترتها لما فيها من مميزات من كارت صوت مدمج محترم وكارت اللان فيها ذو أداء متميز بالأضافة انها بتدعم معالجات الجيل الخامس من أنتل ومميزات أخرى عجبتنى جداً باللوحة يعنى لها مستقبل أفضل من غيرها

[amrelsersay]

MSI B85=G43 GAMING 750 LE
فيها كرت صوت حلو مدمج وكارت لان احترافي برضو
المزربورد مش فارقة معاك عادي غير في موضوع كسر السرعة هتدفع فلوس علي الارض فيها من رأيي توفر وتجيب b85 وبالفرق تجيب
gtx 770 2850 LE
هيفرق معاك كرت الشاشة جدا وخصوصا انك جايب I7 والمزربورد دي هتنفع للمستقبل عادي

[ahmed_BF4]

ممكن رابط للكيسة اللى فى تجميعتك اخى مع ذكر سعرها فى السوق

[KeMo007]

الكيسة الـ فى التجميعة عامله 550 جنية عند High End بسوق العصر .


طيب أخى عمرو انا ممكن أجيب بدل الـ G1 Sniper هذه اللوحة : H97 من جيجابايت وأجيب الكرت الـ حضرتك ذكرتة بحيث ان هذه البوردة تدعم معالجات الجيل الخامس كده تمام ؟؟
بس طبعاً هحتاج أغير الباور وأجيب على الأقل 650 وات حضرتك تنصحنى بنوع أيه يتوافق مع هذه التجميعة ؟؟

[ahmed_BF4]

شكرا ياعم كيمو

[amrelsersay]

ايه معالجات الجيل الخامس دي ! هي مش السوكيت بتاعها 1150 برضو ده الجيل الرابع
مين قالك انها جيل خامس الجيل الخامس منزلش اصلا
عموما مش هيبقي معاك اي فرق لو جبت H97 او لو جبت B85 لان H97 مخصصة لكسر السرعة وانت مش هتكسر سرعة فا الافضل توفر تمنها
وبالنسبة للباور والكرت XFX ProSeries Core Edition Pro650W 80 Plus Bronze PSU 750 LEGIGABYTE GTX 770 OC WINDFORCE X 3 2850 LE

[KeMo007]

منا عارف انه لسه منزلش وعارف ان الموجود حالياً هو الجيل الرابع انا بتكلم بس عن مستقبل البوردة لو حبيت انى أحدث بعد كده للجيل الجديد من انتل بدون الحاجة الى تغيير اللوحة واللوحة الـ حضرتك رشحتهالى لا تدعم الجيل الجديد من انتل ...

ثانياً معالجات الجيل الخامس تحمل اسم Broadwell على حد علمى واللوحات التى تأتى بشرائح H97 أو Z97 تدعم هذه المعالجات وأكيد طبعاً نفس السوكت بتاع الجيل الرابع 1150

[amrelsersay]

ازاي يعني مش فاهم ؟ يعني الجيل الخامس لما ينزل السوكيت بتاع المزربورد هيتحول للجيل الجديد مثلا
والجيل الجديد لازم يكون بسوكيت مختلف وبعدين الحكاية دي لسة قدامها فترة كبيرة وانت جايب معالج مش هتحتاج تغيره الا بعد فترة كبيرة برضو وايه المشكلة انك تجيب مزربورد لما الجيل الجديد ينزل عادي هتدفع وقتها 700 او 800 جنيه برضو احسن متدفع 1000 جنيه دلوقتي علي الفاضي ومتخدش اداء بيها ال1000 جنيه دول ممكن تزودهم علي الgtx 770 لو معاك فلوس وتجيب gtx 780 هيفرق فرق جبار في الاداء هتدفع 1000 جنيه زيادة ومش هتاخد قصادهم اداء
يااوسساز كيمو اسمع كلامي بس مش هتستفاد حاجة خليك في الحاجات العملي الاحسن

[KeMo007]

كلامك سليم انا خلاص قررت اجيب اللوحة الـ MSI المذكورة فوق مع نفس المعالج وكارت 770 ان شاء الله بس انا كده هضطر أجيب رامات بتردد 1600 .. وشكراً ياباشا على مبادرتك فى المساعدة .

[amrelsersay]

مش مهم الرامات الالعاب مبتعتمدش عليها ومش هتحس بفرق ما بين 1866 و 1600
وخد الرامات اهه او شوف انت مع نفسك
Kingston HyperX Beast 8GB (2 X 4GB) DDR3 1600MHz CL9 1.65V 600 LE

XFX ProSeries Core Edition Pro650W 80 Plus Bronze PSU 750 LE
GIGABYTE GTX 770 OC WINDFORCE X 3 2850 LE
MSI B85-G43 750 LE
I7 4790 2300 LE
مع الهارد والكيسة الي انت كاتبهم

[ahmed_BF4]

بقولك يا اخ عمرو ممكن تقولى الرامات دى

Kingston HyperX Beast 8GB (2 X 4GB) DDR3 1600MHz CL9 1.65V 600 LE
متوفرة فين بالسعر ده ؟
وايه الفرق بينها وبين ال blue fury بتاعة kingston برده !

[Mohamed Ibrahim The Unstoppable]

محتوى الموضوع :

نموذج الموضوع يكون كالتالى:

-
يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

إدارة عرب هاردوير.