عاوز اشترى شاشة 20 بوصة ،، ايه افضل نوع اشتريه ؟؟

[I-IEMA]

الســلام عليكم و رحمة الله وبركاته

عندى شاشة 19 بوصة سامسونج 943nwx ،، الشاشة كـ تصميم خارجى عاجبانى ان مافيهاش شغل كتير يشتت الانتباه ( مجرد مستطيل بيعرض الصورة :) )
بس فيها عيوب بسيطة رخمة ، ووديتها الضمان علشان العيوب دى تقريبا مالاحظوهاش ، و رجعت زى ما راحت و دفعت شحن ، و الرد كان : العيب اتصلح ! ..... ما علينا

الشاشة دى هانقلها عندى فى المكتب ، و عاوز اشترى شاشة 20 بوصة ، علشان الـ aspect ratio يبقى مظبوط مع الافلام ، و تقريبا برضى بيظبط ريزوليوشن مع الالعاب ؟؟

انا كارت الشاشة اللى عندى built-in 4200 ، فالاعدادات كدا كدا بقللها على الآخر ، المهم اوصل لـ resolution يكون مظبوط مع اللعبة

ايه رأيكم اولا فى موضوع الـ 20 بوصة ده ؟؟
انا استخدامى تصفح & افلام & العاب
بس ماعنديش استعداد احمل افلام 1080 ، فمقضيها 720 و تمام زى الفل :)

ثانيا ايه افضل شاشة 20 بوصة موجودة فى السوق ؟
يا حبذا لو ماتكونش سامسونج لغن سامسونج عندنا بقت بتبيع على السمعة و خلاص


https://www.bit-tech.net/blog/2012/10/22/16-10-vs-16-9-the-monitor-aspect-ratio/

فى انتظار افادتكم ،،
و شكــــــــــــــرا

[I-IEMA]

سألت فى السوق على شاشات 20 مالقتش !!

هو ماعدش بينزل شاشات 20 ولا ايييه ؟؟؟

[I-IEMA]

.......................

اجيب الـ 19 الشعبى و امرى لله ؟
ولا فيه شاشات بريزوليوشن افضل ؟؟

[whiteknights]

ازاى مفيش عشرين بوصة..فيه طبعا..انزل سوق العصر مول السخاوى محلات الهاردوير اللى هناك و اسأل..و موقع اجى برايس من على النت هيساعدك فى البحث اكتب inch monitor 20
بس عموما احسنلك تجيب شاشة FULL HD متقلش عن 23 بوصة عشان حتى تحس انك عملت نقلة و تحس بالتحديث..و انا ارشحلك الشاشة دى ممتازة فى زوايا الرؤية و الأفلام..تقدر تتفرج عليها من اى زاوية بدون ما تحس ان الألوان بتتغير
Samsung LS24D390HL 23.6 Inch PLS LED Monitor (https://www.********.com/en/product/samsung-ls24d390hl-23-6-inch-pls-led-monitor-maximum-hardware)
بتقنية ال PLS و هى تقنية احسن كتير من معظم شاشات السامسونج المنتشرة فى السوق حاليا بتكون بتقنية ال TN ..ال PLS هتكون افضل فى الألوان و الوضوح و زوايا الرؤية.
عندك اختيار اخر انك تستنى نزول شاشات ال IPS و هى غالبا هتنزل من خلال ASUS ..لو مكنتش عاوز سامسونج يعنى.

[I-IEMA]

صراحة انا كنت بدور على حاجة تقضية حال

و لقيت :

BenQ GL2023A 19.5 Inch LED Monitor (https://www.********.com/en/product/benq-gl2023a-19-5-inch-led-monitor-el-yamama)

(https://www.********.com/en/product/viewsonic-va2046a-19-5-inch-led-lcd-monitor-time-tech)

Viewsonic VA2046A 19.5 Inch LED LCD (https://www.********.com/en/product/viewsonic-va2046a-19-5-inch-led-lcd-monitor-time-tech)

بس مفيش معلومات عنهم
فالاسهل المقارنة بين الماركات نفسها

الصناعة ؟
الاعتماديلة ؟
الوكيل هنا ، و الضمان ؟

الفيو سونيك قديييمة و رائدة ( بس دا ايام زمان 9
البينكيو مالهاش تاريخ اساسا ، و تجارية أكتر منها تكنولوجية .. بس ممكن تكون خامة حلوة بتسوق ليها و احنا مش عارفين

هاا ، حد ليه خبرة فى الماركتين يقولنا نختار ايه ؟

مع العلم بإنى هاشترى شاشتين مش واحدة ، لغن صديق ليا كمان منتظر القرار علشان نشترى سوا

[whiteknights]

لأ..لو هتشترى شاشة 20 بوصة او 19 تقضية حال يبقى خليك فى السامسونج اضمن حاجة...بلاش منها ال Viewsonic و BenQ لأن عادة بتكون زوايا الرؤية سيئة و ممكن الألوان كمان ..مع ان التصميم بتاع BenQ حلو
بس متضمنش...عندك برضو شاشات Fujitsu خليك معايا هى و السامسونج