مقارنة بين

[eslam semo]

ماهوالافضل ps3ام جهاز pc

[mahmoudkamall]

جهاز ال pes بيكون نازل بمواصفات جرافيك محدودة بناء على كارت الشاشة المستخدم فبيتم تظبيط الجرافيك عليه

لكن ال pc بيكون اللعبة نازلة باعلى مواصفات جرافيك ليها بالتالى تقدر تستمع بجرافيك اعلى بمراحل كبيرة جداااااا

[kaprita]

اكيد Pc جغرافيك اعلي في الالعاب زي ما الاستاذ افادك mahmoud

[Youssef Ramzy]

طيب , هنصف الجيمرز نوعين.. في اللي بيبقى مهتم بالرسوميات والتفاصيل والجرافيكس العالي وفي اللي مش فارقة معاه حتى لو السيتنج على very low المهم انه بيلعب. لو انت من النوع التاني يبقى افضل اختيار ليك الps3 لأن الpc مش هيفيدك اكتر اما لو انت من النوع الاول الpc افضل اختيار ليك
بالنسبة لعيوب ومميزات كل من الجهازين

اولا الرسوميات الرديئة نوعاً ما زي ماقولنا ف الاول فا بالنسبة لجهاز من الجيل القديم الالعاب الحالية والقادمة مش هتنزل بكامل قدراتها الرسومية ف الps3 لأن ببساطة الاداء هايبقى قليل بشكل مزعج جدا فا بتنزل ب جرافيك معدل ومخفف وزي ماقولتلك لو انت من النوع التاني اكيد حاجة زي دي مش هتفرق معاك وطبعا الرسومات بتنزل ب اقصى قدرتها للpc عشان يقدر يتحمل

ثانياً حدود الجيمنج طبعا زي ماقولت انت مضطر تلعب ب رسوميات قليلة واداء برضو اقل من اداء الـpc لأن برضو الps3 اقل ف الاداء والفريمات بتبقى 30 ااما الpc بتوصل ل60 واعلى فا الpc متحرر ف الاداء والجرافكس بينما الps3 محدود بشكل مزعج ولسة الالعاب القادمة هتبقى مزعجة اكتر لأن الجرافكس هايبقى احسن وافضل وكل سنة بنشوف عروض مذهلة للرسوميات , ثاني حاجة ف حدود الجيمنج هوا شئ مفضل للpc جيمرز جدا وهوا الMODS محدش يقدر يعيش منغير mods الmods بتخلي اللعبة احسن ف الادء والرسوميات وحاجات تانية كتير زي انك ممكن تغير وتضيف شخصيات ومباني وبيئة محيطة وحاجات تانية كتير

ثالثا الاستخدام العام الps3 جهاز العاب فقط مينفعش مثلا تبقى قاعد تقوم مشغلو وتقول انا هفتح تويتر اشوف الاخبار او تفتح برامج زي الفوتوشوب الpc انت ممكن تتصفح عليه تفتح برامج تشغل اغاني تشوف افلام والاهم من كدة انك تلعب ودة شئ عظيم ان جهاز واحد لكل حاجة

رابعا قدم الجهاز .. كل حاجة بتقدم من اول الموبايلات للconsoles للpc اكيد حد كان جاب الps3 اول مانزل وكان مبهور بيه ودلوقتي مخنوق وعايز يجيب الاجدد (PS4) ودي ميزة الpc انك مش محتاج تدفع نفس التمن اللي دفعتو وانت بتشتريه ويمكن اكتر وتجيب النسخة الاجدد اللي انت عارف برضو ان كام سنة وهتغيرها بنفس السعر.. الpc عبارة عن قطع متجمعة عشان تديك الاداء المذهل اللي انت شايفو بس بعد كام سنة اكيد الاداء بيقل بـــس.. مش مضطر تغير القطع كلها كل اللي هتعملو انك هتجدد الجهاز تجديد بسيط تغير كارت شاشة او بروسيسور او رام .. الخ ومش بعد كام سنة على فكرة لو عندك جهاز قوي مش مضطر تغيرو الا بعد مدة كبيرة وزي ماقولت هتغير حاجات بسيطة

خامسا مش حاجة مهمة اوي لكن الكونترولز في اللي بيفضل الماوس والكيبورد وفي اللي بيفضل الدراعات

طبعا الpc يكتسح بجدارة وworth it جدا بس عيبو انه غالي لو هتشتري فئة عالية لو عايز سعر معقول دور عالفئة المتوسطة و فوق المتوسطة اللي مابين العالي والمتوسط وطبعا خلاصة الكلام انك لو هاوي رسوميات وعايز تستمع ب مناظر خلابة وروعة مع اداء ممتاز يبقى الpc مستنيك لو عايز تلعب,تلعب وبس يبقى الps3 مستنيك وطبعا الاختيار يتوقف ف ان انت انهي نوع من النوعين اللي فوق

[Youssef Ramzy]

وبالنسبة للحصريات مينفعش لعبة مذهلة ورائعة زي GTA V تنزل لجهاز من الجيل القديم فقط من رأيي روكستار كانت بتعمل beta لللعبة بتجرب ف الكونسولس القديمة عشان تصلح الbugs والمشاكل عشان ف الاخر تنزل نسخة نهائية رائعة مليئة بالتفاصيل والرسوم الجميلة والاداء الرائع وبدون مشاكل الا وهي نسخة الـpc والجيل الجديد وطبعا الmods هتحسن اللعبة اكتر ودة اللي هيخلي الpc يتفوق على كونسولس الجيل الجديد (كالعادة)

[eslam semo]

طيب اللعبة ديه مش هتنزل على الكمبيوتر ابدا ولا ايه

[Youssef Ramzy]

طبعاً والخبر مؤكد على الموقع الرسمي لروكستار

https://www.rockstargames.com/newswire/article/52261/Grand-Theft-Auto-V-Coming-this-Fall-to-PlayStation-4-Xbox

Grand Theft Auto V Coming this Fall to PlayStation 4, Xbox One and PC

[eslam semo]

امتى يااخ youseef ramzy

[Youssef Ramzy]

اخر السنة في شهر نوفمبر او سبتمبر محددوش بالظبط لسة

[eslam semo]

'طيب عايز اسئلك عن لعبة لوسمحت طبعا ياخ
youseef ramzy
شوف اللعبة ديه هتنزل على الكمبوتر ولامش هتنزل وامتى المعادRed Dead Redemption