استفسار بخصوص البروسيسورات الجديدة و البرودة الجديدة x99 ياريت الاهتمام

[RVD150]

انا عايز افهم حاجة انا عندى جهاز مواصفاتو

بروسيسور i7 4771 و بوردة z87 و رامات 16g ddr3 و كارت r9 290

عايز اعرف هل البوردة الجديدة x99 و الرامات الجديدة ddr4 هاتفرق فى الالعاب يعنى ولا اية عشان انا اتخنقت لما عرفت ان الرامات مش هاتركب غير على بوردة x99 ياريت حد يقولى هل فعلا هاتفرق ولا لا يعنى المفروض لما تنزل الرامات دى اغير ولا اية بضبط؟؟؟ ارجو الاهتمام

[a.mohamed1]

انت ممكن تكمل بالرامات بتاعتك عادي جدا مفيش مشاكل
وعموما الالعاب مبتعتمدش علي الرامات فا الفرق مش هيبقي كبير هيبقي حاجة بسيطة
من وجهة نظري ملهاش لازمة تبيع الرامات والمزربورد بتوعك وتزود وتجيب غيرهم لان الاستفادة مش كبيرة

[عمر المصري]

لن تشعر باي فرق تقريبا , لاسيما مع كسر سرعة الرامات الى 2000 mhz
وببساطة التجميعة اللي عندك رائعة وتستطيع تلبية المتطلبات العليا لكافة الالعاب على الاقل حتى 2013

[kaprita]

مفيش فرق كبير لان معظم الالعاب بتعتمد علي البروسيسور كاول شيئ و من ثم البطاقة الرسومية اما الرامات بتاعتك مش هتلاقي فرق كبير بينها لان احدث الالعاب بتعتمد علي رامات اقصي حد 8 جيجا بيت

[RVD150]

شكرااااااااا للاهتمامكو جداااااااااااااااااااا يعنى مثلا انا بشوف ان الالعاب بتطلب رامات 4 جيجا او 8 او 10 جيجا لاكن عمرى ماشوفت لعبة بتطلب ddr معين يعنى هى عايزة 8 جيجا مهما كانت ddr بتاعتها صح

طيب تمام اوى و التجميعة بتاعتى لا تحتاج الى تغير صح ؟؟؟؟

[a.mohamed1]

التجميعة فوق الممتازة مش محتاجة تغيير انشاء الله
والرامات مش بتفرق كتير في الالعاب الفرق بيبقي بسيط حتي التردد برضو بتاع الرامات لما بيزيد مبيفرقش جامد

[RVD150]

طيب معلشى كنت عايز اعرف طيب الفرق بين ال ddr3 و ddr4 هاتحس بي فين بضبط يعنى لما تيجي تعمل اية اة هاتحس بفرق بينهم

[a.mohamed1]

معدل الفريمات هيزيد يعني بس بنسبة قليلة اوي وممكن متحسش بيهم وهما عموما لسة منزلوش بس ملهاش اي لازمة تقعد تبيع وتشتري علي فرق بسيط

[mahmoudkamall]

المنصة بتاعتيك مش قبل 2016 على بال ما تفكر تغير اى شىء فيها انا هنا بتكلم عن الكارت الشاشة
ال 290
البرسويسور الاى سفن 2600 الساندى لسه صامد من اول يوم لغاية النهاردة والفروق ليست كبيرة بينه وبين اى اى سفن فما بالك بالبروسيسور بتاعك
الرامات لاتؤثر على الفريمات
معرفش الرامات الجديدة هتفرق فى ايه بالظبط بس لا تهتم اطلاقا
انا مبقللش من شان الكارت لكن عالم الالعاب ضخم وغير مضمون لكن اظن الاستراتيجية اللى شركات الالعاب ماشةي بيها مش هتخليك تحتاج تغير اى شىء قبل 2016
ان شاء الله واعتقد اكتر من كده كمان

[RVD150]

معدل الفريمات هيزيد يعني بس بنسبة قليلة اوي وممكن متحسش بيهم وهما عموما لسة منزلوش بس ملهاش اي لازمة تقعد تبيع وتشتري علي فرق بسيط

شكرااااااا اوى ليك على اهتمامك و الحمد الله انى مش هاحتاج للتغير

[RVD150]

المنصة بتاعتيك مش قبل 2016 على بال ما تفكر تغير اى شىء فيها انا هنا بتكلم عن الكارت الشاشة
ال 290
البرسويسور الاى سفن 2600 الساندى لسه صامد من اول يوم لغاية النهاردة والفروق ليست كبيرة بينه وبين اى اى سفن فما بالك بالبروسيسور بتاعك
الرامات لاتؤثر على الفريمات
معرفش الرامات الجديدة هتفرق فى ايه بالظبط بس لا تهتم اطلاقا
انا مبقللش من شان الكارت لكن عالم الالعاب ضخم وغير مضمون لكن اظن الاستراتيجية اللى شركات الالعاب ماشةي بيها مش هتخليك تحتاج تغير اى شىء قبل 2016
ان شاء الله واعتقد اكتر من كده كمان

شكرااااا جداااااااااا بجد بس انت عارف انا كان عندى كارت ati 4850 sapphire اعد معايا 4 سنين مقلش حاجة و كان بيشغل كل حاجة على اعلى اعدا و لسة لاغيت دلوقتى بس مشكلتو فى drtix 11 عشان هو 10 بس غيرتو السنة دى عشان ال drtix 11

[mahmoudkamall]

اديك حلتها كارت ال 4850 قعد اربع سنين وكمان بالنسةب ليك ممكن يصمد بس المشكلة بالدايركت اكس
طيب ما بالك بقا بكارت يتضمن احدث نواة مع افضل الخصائص المبتكرة
بالاضافة للبروسيسور اللى هو احدث جيل فى بعديه جيل بس هما هما نفس الاداء تقريبا بالظبط
لالالا لسه بدرى كبر مخك ومتشغلش بالك بموضوع اى شىء جديد لان معظم التكنولوجيا المتاحة اساسا لسه مستفدوش منها علشان ينزلوا تكنولوجيا جديدة
يعنى اقصد انسى وكبر مخك علشان انا ملاحظ ان اى اخبار عن تكنولوجى جديد بتضايقك وبتحس انك لسه شارى حاجة جديدة وبتحس انها ممكن تكون قديمة فى لحظة لا انسى مش مع منصتك
ومش مع الاستراتيجية اللى كل الشركات سواء الالعاب او الهاردوير ماشين بيها

[RVD150]

هى بصراحة حاجة تنرفز لما حاجة تنزل جديدة و تلاقى الحاجة اللى عندك بقيت قديمة بس خلاص مش مهم مدام الحمد الله الجهاز تمام

[RVD150]

انا عارف ان الموضوع مكانو مش هنا بس انا عملتو هنا عشان انا جربت فى المنتدى المختص و محديش بيرد عليا ياريت بس حد يقولى

انا عندى الروتر دة بس فى لمبة كدا ساعات بتنور و انا مشغل الواى فاى مش عارف بتاعت اية بضط






https://www.ce4arab.com/vb7/images/sub/08_2014/1071503.jpg (https://www.gulfup.com/?XRUQH3)


المبة اللى معلم علية بلاحمر هى دى لما لمبة الواى فاى بتشتغل ساعات الاقى لمبة دى اللى هى ساهمين عكس بعض بتنور






انا خايف لايكون فى حد دخل على الكمبيوتر بتاعى و بيخد الداتا اللى عندى عن طريق الويرليس ولا اية بضبط ياريت الرد بسرعة

[mr.gem]

انا عارف ان الموضوع مكانو مش هنا بس انا عملتو هنا عشان انا جربت فى المنتدى المختص و محديش بيرد عليا ياريت بس حد يقولى

انا عندى الروتر دة بس فى لمبة كدا ساعات بتنور و انا مشغل الواى فاى مش عارف بتاعت اية بضط






https://www.ce4arab.com/vb7/images/sub/08_2014/1071503.jpg (https://www.gulfup.com/?XRUQH3)


المبة اللى معلم علية بلاحمر هى دى لما لمبة الواى فاى بتشتغل ساعات الاقى لمبة دى اللى هى ساهمين عكس بعض بتنور






انا خايف لايكون فى حد دخل على الكمبيوتر بتاعى و بيخد الداتا اللى عندى عن طريق الويرليس ولا اية بضبط ياريت الرد بسرعة





دي علامة ال wps وملهاش علاقة بالهاكر او سرقة البيانات

[RVD150]

هى بس عشان بتشتغل لوحدها عشان كدا قلقت بس