المساعد الشخصي الرقمي

مشاهدة النسخة كاملة : dead pixels في شاشة dell 5537


محمد احمد 197
03-09-2014, 03:26
السلام عليكم
دلوقتي وانا بنضف شاشة اللاب توب من نوع dell 5537 لاحظت ان فيه dead pixels حوالي 5 بيكسلات ميتة قريبن من بعض تاحية الشمال والموضوع دة قلقني جدا خايف الموضوع دة يزيد بعد كدة والشاشة يبقي شكلها مش كويس انا اللاب لسة مكملش اسبوع اعمل اية ؟؟؟؟؟؟
akrammlsh
03-09-2014, 03:58
حضرتك ترجعه لان ليك حق الارتجاع خلال 14 يوم من شراء اللاب لو طلع فيه عيب ولاحاجة
akrammlsh
03-09-2014, 05:50
و ياريت تجرب اللاب الجديد في المحل قبل اما تمشي :)
محمد احمد 197
03-09-2014, 05:52
هما مش باينين اوي لازم تركز فيهم ومش عارف هيرضي يخليني اغيره ولا لأ انا خايف بس الموضوع يزيد بعد كدة
akrammlsh
03-09-2014, 05:53
انت جايبة منين ؟
Eng Mahmoud Hamada
03-09-2014, 06:15
لو فيه اكتر من 6 نقط ديد بيكسل ليك حق الارتجاع
محمد احمد 197
03-09-2014, 06:23
انت جايبة منين ؟
من سوق العصر
محمد احمد 197
03-09-2014, 06:26
لو فيه اكتر من 6 نقط ديد بيكسل ليك حق الارتجاع
هما حوالي 5 بس مش باينين اوي لازم تقرب من الشاشة عشان تشوفهم الخوف بس انهم يزيدوا بعد كدة
ahmed601
03-09-2014, 21:16
هما حوالي 5 بس مش باينين اوي لازم تقرب من الشاشة عشان تشوفهم الخوف بس انهم يزيدوا بعد كدة

الشاشات دى عباره عن ترانزيستور
او تقدر تقول مثلا مجموعة لمض كتير قوى بالملايين و حجمهم صغير جدا جدا ذي حجم البيكسل
لو باظ وحدة او 2 مش شرط ان الباقى يبوظ لا عادى جدا
و البيكسل مبتبنش الا في الظلمة و كمان تختبر على الوان مختلفة يعنى تخلى الشاشة مره بيضة و مرة حمراء الخ
و برضة علشان تحافظ على الشاشة لو هي مش تاتش سكرين اوعى تلمس الشاشة بصباعك لان ده بيجرح الشاشة و ممكن يتلف بيكسل لو ضغط عليها
Lessismooore
03-09-2014, 22:29
شوف الفاتوره هتلاقي فيها غالباً شروط الضمان و عدد الديد بيكسلز إللي ممكن لو تم تعديها ترجع الجهاز.
و نصيحه أي حد يشتري لاب جديد يجربه في المحل و يفتح برنامج paint و يعمل الباك جراوند على ثلاثة ألوان الأحمر و الأخضر و الأزرق أولاً و هي أهم الألوان المشتق منها كل الألوان في الشاشه RGB ، و تتأكد إن مفيش أي ديد بيكسل على الـ 3 ألوان دول ، بعدها ممكن تختبرها برضو على الأبيض و الإسود لمزيد من التأكيد.

ممكن تجرب حاجه برضو دلوقتي و إنت فاتح الجهاز تعمل الخطوات السابقه على الألوان الخمسه إللي فاتت و أي لون فيهم يظهر فيه الديد بيكسل إمسك شاشة اللاب من الطرف و رجعها لورا و لقدام بالراحه و بص في نفس الوقت على مكان الديد بيكسلز و شوف هل في أي واحده فيهم بتختفي و تظهر ولا لأ ، لإن ساعات بتبقى ملمسه من ضغط الفريم على الشاشه ف بعض الأجهزه أو حتى شاشة الـ LED العاديه للبي سي في بعض الموديلات.
محمد احمد 197
04-09-2014, 01:15
يا جماعة البيكسلات الميتة دي مش باينة اوي لازم تقرب عشان تشوفها وهما حوالي 5 صغيرين اوي ناحية الشمال ومش مؤثرين المشكلة انا خايف انهم يزيدوا بعد كدة ساعتها الشاشة هيبقي شكلها مش كويس وبيتهيالي مش هيرضي يغيرهولي عشان حاجة بسيطة هو الجهاز ماشاء الله زي الفل وعاجبني بس هي المشكلة دي اللي قفلتني منه شوية
Eng Mahmoud Hamada
04-09-2014, 05:48
يا جماعة البيكسلات الميتة دي مش باينة اوي لازم تقرب عشان تشوفها وهما حوالي 5 صغيرين اوي ناحية الشمال ومش مؤثرين المشكلة انا خايف انهم يزيدوا بعد كدة ساعتها الشاشة هيبقي شكلها مش كويس وبيتهيالي مش هيرضي يغيرهولي عشان حاجة بسيطة هو الجهاز ماشاء الله زي الفل وعاجبني بس هي المشكلة دي اللي قفلتني منه شوية

لا متقلقش مش هيزيدوا طالما مفيش غيرهم اهم حاجة متضغطش ع الشاشة باى حاجة