المساعد الشخصي الرقمي

مشاهدة النسخة كاملة : محتار اشترى Samsung Galaxy Note 3 Neo وله لا ... و الاسعار



ozizo
05-09-2014, 10:14
السلام عليكم

انا عاوز اشترى جهاز
Samsung Galaxy Note 3 Neoبس محتار اجيبو وله لا فى عيوب وله لا
سمعت انو اماراتى و ان فى عيوب كتير و فى مرتجع كتير و فى مشاكل كتير قوى فى الجهاز ده و اللى بشرحتين

و السعر هينزل لما النوت 4 ينزل وله لا علشان حصل معايه كدا فى السنوى زيد بعد ما اشتريتو اول لما نزل

انا اهم حاجه جوده الجهاز ده غير الامكانيات اللى فى النوت و القلم و الرام و المعالج

agrama
05-09-2014, 17:53
الأفضل تشتريه من مكان محترم ويعطيك فاتورة ضريبية وضمان استبدال 14 يوم والحاجات دي مهمة جدا جدا عشان حقك مايضعش

أنا قبل كدة اشتريت جلاكسي اس 1 جديد بدون ضمان وكان فيه عيب صناعة وللأسف حقي ضاع لأني اخترت الطريق ده من البداية عشان حبيت أوفر 300 جنيه وكانت النتيجة اني خسرت 800 جنيه من تمن الجهاز

بعد كدة اشتريت نوت 3 بضمان استبدال 14 يوم وفاتورة ضريبية وبعد تجربة يومين لاحظت خروشة في السماعات وديته التوكيل وخدت تليفون جديد تماما مكانه بضمان 14 يوم جداد

ولو المحل قالك لو الجهاز فيه حاجة هاتهولي وانا هوديه التوكيل ابقى اعرف انك هاتعيش في دوامة لمدة شهر ونص أو شهرين
لحد ماحقك يرجعلك

خلي بالك من حاجة مهمة جدا التوكيل لو روحتله بشهادة الضمان وفاتورة عادية هايرفض التليفون ولازم تكون الفاتورة ضريبية وانت دافع فيها ضريبة المبيعات ولو مش مصدق اسأل كل توكيلات سامسونج قبل ماتشتري

فاتورة ضريبية + ضمان استبدال 14 يوم حقك مضمون 100% حتى لو التوكيل اتأخر في حل مشكلتك يمكنك شكوى التوكيل للجهاز القومي لتنظيم الاتصالات وهوة هايحل المشكلة بكل سهولة

كود اختبار الجهاز بالكامل لأجهزة سامسونج فقط
اكتب #*0#*
واختبر كل حاجة صوت + تاتش + كاميرا + قلم + سينسورات + ليدات + أي حاجة متاحة