[الإسكندرية] عاوز تشترى أي حاجه من أى موقع أمريكى يعجبك؟! .. هنا من alaadahmed [الأرشيف]

مشاهدة النسخة كاملة : [الإسكندرية] عاوز تشترى أي حاجه من أى موقع أمريكى يعجبك؟! .. هنا من alaadahmed

الصفحات : [1] 2 3 4 5 6 7

alaadahmed

17-09-2014, 21:35

السلام عليكم

عاوز تشترى أى حاجه من amazon أو newegg أو أى موقع أمريكى حضرتك عارفه ونفسك تشترى من عليه حاجه؟! مع alaadahmed تقدر تشترى أى حاجه وتجيلك لغاية بيتك

حضرتك كل اللى حتعمله تتصفح الموقع المراد الشراء منه وتتأكد من مواصفات الحاجه اللى عاوزها مظبوط بعد كده تنسخ اللينك بتاع الحاجه ده هنا فى المشاركة وأنا حقولك حتكلفك كام بعد حساب وزنها وتكلفة الشحن وحساب الجمارك وضرايبها على الموقع اذا كان هناك ضرايب وحجيبهالك إن شاء الله لغاية عندك ..

أنا بشتغل أكثر فى متعلقات الكومبيوتر .. يعنى أى هاردوير للكومبيوتر (كروت فيجا - بروسيسورات - رامات - مازربوردات - كيبوردات وكل مايتعلق بأجهزة الإدخال) أو ما يخص الجيمز وأجهزة الجيمز ابعت لى اللينك ..

أنا مش بشتغل فى الملابس أو الأجهزه الثقيلة أو الموبايلات حتى إشعااار أخر :)

الحاجات بتوصل مصر غالباً خلال 10 لـ 12 يوم أو أقل

أنا شارى كل حاجات الكومبيوتر عندى من هناك بالطريقة ده والحاجات بتوصل مغلفة جيدا ومحمية ومفهاش أى مشكلة بفضل الله

وإشتريت برده لأخوة أفاضل بس من إسكندرية بقى فكان فى فرصه إننا نلتقى وده كان مسهل الأمور شويه :)

طبعا زى ماهو واضح الضمان حيكون مسؤليتك .. أنا مسؤليتى إنى أجيب لك الحاجه فى علبتها مغلفة وسليمة ولو انت من أى محافظة غير إسكندرية سيتم شحنها إلى العنوان الخاص بك أو المقر الخاص بشركة الشحن التى تريد الشحن من خلالها .. كله حسب الإتفاق.

الحاجة أول ما توصل عندى حقوم بتصويرها وأخذ بياناتها عندى وحبعت لك صوره ليها ومعها ورقة مطبوعة زى الفاتورة المفصلة كده بالمصاريف اللى اتصرفت بالظبط عشان تبقى عارف انت دفعت كام فى إيه.

طريقة الدفع والعمولة الخاصة بى كالآتى:

سيتم احتساب عمولة قدرها 5٪ من قيمة الشراء الأصلية + الضريبة المضافة لها من الموقع الذى تم الشراء منه -- على ألا تقل عن 5 دولارات كحد أدنى --

يعنى إيه الكلام ده .. يعنى حاجه حضرتك شايف سعرها 50 دولار أنا لما بعمل checkout بيظهرلى الضريبة اللى حدفعها وده انت مش بتشوفها إلا لما تيجى تدفع الفلوس بالفيزا بتاعتك .. وليكن الضريبة أو الـ Estimated Taxes هي 5 دولار يبقى المجموع الكلى 55 دولار .. نحسب الـ 5% بتاعت الـ 55 دولار تكون 2.75 دولار وتحسب هنا 5 دولارات (الحد الأدنى) وهكذا (يتم حساب سعر الدولار كما فى السوق وقتها)

ملحوظة: كل موقع بيحتسب عمولة بسيطة على مجموع (الثمن الأصلى + الضريبة) وبتتراوح بين 2.25٪ لـ 2.75٪ ولو أقل من كده أكيد حضرتك حتبقى عارف.

يعنى أمازون مثلا بياخده 2.7٪ والحاجات ده أنا بعرفها لما براجع مع البنك إيه اللى تم سحبه من الفيزا على أخر معاملة

بالنسبة للشحن يعتمد على الوزن بالنصف كيلو .. أول نصف كيلو بـ 12 دولار وكل نصف كيلو زيادة بـ 9 دولارات

بالنسبة للجمارك أو الضريبة المحلية ده حيكون حسابها تقديرى ومش حيفرق كتيير عن اللى ححسبهولك .. يعنى حاجات بسيطة

طريقة الدفع عن طريق فودافون كاش على رقم 01026577788 أو حضرتك بإستخدام نظام فورى .. حتدفع عن طريق خدمة فورى من عند أى سوبرماركت أو أى مكان عنده الخدمة ده على الرقم بتاعى وهو 01117999083

حضرتك حتدفع قيمة “الشراء + الضريبة + ثمن الشحن” وحيتبقى الجمارك أو الضريبة المحلية وده حضرتك حتدفعها لما الحاجه بتاعتك توصل عندى بالسلامة وحاتصل بحضرتك للإتفاق على كيفية التسليم ..

تم التواصل مع إدارة الموقع وتم أخذ بيناتى (باسبور + بطاقة + إيصال كهرباء)

شكراً جزيلاً لكم

CM Storm

18-09-2014, 08:32

تم اخذ صورة البطاقة والباسبور الخاص بأستاذ علاء لضمان حق العميل بالتوفيق

أرسلت من GT-I8190 بإستخدام تاباتلك

shreef sabry

18-09-2014, 09:57

تكلفني كام دي لو سمحت 32g
https://www.amazon.com/Corsair-Flash-Voyager-Mini-CMFMINI3-32GB/dp/B00E3RHS6A/ref=sr_1_5?s=pc&ie=UTF8&qid=1411026813&sr=1-5

alaadahmed

18-09-2014, 15:04

تكلفني كام دي لو سمحت 32g
https://www.amazon.com/Corsair-Flash-Voyager-Mini-CMFMINI3-32GB/dp/B00E3RHS6A/ref=sr_1_5?s=pc&ie=UTF8&qid=1411026813&sr=1-5

معلش يا أخى الكريم الكهربا والله كانت قاطعة بقالها فترة ولسه شايف الطلب بتاعك دلوقتى .. ده حتكلف حضرتك 220 جنيه .. وممكن أعملك ليها أوردر دلوقتى عشان هيا حتوصل مع حاجه أنا طالبها فى نفس اليوم عشان كده أنا مش حاسب لك شحن :) يعنى حتيجى على حساب الحاجه اللى طالبها لنفسى :) بس رد عليا سريعا :)

شكراً جزيلاً لك :)

Avalanche

18-09-2014, 17:23

ربنا يوفقك يا عم علاء و يقويك لما فيه الخير بجد كلمه لوجه الله بقولك الراجل ده بجد بجد بجد محترم و أنسان مهذب جدا و طريقته فى التعامل مع الناس زى الفل بجد و الله على ما أقوله شهيد

meez

18-09-2014, 17:57

ياريت تشوف دى يا باشا وترد فى اسرع وقتhttps://www.amazon.com/Tt-eSPORTS-HT-ISU005EBRE-A-Thermaltake-Headset/dp/B00DEH52SQ/ref=sr_1_1?ie=UTF8&qid=1411055571&sr=8-1&keywords=ThermalTake+Tt+eSports+ISURUS+DUB (https://www.amazon.com/Tt-eSPORTS-HT-ISU005EBRE-A-Thermaltake-Headset/dp/B00DEH52SQ/ref=sr_1_1?ie=UTF8&qid=1411055571&sr=8-1&keywords=ThermalTake+Tt+eSports+ISURUS+DUBعلفكرة)

وياريت دى كمان انا هجيب واحدة منهم

https://www.amazon.com/SONY-MDR-XB30EX-L-EXTRA-Headphones-Japanese/dp/B008G80F4Y/ref=sr_1_1?s=wireless&ie=UTF8&qid=1411056292&sr=1-1&keywords=Sony+Extra+Bass+Earphones+MDR-XB30EX

alaadahmed

18-09-2014, 18:17

shreef sabry

19-09-2014, 02:24

معلش يا أخى الكريم الكهربا والله كانت قاطعة بقالها فترة ولسه شايف الطلب بتاعك دلوقتى .. ده حتكلف حضرتك 220 جنيه .. وممكن أعملك ليها أوردر دلوقتى عشان هيا حتوصل مع حاجه أنا طالبها فى نفس اليوم عشان كده أنا مش حاسب لك شحن :) يعنى حتيجى على حساب الحاجه اللى طالبها لنفسى :) بس رد عليا سريعا :)

شكراً جزيلاً لك :)
طيب ان شاء الله محتاج 2منها سعة 32جيجا ياريت تسبلي رساله فيها ميعاد التسليم وطريقة الدفع وانا من المنصوره وشكرا

alaadahmed

19-09-2014, 04:21

طيب ان شاء الله محتاج 2منها سعة 32جيجا ياريت تسبلي رساله فيها ميعاد التسليم وطريقة الدفع وانا من المنصوره وشكرا

ياه لو حضرتك رديت عليا بدرى شويه :( .. عموما أنا كان عندى إحساس قوى إنك حتبقى عاوز فأنا عملت أوردر بالفعل أول لما شفت طلبك وقلت أنا حجيبها .. والله أخدها خير وبركه مأخدهااش يبقى أنا حاخدها عشان كانت عجبانى برده :) .. ففى واحده بالفعل جايه فى الطريق بالسعر الموضح من قبل .. لكن للأسف لو حعمل أوردر لواحدة تانية سعرها حيزيد 80 جنيه لو حطلبها لوحده كده .. حضرتك كلمنى على سكايب على alaadahmed عشان هنا الرسايل الخاصة معطلة :) ..

سكرين شوت للأورد عشان تكون مصدقنى :)

https://arabhardware.net/forum/attachment.php?attachmentid=23824&stc=1

CM Storm

19-09-2014, 12:58

السلام عليكم ورحمة الله وبركاته أ/علاء

كنت عاوز تحسب تكلفة الحاجات دى مجمل بالتوصيل لحد باب البيت وياريت تكلفة كل حاجة على حدا

https://www.amazon.com/dp/B00E3RHS6A/ref=asc_df_B00E3RHS6A3314457?smid=A29PHU0KPCGV8S&tag=pgmp-1585-01-20&linkCode=df0&creative=395109&creativeASIN=B00E3RHS6A

وده

https://www.amazon.com/SENTRY-Accessories-5-25-Inch-Screen-Controller/dp/B002L16OMO/ref=pd_sim_e_6?ie=UTF8&refRID=0K0YRWJ2VFVP2D9MYZJZ

مع خالص الشكر منتظر ردك

shreef sabry

19-09-2014, 13:33

ياه لو حضرتك رديت عليا بدرى شويه :( .. عموما أنا كان عندى إحساس قوى إنك حتبقى عاوز فأنا عملت أوردر بالفعل أول لما شفت طلبك وقلت أنا حجيبها .. والله أخدها خير وبركه مأخدهااش يبقى أنا حاخدها عشان كانت عجبانى برده :) .. ففى واحده بالفعل جايه فى الطريق بالسعر الموضح من قبل .. لكن للأسف لو حعمل أوردر لواحدة تانية سعرها حيزيد 80 جنيه لو حطلبها لوحده كده .. حضرتك كلمنى على سكايب على alaadahmed عشان هنا الرسايل الخاصة معطلة :) ..

تمت الاضافة

سكرين شوت للأورد عشان تكون مصدقنى :)

https://arabhardware.net/forum/attachment.php?attachmentid=23824&stc=1

alaadahmed

19-09-2014, 13:37

محمد حسان محمد

19-09-2014, 17:44

alaadahmed

19-09-2014, 18:00

السلام عليكم
لو سمحت اجمالى التكلفة كام ؟

https://www.amazon.com/AEROCOOL-Touch2000-Temperature-monitoring-Retail/dp/B002BFSLM6 (https://www.amazon.com/AEROCOOL-Touch2000-Temperature-monitoring-Retail/dp/B002BFSLM6)

https://i207.photobucket.com/albums/bb164/digicoretech/AeroCoolTouch2000.jpg

ماشاء الله حاجه فِخْمة بصحيح :) ..

بص ياباشا ده وزنها 3 باوند يعنى شحنها لوحده حيكلف 216 جنيه لغاية مصر - ده الوزن المذكور على موقع أمازون اللى ساعات بيكون فيه خطأ منهم!
ده لما بتوع الجمارك حيشفوها حيقولوا ده إلكترونيات يعنى حيكون عليها جمارك 10% وضريبة مبيعات 10% يعنى 20% كلى من سعرها + تكلفة شحنها
سعرها + الشحن حيكلف: 625 جنيه + 20% = 750 جنيه
عمولة 9% من سعرالأصلى بدون مصاريف الشحن = 35 جنيه
يعنى حتكلفك 785 جنيه بالجمارك ..:)

https://arabhardware.net/forum/attachment.php?attachmentid=23838&stc=1

meez

20-09-2014, 05:05

alaadahmed

20-09-2014, 05:39

معلش لو سمحت واسف على الازعاج
ياريت اعرف دى لعند مستلمها هتكلفنى كام يعنى بالظبط كام اللى هدفعه

https://www.amazon.com/JVC-HAFX1X-Headphone-Xtreme-Xplosivs/dp/B004S7Q8CA/ref=sr_1_1?ie=UTF8&qid=1411180792&sr=8-1&keywords=JVC+HAFX1X

طبعا شحنها جوه مصـر يتوقف على حضرتك ساكن فين فأنا حسبت تكلفتها لغاية ما أنا أستلمها
ثانيا ده حاجه الواحد حرام يشحنها لوحده عشان التكلفة حتزيد عليك جدا فأنا ححسبها لوحده وححسبها لو اشتريناها وشحناها مع حاجه تانى على أساس انها خفيفه ومش حتبان فى الوزن :)

أولاً: لو تم شحنها بمفردها: التكلفة حتكون كالأتى:
236 جنيه (سعرها) + 86 (شحنها) + 16 (جمارك) + 23.5 (ضريبة مبيعات ) + 35 ( عمولة ) = 396 جنيه

ثانياً: لو تم شحنها مع أشياء أخرى ( ده اللى أنا برشحه فى حالة شراء أشياء صغيرة كهذه): التكلفة حتكون بدون الـ 86 جنيه يعنى: 310 جنيه

https://arabhardware.net/forum/attachment.php?attachmentid=23865&stc=1

meez

20-09-2014, 16:06

تمام يا باشا ياريت لو تبعتلى الفيس بتاعك على الخاص
عشان نتفاهم فى التفاصيل وان شاء الله هنتظر لعند ما يتم شحنها مع حاجة اخرى منتظرك

alaadahmed

20-09-2014, 16:12

تمام يا باشا ياريت لو تبعتلى الفيس بتاعك على الخاص
عشان نتفاهم فى التفاصيل وان شاء الله هنتظر لعند ما يتم شحنها مع حاجة اخرى منتظرك

https://www.facebook.com/alaadahmed

أنا باعت على كارت فيجا EVGA GTX 770 Classified 4gb :) بس هو المفروض يوصل على 23 أو 24 سبتمبر على عنوانى هناك ... شوف إيه الكلام وأنا تحت أمرك :)

meez

20-09-2014, 16:19

ضفتك كلمنى
انا لقيت نفس السماعة بسعر ارخص شوية

https://www.amazon.com/original-JVC-HA-FX1X-Headphones-XPLOSIVES/dp/B00A78LMXE/ref=sr_1_2?ie=UTF8&qid=1411222281&sr=8-2&keywords=JVC+HAFX1X

mando7610

20-09-2014, 19:56

alaadahmed

20-09-2014, 20:11

تكلفته كام ده يا أستاذ علاء علماً أن ضمن عرض

https://www.amazon.com/Protector-Tech-Armor-Protectors-Touchscreen/dp/B00EL93W1U/ref=gb1h_tit_c-3_4902_4a9f3c01?ie=UTF8&qid=1410561750&sr=8-1&keywords=B00EL93W1U&smid=A389UX2GHRBG9&pf_rd_m=ATVPDKIKX0DER&pf_rd_t=701&pf_rd_s=center-new-3&pf_rd_r=1NZ3W71V08SCHNJQ1WS9%22

بالاضافة انا من مدينة الاسكندرية و ليس بحوزتى فيزا فهل يمكن التعامل شخصياً و شكراً ...

حضرتك ده لـ iPhone 6؟ لو كده اسمحلى أتصور مع حضرتك إن شاء الله لما نتقابل :)
طبعا ده أنا بفضل التعامل الشخصى جدا واتعاملت مع كذا حد من أسكندرية من بحرى وجناكليس :)
ده حيكلف حضرتك 80 جنيه وأعتقد لو لقيتها فى مصـر يبقى أفضل أكيد.
وده على فكرة برده مش حاسب لها شحن .. عشان ممكن تيجى مع حاجه أنا طالبها ربنا يسهل ييجوا فى نفس التوقيت :)
لو كده ياريت تقابلنى بكره صباحا عشان أنا أصلا رايح البنك عشان أشحن الفيزا اللى مش بتلحق تقعد ده :)

شكراً جزيلاً لك

mando7610

20-09-2014, 20:24

حضرتك ده لـ iPhone 6؟ لو كده اسمحلى أتصور مع حضرتك إن شاء الله لما نتقابل :)
طبعا ده أنا بفضل التعامل الشخصى جدا واتعاملت مع كذا حد من أسكندرية من بحرى وجناكليس :)
ده حيكلف حضرتك 80 جنيه وأعتقد لو لقيتها فى مصـر يبقى أفضل أكيد.
وده على فكرة برده مش حاسب لها شحن .. عشان ممكن تيجى مع حاجه أنا طالبها ربنا يسهل ييجوا فى نفس التوقيت :)
لو كده ياريت تقابلنى بكره صباحا عشان أنا أصلا رايح البنك عشان أشحن الفيزا اللى مش بتلحق تقعد ده :)

شكراً جزيلاً لك

شكراً ليك جداً و شرف ليا أنى أقابلك لكن الامر كان محور سؤال لانى بصراحة مش عارف الامر بيتحسب أزاى يعنى مثلاً ده ثمنه تقريباً 6 دولار يعنى هيكلفنى 80 جنيه

يعنى الباور سبلاى ده

https://www.newegg.com/Product/Product.aspx?Item=N82E16817438014&cm_re=Power_Supply-_-17-438-014-_-Product

تقريباً ثمنه 60 دولار هيكلفنى 800 جنيه بحيث لما الواحد يحب يشترى حاجة يبقى عارف ثمنها بدون السؤال بحيث أطلب منك شرائها على طول و شكراً ليك ..

alaadahmed

20-09-2014, 20:40

شكراً ليك جداً و شرف ليا أنى أقابلك لكن الامر كان محور سؤال لانى بصراحة مش عارف الامر بيتحسب أزاى يعنى مثلاً ده ثمنه تقريباً 6 دولار يعنى هيكلفنى 80 جنيه

يعنى الباور سبلاى ده

https://www.newegg.com/Product/Product.aspx?Item=N82E16817438014&cm_re=Power_Supply-_-17-438-014-_-Product

تقريباً ثمنه 60 دولار هيكلفنى 800 جنيه بحيث لما الواحد يحب يشترى حاجة يبقى عارف ثمنها بدون السؤال بحيث أطلب منك شرائها على طول و شكراً ليك ..

ده حيكلف حضرتك 900 جنيه شامل الشحن
بالنسبة للبروتكتور بتاع الموبايل: حضرتك فى كذا حاجه بتتحسب زى ضريبة المبيعات والعمولة الخاصة بي اللى هيا المفروض على الأقل 34 جنيه ومع ذلك أنا محسبتهاش 34 جنيه بالنسبالك :)
هو 6 دولار بس لما تيجى تحسبها لازم تضيف 2.7% عمولة بياخدها موقع أمازون لما تستخدم الفيزا بتاعتك يعنى [(6/100)*2.7]+6= 44.25 جنيهاً (دولار = 7.16) تقريبا + حتلاقى بتوع الجمارك يحطوا عليها ضريبة مبيعات 10% عشان هما مش بيعدوا حاجه إلا ويحطوا عليها ضريبة .. والضريبة ده حاجه غير الجمارك .. مش كل حاجه عليها جمارك لكن كل حاجه عليها ضريبة مبيعات وبتختلف من حاجه للتانية .. الضريبة حتكون 10% من 44.25 يعنى 4.425 والرقم ده حضرتك حتضيفه على الـ 44.25 يديك 48.67 .. ضيف عليهم بقى الـ 34 = 82.67 :) وأنا قايلك 80 جنيه .. ده خد بالك ده الشحن على حسابى كمان عشان كنت حجيبها مع حاجه تخصنى وده المفروض أنا معملهوش بس أنا بستحرم لما ألاقى حاجه خفيفة خالص وتكاد تكون معدومة الوزن وأدفعك عليها 86 جنيه شحن فقط .. أكيد كده أنا بهرج وإن كان ده حق :) .. مع ذلك أنا قلت لحضرتك 80 جنيه فقط :)

لو عاوزنى أحسبلك الباورسبلاى اتحسب إزاى مفيش مشكلة حعمل تعديل فى المشاركة ده! :)

شكراً جزيلاً لك. :)

mando7610

20-09-2014, 21:00

ده حيكلف حضرتك 900 جنيه شامل الشحن
بالنسبة للبروتكتور بتاع الموبايل: حضرتك فى كذا حاجه بتتحسب زى ضريبة المبيعات والعمولة الخاصة بي اللى هيا المفروض على الأقل 34 جنيه ومع ذلك أنا محسبتهاش 34 جنيه بالنسبالك :)
هو 6 دولار بس لما تيجى تحسبها لازم تضيف 2.7% عمولة بياخدها موقع أمازون لما تستخدم الفيزا بتاعتك يعنى [(6/100)*2.7]+6= 44.25 جنيهاً (دولار = 7.16) تقريبا + حتلاقى بتوع الجمارك يحطوا عليها ضريبة مبيعات 10% عشان هما مش بيعدوا حاجه إلا ويحطوا عليها ضريبة .. والضريبة ده حاجه غير الجمارك .. مش كل حاجه عليها جمارك لكن كل حاجه عليها ضريبة مبيعات وبتختلف من حاجه للتانية .. الضريبة حتكون 10% من 44.25 يعنى 4.425 والرقم ده حضرتك حتضيفه على الـ 44.25 يديك 48.67 .. ضيف عليهم بقى الـ 34 = 82.67 :) وأنا قايلك 80 جنيه .. ده خد بالك ده الشحن على حسابى كمان عشان كنت حجيبها مع حاجه تخصنى وده المفروض أنا معملهوش بس أنا بستحرم لما ألاقى حاجه خفيفة خالص وتكاد تكون معدومة الوزن وأدفعك عليها 86 جنيه شحن فقط .. أكيد كده أنا بهرج وإن كان ده حق :) .. مع ذلك أنا قلت لحضرتك 80 جنيه فقط :)

لو عاوزنى أحسبلك الباورسبلاى اتحسب إزاى مفيش مشكلة حعمل تعديل فى المشاركة ده! :)

شكراً جزيلاً لك. :)

شكراً ليك جداً و الصورة كده وضحت بس يبدو أن الامر يبدو اكثر تكلفة مما تصورت بسبب الضريبة أو عمولة الموقع او الشحن من الخارج طب معلش سؤال أخير بالنسبة للمنتجات الرقمية مثلاً سيريلات لنسخ الونيدوز او الالعاب برده من مواقع amazon & newegg .. يعنى مثلاً

https://www.newegg.com/Product/Product.aspx?Item=N82E16832138359&cm_re=assassin_creed-_-32-138-359-_-Product

بحيث لا توجد مسألة الشحن أو الجمارك ... بتكون التكلفة كام و شكراً ليك جداً و أسف على الازعاج ..

alaadahmed

20-09-2014, 21:20

شكراً ليك جداً و الصورة كده وضحت بس يبدو أن الامر يبدو اكثر تكلفة مما تصورت بسبب الضريبة أو عمولة الموقع او الشحن من الخارج طب معلش سؤال أخير بالنسبة للمنتجات الرقمية مثلاً سيريلات لنسخ الونيدوز او الالعاب برده من مواقع amazon & newegg .. يعنى مثلاً

https://www.newegg.com/Product/Product.aspx?Item=N82E16832138359&cm_re=assassin_creed-_-32-138-359-_-Product

بحيث لا توجد مسألة الشحن أو الجمارك ... بتكون التكلفة كام و شكراً ليك جداً و أسف على الازعاج ..

ده مفيش أى مشكلة فيه إطلاقا ححسبهولك بسعر التكلفة اللى انت شايفها .. يعنى اللى حيتخصم من الفيزا حضرتك حتدفعه .. بس هيا الفيزا حاليا مفهاش غير 3 جنيه :( بكره بقى أبقى اشتريها لحضرتك لو عاوزها :) بس ياريت على أماوزن بالنسبة للحاجات اللى زى ده لدواعى أمنية :D

والأمر مش أكثر كلفة ولا حاجة لما تكون حتشترى حاجه مش موجودة فى مصـر خااالص .. وده الصراحة اللى أنا بفضله .. يعنى مثلاً كارت فيجا ولا بروسيسور ولا نوع رامات نادر شويه فى مصـر كده يعنى .. ده الحاجات اللى بتكون جماركها صغيره 5% وضريبتها 10% وانت مش حتحس بيهم أوى لأن الشركات هنا بتكون بالفعل حسباها اكتر من كده كمان .. يعنى حاول تجيب حاجه مش حتعرف تجيبها من مصــر خااالص .. ده الغرض من الشراء من امريكا .. لكن موضوع انك تشترى كابل ولا سى دى فاضى ولا الكلام ده أنا بعتبره جنون وتهريج الصراحة عشان أكون صريح معاك .. حتى لو فى مصـر غالية شويه فهيا حتكون من هناك أغلى خالص عشان تكلفة الشحن ..

الإسكايب بتاعى هو alaadahmed عشان بس منقضيهاش مشاركات عشان منخدش حق غيرنا فى نشر إعلانه .. شكراً جزيلاً لكم

saint79

21-09-2014, 07:43

حضرتك ممكن تتعاما مع الموقع ده
www.iherb.com
هوا فى امريكا و بيشحن مباشر

alaadahmed

21-09-2014, 10:02

حضرتك ممكن تتعاما مع الموقع ده
www.iherb.com
هوا فى امريكا و بيشحن مباشر
لا والله حضرتك ده شكله ملهوش علاقة بالكمبيوتر خالص. عموما أنا بشتغل في الهاردوير كما ذكرت في المشازكة الأساسية وكمان الحاجات زس اللي علي الموقع ده حتكون ضرايبها عالية وجماركها عالية عشان حتقع تحت بند مستحضرات التجميل والعناية بالجسم :)

saint79

21-09-2014, 10:26

هوا فعلا مالوش علاقه بالكمبيوتر بس حضرتك ذاكر اى موقع فى امريكا لو ينفع تتعامل معاه قولى
هيا تعتبر زى المكملات الغذائيه ممكن اعرف من حضرتك دى جماركها بتبقى كام

alaadahmed

21-09-2014, 10:31

هوا فعلا مالوش علاقه بالكمبيوتر بس حضرتك ذاكر اى موقع فى امريكا لو ينفع تتعامل معاه قولى
هيا تعتبر زى المكملات الغذائيه ممكن اعرف من حضرتك دى جماركها بتبقى كام

يعنى الجمارك لوحده ممكن توصل لغاية 30% وضريبة المبيعات بتوصل لـ 20% .. ده غير إنها بتتعرض على الصيدلية أو المعمل الخاص بالجمرك عشان يعرفوا إيه ده بالظبط .. يعنى بيغلسوا شويه فى الحاجات اللى زي ده .. حسب المزاج .. فعشان كده أنا بريح دماغى منها :)

hmr2002eg

21-09-2014, 16:53

ممكن تحسبلي التكلفة الاجماليه
https://www.amazon.com/DSC-HX400V-HX400V-Camera-Focus-Replacement/dp/B00IOWPDXK/ref=sr_1_2?s=electronics&ie=UTF8&qid=1411309651&sr=1-2&keywords=hx400v