المساعد الشخصي الرقمي

مشاهدة النسخة كاملة : طلب نصيحة فى شراء معالج و لوحة أم مختصين بالألعاب


Ahmed 3zzat
22-09-2014, 15:51
السلام عليكم و رحمة الله و بركاتة
انا حالياً هشترى معالج و بوردة جداد للجهاز بتاعى , و أنا مخصص الجهاز دة للألعاب يعنى عاوز قطعتين يعطونى أداء أفضل للألعاب
ميزانيتى هى 3 - 3.5 الف جنية
معنديش خبرة فى موضوع المعالجات علشان كدة جيت أسألكم هنا :) بس أنا اعرف أن intel هو الأفضل علشان كدة كنت عاوز حاجة intel i7 بس فى انواع كتيييير جداً فى السوق من النوع دة و انا مش فاهم الفروق بينهم يعنى مثلاً ساعات بلاقى نوعين ايفى بريدج و هازويل و الاتنين اسعارهم قريبة و بقف محتار لانى مش فاهم الفرق ! , فعاوز اعرف أية اسم المعالج اللى يعطى أداء أفضل للألعاب بالميزانية اللى محددها فوق دية .
كمان عاوز بوردة يكون سعرها خفيف و تشغل المعالج و يبقى فيها 4 اماكن للرامات لانى انا عندى 4 رامات مش اتنين بس
كمان انا عندى كرت شاشة من نوع GTX 650 TI و جايبلة باور سبلاى 400 وات , هل هحتاج أغير الباور سبلاى أم لا مع المعالج الجديد .
مكان اقامتى هى مصر .
a.mohamed1
22-09-2014, 16:10
طلاما استخدامك العاب يبقي يكفيك وزيادة انك تجيب I5 لان ال I7 بيفرق في برامج التصاميم والجرافيك انما فرقه في الالعاب بسيط ميستاهلش انك تشتريه لو مش ناوي تكسر سرعة هات
I5 4460 1400 LE
MSI B85-G43 GAMING 775 LE
TOTAL 2175 LE
والفرق الي هيتبقالك
تبيع كرت الشاشة والباور لان كرت الشاشة مش قوي اوي وتجيب كرت شاشة وباور اعلي وهيفرقو معاك جامد في الاداء ان شاء الله
Ahmed 3zzat
22-09-2014, 16:15
طب هو مش عدد الانوية بيفرق فى الجيمز ؟ يعنى مثلاً لو سداسى النواة هيبقى افضل من رباعى النواة ؟
ولا فى الجيمز الحاجات دية متفرقش ؟
Ahmed 3zzat
22-09-2014, 16:17
و كرت الشاشة فعلاً هغيرة ان شاء الله قريب بـ GTX 970 فهل كرت الشاشة دة لو جبتة مع المعالج اللى بتقول علية مش هيبقى فية عنق زجاجة ؟
a.mohamed1
22-09-2014, 16:26
في الالعاب الاستخدام لحد دلوقتي بيبقي 4 انوية بس يعني الاي 5 كافي وزيادة والاي 7 بيبقي 4 انوية برضو لكن فيه منه 6 وبيبقي اغلي لكن متقلقش
ولو جبت الكرت مش هيحصل عنق زجاجة لا
هات المزربورد والبروسسور ووفر الباقي لتحويش كرت الشاشة ولو عاوز بروسسور افضل هات
I5 4690 1700 LE
لكن انا مش شايف الصراحة الفرق كبير لكن هو اقوي عموما
Ahmed 3zzat
22-09-2014, 16:34
اوكى شكراً جداً أخى الكريم على المعلومات دية , و فرت عليا فلوس كانت ممكن تترمى فى الأرض بصراحة ^^" مدام كدة كدة الأستخدام مش هيفرق جامد يبقى نجيب واحد من الاتنين دول :) .
متجر عرب هاردوير
23-09-2014, 19:30
مادام الجهاز للالعاب : فيفضل ان تحضر معالج i5 مع بورده منالسبة وتوفر الباقى لشراء بطاقة رسومية أفضل .. وذلك سيكون أفضل من أجل استخدام الالعاب :
القطع التالية مناسبة :
https://store.arabhardware.net/intel-core-i5-4460-haswell-32ghz-lga-1150.html
https://store.arabhardware.net/msi-gaming-b85-g43-lga-1150-intel-b85.html

القطع التالية متوفرة بمتجر عرب هاردوير .. يمكن الشحن الى مكانك .. لمعرفة كيفية الطلب من المتجر من ذلك الموضوع https://arabhardware.net/forum/showthread.php?t=397787
Ahmed 3zzat
23-09-2014, 23:25
طيب أخى الكريم , كم سيأخذ من الوقت أذا طلبتها أون لاين لتصل لى من عندكم
كمان هل المازر بورد اللى ذكرها الاخ الكريم لها ضمان عندكم ؟
kaprita
24-09-2014, 04:39
كل شيء لة ضمان اما حكاية امتي الطلب بيوصل بيوصل بعدها ب يومين عن تجربة انا شاري من المتجر GTX 750 1GB
قوي و كويس جدا في الالعاب بس الاحسن تشتري حاجة افضل
متجر عرب هاردوير
24-09-2014, 10:05
طيب أخى الكريم , كم سيأخذ من الوقت أذا طلبتها أون لاين لتصل لى من عندكم
كمان هل المازر بورد اللى ذكرها الاخ الكريم لها ضمان عندكم ؟

مدة الشحن تتحدد من شركة الشحن ولكنها فى مدة 5 أيام عمل
بالنسبة للبورده اذا اشتريتها من المتجر فان ضمانها من الوكيل بالتاكيد