المساعد الشخصي الرقمي

مشاهدة النسخة كاملة : شركه لينك زفت


ARC.YORA
23-09-2014, 12:39
بعد اذنكم انا كنت مشترك مع لينك من حوالى 3 سنين ومن يومين لقيت السرعه نزلت 256 سئلتهم قالولى دى السياسه الجديده يعنى انا مشترك ف 10 من كل شهر والسرعه نزلت يوم 22 ف الشهر يعنى بنتلكم ف 15 يوم والباقى هفضل ع السرعه دى 256
فلو هحول من الشركه دى اروح تى داتا وهل فيها نفس الحوار دا ؟
ولو فيها يبقى كام جيجا ف الشهر
ahmed-hn
23-09-2014, 13:55
اتنين جيجا فى تى داتا 350 جيجا تحميل دة ايلى بيقولوا علية غير محدزد
mando7610
23-09-2014, 14:29
أنت مشترك فى سرعة كام ولوحدك ولا معاك شبكة لان فى لينك لو كسرت سعة التحميل كل شهر مفيش مشكلة لكن فى te data لو كسرت سعة التحميل ثلاث مرات الشركة بتوقف الخدمة و بتخيرك يا تنقل إلى السرعة المحدودة وهى الطلقة وتدفع 350 كل شهر فى سرعة 4 ميجا و سعة تحميل شهرية 160 جيجا أو أى كانت السرعة أو أن العقد بينك و بين الشركة يتم فسخه يعنى الشركتين زى الزفت بالاضافة سعة التحميل من te data فى السرعات 2 و 4 ميجا بتكون 300 جيجا كل شهر و هذا الكلام من أحد العاملين داخل الشركة و ليس خدمة العملاء و اللى كلامهم بيجيب الضغط ...
ARC.YORA
23-09-2014, 15:34
براحه بس كده
الاول شكرا ع ردككم يا رجاله
يعنى انا لو روحت تى داتا ليا ف الشهر 300 جيجا بس وبعدها اكيد بينزلو السرعه
طيب ف عداد مثلا بيعرفنى حملت اد ايه ف الغير محدود
__________________________________
اه مشترك ف شركه لينك من 3 سنين واول شهر ينزلو السرعه ل 256 بعد 15 يوم من الشهر قالولى انت بتستهلك كتير قولتلهم برحتى دى غير محدوده قالولى لا السياسه اتغيرات
من هنا ورايح المفتوح والقفول ليه سعه معينه
فنا عاوز تاكيد ع تى داتا 300 جيجا كويسين عليا ف الفل كمان
ARC.YORA
23-09-2014, 15:56
كلمت واحد قالى احسن حاجه
تروح السنترال وتغير الرقم هياخدو منك 22 جنيه وبعد يومين الرقم هيتغير
خدو ورح تى داتا وقدم ع النت والقديم برحتو بقه ياكش يولع
ARC.YORA
24-09-2014, 11:30
حد يعرف سعه التحيمل ف تى داتا كام بلظبط ف السرعه 2 ميجا واى العروض الحالليه دلوقتى
ARC.YORA
24-09-2014, 11:58
ندلوقتى كلمت لينك وسئلتهم ع موضوع الروتر قالولى بقه بتاعك خلاص
ينفع بقه لما اوصل تى داتا اشغلها ع الروتر دا
4 مخارج وويرلس بتاع لينك

2730U Router (https://www.google.com/url?sa=i&source=images&cd=&docid=191tyuqzB2JWxM&tbnid=rU0PoKRDYFtn9M:&ved=0CAYQjhw4Hw&url=http%3A%2F%2Fcompume.com.eg%2Far%2Fd-link-dsl-2730u-router-cod-ldsl-2730u&ei=T5YiVKydEo6mggSi14GIDg&psig=AFQjCNFy-1pIYREKz5m5PdTrQbR8VE8JwA&ust=1411639247362550)
agrama
24-09-2014, 12:02
قدم شكوى للجهاز القومي لتنظيم الاتصالات على رقم 155 من أي تليفون أرضي أو موبايل وعرفهم مشكلتك وهما هايحلوا مشكلتك وشركات النت بتترعب منهم قوي
ARC.YORA
24-09-2014, 14:15
ماهى الحكومه اللى نزلت موضوع تحميل محدود للكل قال ايه عشان يقللو الشبكات الغير شرعيه
انا كلمت تى داتا وقالوى تعالى افرع وحنا هنعملك الكنسل من لينك وتشترك معانا
مطر اوافق لان مفيش غير الشركتين دول جربت لينك نجرب تى داتا
واتفق انا والاربعه اللى معايا اى حاجه تنزل جديده واحد ينزلها ويعملها شير والباقى يخدها منه
ونجرب وان شاء الله نظبطها ع كده
ARC.YORA
28-09-2014, 12:15
يارجاله محدش يعرف استخدام تى اى داتا ال 2 ميجا
mando7610
28-09-2014, 15:46
300 جيجا على السرعات الـ 2 ميجا و 4 ميجا لكن الشركة مش واضعه عداد زى السرعات المحدودة يعنى متعرفش أنك خلصت سعة التحميل غير لما السرعة تنزل إلى 128 ...
sayed7ea
28-09-2014, 16:22
عداد 300 جيجا موجود في موقع الشركة mytedata
ARC.YORA
29-09-2014, 05:40
شكرا يا رجاله ع الرد
انا روحت تى داتا وعملتهم تفويض لنقل الخدمه من لينك
قالو 5 ايام عمل غير الاجازات
والتركيب 14 يوم بحد اقصى غير الاجازات (الجمعه والسبت)
بس لو فعلا 300 يوم كويس لانى مش هخلصهم