لخبطة مواصفات بين Dell 3537 , Dell 5537 i5

[Mamezo zawzy]

السلام عليكم


كنت محتاج مساعدة حضراتكم فى نقطة الإختلافات دى.
فى اختلاف فى السعر و المواصفات وبصراحة ابتديت اشك فى مراكز البيع وانها ممكن تكون بتكتب مواصفات غير صحيحة.

دى مواصفات جهاز 3537 i5
https://egyptlaptop.com/dell-inspiron-3537-core-i5-4-gb-750-gb-amd-2g-dos.html
معروضة بسعر 3.999
موضح على الموقع ان البطارية 6 خلايا
هارد 500
Free Dos

فى المقابل نفس الجهاز 3537 i5
https://compume.com.eg/en/computers/computer-device/laptops/dell-inspiron-15-3537-black-corei5-codel15-i5-4-500-bk
معروض بسعر 4.698
موضح على الموقع ان البطارية 4 خلايا فقط
هارد 500
ويندوز 8

وأيضا نفس الجهاز 3537 i5
https://compume.com.eg/en/computers/computer-device/laptops/dell-inspiron-15-3537-laptop-codel15-i5-4-750-bk
معروض بسعر 4.399
موضح على الموقع ان البطارية 4 خلايا فقط
هارد 750
Free Dos

ومن ناحية أخرى

ده جهاز 5537 i5
https://egyptlaptop.com/dell-inspiron-5537-core-i5-4-gb-ram-vga-amd-2g-hd-500-gb-dos-silver.html?selected_section=discussion
معروض بسعر 4.100
موضح على الموقع ان البطارية 6 خلايا

وده كان أقرب جهاز بالمواصفات اللى تخص 5537 بس زيادة عليه انه Touch
https://www.dell.com/us/p/inspiron-15r-5537/pd?oc=frtl15r1177s
بس ملقتش الـ 5537 بنفس المواصفات اللى انا عايزها أو اللى هى معروضة فى موقع إيجيبت لابتوب على موقع ديل نفسه ولا اى توكيلات تانية.

بصراحة أنا بعد ما حددت النوع بالظبط , تهت بين الأماكن وانه غير معروض إلا عند شخص واحد وبمواصفات مختلفة عن التوكيلات الأخرى.

ياريت تقدروا تساعدونى فى النقطة دى

[محمود السيسى]

انا رأيى تشوف مكان مضمون و تروح له و كده كده اصلا لازم تتأكد و تعمل check على الامكانيات قبل ما تمشى من المحل سواء بال service tag او هو لو مسطب نسخة 8 تشوف الامكانيات او عن طريق ال dos

[Mamezo zawzy]

شكرا ليك " محمود السيسى " على الرد والإهتمام.

بالرغم من إنى قلت خلاص انا حشترى من توكيل عشان ارتاح من المشاكل دى و ازود المبلغ , ملقتش أصلا المواصفات اللى انا بدور عليها.
سألت فى Computer shop قالى منزلش عندنا بالمواصفات دى على السيستم اصلا.
حعمل محاولة مع Compu me
المشكلة بقى لو ملقتهوش برضه , حيبقى ايه العمل ؟؟

[محمود السيسى]

ماهو لو مش لقيته بالمواصفات اللى انت بتقول عليها يبقى غالبا معدش بينزل بالمواصفات دى و فى الحالة دى تبتدى بقى تشوف لاب توب تانى تشتريه
بس اللاب اللى على ايجيبت لاب توب ده ناس اشترته بالامكانيات دى حتى لو معدش موجود دلوقتى و دى مراجعة له اهى
https://arabhardware.net/forum/showthread.php?t=386522

[Eng Mahmoud Hamada]

انا اشتريته من التوكيل بنفس المواصفات اللى مكتوبة فى ايجيبت لاب توب وممكن تلاقى منه نسخ بس الهارد 1 تيرا وكده ولو ملقتوش فى التوكيل اشتريه من اى مكان تانى وهتلاقيه موجود ان شاء لله

[dr.shadi]

السلام عليكم
روح على compu me وحتلاقي الي انت عايزو ومكان موثوق وعندهم تأمين على الكمبيوترات حتى لو ادشدش و احسن حاجه تجيبو يكون بنظام تشغيل اوبينتو ويكون نوعه 5537 لان جسمه من الميتال مش بلاستيك

ومبروك مقدما و تاكد يكون الجيل الرابع مش الثالث لان حتلاقي في المحلات الي برا اسعار رخيصه بس بتكون الجيل الثالث وانت مش واخد بالك

ومبروك مقدما