هل يمكن ربط 2 GTX 760 [الأرشيف] - منتديات عرب هاردوير

خالد رمزي

29-09-2014, 17:31

بسم الله
بالنسبه للبورده فهي تدعم تشغيل كرتين نفيديا مع بعض SLI SUPPORT

بالنسبه للباور سبلاي
البروسيسور بيسحب 100 وات و 130 وات لو معملو كسر سرعه ل 4 جيجا هرتز على 1.35 فولت
كرت الشاشه الواحد بيسحب 170 وات يبقا كرتين عملي يسحبو 230 وات على اقصى حد
لو افترضنا ان كفاءة الباور سبلاي 80% يبقا كدا شلنا كمان 120 وات
وباقي اجزاء الجهاز تحتاج 100 وات كحد اقصى
=
130 + 230 + 120 + 100
=
580 وات
بناء على دا يبقا الباور سبلاي كافي ان شاء الله
وبرضو لو حضرتك تحط رابط بمواصفات الباور سبلاي يبقا افضل لأن في حجات تانيه مهمه لازم تتشاف في الباور سبلاي عشان نطمن 100%
لو حضرتك لسه حتشتري فأنا بقترح على حضرتك تجيب 780 افضل بكتيير لسببين

1- الفيديو رام اكتر 3 فال 780 و 2 بس فال 760 لأن ال sli مبزودش الرام هيا حتفضل برضو 2 وانت حتحتاج اكتر من 2 لو

أ- رزليوشن اعلى من 1080
ب- استخدام 4x mssa

2- مش كل اللعب بتشتغل مع كرتين كويس وزيادة الأداء بتبقا ما بين 150% او 170% يزيد او يقل

يبقا الأحسن لو تجيب كرت واحد افضل في الأداء وللبروسيسور كمان اللي كرتين عليه حيعتبر ضغط
فلو لسه حتشتري اشتري كرت واحد افضل
ولو انت عندك واحد وعايز تشتري واحد تاني معاه ففكر تبيع اللي معاك وتشتري 780 افضل بكتير