المساعد الشخصي الرقمي

مشاهدة النسخة كاملة : كارت gtx 970 النسخه الاحترافيه من جيجابايت ينزل بعض المتاجر بسعر مبالغ فيه 3700 ج


IVY BRIDGE
30-09-2014, 00:00
اليوم كارت gtx 970 النسخه الاحترافيه من جيجابايت نزل بعض المتاجر بسعر مبالغ فيه 3700 جنيه وعلى متجر عرب هاردوير بسعر 3350 جنيه .

كارت gtx 980 النسخه الافتراضيه من جيجا بايت نزل بعض المتاجر بسعر مبالغ فيه 5500 جنيه

و النسخه الاحترافيه لجيجابايت من الكارت gtx 980 على متجر عرب هاردوير بسعر 5350 جنيه فقط .
™ The Rock
30-09-2014, 00:11
يا اما الناس ديه نزلت اسعار وهي شاربه وفي غلط في السعر وحيتصلح
يا اما الناس ديه بتستهبل ويتبلغ عنها بتهمه النصب
لما المتجر الي معروف عنه انه اغلي عارض النسخ الاحترافيه ارخص بكتير
وعالم التعبانه دول عارض النسخه العاديه من 980 اغلي من الاحترافيه بتاعت المتجر
وعارض النسخه بتاعه 970 اغلي فرق 400 وشويه من المتجر
حسب الله ونعم الوكيل في شويه الحرميه دول
الي يحرق الدم الكارت رخيص بره يا بشر
اتقوا ربنا
THE SPY 0.0
30-09-2014, 00:21
الى يشترى منهم عالم نصابة وشويت حرامية والله حسبى الله ونعم الوكيل
arrow92
30-09-2014, 00:43
ياشباب هو رد واحد على الى بيحصل
الى عاوز يشترى
بغض النظر غالى ولالا
محدش بيضرب حد يشترى
فالاسعار هترخص ان شاء الله لمه الكارت ينتشر
وينزل بكثره
adshii
30-09-2014, 00:58
ياشباب هو رد واحد على الى بيحصل
الى عاوز يشترى
بغض النظر غالى ولالا
محدش بيضرب حد يشترى
فالاسعار هترخص ان شاء الله لمه الكارت ينتشر
وينزل بكثره
الخوف من ان اول واحد بينزل الاسعار في المتاجر العاديه هو الي بيحدد السعر اول وكيل حينزل السعر في المحلات هو الي حيحدد سعره وطبعا هوا كده بيغري المحلات انهم يقلدو وبيبيعو بالسعر الغالي لان طبعا كرت زي 970 كرت شعبي في مصر والاستغلال حيبقي اكتر فيه بالذات
arrow92
30-09-2014, 01:05
الخوف من ان اول واحد بينزل الاسعار في المتاجر العاديه هو الي بيحدد السعر اول وكيل حينزل السعر في المحلات هو الي حيحدد سعره وطبعا هوا كده بيغري المحلات انهم يقلدو وبيبيعو بالسعر الغالي لان طبعا كرت زي 970 كرت شعبي في مصر والاستغلال حيبقي اكتر فيه بالذات

متخفش كل الكروت بتبقا كده فى الاول
وبعدها بترخص
انا توقعاتى ان الكارت 970
هينزل ويتباع ب3300
وال980
ب5200
كسعر اول ما ينزل
وبعدها هيرخص حبه حبه
لمه كل المتاجر تبقا موجوده فيه
adshii
30-09-2014, 01:11
متخفش كل الكروت بتبقا كده فى الاول
وبعدها بترخص
انا توقعاتى ان الكارت 970
هينزل ويتباع ب3300
وال980
ب5200
كسعر اول ما ينزل
وبعدها هيرخص حبه حبه
لمه كل المتاجر تبقا موجوده فيه

بخبره حضرتك المدي الزمني قد ايه
kioooo4
30-09-2014, 01:14
والله العظيم شوية حرامية الكارت متوقع سعره يكون فى رنج 2800 وهما عارضينه للبيع بـ 3700

نصب نصب يعنى الواحد بيفكر والله يعمل بلاغ فى توكيل جاما او نقدم شكوى فى حماية المستهلك بتهمة النصب على الناس والمبالغة فى اسعار غير حقيقية للسلعة
arrow92
30-09-2014, 01:17
بخبره حضرتك المدي الزمني قد ايه

هو ليس بخبره وانما قراءه السوق كالمعتاد
بالكتير على نص شهر 10
او اقل هيكون الكارت متوفر فى كل المتاجر
بعدها بشهر الاسعار هتبدا تقل
ده الى بيحصل
لمه بينزل كارت جديد كل سنه
والله اعلى واعلم

:)
adshii
30-09-2014, 01:20
والله العظيم شوية حرامية الكارت متوقع سعره يكون فى رنج 2800 وهما عارضينه للبيع بـ 3700

نصب نصب يعنى الواحد بيفكر والله يعمل بلاغ فى توكيل جاما او نقدم شكوى فى حماية المستهلك بتهمة النصب على الناس والمبالغة فى اسعار غير حقيقية للسلعة

معاك حق وانا خالي بيعمل في جهاز حمايه المستهلك انا ممكن اسالو عن الاجرائات المتبعه وانا مستعد نقدم بلاغ رسمي سلعه زادت من ثمنها 1000جنيه دون وجه حق واستغلال
a.mohamed1
30-09-2014, 08:49
حتي لو الكرت رخص معتقدش انه هيرخص عن سعر عرب هارد وير غير بعد فترة طويلة
بس هما حرين عادي يبيعو بالسعر الي يعجبهم والي عاجبه السعر يشتري :D
KeMo007
30-09-2014, 09:57
مفيش حاجة اسمها الـ عجبه يشترى والـ مش عجبه لا يشترى !!
الوقتى الكارت عامل 329 دولار فى جميع دول العالم وده سعره العالمى يعنى عامل حوالى 2362 جنيه مصرى
أزاى يتباع بـ 3700 جنيه !! ده يا حضرات نصب وسرقة علنى عينى عينك واستخفاف بعقول المستهلك بدون استحياء للأسف ولازم يبقى فيه واقفه ومقاطعه لشركات الهاردوير فى مصر
لحين الالتزام بالأسعار والاهتمام بالمستهلك زيادة عن كده ،، لو تفتكروا زمان أيام الرئيس الراحل محمد أنور السادات عندما أرتفع سعر اللحموم عن الحد المسموح
اصدر قرار بعدم الذبح لمدة شهر كامل فى جميع المحافظات ،، وديه لحمة الـ هى شئ اساسى فى حياة أى بنى أدم ( طبيعى ) مش كارت شاشة !!
وبلاش الجملة المستفزة بتاعت الـ عاجبه يشترى والـ مش عاجبه هو حر ميشتريش !! الكلمة ديه يا حضرات مباحة فى حالة لو انت أخترعت منتج ساعتها بيعه بالسعر الـ تحب والـ عاجبه يشترى والـ مش عاجبه بلا بلا ..

أفيقوا يرحمكم الله .
a.mohamed1
30-09-2014, 10:49
انا مقصدش حاجة
انا اقصد ممكن محدش يعرف يجبرهم انهم ينزلو السعر لان الكرت اقوي من GTX 780 الي تمنه اغلي فا ممكن الي يجي يشتري يضطر يشتري ب3700 عادي
فا لو حد عاوز يشتري يشتري عادي مش عاوز يبقي يستني لحد مينتشر والكروت سعرها يقل ساعتها هينزلو سعره بالاجبار وعموما عندك حق :D
sprocketgear
30-09-2014, 10:52
باختصار اللى عايز يشتري يعمل موضوع يجمع فيه كذا عضو محتاج كارت ويشتروا من امازون ويقسموا الشحن بينهم ,,,
وفككوا من مصر ووكلاءها وتجارها ,, الموضوع سهل جدا
samehhero
30-09-2014, 11:27
موضوع موحد لغلاء الأسعار لكروت الشاشة وكارت gtx 970
أرجوا زيارة الموضوع

https://arabhardware.net/forum/showthread.php?t=403565 (https://arabhardware.net/forum/showthread.php?t=403565)
GTRX970
30-09-2014, 11:32
باختصار اللى عايز يشتري يعمل موضوع يجمع فيه كذا عضو محتاج كارت ويشتروا من امازون ويقسموا الشحن بينهم ,,,
وفككوا من مصر ووكلاءها وتجارها ,, الموضوع سهل جدا

ياريت والله لأن الوضع بقى صعب والاسعار مبالغ فيها جدا جدا واستغلال حاجه الناس للسلعه بقى شيء لا يمكن قبوله + تأخر نزولها في السوق المحلي وبعد الانتظار والصبر تلاقي الحاجه نازله بضعف السعر .. الاسعار التي نزلت بالامس في بعض المتاجر المحليه كانت اسعار صادمه وغير متوقعه صراحه وأعتقد السبب فيها هو وجود كروت من الجيل السابق كال 770 و 780 لدى تلك المحلات وعدم رغبتهم في تنزيل اسعارها فقاموا بإبقاء الاسعار القديمه دون تغيير وعرض الكروت الجديده بسعر اعلى وكان المفترض هو تنزيل كارت 970 مثلا بسعر 770 وتنزيل سعر 770 ونفس الامر مع 780 ولكن طبعا التاجر لا يريد أن يتنازل عن ولا مليم من ارباحه ولكن اتمنى من الاعضاء عدم الشراء حاليا لان من يشتري بهذه الاسعار يشجع جشع التجار واستمرارهم على نفس النهج والمغالاه في الاسعار.
kimi raikkonen
30-09-2014, 13:53
للاسف المحلات اثبت انهم بيلعبوا بالبيضة والحجر رغم انهم دائما بيشتكوا اننا بنقول عليهم نصابين وحرامية
انا عندى سؤال طيب كارتين GTX 970 , GTX 980 قالوا ضريبة المبيعات و قالى الاسعار العالمية وقالوا الجيل الجديد وقالوا الماكسويل ووووو
انما كروت ال R9 280X , R9 290 , R9 290X . GTX 770 .GTX 780 ,تفضل اسعارها زى ما هى رغم ان اسعارهم نزلت فى جميع الاسواق الاوروبية والامريكية والاسيوية
يبقى ده النصب بعينوا و سرقة مفهاش كلام
whiteknights
30-09-2014, 15:01
الكارت رخيص بره..بره بقا مش عندنا..من امتى فيه حاجة رخيصة عندنا؟..اقتصاديا احنا دول منهارة طبيعى كل حاجة تبقى بالغالى عندنا..لازم تعيش اقتصادى فى البلد دى..و انا عن نفسى كارت زى r9 280x او حتى HD 7970 شايفه ممكن يكون كافى جدا للألعاب القادمة لفترة ليست بقصيرة..ساعتها يكون اسعار الكروت التانية نزلت.
kaprita
30-09-2014, 21:11
كل المشكلة ان الكارت لسة جديد علشان كدة غالي انما لما ينتشر في كل المحلات سعرة هينزل جامد جدا
skytheone
30-09-2014, 22:01
يعنى الواحد يعمل ايه دلوقتى انا عايز اشترى الكارت ده وكنت فاكر اول لما هينزل المحلات هيبقى ارخص من كده دلوقتى الكارت بقى ب 3700 يعنى اغلى من المتجر ب 400 جنيه تقريبا هو ده غلط فى الاسعار ولا الكلام ده بجد والكارت مش هيرخص حد يفهمنى
a.mohamed1
30-09-2014, 22:23
مش غلط لا
الكرت نزل في كذا محل بنفس السعر هما بيستغلو انه اقوي من GTX 780 وبيبيعوه اغلي
ده انا كنت فاكر المتجر بيبيع بسعر غالي عشان الكرت حصري ليهم طلعت مش فاهم حاجة
علي العموم حاول تشتريه من امازون وتدفع مصاريف الشحن وخلاص
او اشتريه من عرب هارد وير او اصبر لما ينتشر في كل المحلات هتلاقي سعره رخص ان شاء الله
skytheone
01-10-2014, 00:57
مش غلط لا
الكرت نزل في كذا محل بنفس السعر هما بيستغلو انه اقوي من GTX 780 وبيبيعوه اغلي
ده انا كنت فاكر المتجر بيبيع بسعر غالي عشان الكرت حصري ليهم طلعت مش فاهم حاجة
علي العموم حاول تشتريه من امازون وتدفع مصاريف الشحن وخلاص
او اشتريه من عرب هارد وير او اصبر لما ينتشر في كل المحلات هتلاقي سعره رخص ان شاء الله

يعنى دلوقتى الافضل ليا ان اجيبو من متجر عرب هاردوير هو معروض ب 3350 والتعامل مع المتجر بيبقى ازاى انا بتصل بيهم ويشحنو الكارت ولا ممكن اروح انا بنفسى اشتريه