المساعد الشخصي الرقمي

مشاهدة النسخة كاملة : محدش يعرف اذا كان فيه شاشات IPS هتنزل فى مصر قريب يا رجاالة؟


whiteknights
04-10-2014, 20:17
يا رجااالة..شاشات ال IPS فى السوق المصرى ملهاش اى وجود من فترة طوووووويلة...محدش عنده اى معلومات عن دفعة جديدة ممكن تنزل قريبا من شاشات ال IPS تحديدا ولا لأ؟ علشان الواحد مستنى كتير و مش عارف اجيب شاشة عادية و خلاص ولا استنى اكتر
McLaren
05-10-2014, 02:01
LG 32LB561B 32 Inch IPS LED HDTV
بس دي تلفزيون
whiteknights
05-10-2014, 04:19
LG 32LB561B 32 Inch IPS LED HDTV
بس دي تلفزيون

لأ انا اقصد شاشة كمبيوتر عادية FULL HD ..داخلين على شهور كتير و مفيش اى شاشة IPS فى مصر بطولها و عرضها ..مع ان فيه ناس كتير بيحتاجو النوع ده بالذات من الشاشات فى استخداماتهم
McLaren
05-10-2014, 06:35
لأ انا اقصد شاشة كمبيوتر عادية FULL HD ..داخلين على شهور كتير و مفيش اى شاشة IPS فى مصر بطولها و عرضها ..مع ان فيه ناس كتير بيحتاجو النوع ده بالذات من الشاشات فى استخداماتهم

فعلاً كان فيه حاجات Asus و LG تقريباً كانت بتنزل
دلوقتي مش عارف مش موجودة ليه!

استنى حد من الأعضاء ممكن يفيدك أكثر,
وأذكر ميزانيتك برضوا عشان تسهّل عليهم النصيحة.
whiteknights
05-10-2014, 07:48
فعلاً كان فيه حاجات Asus و LG تقريباً كانت بتنزل
دلوقتي مش عارف مش موجودة ليه!

استنى حد من الأعضاء ممكن يفيدك أكثر,
وأذكر ميزانيتك برضوا عشان تسهّل عليهم النصيحة.

كان فيه Asus ايوة لكن اختفوا من السوق..ميزانيتى لحد 2000 ممكن.. انا بس من اهم اسباب تمسكى بال IPS هو زوايا الرؤية و الألوان و الوضوح..انا مجرتش شاشة Samsung TN Panel من سنة 2009 تقريبا و كانت تجربتى معاها محبطة بسبب زوايا الرؤية السيئة ..معرفش ايه النظام من حيث زوايا الرؤية فى شاشات Samsung الحالية
amen064
05-10-2014, 21:19
الشاشة دي موجودة حالياً في مصر عند Maximum Hardware بسعر 1300

Samsung LS24D390HL 23.6 Inch PLS LED Monitor

الشاشة PLS وليست IPS

صفحتها علي موقع Samsung (https://www.samsung.com/us/computer/monitors/LS24D390HL/ZA)

فيديو بيوضح جودة الشاشة من حيث زوايا الرؤية والألوان


https://www.youtube.com/watch?v=Tg5iupEZvQI
bazilizk
05-10-2014, 21:30
أخي الفاضل. شاشات ال ips اسوس غالبا ستكون متاحة بعد العيد باسبوعين (منقول) . وذلك لتغيير وكيل اسوس من الشركة الهندسية لوكيل اخر (وغالبا اتنين وكلاء جدد)
بالنسبة لشاشات ال samsung PLS عن تجربة ... بعد تجربة AH-IPS Asus.. لا توجد فروقات ملحوظة. نفس زوايا الرؤية والالوان. ونفس الاسود المضي عند الرؤية من زاوية موازية
whiteknights
05-10-2014, 22:17
أخي الفاضل. شاشات ال ips اسوس غالبا ستكون متاحة بعد العيد باسبوعين (منقول) . وذلك لتغيير وكيل اسوس من الشركة الهندسية لوكيل اخر (وغالبا اتنين وكلاء جدد)
بالنسبة لشاشات ال samsung PLS عن تجربة ... بعد تجربة AH-IPS Asus.. لا توجد فروقات ملحوظة. نفس زوايا الرؤية والالوان. ونفس الاسود المضي عند الرؤية من زاوية موازية

مشكور لك جدا على الرد...بالنسبة للأسود المضىء فى شاشتى ال ASUS IPS فهو غير موجود ..اللى موجود فقط هو ال IPS GLOW على الحواف و غير ملحوظة .. اللى قلقنى من شاشات ال سامسونج هو الأسود المضىء الملحوظ (backight bleed) ...شوفت فيديوهات مسبقا للشاشات السامسونج و لاحظت انه بيكون باين عند اى خلفية سوداء و بيكون ساطع و ملحوظ .. لكن على اى حال انا ان شاء الله هشتريها لو منزلش شاشات IPS ..بس ليا سؤال اخر من فضلك..متعرفش اذا كان بيأتى معاها كابل ال HDMI ؟ ...نظرا لأنها مفهاش DVI
bazilizk
05-10-2014, 22:25
كابل فيجا فقط
whiteknights
06-10-2014, 00:54
كابل فيجا فقط

شكرا على الأفادة..طيب انا عندى سؤال اخير دايما ملخبطنى ...فى هذه الحالة لما يكون الشاشة مفهاش غير مخرج HDMI واحد و عايز اوصلها بال DVI-D..بحتاج كابل HDMI to Dvi ؟ ..ولا بحتاج محول converter ؟
فيه ناس قالولى converter عادى من HDMI الى DVI ..بس انا حسيت انه مش هينفع..ينفع فى حالة لو هركبه فى الكيسة انما مش هينفع لو هركبه فى الشاشة...كده انا صح؟
bazilizk
06-10-2014, 01:05
شاشتي الاسوس mx239 كان جاي معاها كابل طرف hdmi والطرف الاخر Dvi
لكن دي ممكن تشتريلها نفس الكابل من راديو شاك مثلا. الطرف dvi في الكارت والطرف ال hdmi في الشاشة.
لو لقيته غالي . ممكن تشتري كابل hdmi ومعاه كونفرتر dvi male يدخل في الكارت. (كابل hdmi كافي لوحده واكيد كارتك فيه مخرج hdmi والتاني في الشاشة)
او تشتري كونفرتر hdmi male وتدخله الكارت وتوصل بيه كابل الفيجا الاصلي اللي جاي مع الشاشة.
حلولها كتير .
whiteknights
06-10-2014, 02:23
شاشتي الاسوس mx239 كان جاي معاها كابل طرف hdmi والطرف الاخر Dvi
لكن دي ممكن تشتريلها نفس الكابل من راديو شاك مثلا. الطرف dvi في الكارت والطرف ال hdmi في الشاشة.
لو لقيته غالي . ممكن تشتري كابل hdmi ومعاه كونفرتر dvi male يدخل في الكارت. (كابل hdmi كافي لوحده واكيد كارتك فيه مخرج hdmi والتاني في الشاشة)
او تشتري كونفرتر hdmi male وتدخله الكارت وتوصل بيه كابل الفيجا الاصلي اللي جاي مع الشاشة.
حلولها كتير .

متشكر ليك جدا على تعبك معايا..انا فعلا فكرت فى كونفرتر الفيجا الى hdmi و لكن افتكرت ان الجودة كده هتكون اقل؟ عشان ده كابل فيجا ولا هى هى مش هتفرق ؟ ...و بالنسبة لكابل اللى من راديو شاك طرف dvi و الأخر hdmi ده يعمله كام تقريبا؟ و الكابل ال hdmi العادى يعمله كام؟ ..معلش على كثرة اسئلتى بس دول اخر اسألة بجد :D
McLaren
06-10-2014, 03:12
متشكر ليك جدا على تعبك معايا..انا فعلا فكرت فى كونفرتر الفيجا الى hdmi و لكن افتكرت ان الجودة كده هتكون اقل؟ عشان ده كابل فيجا ولا هى هى مش هتفرق ؟ ...و بالنسبة لكابل اللى من راديو شاك طرف dvi و الأخر hdmi ده يعمله كام تقريبا؟ و الكابل ال hdmi العادى يعمله كام؟ ..معلش على كثرة اسئلتى بس دول اخر اسألة بجد :D

أنا شاشتي السامسونج كانت جاية أصلاً بالكابل ده.
أظنه بيجي مع معظم الشاشات, مش محتاج تشتريه
whiteknights
06-10-2014, 09:55
أنا شاشتي السامسونج كانت جاية أصلاً بالكابل ده.
أظنه بيجي مع معظم الشاشات, مش محتاج تشتريه

شكرا ليك .. طيب متعرفش الكابل ده يتباع بكام لوحده؟ هو و كابل ال HDMI الأصلى...لأنى كده كده عايز كابل HDMI لتوصيله بالريسيفر و الشاشة
McLaren
06-10-2014, 10:45
آخر مرّة سألت كان ب 30-40 جنية حاجة كده,
بس في راديو شاك المفترض بيكون أغلى من كده,
وكمان السعر بيزيد مع طول السلك.