تابلت - لاب Surface Pro 3

[DELL-i7]

السلام عليكم,

عاوز اعرف الجهاز ده نزل مصر ولا لأ,
و موجود فين و اسعاره ايه ؟

Surface Pro 3

موجود منه كذا اصدار علي حسب البروسيسور و الرامات و الهارد,
الفرق هيكون واضح في الاستخدام بين الـ i3 , i5 , i7 ؟

علما بأني مش هاستبدله باللاب الا للشغل فقط, ادارة سيرفرات ليسنك, يعني مجرد استخدام انترنت و دخول السيرفرات نفسها


تحياتي

[Eng Mahmoud Hamada]

وعليكم السلام الجهاو موجود على موقع سوق النسخة ال i5 وسعره 9350 جنيه

وده الرابط انقر هنا (https://egypt.souq.com/eg-en/microsoft-surface-pro-3-tablet-12-inch-windows-os-128gb-wifi-silver-7162533/i/?gclid=CjwKEAjwns6hBRDTpb_jkbTv1UYSJACBhber2upWSiP l9uSbCVg1cNZB4GQ6PcZyeJDKBylSyZomcRoCopnw_wcB)

[DELL-i7]

ممتاز جدا, الف شكر لحضرتك,

لكن لو انا عاوز اشتريه من اي مكان تاني مش عاوز شراء عن طريق الانترنت,

فهل حضرتك تعرف مول او مكان في اي حتة في مصر يكون متوفر عنده الجهاز ؟

وهل في فرق كبير هاحسه اما استخدمه مع معالج الـ i5 , RAM: 4 GB ؟
لأني حاليا اللاب بتاعي DELL 5537 , RAM: 8 GB, i7, AMD 8850 2GB

تحياتي

[akrammlsh]

للاسف الاجهزة ديه مبتبقاش متوفرة في مصر ده الnexus 7 القديم نزل مصر بعد ما نزل بره ب سنتين و نص :) و اللينك الي الاخ محمود كتبة انا منصحش بيه لان البائعين للجهاز هناك مش مضمونين لان ملهمش اي feedback لو عرفت تجيبة من بره هيكون احسن و ارخص الجهاز برة النسخة ال i5 4gb ram عاملة 1000 دولار

[DELL-i7]

بالفعل انا اتصلت بموقع سوق, و موظفة خدمة العملاء وضحتلي ان البائع بلغهم ان مافيش ضمان مع الجهاز,
و ماينفعش الدفع كاش عند الاستيلام لمنتج باكتر من 6000ج
فبصراحة مقلق من الموضوع ده

فكنت بحاول اشوف لو في مول كبير في سيتي ستارز مثلا يكون بيجيب الاجهزة دي ولو حتي بالطلب و الحجز

او اشوف اي حد برة مصر يجيبه بس بردو هاكون قلقان من جزئية الضمان دي
افرض فيه عيب صناعة وانا باشتغله لأول مرة, هابقي اعمل بيه ايه ساعتها :(

يا تري موجود في السعودية - النمسا ؟
ولو موجود تنصحوني بانهي افضل فيهم ؟