استفسار بخصوص كارت r9 290

[RVD150]

انا عايز اعرف هل الكارت دة قادر على تشغيل شاشات ال 4k ولا اية

تانى حاجة هل شاشات ال 4k تفرق عن شاشات ال full hd فى games ولا فرق مش ملحوظ

اخر حاجة هل كارت r9 290 افضل الكروت اللى موجودة دلوقتى ولا فى افضل منو بكتير ؟؟؟

[a.mohamed1]

قادر علي التشغيل اه لكن مش باعلي اعدادات يعني هتزود الدقة ل4k لكن هتقلل في الجرافيك في العاب كتير
وفيه فرق رهيب طبعا بين ال 4k والفول اتش دي لان دقة الشاشة اكتر حاجة بتغير في الجرافيك وبتحسسك بقوة الجرافيك
وفي افضل منه اه فيه كروت جديدة نزلت افضل منه وفي نفس السعر زي gtx 970 مثلا
بس ميزانيتك كام ؟ وامكانيات جهازك ايه ؟

[sprocketgear]

متاح كارت gtx 980 وفي رايى أفضل لانه هيتيح لك تجربة ال 4K من خلال التقنية المدعومة فى الكارت Dynamic Super Resolution عن طريق Geforce experience حيث تستطيع على الشاشات Full HD انت تلعب بدقة اعلى من 1920x1080

[RVD150]

يعنى عشان العب على شاشات 4k لازم اغير الكارت صح ؟؟؟؟؟؟

[mostafaeng_2011]

لأ يا أخي مش لازم بس الكارت مش هيديك اعلى اداء مع ال 4k برغم انه كارت محترم هتحتاج انك تنزل ال resolution علشان يتماشى معاه

[RVD150]

مش عارف بس بوصو كدا على الكلام دة https://www.asus.com/eg/Graphics_Cards/R92904GD5/

حاجة تانية اية الكارت القادر على تشغيل الالعاب على اعلى اعدادات فى 4k

[a.mohamed1]

هو انت جبت الكرت ولا لسة ؟ لو لسة مجبتهوش عندك GTX 970 في نفس حدود سعره واقوي منه
وبالنسبة ل 4K مش هينفع تشغل العاب علي الدقة دي باعلي اعدادات حتي لو جبت كرت اقوي زي GTX 980
فا متحطش الموضوع في دماغك لكن هتشغل 4K لكن هتقلل الجرافيك وعموما هتلاقي الجرافيك عالي بالدقة دي حتي لو عامل اللعبة علي ميديم مثلا لان الرزليوشن يعتبر اكتر حاجة مؤثرة في الجرافيك
الخلاصة الكرت قوي لكن لو مجبتهوش عندك GTX 970
وهيقدر يشغلك الالعاب علي الدقة دي لكن مع تقليل الجرافيك

[RVD150]

انا معايا الكارت r9 290 sapphire tri-x هل فعلا gtx 970 افضل منو؟؟؟

يعنى من الكلام كدا مافيش كارت دلوقتى يقدر ييشغل الالعاب على 4k على اعلى اعداد

طيب بنسية لشاشة 2k هل يوجد فرق بينها و بين fullhd ولا مش هاحس بفرق فى الالعاب

[Youssef Ramzy]

الكارت قوي مفيش كلام بس شاشة 4K كبيرة جدا حتى كارت زي GTX 780 Ti ميقدرش عالدقة دي انت عايز كارت زي Titan black او Titan Z
لو عايز تشغل العاب على دقة 4K لو عندك الكارت تقدر تشري واحد تاني ويبقو ف حالة Crossfire لو الكارت مش عندك وتقدر تغطي تكلفة كارت زي R9 295X2 جيبو بدون تردد او جيب كارتين GTX 970 واذكر ميزانيتك ونوع الباور اللي عندك او ميزانية الباور لو مش عندك

[RVD150]

انا امكانيات جهازى
pro i7 4771
ram 16giga
viga r9 290
mather z87
power seasonic 750w gold

هل صحيح شاشات ال 4k لازم تبقى 40 بوصة عشان تقدر تستمتع بى ال 4k يعنى لو 27 بوصة او 32 مش هايبان فيها ال 4k??? حاجة تانية هو ال 2k بيفرق عن fullhd ى الالعاب ولا فرق مش ملحوظ؟؟؟

بس انا مش مجنون عشان اشترى كارت r9 295x بى 11 الف جنية طبعا لا حتى لو معايا المزانية تسمح بكدا

انا عايز اسال سوال تانى طيب بنسبة انا شوفت ان كروت الجيل اللى جى قربت تنزل فى نص السنة اللى جاية اللى هى r9 300 طيب لما تنزل هاطر انى اغير ولا عادى مش مهم انى اغير للجيل اللى جى و من المتوقع ان الفرق بين الاتنين هيبقى كام فريم يعنى مثلا بين r9 290 و r9 390 هايبقى كام فرم؟؟؟؟

[a.mohamed1]

طلاما جبته خلاص الكرت قوي وادائه عالي
هيشغلك 4K لكن مش علي اعلي اعدادات لان اعلي اعدادات علي دقة 4K محتاجة كروت عالية زي GTX TITAN BLACK مثلا وكمان في بعض الالعاب مش هتشتغل علي اعلي الاعدادات

علي حد علمي 32 و27 هتستمتع بيهم بالدقة وهتكون اوضح من شاشة 40 بوصة كمان
وال2K اكيد فيه فرق بينه وبين الفول اتش دي وفرق مش صغير
لو لسة مشترتش شاشة 4K انصحك توفر الفلوس وتجيب واحدة 2K بالكتير
وكروت R9 الجديدة معنديش فكرة عنها

[RVD150]

شكرااااا ليك جدا

طيب متعرفش اسعار 2k كام يعنى شاشة 2k مثلا 27 بوصة بكام

[a.mohamed1]

اعمل موضوع في قسم الشاشات افضل عشان يفيدك متخصصين فيها ويدولك افضل حاجة لان مليش فيها اوي :D

[medo_love29]

لو سمحتوا ياجماعه انا عندى كارت r9 290 وشاشه سامسونج 22 لما شغالتها بواصلة hd مش بتيجى الشاشه كامله على اعلى ريزيوشن للشاشه لازم اقلل الريزيوشن عشان الشاشه تيجى كامله هل هناك تعريف لتشغيل الكارت hd بصوره كامله على الشاشه اعلى ريزيوشن ( 1920x1080)

[medo_love29]

لو سمحتوا ياجماعه انا عندى كارت r9 290 وشاشه سامسونج 22 لما شغالتها بواصلة hd مش بتيجى الشاشه كامله على اعلى ريزيوشن للشاشه لازم اقلل الريزيوشن عشان الشاشه تيجى كامله هل هناك تعريف لتشغيل الكارت hd بصوره كامله على الشاشه اعلى ريزيوشن ( 1920x1080)