حرارة الجهاز مرتفعه وابي فزعتكم

[&& خالد &&]

السلام عليكم

فيه حرارة جزء من الجهاز ماعرف وش هو بالضبط لكن اسمه aux حرارته الطبيعيه 44 لكن لما اشغل اي لعبه عندي على طول يوصل 55 او 59 جنني مادري وش هو بالظبط هل ممكن يكون المعالج او المذربورد او كرت الشاشه

وهذي درجات الحراره من برنامج افريست قبل اللعب يعني الدرجات العاديه اول ماشغله او اكون اتصفح بس
motherboard 30
cpu 35 " عادة مو ثابت مرات 11 ومرات 25 ومرات 40 ويتغير باستمرار ليش مادري يعني حتى لو ماكنت اسو شي يظل يتغير "
aux 44 " هذي الي ابي اعرف وش هي "
gpu 44
gpu 32 محيط
wdc 35 الهارديسك

لكن بعد اللعب بدقيقه دقيه بالظبط تصبح الحراره

motherboard 32
cpu 21 " ليش نزلت حرارته مادري "
aux 55 "في بعض الاحيان يوصل 60 "
gpu 72 " مرات يوصل 77 "
gpu 38 محيط
wdc 35 الهارديسك


وترى اطول لعبه لعبت فيها كانت خمس دقايق وتوصل درجات الحراره زي منتم شايفين
وفيه حاجه اخيره ان الجهاز بعد الاستخدام لمدة 45 دقيقه او ساعه يهنق يوقف بصوره مفاجئه لكن مايعمل ريستارت لوحده بس الماوس والكيبورد يفصلون
فياليت تلقون لي حل

[مجلـد جديـد]

اكيد ان البرنامج everst لم يتعرف على اللوحة الام بشكل جيد ، استخدم برنامج آخر ، speedfan مثلاً او جرب آخر نسخة من برنامج everst الموجودة في منتدى البرامج .
اذا لاحظت ان درجة حرارة AUX تتغير على حسب استخدامك للجهاز ، مثلاً ترتفع اذا قمت بلصق ملف حجمه كبير او تنسخ من سي دي واذا توقفت العمليات ترجع درجة الحرارة فهذا يعني ان AUX = CPU .
برنامج everst يعطي شرح لمعنى AUX :
19. What does the "Aux" temperature shown on the Computer / Sensor page mean?

There is no standard for sensor registers layout, so the "Aux" temperature could show the temperature of the CPU or the motherboard, or might be a non-connected wire of the sensor chip, and so it could show a bogus value.
لكن في حالتك هذي اتوقع ان المشكلة في ان نسخة البرنامج قديمة ولم تتعرف على اللوحة بشكل جيد ، لذلك يعرض درجة حرارة المعالج على انها درجة الAUX ، ياليت لو تذكر مواصفات جهازك .

GPU هو معالج كرت الشاشة ، ودرجة فوق 70 مشكلة ، ايضاً اذا سمحت تكتب ماهو كرت الشاشة الي عندك حتى يساعدك الاعضاء في حل المشكلة .

[UNREAL]

أخي شوف حرارة المعالج من البيوس... هي الأدق والأصح من أي برنامج...

[&& خالد &&]

مشكور على الرد

اولا كما تفضلت درجة الحراره ترتفع اذا قمت بعمل كبير مثل نسخ ملف 5G او نسخ الاحظ ان حرارة AUX ترتفع وكل ماظغت على الكمبيوتر تزداد هالحراره
الحين حطيت برنامج "سبيد فان" لاحظت ان اول حراره الي هي TEMP1 هي نفسها حرارة AUX في برنامج افريست فشيكت انه يمكن يقصد المعالج
لكن ظاهر عندي في برنامج افريست كلمة CPU مادري وش يقصد فيها يمكن المعالج يمكن الكيس
مادري
ثاني شي مواصفات الجهاز
المعالج INTEL Pentium 3000GH
الماذربورد من نوع GIGA BAYTE والشبست الي فيها من نوع VIA
الرام 512
كرت الشاشه AGP 6600GT


ويعطيكم العافيه

[مجلـد جديـد]

الكيس لا يوجد فيه حساس للحرارة (ممكن تلقاه في الانواع المتطورة والغالية الي ب 800 ريال وفوق ) ، لكن اللوحة غالباً يوجد فيها حساس للحرارة ، و المعالج يوجد فيه حساس للحرارة ، وبعض كروت الشاشة تحتوي على حساس للحرارة ..
من ردك السابق يتضح ان برنامج everst يتعرف على حرارة المعالج على انها AUX ، حمل هذي الاصداره الجديدة من البرنامج واخبرنا بالنتائج:
https://www.lavalys.com/beta/everestultimate_build_0688_dkj1m2klxqz.zip
درجة 55 في حال الضغط طبيعية لمعالجات الانتل ، وكرت الشاشة ايضاً (70 درجة) طبيعية ، لان كروت الشاشة تتحمل درجات اعلى من المعالجات .
ومثل ما قال اخي UNREAL ادخل على البيوس : اضغط DEL عند بداية تشغيل الجهاز واذهب الى خيار PC Health و تشوف درجة حرارة CPU (المعالج) و system او motherboard .

[&& خالد &&]

يعيطك العافيه اخ مجلد جديد عالتوضيح الحلو

انا دخلت عالبيوس وحرارة cpu 54 وحرارة system 36
طبعا هذا اول ماشغلته

وحملت افريست الجديد الي في الرابط ونفس الكلام
والظاهر ان aux هو حرارة المعالج

فمادري هل هالدرجات تعتبر عاديه بدون ظغط
لان المعالج مع الضغط يوصل 66 والكرت 77 فهل اركب مراوح ولا الحراره عاديه ؟

[مجلـد جديـد]

لوحة الجيجابايت يأتي معها برنامج اسمه EasyTune يستخدم لعرض درجات الحرارة و لكسر السرعة ايضاً وهو متوافق مع لوحات الجيجابايت ، البرنامج راح يظهر لك درجات الحرارة وهو يعتبر الأوثق بين جميع البرامج :)
انا عندي نفس المعالج Pentium D 930 3.0GHz ودرجة الحرارة بدون ضغط بين 47 - 49 ومع الضغط توصل الى 55 - 58 (درجة حرارة الغرفة 29 - 28) واستخدم المشتت الاصلي الي يجي مع المعالج .
فيه حل انك تركب مشتت من زالمان او جيجابايت او ASUS بأسعار بين 200 - 300 ريال وحسب تجارب الاعضاء ان درجة الحرارة مع المشتتات هذي في الضغط توصل لل 52 - 54 (يعني ممكن تخفظ 10 درجات او اكثر) بس تأكد من طريقة التركيب بحيث يكون المشتت ملتصق بالمعالج بقوه ولا يوجد فراغ ابداً واستخدم معجون الفضة AS 5 .
فيه حل آخر استخدمه احد الاعضاء وهو انه يخفظ تردد المعالج من 3.0 الى 2.5 او 2.3 GHz بس ما يأثر بشكل كبير جداً مثل تغيير المشتت .

[&& خالد &&]

مشكوور اخووي

بس انت ذكرت ان الحراره مع المشتاات الثانيه مثل زالمان توصل الى 52 او 54 اذا كان كذا ماتوقع ان فيه ذيك الفايده لان انا بالمشتت الحالي توصل الى 60 اذا كان عليه شغل جامد او اكون العب فما اطول عليه اخاف انه يتعدى 60 او 62 فمادري

فالصراحه انا من اشوف حرارته وصلت 60 اوقف اخاف انها تعدى
بس انا ودي بمشتت يعني يخلها بالاربعينات تحت الظغط
فهل موجود هالمشتت هذا ؟
ومشكور مره ثانيه يا مجلد جديد على المعلومات الاكثر من ممتازه
والله يوفقك

[مجلـد جديـد]

اخوي خالد ، درجة حرارة الغرفة الموجود فيها الجهاز تأثر بعد لذلك لو حطيت الجهاز في جهة المكيف بتشوف الدرجات تنخفظ بسرعه .
40 تحت الضغط صعبه مع معالجات انتل بالمشتتات الموجودة ... يوجد تبريد مائي بدون استخدام مشتتات ولا شيء لكن يحتاج كيس يقبل نظام التبريد المائي و نظام تبريد مائي (عيب النظام انه ياخذ مساحة و $$ :D ) وراح تحصل على درجة حرارة مماثله لدرجة حرارة الغرفة .
عندي سؤال / كم درجة حرارة الغرفة عندك الآن ، ومشتت المعالج انت الي مركبه او متخصص ؟

[&& خالد &&]

اتوقع الدرجه تقريبا 19 او 20 يعني بالعربي ثلاجه الا شوي :D
و المشتت هو الاصلي الي مع المعالج لا ركبت فيه شي ولا سويت فيه شي على حطت يدك
وحرارة المعالج الحين من 43 - 45
واللوحه الام 31
وكرت الشاشه 44
والهارديسك 35

طبعا الكلام هذا وانا مطفي كل شي مغير اكتب هالرد

بس ابي اعرف اذا ركبت مشتت زالمان كم تعتقد بيكون الفرق بدرجات الحراره يعني كم بتوصل الحراره مع الضغط ؟

يعيطك العافيه

[مجلـد جديـد]

بس ابي اعرف اذا ركبت مشتت زالمان كم تعتقد بيكون الفرق بدرجات الحراره يعني كم بتوصل الحراره مع الضغط ؟
اسأل مجرب ولا تسأل خبير :) .. ان شاء الله يرد واحد من الشباب الي عنده مشتت زالمان .

[&& خالد &&]

يعطيك العافيه
وماقصرت :up: