كيف الغي اشتركي مع انتر نت مصر im النصابة

[ضياء نور]

دلوقتي انا مشترك مع شركة im في سرعة 1 ميجا 116 جنيه + 15 مندوب تحصيل =131 كل شهر ولن يوجد دفع عن طريق فوري انا لقيت عرض حلو في شركة تي ادتا اسمه النص بالنص السرعه 8 ميجا سعة التحميل 40 جيجا الاشتراك 75 جنيه ويوجد دفع فوري
المشكلة هنا انى ﻻزم اعمل كانسيل نمبر عشان اشترك مع تي ادتا في العرض بتعهم لكن im بتقولي عشان تعمل الكانسل هدفع 199 جنيه عشان مكميلتش معاهم سنة وانا اشتركة بس شهرين وكمان 35 جنية عشان استلم منهم رقم الكانسل في مدة من 21 الى 31 يوم عمل معاد ايام العطلة الأسبوعية يعني عشان اخرج من شركة im انتر نت مصر هدفع 199+35= 234 جنية ليه ده كله يا نصابين ارجو منكم الحل اعمل ايه معاهم عشان الغى اﻻشتراك واخد رقم الكانسل ويارت لو حد سبق الاشتراك مع الشركة النصابه دي اريد حلا

[agrama]

اتصل بالجهاز القومي لتنظيم الاتصالات وقدم شكوى فيهم على رقم 155 وهما هايخلوا الشركة دي تكنسلك من غير فلوس والكنسلة المقروض مجانا والكلام ده نصب فعلا
تاني حاجة ممكن تطلع على سنترال رمسيس الرئيسي لأن كل خدمات الانترنت بتصب فيه وتقدر تعمل كنسل للخدمة بشرط يكون خط التليفون الأرضي بإسمك أو بإسم والدك

[ضياء نور]

اتصل بالجهاز القومي لتنظيم الاتصالات وقدم شكوى فيهم على رقم 155 وهما هايخلوا الشركة دي تكنسلك من غير فلوس والكنسلة المقروض مجانا والكلام ده نصب فعلا
تاني حاجة ممكن تطلع على سنترال رمسيس الرئيسي لأن كل خدمات الانترنت بتصب فيه وتقدر تعمل كنسل للخدمة بشرط يكون خط التليفون الأرضي بإسمك أو بإسم والدك

ربنا يكرمك بس الموضوع ده اكيده ولا هيقولو لي حل الموضوع ده مع الشركه احنا ملناش دعوه
وهل سبق لك التعامل مع الشركه دي

[ضياء نور]

مين هنا اشترك في شركة انتر نت مصر im النصابة

ولما يحب يلغي الاشتراك يدفع 35 جنيه عشان الكانسل
لو كميلش معاهم سنه يدفع 199 جنيه شرط جزائي
رغم ان العقد اللي بيني وبينهم مفهوش النص ده

مين اشترك معاهم وبعد كده لغي الاشتراك
عايز اعرف اعمل ايه وابداء منين
يارت يا شباب اللي كان مشترك في الشركه دي عشان اعرف اعمل ايه معاهم

[ahmed-hn]

غير رقم التليفون

[Mohamed 2014]

انا مشترك معاهم لغاية دلوقتى وبقالى اكتر من سنتين ونص .. وانا شايف انها شركة كويسة فى السرعات لكن خدمة عملاء زززفت جداااااااااااااااا ... وانا لغيت الاشتراك بعد مكملت السنة الاولى ومدفعتش ولا مليم وقولتلهم انه الغاء مؤقت . ورجعتلهم بعد ثلاث شهور لانهم بعتولى رسالة فيها عرض 50% خصم لمدة 6 شهورممكن انت كمان تقولهم كدا ومتدفعش حاجة قولهم الغاء مؤقت هما ممكن يكونو قالو هات ال35 جنيه دول علشان لو انت مستعجل ولا حاجة لكن عادى ممكن متدفعش بس قولهم الغاء مؤقت وراجع للشركة تانى .وافضل كل يوم زن عليهم فى التليفون علشان تاخد الكنسليشن نمبر واللى يكلمك هدده وقوله هات المدير. اما ال 199 فدا علشان اكيد انت كنت واخد عرض منهم فلازم تكمل معاهم سنة ومتهيألى دا فى كل الشركات .. .. وهتاخد الرقم متقلقش قبل شهر من تاريخ فسخ العقد

[agrama]

يا باشا الجهاز القومي لتنظيم الاتصالات بيرعب الشركات دي وهايجبلك حقك وهايخلي الشركة تعملك اللي انت عايزه بدون ولا مليم

[ضياء نور]

غير رقم التليفون
وبعد ما اغير الرقم كده خلاص اتفسخ العقد بين وبينهم

[ضياء نور]

انا مشترك معاهم لغاية دلوقتى وبقالى اكتر من سنتين ونص .. وانا شايف انها شركة كويسة فى السرعات لكن خدمة عملاء زززفت جداااااااااااااااا ... وانا لغيت الاشتراك بعد مكملت السنة الاولى ومدفعتش ولا مليم وقولتلهم انه الغاء مؤقت . ورجعتلهم بعد ثلاث شهور لانهم بعتولى رسالة فيها عرض 50% خصم لمدة 6 شهورممكن انت كمان تقولهم كدا ومتدفعش حاجة قولهم الغاء مؤقت هما ممكن يكونو قالو هات ال35 جنيه دول علشان لو انت مستعجل ولا حاجة لكن عادى ممكن متدفعش بس قولهم الغاء مؤقت وراجع للشركة تانى .وافضل كل يوم زن عليهم فى التليفون علشان تاخد الكنسليشن نمبر واللى يكلمك هدده وقوله هات المدير. اما ال 199 فدا علشان اكيد انت كنت واخد عرض منهم فلازم تكمل معاهم سنة ومتهيألى دا فى كل الشركات .. .. وهتاخد الرقم متقلقش قبل شهر من تاريخ فسخ العقد


عشان اعمل زي ما انت بتقول مش هستفيد حاجه لا اني عايز الغي العقد معاهم خالص
ايوه السرعه كويس بس عروضهم تعبانه وكمان غاليه وغير تعجيزهم للواحد عشان يفضل معاهم
ولو حتي عملت زي ما انت بتقول شوف البند السادس في العقد بيقول ايه
2- من حق العميل ايقاف الخدمة مؤقتا لأي سبب علما بان مصاريف الايقاف 50 جنيه عن كل شهر
يعني حتى لو مش عايز النت بتاعهم هدفع باردو فلوس ايه النصب ده
ام قصة 199 جنيه ادفعهم عشان مكميلتش معاهم سنه كشرط جزئى حسب كلامهم ومش مكتوب اي بند في العقد اللي بين وبينهم بيقول الكلام ده

[ضياء نور]

يا باشا الجهاز القومي لتنظيم الاتصالات بيرعب الشركات دي وهايجبلك حقك وهايخلي الشركة تعملك اللي انت عايزه بدون ولا مليم
ربنا يكرمك ياباشا
انا بعت ليهم على الاميل وقلت ليهم على المشكله
وفي انتظار الرد ولا اتصل عليهم افضل

[agrama]

لازم تتصل تسجل شكوى معاهم الأول وتاخد رقم من عندهم تتابع بيه

[Mohamed 2014]

ياباشا مش قصدى انك تحجز الخط لكن قولهم عايز الغى الاشتراك واعمل اخلاء طرف ولما يسئلوك قولهم الغاء مؤقت زى انك هتغير رقم التليفون لكن هترجعلهم لما تركب رقم جديد وبكدا مش هتدفع فلوس انت بتلغى عادى جداا بس علشان تخلص من زنهم وكمان متدفعش حاجة مش قصدى خالص انك تحجز خط وتدفع 50 جنيه كل شهر .. وانا قولتلك على اللى حصل معايا وعملته ومدفعتش ولا مليم والكنسليشن نمبر خدته بعد 21 يوم ومن غير مدفع ولا مليم بس رجعتلهم تانى لانى لقيتهم بعتولى عرض جديد وكويس .. لكن تشتكى وتروح المركز القومى لتنظيم الاتصالات يبقى مش هتخلص لانك فى مصر يعنى اشتكى زى ما انت عايز ومحدش هيسمعك .. انا قولتلك على اللى حصل معايا وفى الاخر الراى ليك تعمل اللى يريحك

[final cut]

لو انت خدت منهم راوتر فكل الشركات بتعمل كده لو مكملتش معاهم سنة بيدفعوك تمن الراوتر و تمنه من 200 لـ 250