المساعد الشخصي الرقمي

مشاهدة النسخة كاملة : اللى عايز يستفيد يدخل هنا :) ... موضوع مهم عن الشهادات والوظيفة وخاصة حديثى التخرج


el_rehab
22-10-2014, 22:53
بعد التحية
خلال 16 عام تقريبا عمل فى المجال ... وكل يوم باراجع CVs وكلام .. موضوع الشهادات ده مش باب سحرى للعمل ..بالعكس الشهادة بتكون حمل علي ال cv مش داعمة لل cv


أنا هنا ممكن أجاوب عن أى سؤال خاص بالشهادات والخبرة وكتابة السيرة الذاتية والكلام ده
ZEZO_الرايق
23-10-2014, 01:49
انا فى معهد حاسب ألى .. و هاخد بكالريوس .. تنصحنى بكورسات اية تخلينى مطلوب فى سوق العمل
el_rehab
23-10-2014, 10:37
طيب خلينا نقول فى الأول .. المعهد بتدرس فى ايه .. يعنى معهد حاسب الى تخصص ولا لسه مافيش تخصص .. ايه المواد اللى بتدرسها وانت شايفك انك بتحبها أو ممكن تبدع فيها

شايف نفسك فى مسار انفرا ولا مسار ديفلوب .. بتحب البرمجة ولا الشبكات .. كده بيكون تحديد المسار فى البداية :)


انا فى معهد حاسب ألى .. و هاخد بكالريوس .. تنصحنى بكورسات اية تخلينى مطلوب فى سوق العمل
ZEZO_الرايق
23-10-2014, 11:38
طيب خلينا نقول فى الأول .. المعهد بتدرس فى ايه .. يعنى معهد حاسب الى تخصص ولا لسه مافيش تخصص .. ايه المواد اللى بتدرسها وانت شايفك انك بتحبها أو ممكن تبدع فيها

شايف نفسك فى مسار انفرا ولا مسار ديفلوب .. بتحب البرمجة ولا الشبكات .. كده بيكون تحديد المسار فى البداية :)
المعهد عندنا مفيهوش تخصصات .. هو معهد نظم و معلومات ادارية .. لاكن انا هركز اكتر فى البرمجة اكتر .. و فعلا حضرتك عندك حق .لازم اركز فى شىء
el_rehab
24-10-2014, 11:34
عموما إذا كنت هاتركز على البرمجة ..فبشكل كبير أنا أنصحك طبعا كبداية تكون مع ال HTML5 و معاه ال CSS .. ده لو كنت هاتشتغل فى الويب وغيره ..بعدها تختار اما طريق الأوبن سورس وال php ,او الشركات التجارية مع ...وطبعا خلال الفترة ديت بيكون التعليم الذاتى افضل من الدورات .. يعنى تحاول تذاكر لوحدك وتعمل شغل ولا امثلة ولا افكار .. لإنى ال practical بيكون مهم جدا فى هذه المرحلة .. لو هاتشتغل فى ال app ولا هاتروح على erp , crm والكلام ده لازم يكون عندك شوية business logic وفهم شوية للبيزنس وتعرف تتكلم فيه ..ولو هاتروح على الموبايل وتطبيقاته يبقى جافا وادوات جافا .. المهم واهم شىء انك تطلع مشاريع .. يعنى دورات وشهادات وكورسات وكلام من هذا القبيل مش بيكون اهم منك انك تكون فعلا بتعرف تشتغل بايدك وفاهم ال cycle بتاع الحاجة والميثدولوجى والكلام ده ..


المعهد عندنا مفيهوش تخصصات .. هو معهد نظم و معلومات ادارية .. لاكن انا هركز اكتر فى البرمجة اكتر .. و فعلا حضرتك عندك حق .لازم اركز فى شىء
5o2sh
04-11-2014, 14:33
طيب انا خريج 2013 هندسة خاصة قسم كهرباء اتصالات تقدير مقبول
كل ما اروح شركة يقولي معاك ccna اقولة لا يقولي هنبقي نكلمك وانته عارف معناها اية ......
انا بجهز اني امتحنة خلال شهر
انته اية رائيك
Eng Zorro
09-11-2014, 20:16
جزاك الله كل خير
طيب انا بقى اتخرجت من هندسة اتصالات 2010 وبشتغل حاليا في فودافون دعم فني ( ملهوش علاقة طبعا بهندسة )

ومعايا CCNA و CCNP Route و باخد CCNP Switch حاليا وان شاء الله همتحنها كمان شهر بالكتير
ومعايا MC Hyper V وحجزت امتحان MCSA 70-410 بالفاوتشر المجاني وان شاء الله همتحن 411 و 412 و 413 و 414 قريب بإذن الله

بس معرفش المسار الوظيفي هيبقى ايه

في نية في 2015 ان شاء الله انى ابدأ في دراسة CCIE وكمان Private Cloud
هل كدة المسار صح ولا ايه ؟؟؟

عاوزين نعرف المسار الوظيفي ل Network Admin او System Admin

اه صحيح انا كمان هاخد ان شاء الله لينكس لان طبعا اى وظيفة لازم معرفة حتى لو background بس عنه