Check It Brother :P

[MusliMxD]

Firstly : السلام عليكم
Secondly : اممم اممم انا كنت بفكر اجيب كارت شاشه
بس طبعا بعد موضوع الاستاذ الالعاب والذاكرة نظرة للمستقبل ! (https://arabhardware.net/forum/showthread.php?t=394227)


قفلنى من الكروت ومن ال PC كلو وخلانى قلقان من اى كارت هجيبو
بغض النظر عن امكانيات الجهاز فا هيا تشغل اى كارت الحمد لله بس
انا اقصد هل الكارت دا ادائه حلو وهل المشكله الى ذكرها الاستاذ فى الموضوع
مش هتواجهنى ؟ انا مش بتكلم عن نفسى بس طبعا والاعضاء برضو المقبلين
على شراء كارت جديد ( فى حدود المعقول ) واداء كويس
الكارت هو Gigabyte GTX 650 OC 4GB GDDR5 (GV-N650OC-4GI) (https://www.********.com/en/product/gigabyte-gtx-650-oc-4gb-gddr5-gv-n650oc-4gi--compu-art)
ودا ب 1000 جنيه يعتبر وفى نفس الوقت 4 جيجا فا عاوز تفاعل كدا
وتقولو ارائكو مش عاوزين نحط المشكله ومنشوفش حلول وفى نفس الوقت
بدون ضغط على الغير قادرين
وااااا تحياتى :D

[IronHeart]

و الله الواحد من كتر التفكير اتعقد خﻻص .. مع انى حجزت كارت gtx 970 من متجر عرب هاردوير بس برده قلقان احسن بعد سنة او سنتين اﻻقى الكرت عاجز عن الاداء مع الالعاب اللى لسه هتنزل و ربنا يستر [emoji33]

[ANDROMED]

يا جماعة كل ده بسبب ان العمل البورت متعبش فيه وتبعا كلنا عارفين ubisoft انها من اكثر الشركات البتحارب pc gamers وده بسبب المبيعات المفروض لو اللعبة عايزة المتطلبات ديه انها تبقي نقلة خيالية في الجرافيك وانا معتقدش انها اعلى من ryse او middle earth هو بس مجرد تخلف من شركة ****

[MusliMxD]

هيا مش هتيجى على يوبى سوفت زى محنا عارفين
ان معظم الجيمرز بيلعبو باتل فيلد 4 حتى 4 فيها مشاكل
ومش هنقدر نلعب باعلى جرافك والواحد مش شغال حرامى بقى
عشان يروح يجيب كارت ب 3000 و 4000 جنيه انا لو معايا
هجيب بلاستيشن واريح دماغى وهبقى ضامن راحتى لبتاع 5 6 سنين قدام
وبعدين مش بعيد تكون الشركات بتعجز ال Pc GAmers عشان يروحو للكونسول
مع انهم مش محتاجين بجد انا مش عارف وزهقت

[IronHeart]

المشكلة انى لو بقيت العب على الكونسول عشان اتعود عليه ساعتها هكون كسرت كام دراع من الفقع و الارف اللى هشوفه .. و كمان العابهم غالية جدا و برده مش هيبقى بمتعة البى سى .. ميزة البى سى انك تعمل عليه كل حاجة مش حاجة واحدة بس زى الكونسول

[hardtime]

هيا مش هتيجى على يوبى سوفت زى محنا عارفين
ان معظم الجيمرز بيلعبو باتل فيلد 4 حتى 4 فيها مشاكل
ومش هنقدر نلعب باعلى جرافك والواحد مش شغال حرامى بقى
عشان يروح يجيب كارت ب 3000 و 4000 جنيه انا لو معايا
هجيب بلاستيشن واريح دماغى وهبقى ضامن راحتى لبتاع 5 6 سنين قدام
وبعدين مش بعيد تكون الشركات بتعجز ال Pc GAmers عشان يروحو للكونسول
مع انهم مش محتاجين بجد انا مش عارف وزهقت
اجيب كارت بي 4000 والعب بعد كدا ببلاش الا للالعاب الاونلاين بتعها كويس احسن ما جيب جهاز بي 4000 وادفه زيخم في الالعاب مثلا خلال سنة

[MusliMxD]

اه قولتلى طب جميل وبلنسبه لمحدودى الميزانيه الى انا منهم
يعنى انا واحد بلنسبالى 1000 جنيه فى كارت شاشه دا كتير
واكيد غيرى كتير كدا انت واحد مقتدر فا مفيش مشاكل
ودا برضو مش حل احنا عاوزين حل جذرى اذا كان ليا او لغيرى
على الاقل ياريت المختصين يدخلو يفيدونا بافضل الكروت ال 4 جيجا
الى سعرها فى المعقول وفى نفس الوقت اذائها كويس ومتجيش على حساب اللاعب
فى الجرافيكس

[hardtime]

والله انا زي زيك بس انا متكلمتش على النقطة ديه انا كل القولته انك لو اشتريت PS4 بي 4 الاف فهتدفع زيهم في السنة علشات تجيب 12 13 لعبة فالاحسن انك تجيب كارت بي 3 ال 4 وهتلعب بفريمات اعلى ودقات اعلي كمان اتمني تكوت النقطة ديه وصلت لحضرتك

[حماده55]

والله انا زي زيك بس انا متكلمتش على النقطة ديه انا كل القولته انك لو اشتريت PS4 بي 4 الاف فهتدفع زيهم في السنة علشات تجيب 12 13 لعبة فالاحسن انك تجيب كارت بي 3 ال 4 وهتلعب بفريمات اعلى ودقات اعلي كمان اتمني تكوت النقطة ديه وصلت لحضرتك
كلام سليم العاب البلايستشن 4 اللعبة يمكن بستمائه جنيه او اقل قليلا ومفيش كوبي كله اصلي وفي نفس الوقت نفس الالعاب متوافره على البي سي ببلاش من النت ماعدا الحصريات وهي معدوده على اصابع اليد والواحده.

[ASSEMBLY]

اخى الكريم الفيصل الوحيد فى اداء الالعاب هو حجم الشاشة ودقتها فكلما زادت الدقة احتجت كارت اقوى وممكن يصل الامر الى كارتين وثلاثة واربعة اما بالنسبة للكرت اللى ذكرته ممكن يمشى معاك سنتين كمان على شاشة 19 بوصة اما اكبر من ذلك فعليك بكرت من الفئة العليا الميزة فى كارتك هو حجم الرام الخاص بيه وهيفيدك فى الالعاب المتطلبة للذاكرة الرسومية اما لو بتفكر فى شاشة اعلى من 20 بوصة يبقى على الفئة العليا وريح دماغك