شاشة S5

[only_me_256]

يا جماعة انا اشتريت S5 من اسبوعين والشاشه فصلت حد يعرف تمنها كام بره التوكيل ؟؟

[MOHAMED FAROOQ]

لو ضمان الجهاز معاك وديه التوكيل
ولو برضه الجهاز خارج الضمان
فنصيحه : إذهب به للتوكيل حتي ولو كان سعر الشاشه أغلي من اي مركز صيانه خارجي
كفايه أنها ستكون أصليه وبضمان التوكيل


الجهاز ممتاز ويستحق كل مليم فلاتبخل عليه بالمصاريف واقتني القطع الاصليه.. افضل لك حتي لاتندم مستقبلا.

[only_me_256]

شكرا يا استاذ محمد بس الشاشة فى التوكيل ب 2000 جنيه والموبايل فى الضمان مكملش اسبوعين انا بعته لحماية المستهلك بس كله قالي سامسونج متصلحش ولا تغير حاجه على حسابها لازم المستهلك يدفع فقلت اسأل سعرها بره كام

[MOHAMED FAROOQ]

للاسف سامسونج خامته رديئه جدا وللاسف ايضا هذه هي سياسه الشركات هنا في مصر.
لكن.
لو اتكلمنا واقعي.
هتلاقي فعلا الشاشه خارج التوكيل ارخص.
لكن عن تجربه شخصيه عملت زيك في جهاز iPhone 4s كان محتاج شاشه وركبتها بره الضمان ب700 جنيه وعلي الرغم من ان تمنها بمصاريف شحن الجهاز للضمان 1400 جنيه
وطبعا كان فرق كبير في السعر.
والمهم ركبتها اوريجنال ب 700 جنيه وقولت لنفسي ( انا وفرت كتير)
لكن للاسف
ملمس التاتش كان مختلف عن الاصلي.
والالوان كانت غامقه شويه عن الالوان الطبيعيه.
وعند الضغط علي اي جانب من حواف الشاشه كان بيظهر سائل الالوان.
وعلي الفور غيرتها بعد مشكله مع الفني
وبرضه نفس العيوب ظهرت في الشاشه الجديده.
وتقبلت الامر طالما اني ابحث عن الرخيص.
وفي النهايه وبعد حوالي شهرين بدات صوره الشاشه تهتز بشكل عنيف وترتعش ولا اعرف ان اري شيئا بها .
وظننت ان المشكله في الجهاز ولكن بعد السؤال اكتشفت ان الشاشه تحتاج لتغيير.
ووقتها كنت افكر بتحديث الجهاز والانتقال الي iphone 5 ولكن ظهرت لي هذه العقبه الجديده.
فكنت مضطر لتغيير الشاشه لثاني مره حتي استطيع بيع الجهاز والتحديث لاعلي.
والنهايه كانت انني دفعت 1400 جنيه ثمن شاشتين في ظرف شهرين. بخلاف الخساره المتوقعه بين فارق الجهازين
ونفس المبلغ هو ثمن الشاشه الاصليه..


الغرض من ذلك المثال هو ان المنتج الاصلي ليس له مثيل وربما يكون تكلفته اكبر ولكن في النهايه هو راحه اكثر.

[only_me_256]

جزاك الله خير يت استاذ محمد وانا هاخد بنصيحتك