هل يوجد ضرر على المعالج أو اللوحه الأم من عدم اغلاق الجهاز ؟

[Kernel Seed]

الحقيقة الواحد احتار ايه الصح والغلط هل الأحسن للمعالج واللوحه والجهاز كمجمل انى أقفله ولا أسيبه شغال عادى

أنا نفسى أسيبة شغال على طول بدون ما أقفله بس هل ده صح ؟ ولا غلط

[محمد البرديسى]

مفيش ضرر بس انما الجهاز يعمل 24 ساعة متوصل يبقى يفضل اجهزة
workstation

[zoom2back]

لا يوجد ضرر على مكونات الجهاز لكن اعتقد الضرر بيكون متمثل فى قصر العمر الافتراضى للشاشة لان العمر الافتراضى للشاشات الحديثة يقاس بعدد ساعات التشغيل وايضا التأثير بيكون على مراوح التبريد الموجودة فى الفيجا وفانه البروسيسور فيفضل اغلاقه لزيادة العمر الافتراضى لهذه المكونات فقط

[TIMO1]

الحقيقة الواحد احتار ايه الصح والغلط هل الأحسن للمعالج واللوحه والجهاز كمجمل انى أقفله ولا أسيبه شغال عادى

أنا نفسى أسيبة شغال على طول بدون ما أقفله بس هل ده صح ؟ ولا غلط
طيب على حسب الاستعمال لو يستدعى انك تفضل مشغله 24 ساعه لهدف ما ياريت تطرحه
انما لو تشغيل بلا جدوى يبقى الافضل طبعا انك تغلق الجهاز او تعمله sleep or hibernate

[Kernel Seed]

شكرا للردود, بسيب الجهاز بالليل يعمل دونلود ولما بصحى طبيعى بستخدمه, فانا بس خايف يكون ده غلط

يعنى أنا ممكن يقعد شهر ميتقفلش نهائيا الا لو الكهرباء قطعت مثلا أو حبيت أعمل ريستارت

[tahmena]

لا يوجد ضرر على الكمبيوتر ولاكن لكل شئ على الماذر بورد عمر افتراضى مثلا المكثفات ليها عمر افتراضى مثلا 5000 ساعة وبعدها كفائتها تقل او ممكن يحصل فيهم مشاكل وعلى العموم الكلام ده بيبقى موجود ف الموقع بتاع الماذر بورد نوع المكثف وعمره الافتراضى والمراوح مثلا الاجزاء الكهربية على الماذر بورد وعلى العموم اخى الفاضل ماتشغلش بالك بالموضوع ده يعنى ممكن الحاجه تعيش بعد عمرها الافتراضى اضعاف الوقت بتاعها وكل على الله :)

[هاوي تقنية]

عمليا ما دام التبريد فعال فيمكن أن يبقى يعمل بلا مشاكل
ولكن الأصل إراحة الجهاز، لأن المكونات تسخن ويجب تبريدها ووقفها عن العمل المتواصل.
بعض الأجهزة مفعل فيها خاصية sleep بحيث إذا تركت الجهاز لفترة يغلق ذاته ولكن عند إعادة تشغيله يعود وتبقى البرامج التي تركتها تعمل كما هي.
يمكن التحكم بهذه الخاصية من خلال لوحة التحكم ثم اعدادت الطاقة.