بخصوص درجة حرارة كارت gigabyte gtx 970 gaming

[Ahmed IronHeart]

و الله يا شباب درجة حرارة الكارت بتوصل ل 74 و دى اكتر درجة وصلتلها حتى لو حصل ايه ... فهل دى تعتبر طبيعية مع انى كنت شوفت ان اقصى درجة حرارة ليها هى 62 تقريبا ... مع انى كان عندى gtx 660 oc بس درجة الحرارة عمرها ما عدت ال 70 درجة ... فياريت نسمع آرأكم و ردودكم :)

[™ The Rock]

في مشكله في الكارت
الكارت المفروض بتبريد جيد + ان المعماريه الجديده تتميز بدرجه الحراره القليليه
اذن فيه مشكله في الكارت فكه ونظفه ولو فضل علي كده ارجع للبائع

[Ahmed IronHeart]

انا شاريه من متجر عرب هاردوير ... بس ليا واحد صاحبى قالى عادى هو عنده gtx 780 ti و قالى الحرارة بتوصل ل 75 ... بس هى الحرارة عندى مش على طول 74 لأ هى فى العاب و العاب يعنى ساعات 65 و 68 و 69 و 72 و 74 بس كده على حسب اللعبة .. انا مش عارف مع انه لسه مكملش 10 ايام بس هو عشرة على عشرة .. او يمكن يكون للماذر بورد دور فى الحرارة و لا مش شرط .. الماذر بتاعتى gigabye p61 بس شق الفيجا pcie 2 مش 3

[whiteknights]

فى هذا الجو المعتدل تعتبر درجة حرارة طبيعية ..فى عز الشتاء هتلاقيها 68 درجة او 67 ...و فى عز الصيف ممكن تصل الى 78 ..و كل هذا طبيعى

[Ahmed IronHeart]

فى هذا الجو المعتدل تعتبر درجة حرارة طبيعية ..فى عز الشتاء هتلاقيها 68 درجة او 67 ...و فى عز الصيف ممكن تصل الى 78 ..و كل هذا طبيعى

يعنى الحرارة دى تعتبر طبيعية انها فى بعض الاحيان و بعض الالعاب بتوصل ل 74 درجة

[whiteknights]

يعنى الحرارة دى تعتبر طبيعية انها فى بعض الاحيان و بعض الالعاب بتوصل ل 74 درجة

طبيعية طبعا يا اخى...و طبيعى تلاقيها فى الألعاب المتطلبة بتوصل اكتر من الألعاب الأقل تطلبا , و طالما دى اقصى حاجة بتوصلها يبقى كويس ..في شهر 10 لو كنت لعبت watch dogs ممكن تلاقيها بتصل معاك الى 77
لو عاوز تطمن اكتر طبعا يكون الأحسن لو توفر تيار هوائى جيد داخل الكيسة بتنظيم الأسلاك و توفير 3 مراوح على الأقل فى الكيسة ..اكيد الحرارة هتفرق معاك بشكل جيد ..و عموما انت تبدأ تقلق لما تلاقيها تعدت ال 81 درجة فى الصيف

[™ The Rock]

علي العموم حاول توفر تهويه جيده للكرت

[حماده55]

اكيد العيب في الكيسة عندك لأنها مش متهوية كويس لأن الكارت بثلاث مراوح فمستحيل يسخن بشكل كبير الا اذا مكتوم ومش متهوي كويس أو الكيسه ضيقة ومفيهاش مراوح كافية حاول تحط الكمبيوتر في غرفة فيها تكييف اما في عز الشتاء مستحيل يزيد عن 70 درجه دلوقتي الجو لسه معتدل مش حر ولا برد شديد.
بس يا ريت تكتب لنا مواصفات الكيسة عندك وكم مروحه لديك.
وطبعا ولو أن الموضوع ملهوش علاقة بالحرارة ولكن يستحسن انك تغير الماذر بورد والبروسيسور علشان PCIE 3 حتى تستفيد من كامل أمكانيات البطاقة وربما يكون له تأثير بشكل او بأخر.

[tareg7]

يا ريت تعطينا نوع البور وقوته بالاضافه الي نوع الكيس وعدد المراوح وهل حملت التعريف الاخير لانفيديا
عطينا الاجابات عشان نقدر نساعدك

[Ahmed IronHeart]

انا اسف و الله يا شباب انا كنت بحسب ان ال MAX فى البرنامج هى دى درجة الحرارة لكن ال value هى دى اللى بتعطى درجة الحرارة ساعة لما بكون بشغل اللعبة ... انا اسف تانى مرة .. بس درجة الحرارة حلو جدا اقصى حاجة على value فى برنامج قياس الحرارة و كده كانت 60 او 59 .. و فعلا تبريده حلو جدا اللى فى الكارت ... بس انا مش عارف ال max دى فى درجة الحرارة يعنى ايه

[Ahmed IronHeart]

يا ريت تعطينا نوع البور وقوته بالاضافه الي نوع الكيس وعدد المراوح وهل حملت التعريف الاخير لانفيديا
عطينا الاجابات عشان نقدر نساعدك

لا الباور اللى عندى .. سياسونك 650 وات 80 جولد ... بس المشكلة انى كنت فاكر غلط كنت بحسب ان ال max فى البرنامج هى دى درجة حرارة الكارت لما بكون فاتح اللعبة لكن فهمت ان ال value هى دى اللى بتعطى درجة الحرارة و انا بلعب ساعات بتكون 59 و 60 .. فكده درجة الحرارة حلو جدا و تبريد الكارت جبار

[Ahmed IronHeart]

اكيد العيب في الكيسة عندك لأنها مش متهوية كويس لأن الكارت بثلاث مراوح فمستحيل يسخن بشكل كبير الا اذا مكتوم ومش متهوي كويس أو الكيسه ضيقة ومفيهاش مراوح كافية حاول تحط الكمبيوتر في غرفة فيها تكييف اما في عز الشتاء مستحيل يزيد عن 70 درجه دلوقتي الجو لسه معتدل مش حر ولا برد شديد.
بس يا ريت تكتب لنا مواصفات الكيسة عندك وكم مروحه لديك.
وطبعا ولو أن الموضوع ملهوش علاقة بالحرارة ولكن يستحسن انك تغير الماذر بورد والبروسيسور علشان PCIE 3 حتى تستفيد من كامل أمكانيات البطاقة وربما يكون له تأثير بشكل او بأخر.

معلش يا حماده كنت فاهم برنامج قياس درجة الحرارة غلط ههههههه درجة الحرارة حلوة جدا بتوصل ل 59 او 60 و انا بلعب باتل 4 اونلاين .. و بالنسبة للكيسة فهى cooler master haf xb و تبريدها ممتاز جدا جدا .. و شوف ردى ازاى كنت فاهم غلط