استفسار ضرورى جدا

[osamamessi]

لو سمحت ياجماعة انا لسة جايب المعالج دة amd fx 8320
مع البوردة دى giga bayte 970
كل حاجة تمام وشغالة تمام بس عندى استفسار مهم دلوقتى صوت الفان بتاع المعالج عالى جدا جدا ف اول الجهاز عادى لما بلعب العاب تقيلة وكدة صوت
الفات بيعلى جدا جدا مع العلم ان البرسوسر ف الالعاب التقيلة حرارتة مش بتعدى 48 بس صوت الفان مزعج اوى :( دخلت ع بايوس البوردة
وعملت فان سبيد سايلنت وبرضو الصوت عالى اوى مفيش حل لو سمحتو ؟؟

[tahmena]

هيا المروحة الاستوك بتبقى مقرفة ف صوتها ده طبيعي لو عاوز تريح دماغك اشترى كولر بسعر رخيص ودرجة الحرارة بتاعتك معقولة جدا بالنسبة للمروحة الاستوك

[osamamessi]

هيا المروحة الاستوك بتبقى مقرفة ف صوتها ده طبيعي لو عاوز تريح دماغك اشترى كولر بسعر رخيص ودرجة الحرارة بتاعتك معقولة جدا بالنسبة للمروحة الاستوك
يعنى حضرتك انت شايف ان صوت المروحة دة طبيعى ؟ انو بينزل وبيطلع عادى جدا وكدة ؟؟؟ بصراحة الصوت مش بقدر استحملو وانا بلعب اما ف الوضع العادى التصفح وكدة مفيش صوت ؟؟!

[mido_bebo]

انا عندى نفس المشكلة صوت مروحة البروسيسور عالى جدا فى الالعاب اتصلت بالمهندس اللى جمعلى الجهاز قالى ركب مشتت وهيقلل الصوت هل الكلام ده صحيح ارجو الافادة انا مش عارف اقعد على الجهاز من الصوت ده

[TIMO1]

يعنى حضرتك انت شايف ان صوت المروحة دة طبيعى ؟ انو بينزل وبيطلع عادى جدا وكدة ؟؟؟ بصراحة الصوت مش بقدر استحملو وانا بلعب اما ف الوضع العادى التصفح وكدة مفيش صوت ؟؟!


انا عندى نفس المشكلة صوت مروحة البروسيسور عالى جدا فى الالعاب اتصلت بالمهندس اللى جمعلى الجهاز قالى ركب مشتت وهيقلل الصوت هل الكلام ده صحيح ارجو الافادة انا مش عارف اقعد على الجهاز من الصوت ده
للاسف مشتات الاستوك دائما وخصوصا مع AMD بتتميز بالصوت العالى والضوضاء الملحوظه +ولكن يمكن ان تقوم بمحاوله تقليل عدد اللفات من البيوس الخاص باللوحه الام عن طريق عملcpu fan speed control /Manual / Slope PWM وستقوك بتقليل القيمه الى اقل شىء لتصل الى اقل عدد من اللفات ولكن يجب مراعاه ان ترى درجات الحراره الى كم ستصل .
ولكن ان كنت تبحث عن الراحه والهدوء فاتجه الى مشتت احترافى cooler mster hyper 212 Evo فهو سيعطيك التبريد الجيد والصوت الهادئ

[mido_bebo]

ممكن حضرتك تقولى سعر مشتت ال cooler mster hyper 212 Evo ده كام ؟

[TIMO1]

تقريبا من 270-280 جنيه

[mido_bebo]

شكرا يا فندم على الافادة

[osamamessi]

للاسف مشتات الاستوك دائما وخصوصا مع AMD بتتميز بالصوت العالى والضوضاء الملحوظه +ولكن يمكن ان تقوم بمحاوله تقليل عدد اللفات من البيوس الخاص باللوحه الام عن طريق عملcpu fan speed control /Manual / Slope PWM وستقوك بتقليل القيمه الى اقل شىء لتصل الى اقل عدد من اللفات ولكن يجب مراعاه ان ترى درجات الحراره الى كم ستصل .
ولكن ان كنت تبحث عن الراحه والهدوء فاتجه الى مشتت احترافى cooler mster hyper 212 Evo فهو سيعطيك التبريد الجيد والصوت الهادئ
طيب حضرتك لو عملت الخطوات دى الصوت هيقل لان فعلا الصوت مزعج اوى اوى اوى حاجة رخمة جدا ولو عملت الخطوات دى ف خطورة ع المعالج ؟؟ لان بصراحة مش طايق صوتها

[TIMO1]

ماهو الفانه بتاعه المعالج بتوصل عدد اللفات تقريبا 4000 لفه علشان المعالج بيسخن فلو انت قمت بالتقليل بتاعها اكتر من كده الصوت هايقل بس الحراره انت زى ما طلبت منك ممكن تراقبها وتعرف هاتوصل قد ايه يعنى حراره الخطر عندك 62 درجه
فانت شوف مع تقليل سرعه المروحه هايوصل لقد ايه
ولكن لو جيبت مشتت احترافى هاتلاقى الصوت اصبح هادى للغايه

[osamamessi]

ماهو الفانه بتاعه المعالج بتوصل عدد اللفات تقريبا 4000 لفه علشان المعالج بيسخن فلو انت قمت بالتقليل بتاعها اكتر من كده الصوت هايقل بس الحراره انت زى ما طلبت منك ممكن تراقبها وتعرف هاتوصل قد ايه يعنى حراره الخطر عندك 62 درجه
فانت شوف مع تقليل سرعه المروحه هايوصل لقد ايه
ولكن لو جيبت مشتت احترافى هاتلاقى الصوت اصبح هادى للغايه
اممممم تمام بس انا مش فاهم ازاى شركة محترمة زى amd يبقى الفان الاساسى بتاعها كدة يعنى الواحد يكون جايب المعالج ب 1200 جنية ويروح يجبلو مشتت تانى ب 270 حاجة رخمة اوى بصراحة
كل المشكلة صوتها مزعج جدا خصوصا لما اجى العب العاب تقيلة انا شايف اسيبها كدة لحسن الحرارة ترتفع وتاثر ع المعالج ولا حاجة !!

[Xeon-i7-WorkStation]

AMD
مشاكل على طول

[osamamessi]

AMD
مشاكل على طول
مش مشاكل ياباشا المعالج الحمد لله تمام وزى الفل والحرارة مش عالية اثناء اللعب وكدة بس كل المشكلة هو حوار صوت الفان مش اكتر ولا اقل

[Doosh]

سؤال بقى لاهل الخبرة انا كنت محتاج اركب مروحة غير مروحة الاستوك لاقيت اسعار مناسبة وحاجات غالية كنت عايز اعرف هل تركب اى مروحة للبروسيسور ولا لازم يكون فية حاجة معينة لازم اخد بالى منها لانى محتاج حاجة يكون ادائها اعلى من الى عندى انا عندى i5 وكنت محتاج حاجة تكون ادائها جامد فية حاجات لاقيتها ب 250 جنية لحد 700 هل كل حاجة وليها حاجة ولا اية الافضل.وسؤال تانى من فضلكم هل مروحة كارت الفيجا بتتغير لو حصل فيها عطل او حاجة زى كدة ولا لا.وشكرا ل اهتمامكم ب المشاركة

[hardtime]

سؤال بقى لاهل الخبرة انا كنت محتاج اركب مروحة غير مروحة الاستوك لاقيت اسعار مناسبة وحاجات غالية كنت عايز اعرف هل تركب اى مروحة للبروسيسور ولا لازم يكون فية حاجة معينة لازم اخد بالى منها لانى محتاج حاجة يكون ادائها اعلى من الى عندى انا عندى i5 وكنت محتاج حاجة تكون ادائها جامد فية حاجات لاقيتها ب 250 جنية لحد 700 هل كل حاجة وليها حاجة ولا اية الافضل.وسؤال تانى من فضلكم هل مروحة كارت الفيجا بتتغير لو حصل فيها عطل او حاجة زى كدة ولا لا.وشكرا ل اهتمامكم ب المشاركة
اذا انت لن تكسر سرعة المعالج فمشتت CM 212 EVO اكثر من كافي بسعر 270 جنيه اما اذا كنت هتكسر سرعة فيفضل شراء مشتت اقوي من ذلك لتحصل على درجات حرارة ممتازة مع الكسر