والله حاجه تدعو الي القرف والقيئ الكارت في مشكله والمحل او الوكيل عايز يلبسه للعميل

[morooo89]

المشكله اهي وقولولي اعمل ايه؟؟

احد المحلات الشهيره جبت منهم قبل كده بورده وطلع كارت الصوت البلت ان في مشكله فبدل مرجعهلمهم ولسه هيودوها الضمان جبت كارت خارجي عشان مش هعرف اوقف الجهاز
وعشان كده قبل مشتري الكارت دا سئلته الاول لو في مشكله هيحصل ايه قالي هنبدله بالموديل الي انا اختاره وبالفعل استلمت الكارت وبعد سبع ايام كلمته وقولتله علي المشكله دي وهيا مثبته هنا في الموضوع دا
https://arabhardware.net/forum/showthread.php?t=403268&highlight= (https://arabhardware.net/forum/showthread.php?t=403268&highlight=)

الي هيا بيحصل تهنيج جامد مع الالعاب وفريز للجهاز وطبعا عكس الاتفاق الي كان قايلهولي قال هات الكارت نعمل تست تمام نرجعهولك في مشكله هنوضيه الضمان
بعت الكارت ردهم انه شغال تمام قولتله والله جربته علي جهازين مختلفين خالص والباور اصلي مع العلم اني جايب منه باور 500 وات مع الكارت ماركه اصليه
فمكنش قدامي اني اخد الكارت تاني خدته علي امل ان ممكن يكون في عنق زجاجه مع المعالج وهنغيره بعد شويه
بعد فتره مش كبيره تقريبا شهر الكارت توقف عن العمل تماماااا وجربته علي جهاز تاني برده وباور اصلي نو ريسبونس كلمته وبعدين بعتله الكارت المفروض طبعا انه يعمل تست الاول قبل ميبعت للوكيل زي مقال لا هوا بيقول بعته من غير ميعمل تست !!! والوكيل رد وقال الكارت شغال !!!! وبرده لما هوا استلم من الوكيل معملش تست وانا كلمته يقولي الوكيل بيقول تست اوكي !!!!!!!!!! قولتله الكارت نو ريسبونس خاااااااااااااااااالص قولته ممكن بعد اذنك تجربه ولوما جربه طلع فعلا مش شغااااااااااال قالي هاخد صوره من المشكله وهبعتله للوكيل تاني
علي كلامه بقي ان الوكيل رد وقال ان الكارت في حجات مكسروه نتجيه انه وقع واخدين بالكم الكلام الي فات دا كله الكارت راح للوكيل ورجع المحل ورد قال التست اوك
ولما المحل جربه طلع مش شغال طيب كل ده والوكيل والمحل مخدش باله ان الكارت في كسر !!!!!

وانا معنتش بثق فيهم خالص بسبب انه اول مره قالي هعمل تست عليه قبل مبعته الوكيل الاول وتاني مره استمله مني من غير تست واستلمه م الوكيل من غير تست وعايز يرجعهولي اخلله يعني كلامه بوشين

في الاخر كلمت صاحب المحل وحكيتله وكان بيسمعني وهوا مش مهتم وقالي طيب قولتله اعمل ايه قالي هرد عليك بعد يومين فهكلمه لسه بكره
انا بكلمكم وانا ماسك اعصابي من الكدب والتحوير والقرف بتااعم

[adshii]

ربنا يعنيك وانشاء الله تتحل
أسم المحل ايه

[whiteknights]

طيب ليه بتقول احد المحلات الشهيرة؟ المفروض تقول اسم المحل عشان الناس تعرف سوء المعاملة و الأهمال...و انا عارف انه Maximum

[محمد البرديسى]

طيب ليه بتقول احد المحلات الشهيرة؟ المفروض تقول اسم المحل عشان الناس تعرف سوء المعاملة و الأهمال...و انا عارف انه Maximum
يا رجل انتظر حتى يقول صاحب الموضوع اسم المحل

[morooo89]

كنت مستني بس بكره لما اشوف ردهم بكره وهقول الاسم لو لم تحل المشكله المشكله مسؤل الصيانه هيقولك خد رقم الضمان كلمه وصاحب المحل مهوش علي درايه بالمشكله لو كلمته هيقولي كلم مسؤل الصيانه والصيانه هيقولي اجيبلك رقم الوكيل تتصرف معاه طب دا ارد
عليه واقوله ايه
وعايزينه اروحله المحل انا من محافظه تانيه ومش هعرف اروح لظروف العمل والدراسه

انتو واخدين بالكم ان الكارت لما توقف عن العمل تماما ازاي الوكيل يرد ويقول ان الكارت شغااااااااااااال ازاي انا كده شكيت اذا كان الكارت راح للوكيل اصلاااا
وبعدين كان هيبعتهولي في الشحن لو لا اني ترجيته يجربه وطلع مش شغال بعد كده يقولي اني وقعته وكسرته ؟؟؟ هوا اي حجه وخلاص

وفعلا هوا المحل دا الي قولت اسمه

[corontal]

المحل دة سمعتة أصبحت سيئة جدا

[whiteknights]

انا عارف انها ماكسيموم من قبل ما تقول , ليس عذر ان ماكسيموم شركة كبيرة و معروفة مش مبرر لمعاملتهم السيئة و اهمالهم ...انا تعاملت معهم شخصيا فى مشكلة صغيرة و لاحظت الامبالاة فى الردود و التعامل مع الزبون الغير احترافى بالمرة.

[amr101985]

يعني الواحد إذا اشترى حاجة دلوقتي ميشتريش منهم ولا إيه؟؟..
وسوء المعاملة ده بيظهر في حالة المشاكل وكده بس طبعا مش كده؟
طب وباقي الشركات ؟ لو في مشاكل مثلا... المعاملة بتختلف من شركة لشركة ؟
يعني الواحد يشتري كرت الشاشة منين أفضل؟

[agrama]

قم بتقديم شكوى ضدهم في جهاز حماية المستهلك وعنوانه 60 شارع أحمد عرابي تركب مواصلات عرابي من عند محطة مترو جمال عبد الناصر

[tonis]

انا ايضا كان لى مشكلة مع المحل ده ماكسيمم السنة الماضية ومعاملته سيئة جدا

[Xeon-i7-WorkStation]

لا حول ولا قوة الا بالله

[Xeon-i7-WorkStation]

قم بتقديم شكوى ضدهم في جهاز حماية المستهلك وعنوانه 60 شارع أحمد عرابي تركب مواصلات عرابي من عند محطة مترو جمال عبد الناصر


كلام جميل جدا وشكرا لك

[gtx985]

انا ايضا كان لى مشكلة مع المحل ده ماكسيمم السنة الماضية ومعاملته سيئة جدا
فعلا انا ايضا لاحظت ان هناك معاملة سيئه وكأن الاخ البائع يريد أن يتعارك معي دون سبب هذا الكلام كان منذ سنتين تقريبا ... الله يهديهم ويهدي التجار عندنا ليرتقوا بمعاملتهم للناس وياريت يقتدوا بالمتاجر في امريكا واوروبا وتكون مسائل الضمان مريحه للعميل والا ما الفائدة من الضمان إذا كان سيتهم العميل بسؤ الاستخدام ويتنصل من مسؤوليته

[™ The Rock]

انا ملاحظ ان سمعه المحل ده بالذات بقت في الارض ومشاكل الي جايه من وراه كتير
مع انه مش لوحده في السوق لكن دا ثالث ولا رابع موضوع حد يشكوا من المحل ده بالذات
غريبه

[wael45]

السلعة لما يكون فيها عيب تصنيع و ترجع للمحل علشان تروح التوكيل ، المفروض تاخد من التاجر أو البائع إيصال أو تعهد بإن السلعة متسلمة بدون كسر أو خدش أو أى عيب من عيوب الاستخدام .

[morooo89]

انا من محافظه تانيه كله شحن + اني بتعامل بحسن نيه معرفش ان هيحصل كل ده

كلمت صاحب المحل وقال ان هيتصرف مع الوكيل وهكلمه تاني ربنا يسهل

[adshii]

ده انا عندي جهاز بيرستر وشكله كده فيه حاجه في البورده وعشان من نفس المحل انا سايبها علي حالها ولا ودتها ليهم ومستني تبوظ خالص عشان ساعتها ميقولوليش شغاله لان العطل عندهم لازم تكون حاجه بايظه مش حاجه فيها عيب طفيف قرفني حسبي الله

[morooo89]

توضيح كلمت المحل انهارده أ.هاني تواصل معايا ووضحلي ان المشكله من الوكيل وانه بيتواصل معاهم لتوضيح المشكله
وحلها

[mi99doo]

السلام عليكم ورحمه الله وبركاته
المعظم كان بيتعامل مع هذه الشركه للوثوق بها ولكن وبعد تكرار الشكاوى منها اعتقد ان اى احد قبل ان يقدم على الشراء او التعامل مع هذه الشركه حيفكر 100 مره
فالسمعه والاحترام والاهتمام بالعميل اهم من اى شىء اخر
الاخ صاحب الشكوى نرجوا منك انك تعلمنا اول باول اخر التطورات وانت كعميل تعاملت مع المحل والمحل كفيل انه يتعامل مع الضمان واى تقصير او اهمال هو يتحمله انت فى نهايه الامر زبون ودفعت فلوس والموضوع مثبت بالتواريخ
فى النهايه نرجوا ان يحل الامر بدون تشهير اكثر من ذلك فالسمعه لا تعوض

[Xnoone]

اعرف حد لية تجربة زى دى فى الاسكندرية مع لاب توب الوكلاء والبائع بيسلمو لبعض وبيشربها العميل فى الاخر بس اعرف ناس حماية المستهلك عاملة معاهم شغل مستهونش بحماية المستهلك وجربها

[AhMeD NaeeM]

الاخ morooo89 انا كان معايا مشكله مع ماكسيمم من فتره بسبب مشكله في كارت R9 280X
وطبعا الكارت رجعلي وكان الرد ان المشكله مظهرتش عند الوكيل
وامبارح روحتلهم تاني بالكارت وبعد توضيح المشكله مره اخري وفي وسط الكلام
لقيت مسئول الصيانه اللي في الدور التاني بعد ما كشف علي الكارت من كسور او خدش او اي مشكله
مع العلم ان الكارت مفيهوش اي حاجه نهائي ولا ترابه واحده حتي
فبضحك وبقوله متقلقش انا بحافظ علي الحاجه الكارت مفيهوش حاجه
قالي كده كده الوكيل هوا اللي هيقول الكارت في كسر ولا لا
قولتله ازاي يعني الكارت قدامك مفيهوش ولا كسر ولا خربوش واحد
والمظهر الخارجي زيه زي الكارت اللي لسه خارج من العلبه
قالي لا اصل الموضوع ده كان حصل مع واحد من فتره
كان جايب الكارت مكسور وانا اللي شيلت ثمن الكارت من جيبه
قلتله اه انا عارف الموضوع ده بس الشخص ده انت مدتلوش ثمن الكارت من جيبك ولا حاجه
وبعد الجدل والكلام الكتير الغريب والمعامله الغريبه اللي الواحد بيشوفها عندهم
وعايزني اجيب الجهاز كله يا اما اروح للوكيل علي طول
وكأني مشترتش منهم حاجه من الاساس
طلعلي شاب من تحت وشهدته علي الكلام وعلي حاله الكارت
وتم استلام الكارت في النهايه
في النهايه يا جماعه يا ريت تفكروا جامد اوي قبل التعامل مع هذا المحل (ماكسيمم هاردوير)
بسبب عدم الاهتمام مع العملاء والسمعه السيئه التي اصبحوا فيها
وياريت يا استاذ morooo89 توضحلنا ايه اللي حصل معاك في النهايه
وهل فعلا الاستاذ اللي في الدور التاني اللي هوا المفروض مسئول الصيانه
اداك فعلا ثمن الكارت من جيبه ولا لا
مع اني متأكد ان ده محصلش
بس ياريت تقولنا اللي حصل للتوضيح و التأكيد فقط

[lovearrow297]

بجد بعد اللى قريته دا كله علاقتى مع المحل دا هتنقطع نهائيا لان من الواضح انهم ناس مش تمام وحسبى الله ونعم الوكيل فيهم

[corontal]

بعض المحلات فى بداتها بتكون احسن معاملة ولما تشتهر بتبتدى المعاملة تتغير الى اسوأ معاملة ومن الواضح ان المحل دة من ضمنها لازم تكون هناك دعوة الى التحذير من التعامل مع هذا المحل
وشكرا

[morooo89]

اولا تم حل المشكله بس انا مرديتش ارد عشان الموضوع ميترفعش فوق بما انكم رفعتوه هقولكم الي حصل

تم حل المشكله وبدلت الكارت ب gtx 750 ti جيجا بايت وشغال زي الفل مع المعالج مع ان الكارت التاني لما رجعته اول مره وقالي مفيهوش مشكله قبل ميقطع خالص كان بيقطع مع المعالج ودا بيأكد ان الكارت فيه مشكله من يوم مطلع من الكرتونه
ودفعت فرق سعر+فرق بسيط للفتره الي ستخدمت فيهاا الكارت التاني دفعت كله 250 جنيه

قولتلكم قبل كده ان الكارت بعد مفصل خالص وراح الضمان وهما ردوا انوا شغال وبعدين تاني مره قالو اني في كسر .. دا والله اعلم الي جاب الغلط عليهم ودا الي خلا الموضوع يتحل
لاءن لو من اول مره قال انه مكسور مكنتش هعرف اخد حقي خاااااالص مع ان انا موديه مفيش فيه اي كسر وبيقولوا ان الجزء الي مكسور دقيق ولا يري بالعين
الحمد لله الموضوع اتحل ولو المحل دفع من جيبه انا معرفش الوكيل غيره ولا هوا دفع من جيبه بس دا مش زنبي دي مشكله المحل ان بيتاعمل مع وكيل معندوش ضمير بقااا تمام ولا ايه وبعدين يحرق دم العميل ويقوله هديك رقم الضمان تكلمه!!
ومليش زنب كمان ان المحل مش عارف يجيب حقي

واسف علي التأخير في الرد وطبعا كويس انك لما وديت الكارت تخليه يتأكد ان مفيش اي كسر
وانا مروحتش هناك انا من محافظه تانيه وكله كان بالتليفون مسؤل الصيانه كان اسمه ا.اسامه

[khaled tareq]

ما هو الكارت الاول قبل التبديل

[morooo89]

r7 260x جيجا بايت

[corontal]

الحمد لله ان المشكلة اتحلت عن طريق المحل ولازم المحلات الكبيرة تكون يد واحدة ضد التوكيلات ومع العميل
وشكرا

[AhMeD NaeeM]

اولا تم حل المشكله بس انا مرديتش ارد عشان الموضوع ميترفعش فوق بما انكم رفعتوه هقولكم الي حصل

تم حل المشكله وبدلت الكارت ب gtx 750 ti جيجا بايت وشغال زي الفل مع المعالج مع ان الكارت التاني لما رجعته اول مره وقالي مفيهوش مشكله قبل ميقطع خالص كان بيقطع مع المعالج ودا بيأكد ان الكارت فيه مشكله من يوم مطلع من الكرتونه
ودفعت فرق سعر+فرق بسيط للفتره الي ستخدمت فيهاا الكارت التاني دفعت كله 250 جنيه

قولتلكم قبل كده ان الكارت بعد مفصل خالص وراح الضمان وهما ردوا انوا شغال وبعدين تاني مره قالو اني في كسر .. دا والله اعلم الي جاب الغلط عليهم ودا الي خلا الموضوع يتحل
لاءن لو من اول مره قال انه مكسور مكنتش هعرف اخد حقي خاااااالص مع ان انا موديه مفيش فيه اي كسر وبيقولوا ان الجزء الي مكسور دقيق ولا يري بالعين
الحمد لله الموضوع اتحل ولو المحل دفع من جيبه انا معرفش الوكيل غيره ولا هوا دفع من جيبه بس دا مش زنبي دي مشكله المحل ان بيتاعمل مع وكيل معندوش ضمير بقااا تمام ولا ايه وبعدين يحرق دم العميل ويقوله هديك رقم الضمان تكلمه!!
ومليش زنب كمان ان المحل مش عارف يجيب حقي

واسف علي التأخير في الرد وطبعا كويس انك لما وديت الكارت تخليه يتأكد ان مفيش اي كسر
وانا مروحتش هناك انا من محافظه تانيه وكله كان بالتليفون مسؤل الصيانه كان اسمه ا.اسامه



مبروك يا اخي ان الموضوع اتحل وتم استبدال الكارت
بس انت متعرفش الـ 250 جنيه دول كانوا متقسمين ازاي
من ناحيه الفرق بين الكارتين كام والتخصيم كام
والله الواحد بيشوف حاجات غريبه في الضمان المصري
بيقولك الكسر دقيق و ميتشفش بالعين
ولما راح للوكيل الوكيل هوا اللي شاف الكسر بالميكروسكوب
صبرنا يارب