اشتريت النهاردة لاب lenovo z510 ومش لاقي الهارد الـ8 جيجا !!

[Teto07]

بسم الله الرحمن الرحيم
اشتريت النهاردة لاب lenovo z510
مكتوب علي الكرتونة
SSHD 500G+8G
لما بدخل علي Device Manger
بلاقي هارد واحد بس 500 جيجا
كده الهارد التاني اتشال من اللاب ولا ايه النظام
انا مش فاهم

[Teto07]

طيب حد يرد عليا
اغير اللاب ولا ده الطبيعي ولا ايه ؟؟ !!!!

[arsenal_henry]

هو هارد واحد فقط مش هاردين لكنه هارد SSHD اي انه هارد هجين بين الهارد الساتا والهارد الـSSD وبيكون اسرع في الاقلاع ونقل الملفات ..
يعني لا تقلق الجهاز سليم وكامل مش ناقص حاجه ..

[Teto07]

هو هارد واحد فقط مش هاردين لكنه هارد SSHD اي انه هارد هجين بين الهارد الساتا والهارد الـSSD وبيكون اسرع في الاقلاع ونقل الملفات ..
يعني لا تقلق الجهاز سليم وكامل مش ناقص حاجه ..

الف شكر ليك ياباشا
طمنتني بدل ماكنت اروح اعمل مشكلة هناك :D

[wael45]

بتفكرنى لما اشتريت لاب توشيبا من 6 شهور ، بعد ما اشتريت اللاب بأسبوع اشتريت مفك صغير خاص باللاب علشان لو اضطريت أفك اللاب فيما بعد يعنى ..

بعدين جيت أجرب المفك و بدأت أخلع المسامير ببطئ ( علشان أتأكد إن المفك شغال و ينفع ) و فجأة لقيت المسمار اللى بيربط الغطاء بتاع الهارد و الرامات كأنه متآكل و مش عايز يتفك ، فمبقتش عارف هو تآكل منى و لا هو جاى كده و لو إنى مضغطتش أوى يعنى .

المهم اللاب عليه رامة واحدة 4 جيجا ، و بإستخدام إحدى برامج لتحليل مكونات الجهاز لقيت الرامة متركبة فى المنفذ رقم 2

فقلت فى نفسى : مش المفروض الرامة تبقى راكبة فى المنفذ رقم 1 ؟ حتى مكتوب كده فى دليل الاستخدام بتاع اللاب .

و لغاية دلوقتى مش عارف إذا كان المسمار إتاكل منى بالفعل و لا كان جاى متاكل لوحده ، و لكن لما اشتريت اللاب من ايجيبت لاب توب كانت الكرتونة مبرشمة و اللاب سجلته على موقع توشيبا و الضمان ( دولى ) و كله تمام .