اجيال المعالج

[Mohamed Bata]

انا كان عندي استفسار ياريت الخبراء يساعدوني عاوز اعرف هل في فرق بين اجيال المعالج في الاداء الثاني و الثالث و الرابع و الخامس الي هينزل و هل الفرق كبير او صغير و هل يستحق تحديث بين الاجيال ولا لا
و عاوز اعرف ما فائدة Mother Baord يعني انا بشوف في MB بي اسعار خيالية 2 و 3 الاف جنيه و في بردك بي 400-800 جنيه عاوز اعرف ايه الفرق كبير اوي كده ؟ ارجوا الافادة اذا تكرمتم

[Mohamed Bata]

Up​..

[أحمد معوض]

أخى الكريم سؤالك غير واضح ماذا تقصد ؟ هل تقصد مقارنة معالجات ماركة بيعنها مثل Intel او AMD ام تقصد جيل معين من معالجات شركة معينة ....

ارجو منك اخى الكريم ان يكون سؤالك اكثر تحديدا .....

[Mohamed Bata]

لا اقصد اجيال المعالج بين انتل haswell ivy sandy

[Eng:Aezz]

انا كان عندي استفسار ياريت الخبراء يساعدوني عاوز اعرف هل في فرق بين اجيال المعالج في الاداء الثاني و الثالث و الرابع و الخامس الي هينزل و هل الفرق كبير او صغير و هل يستحق تحديث بين الاجيال ولا لا
و عاوز اعرف ما فائدة Mother Baord يعني انا بشوف في MB بي اسعار خيالية 2 و 3 الاف جنيه و في بردك بي 400-800 جنيه عاوز اعرف ايه الفرق كبير اوي كده ؟ ارجوا الافادة اذا تكرمتم

طبعا فيه فرق اما حكايه تحديث فمش لازم طبعا تحدث لأن كل يوم بيزل شئ جديد بمعني حضرتك جبت مثلا i7-4790k Heswell refresh بسوكت 1150 وهينزل ال Brodwell بنفس السوكت 1150 هل معني كده اقوم احدث لأ طبعااااااااااااااااااا ده انا قدامي على 4790k مش اقل من 3 سنين استفيد من امكانياته الكبيره التحديث بيبقى بيحصل اما يكون فيه فرق كبير في تكنولجيا بين اللي معاك واللي موجود الحالي فتحدث بس كده

اما اسعار الMB وفروقتها فطبعا فيه فرق جبار بينها وبين بعض وده اللي بيعمل فرق السعر زي مثلا ال asus H97 وال ASUS Z97 فيهم فرق؟
اه طبعا الفرق الي بينهم انه فيه واحده تعرف تعمل للبرسيسور من خلالها OVERCLOCK وتحسينات والتانيه لأ ده انا كده بتكلم لو هما نفس الشركه المصنعه اما لو فيع فرق سعر في ال Motherboard بين شركه والتانيه زي مثلا asus و Gigabyte و asrock مثلا سوكت 1150 او 2011 طبعا فيه فرق الفرق بيبقى في المواد المصنعه لل Motherboard من ناحيه المكثفات و ال Phases و ال Stability مع المعالج وحجات كتير طبعا بعد استخامي ل 3 شركات بنفس السوكت للمازر فأولهم اسوس واغلاهم وارخصهم و اماكنيات ضعيفه ال asrock بس هي كشركه بتطور نفسها كل مدى وديه حاجه ايجابيه ده بأختصار لأن شرح الموضوع كبير

[Eng:Aezz]

أخى الكريم سؤالك غير واضح ماذا تقصد ؟ هل تقصد مقارنة معالجات ماركة بيعنها مثل Intel او AMD ام تقصد جيل معين من معالجات شركة معينة ....

ارجو منك اخى الكريم ان يكون سؤالك اكثر تحديدا .....

هو ليه مع احترامي لسعاتدكم كل حاجه حضرتك بتحددها ليه ماتجيبش الموضع ككل والناس كلها تفهم

[أحمد معوض]

هو ليه مع احترامي لسعاتدكم كل حاجه حضرتك بتحددها ليه ماتجيبش الموضع ككل والناس كلها تفهم

بارك الله فيك اخى الكريم ...
عندما قصدت ان يقوم العضو الكريم بالتحديد نظرا لان الموضوع اكبر من انك تختصره فقط فقد يكون فى ذهنه ماركة معينة من المعالجات وهنا سيختلف الامر وسيطول اذا تكلمت عن كلا الشركتين وخاصة اذا تكلمت على اجيال المعالجات لديهم ، افهم حرصك اخى الكريم على اثراء الموضوع بالمعلومات المفيدة والقيمة لكن اردت ان يقوم بتوضيح سؤاله اكثر حتى نستطيع ان نعطيه (انا والاعضاء وغيرى من المشرفين )الاجابة الشافية له ان شاء الله تعالى ...

وقد أحسنت اخى الكريم الاجابة...بارك الله فيك ....