cisco package

[Mohamed Hoseny]

مساء الخير...:ah7:
اولا احب اعرفكوا بنفسي انا محمد من الشرقية بدرس نظم معلومات ادراية الفرقة الرابعة:ah2:
مش حابب اطول بالكلام عليكوا
دلوقتي في كورس قدامي شبكات سيسكو مكون من CCNA + CCNA VOICE + CCNA SECURITY + CCNP
الكورس ده عامل 3500ج بس عليه منحة 2300ج هل ده كويس ولا المفروض اخد ايه:confused:
معلش اخر حاجة الشبكات مجالها احسن في مصر ولا البرمجة وانهي افضل فيهم شكرآ...;)

[ViRus-BoY]

اعتقد دا كان إعلان هندسه المنصوره :D

انا شفته برضوا

بص تقدم او متقدمش دي حاجه ترجعلك انتا

من وجهه نظري .. لو انتا بتعرف تذاكر كويس في البيت علي النت و مش هتزهق من المذاكره يبقي متروحش و ألزم نفسك بال Timeline بتاع الكورس انك تخلص الشهادات ديه فيه .. و المحتوي موجود علي اليوتيوب بالعربي كتير جدا

و مهندسين كبار و كويسين و موجود بالإنجليزي كمان لو اللغه بتاعتك كويسه ..

لو بقي زي حالاتي الدنيا زحمه معاك و مش هتلتزم .. يبقي تروح أحسن و هتستفيد من الكورس بس اهم حاجه تذاكر اللي تاخده متنمش عليه :D

تحياتي

[مستر شبكات]

بص يامحمد .. من حيث المحتوى .. طبعا لو أخدت كل الشهادات دى وعملت لنفسك ملخصات علشان مهما بعدت عن المجال لاى سبب لكام شهر او كترت عليك الشهادات والمعلومات وبدأت تنسى تقدر تسترجعها .. لو عملت كل ده اقولك ميه ميه

ومش هيهم بقه اخدت الكلام ده فى كورس ولا خدته مذاكره مع نفسك المهم خده والمهم أكتر انك تكمل طريقك.

اعيد واقولك شهادات ممتازة