يعني ايه فريم !؟

[akrm.new]

يعني ايه تشغل اللعبه على فريم معين ، انا مش فاهم يعني ايه اصلاً ، انا عندي بشغل اللعبه وخلاص
GTX 780

[mawedahmed]

بص يا باشا الفريم هو معدل تتابع الصور في وحده الزمن اي صوره في الثانيه واسمها بالانجليزي FramePerSecond مثلا انتا بتشغل لعبه واتش دوجز علي 50 فريم مثلا معناها 50 صوره لكل ثانيه وخلي بالك لكي تكون اللعبه سلسه معاك لا تقل عن 30 فريم ولن تحس بفارق اذا تعدت اللعبه عندك 60 فريم بسبب قدره العين وياريت اكون افدتك واي سؤال انا في الخدمه وشكرا

[akrm.new]

شكراً يا باشا على المعلومه دي ، طب دلوقتي هل كل لعبة أقدر أتحكم في الفريم بتعها ؟
وده يفيدني بأيه اني اخليها زيادة أو نقص

[a.mohamed1]

زي ما شرحلك الاستاذ
والي بيتحكم في الفريم هو الجرافيك بتاع اللعبة وكل ميزيد الجرافيك يقل الفريمات والعكس
وكل متزيد الفريمات بتحس في سلاسة في اللعبة اكتر بتبتدي السلاسة من 30 فريم ل 60 فريم
بعد ال 60 فريم العين بتفقد القدرة علي التمييز يعني 60 فريم زيها زي 120 فريم نزل برنامج بيقيس الفريمات زي fraps مثلا
وشوف كل لعبة بتجيب كام فريم
بس كرتك قوي ويشغل معظم الالعاب علي 60 فريم علي جرافيك عالي ان شاء الله

[tareg7]

سلامات يا اكرم
بالله عملت ايه مع الجهاز ... مشكلة الكرت والشاشة.
ان شاء الله كلو تمام

[akrm.new]

شكراً ليك يا a.mohamed1 (https://arabhardware.net/forum/member.php?u=11321055) :)
راح أجرب كده وأشوف الفرق ايه

[akrm.new]

ازيك يا tareg7 (https://arabhardware.net/forum/member.php?u=11193308)
أنا جبت شاشة جديدة سامسونج 22 بوصة فيها مدخل HDMI ههههههههههههه عشان العيب طلع انك لازم تشغلها بالكابل ده

[akrm.new]

وعلى كل الشاشات تقدر تشتغل بفريم عالي ؟؟

[tareg7]

انا كان شاغلني موضوعك والله والف مبرررروووك والحمد لله :ah7:

[akrm.new]

:)ربنا يجازيك خير ، شكراً tareg7

[abde_cs]

موضوع سابق لي .. شرحت فيه ما معنى الفريم :D
للمبتدئيين ..... شرح بخصوص عدد الإطارات - FPS - (https://arabhardware.net/forum/showthread.php?t=366403)

أرجو أن يفيدك الموضوع :ah7:

[whiteknights]

هناك فرق شاسع بين 60 فريم و بين 100+ فريم من المستحيل ان لا تشعر به ..و كل من جرب اللعب على شاشة 120hz بمعدل اكتر من 60 فريم من المستحيل ان يعود اطلاقا الى شاشة ال 60hz ..احنا بس اللى اتعودنا فا عشان كده مش حاسين بالفرق ..

[akrm.new]

اصل أنا اشتريت شاشه جديد سامسونج ٢٢ بوصه ، ومشغلها على فيجا عاليه ، ف كنت بشوف ازاي اقدر استفيد بقدر الامكان من الفيجا العاليه ع الشاشه دي