مشكلة عند شراء asus vx238h

[zanofa]

قمت بالأمس بشراء الشاشة asus vx238h من ماكسميم هاردوير على اساس انه محل ثقة و بحب التعامل معاه .. و بالفعل قمت بشراءها و تم التأكد بانها ليس بها خدوش تماما .. و دفعت فلوسها و روحت البيت فتحت العلبة عشان اركب قاعدة التثبيت على الشاشة و تم ربطها بالمسمار فى اسفل القاعدة .. ظهرت المشكلة بعد ما ركبت الشاشة عليها .. الشاشة كلها مايلة على الأرض مش فى خط مستقيم و دي صورة للتوضيح .


https://arabhardware.net/forum/attachment.php?attachmentid=24975&stc=1

طبعا الشاشة مبترجعش لورا خالص .. و القاعدة متثبته باحكام .. رحت فكتها تانى و لمدة اكتر من ساعة بحاول فيها فتحت النت لقيت كل الناس بتركب القاعدة عادى و الشاشة بتبقى فى خط مستيم مش مايلة .. اقعدت ادور شوية فى النت لقيت ان فى ناس استلمت شاشات و كان عندها نفس المشكلة ان الشاشة بتبقى مايلة و عرفت انهم رجعوها و استلموا بدل منها .. و ده فيديو للمشكلة عشان يتثبت انهم حاجة عالمية مش سوء استخدام




https://www.youtube.com/watch?v=Mm3Ms0XlKKs



طبعا انا بحاول اوصل لماكسميم النهاردة بس النهاردة الجمعة 28-11 فشكلهم قافلين .. انا بكره اروحلهم اول ما هيفتحوا و اطلب شاشة بديلة او الفلوس من تانى ترجعلى مش ان هى تروح للتوكيل و تتصلح .. هل ده كده صح و لا ايه اللى مفروض اعمله !؟

[whiteknights]

طبعا ده الصح ..المفروض تروح تانى و تاخد شاشة بديلة او الفلوس ترجعلك , لأن العيب واضح و اعتقد فى كتيب الأرشادات اللى بيكون جاى مع الكيسة رسومات للشاشة و هى بتتحرك للوراء و للأمام فا الموضوع باين و مفهوش شك و مفيش منظر شاشة بتكون كده ابدا بدون امكانية تعديلها ..
ياريت تتابع معانا و تقولنا ايه اللى تم بعد لما تروح ان شاء الله.

[Mr.pOPo]

انا عندى نفس الشاشة و دا الوضع الطبيعى للقاعدة و للرقبة و الرقبة بتبقى كدا مايلة، لكن الشاشة نفسها بترجع لورا بحيث تستوى الرؤية.

هل حاولت ترجع الشاشة؟ الشاشة المفروض بتتحرك لفوق بسهولة.

[zanofa]

ان شاء الله ده اللى اعمله النهاردة .. و اخليه هو اللى يركبها عشان يشوف المنظر قصاده و اجى احكى اللى حصل .. و شكرا للرد :)

[zanofa]

انا عندى نفس الشاشة و دا الوضع الطبيعى للقاعدة و للرقبة و الرقبة بتبقى كدا مايلة، لكن الشاشة نفسها بترجع لورا بحيث تستوى الرؤية.

هل حاولت ترجع الشاشة؟ الشاشة المفروض بتتحرك لفوق بسهولة.


حاولت ارجع الشاشة لفوق مبتتحركش خالص .. كأنها متثبتة بمسامير .. زى اللى فى الفيديو كده بيحاول يرجع الشاشة لفوق و مبتتحركش خالص و راح رجعها

[Mr.pOPo]

إن كدا خلاص روحلهم طبعاً و رجعها.. و احنا متابعين معاك متقلقش.

[zanofa]

الف شكر ليكم يا جماعة .. دى حاجة متوقعة عرب هاردوير .. روحتلهم النهاردة و حتكلهم الموقف .. اتقالى اكيد انت مركبها غلط قلتله مستحيل لانى اقعد اجرب فيها اكتر من ساعتين .. فركبها قصادى و سبحان الله ركبها بدون اى تعقيدات و الشاشة كانت بتتحرك لفوق و تحت و تم حل المشكلة .. شكل الشاشة خافت لما راحت هناك و بقيت فى موقف محرج قدامهم .. بس حصل خير الحمد الله .. يرجى من المشرفين غلق الموضوع خلاص .. الف شكر مرة تانية منجيلكمش فى مشاكل تانى :)

[whiteknights]

انا برضو كنت حاسس انك مركبها غلط :D

[TIMO1]

لا عادى والله هو اوقات بس بيبقى فى حاجات مش مفهومه وبتحصل كتير الحاجه تبقى عامله عندك مشكله ترح الوكيل او المحل تلاقى العيب راح مش انت بس الى بتبقى محروج كلنا هذا الرجل ... وعلى العموم الف مبروك عليك الشاشه اون شاء الله خير لو اى حاجه متتردش انك تقول وكلنا نشارك معاك .