المساعد الشخصي الرقمي

مشاهدة النسخة كاملة : ارجو المساعدة فى معرفة سبب هذه المشكلة


whiteknights
03-12-2014, 12:04
السلام عليكم ..دلوقتى يا جماعة الخير انا عندى راوتر TP-Link و النت كان بيفصل عندى كل فترة معينة , و لما جربت اشترى Splitter جديد النت قعد فترة ميفصلش و لكنه بعد فترة رجع يفصل تانى ...قولت بلاش منه Splitter خالص و اوصل سلك الراوتر بالتليفون مباشرة ..و لما عملت كده النت الأن لا يفصل نهائى بقاله فترة طويلة ...

دلوقتى انا عايز اعرف ايه كان سبب المشكلة؟ لو كان السبب هو ال Splitter فأنا كنت غيرته و جبت واحد جديد مثل ما ذكرت و برضو فصل , و هو ده الشىء اللى محيرنى لأنى بفكر اشترى Splitter جديد مرة اخرى و خايف انه يرجع يفصل تانى ..
MaHmOuD ZeRo
03-12-2014, 13:46
طيب ما تجرب Splitter القديم وشوفه هيفصل ولا لا
whiteknights
03-12-2014, 14:02
طيب ما تجرب Splitter القديم وشوفه هيفصل ولا لا





ده انا قعدت اغير و اجرب كتير قبل ما اشترى سبليتر جديد كان عندى أتنين ..جربت واحد و بدأ يفصل بعد فترة .. قمت جربت التانى لاقيته قعد كام يوم مفصلش , قولت احمدك يارب , بعديها بيوم بدأ يفصل تانى ..قمت شارى واحد جديد و برضو بعديها بكام يوم بدأ يفصل برضو...
MaHmOuD ZeRo
03-12-2014, 14:16
ده انا قعدت اغير و اجرب كتير قبل ما اشترى سبليتر جديد كان عندى أتنين ..جربت واحد و بدأ يفصل بعد فترة .. قمت جربت التانى لاقيته قعد كام يوم مفصلش , قولت احمدك يارب , بعديها بيوم بدأ يفصل تانى ..قمت شارى واحد جديد و برضو بعديها بكام يوم بدأ يفصل برضو...

طيب ما تجرب دلوقتى القديم وشوف هيفصل ولا لا
عشان انا كان عندى نفس المشكلة وقعدت اغير Splitter's كتير وفى الاخر طلبع العيب من السلك
whiteknights
03-12-2014, 15:04
طيب ما تجرب دلوقتى القديم وشوف هيفصل ولا لا
عشان انا كان عندى نفس المشكلة وقعدت اغير Splitter's كتير وفى الاخر طلبع العيب من السلك



شكرا ليك على ردك .. هجرب القديم كام يوم كده واشوف هيفصل ولا لأ ...بس لو كان العيب من السلك كان زمانه فصل بعد ما وصلت سلك الراوتر مباشر بالتليفون , لكن بقاله فترة طويلة مش بيفصل.
هو كان بيفصل بس لما كنت بوصله بال Splitter
MaHmOuD ZeRo
03-12-2014, 16:53
شكرا ليك على ردك .. هجرب القديم كام يوم كده واشوف هيفصل ولا لأ ...بس لو كان العيب من السلك كان زمانه فصل بعد ما وصلت سلك الراوتر مباشر بالتليفون , لكن بقاله فترة طويلة مش بيفصل.
هو كان بيفصل بس لما كنت بوصله بال Splitter


والله انا كمان نفس المشكلة والعيب الى فى السلك عندى
معرفش فين بالظبط بس لما اهز السلك بيفصل من ايه مش عارف :confused:
MMS-AMMMK
03-12-2014, 17:52
من الافضل تغير Splitter لنوع جيد زى D-link وتتأكد اخى الحبيب من عدم وجود لحمات فى سلك التلفون الواصل من البوكس
ويا ريت لو تضع لنا صورة لبيانات الخط من الروتر علشان نقدر نعرف نسبة التشويش على الخط وبعد الخط عن السنترال
MaHmOuD ZeRo
03-12-2014, 18:32
من الافضل تغير Splitter لنوع جيد زى D-link وتتأكد اخى الحبيب من عدم وجود لحمات فى سلك التلفون الواصل من البوكس
ويا ريت لو تضع لنا صورة لبيانات الخط من الروتر علشان نقدر نعرف نسبة التشويش على الخط وبعد الخط عن السنترال

طيب منين اقدر اعرف بعض الخط عن السنترال ؟
whiteknights
03-12-2014, 19:27
من الافضل تغير Splitter لنوع جيد زى D-link وتتأكد اخى الحبيب من عدم وجود لحمات فى سلك التلفون الواصل من البوكس
ويا ريت لو تضع لنا صورة لبيانات الخط من الروتر علشان نقدر نعرف نسبة التشويش على الخط وبعد الخط عن السنترال

هو فعلا فيه لحمات قديمة فى خط التليفون اللى خارج من الحيطه الأصلى و فيه ناس قالولى انها ممكن تكون مشكلة اللحمات دى مخليه الحرارة مشوشة على النت ..لكن زى ما ذكرت ان المشكلة اختفت تماما لما وصلت سلك الراوتر بالتليفون , اذن العيب كده مش من اللحمات؟..

حضرتك تقصد اضع الصورة من صفحة الراوتر نفسها؟..
MaHmOuD ZeRo
03-12-2014, 19:39
ه
حضرتك تقصد اضع الصورة من صفحة الراوتر نفسها؟..


نعم صورة زى دى
https://www13.0zz0.com/2014/12/03/20/141766485.png
MMS-AMMMK
04-12-2014, 02:59
نعم صورة زى دى
https://www13.0zz0.com/2014/12/03/20/141766485.png


من خلال قيمة Attenuation
تقريبا المسافة بينك وبين السنترال اخى الحبيب حوالى 4.5 كيلو متير وهى مسافة كبيرة واقصى سرعة يقدر يتحملها خطك 4 ميجا ولكنى لا انحصك بسرعة اكثر من 2 ميجا
بالنسبة للشوشرة فتحددها نسخة SNR Margin
اذا قلت القيمة عن 10 كانت الشوشرة عالة الخط ويحدث تقطيع كبير فى الخدمة


هو فعلا فيه لحمات قديمة فى خط التليفون اللى خارج من الحيطه الأصلى و فيه ناس قالولى انها ممكن تكون مشكلة اللحمات دى مخليه الحرارة مشوشة على النت ..لكن زى ما ذكرت ان المشكلة اختفت تماما لما وصلت سلك الراوتر بالتليفون , اذن العيب كده مش من اللحمات؟..

حضرتك تقصد اضع الصورة من صفحة الراوتر نفسها؟..


على حسن نوع الروتر لديك اخى الحبيب اتمنى ان تضع صورة للقيم التالية
line attenuation
SNR Margin
whiteknights
04-12-2014, 12:06
https://arabhardware.net/forum/attachment.php?attachmentid=25117&stc=1

الراوتر TP-Link و شغال معايا بقاله 4 سنين بدون اى مشاكل ..استبعد احتمال ان تكون المشكلة من الراوتر ... هى من الحرارة او من الأسبلتر اعتقد.

لو الصورة مش واضحة اوى.. فا قيمة ال SNR MArgin فى ال downstream تساوى 39.0 و فى ال upstream تساوى 31.0

و قيمة ال Line Attenuation فى ال DownStream تساوى 31.0 و فى ال Upstream تساوى 20.0