المساعد الشخصي الرقمي

مشاهدة النسخة كاملة : رأيكم في هاتف أل جى L90 Dual D410



AMRSOFTWARE
10-12-2014, 03:47
السلام عليكم يا شباب

عندي استفسار أنا شفت مراجعات أجنبية كثير لهاتف L90 Dual D410

وعجبني ولكن شفت ناس كثير في مصر بتشتكى من حاجات في هذا الهاتف

1- ضعف شبكة الجهاز ده على الخطين وانه بيسقط شبكة دائما وان الخط الثاني بيتشغل 2g فقط

2- الكاميرا بتاعته بالرغم من انها 8 جيجا ولكنها ليست بجودة ال8 جيجا في هواتف سامسونج

3- الهاتف بيسخن بصورة غير طبيعية

فباريت اللي جرب الجهاز ده يقولنا رأيه فيه بكل أمانة وهل اشتريه ولا لا أنا عارف أن في حاجات تانية أفضل منه بس أنا بسأل على الهاتف ده تحديداً

وياريت لو حد عنه رأى فى الهاتف ولم يستخدمه شخصيا او عنده اى معلومات حوله ياريت يفيدنا بيها

DoRo
10-12-2014, 04:22
دي بعض تجارب اللي اشتروه :

اول عيب يظهر معايه في الموب
هو عدم استقرار الشبكه با الشريحه رقم 1 :(
غير كده الموب تحفه ..
---------------------
انا لما قررت اشتري التليفون ده اشتريته التليفون ده بناء علي تجربة موديلات قبل كده من ال جي
لكن حظي المره دي طلع في عيب
وهو ان السماعات سواء المكالمات او الخارجيه لما الصوت بيعلي علي الاخر بيحصل خروشه
لازم اوطي الصوت درجه او درجتين عشان اتخلص من االخروشه دي
----------------------------

تقييمي للجهاز بعد يومين
بالنسبه للاستخدام فهو سلس و السوفتوير كويس :D
الشاشه كُنت متوقعها متوسطه أو تحت المتوسطه ، بس ما شاء الله طلعت جيده جداً :D
مقابلنيش أي مشكله بخصوص التهنيج أو حاجة لحد دلوقتي الحمد لله .
بخصوص الشبكه ، فميش مُشكلة ان الشبكة كُل شويه تُقع و كده :D
الألعاب اللي جربتها عليه
Score & Vector & traffic racer & 8 ball pool
و الألعاب كُلها شغاله زي الفل الحمد لله
الألعاب اللي المفروض هجربها Asphalt 8 , Fifa 14&15

الكاميرا مجربتهاش غير في البيت عشان منزلتش كتير ، بس هي مُبشرة جداً

الكاميرا في الاماكن المضلمه جيده جداً
دي صورة و الأوضه كانت مضلمه و مكنتش شايف حاجة :D


----------------------------

https://i.imgur.com/VWgolxi.jpg


السلام عليكم انا اشتريت الموبيل ده م اسبوع تقريبا . الموبيل بالنسبه لسعره صراحه روعه
الاداء كويس . بس انا عن نفسى واجهتنى مشكلتين الاولى الشبكه ف الموبيل عندى ضعيفه وكل حبه تتغير مش بتثبت واوقات كتير يجيلى missed call من زمايلى على الرغم ان الشبكة عندى ف البيت كويسه جدا ف باقى الموبيلات . المشكلة التانيه انه هنج معايا والتاتش وقف خالص لازم اشيل البطاريه واركبها تانى . بس للامانه عمل الحركه دى مرتين بس .
يا ريت بعد ازنكم انا عايز الرد من ناس فعلا معاها الموبيل ده عشان اشوف الموبيل عموما كده ولا عدتى انا بس .



للاخوة اللى بيطالبوا بتقيم الموبايل دة تقيمى بعد استخدامة :
1- الكاميرا الخليفة 8 ميجا بكسل ممتازة -فيها امكانية انها تصور بمجرد ماأنت تنطق كلمة معينة (زى تشيز مثلا ) وفيها تركيز تلقائى وفلاش كويس ...الصورة من جودتها مساحتها مش اقل من 1 ميجا ...الكاميرا الامامية فيجا ضعيفة يعنى لو أنت من هواة التصوير سليفى مش هتفع معاك

2-الصوت صوت سماعه المكالمات عالية بدرجة جيدة ..صوت سماعة الجرس جيدة ..وأن كانت مش نقية زى نوكيا ولكنها عالية ..بصفة عامة السماعات فية جيدة جدا

3- الشاشة الشاشة (قطرى 4.7 بوصة ) بطول 4 بوصة وعرض 2.3 بوصة ...نفس طول سامسونج win ولكن اقل فى العرض (سامسونج win عرض الشاشة 2.5) صورتها كويسة بدرجة عالية ..ولكن طبعا اللى هيقارن بينها وبين سامسونج اقولة شاشة سامسونج الالوان فيها عالية ..بس شاشة LG كويسة جدا ..بشكل عام الشاشة جيدة

4- المساحة الداخلية المساحة كلها 8 جيجا منها 4.1 جيجا للاندرويد وليك الباقى ..دى مساحة كويسة جدااااا

5-البطارية : أداء كويس جدا 7 ساعات واى فاى وفيديو متواصل بدون تهنيج أو يوم كامل اتصالات ونت واى فاى خفيف بطارية مقارنة بأى موبايل تانى تعتبر جيدة

6- السخونة : سخونة مقبولة مش السخونة العالية

7- البروسيسور عالى جدااااا انا جربت العب علية (سب واى) والعاب تانية فى نفس الوقت والجهاز مهنجش خالص والرامة جيدة جداااااا

8- الموبايل رفيع بشكل لذيذ وضهريتة زى ضهرية lg G2 حلوة وشكلها لذيذ ارفع من سامسونج Win أو S3 now
9- الموبايل فية اوبشن انك تفتح الشاشة بمجرد الضغط عليها مش محتاج تضغط على زر الباور وبالنسبالى دة اوبشن لذيذ علشان الضغط على زر الباور (بيبوظة) ويبقى الضغط صعب فى الجراب


العيوب :
1- عيب رخم أوى موضوع الزراير السفلية مش منورة يعنى لو انت فى الشارع هتلاقى نفسك مش عارف تضغط مكان الزارير بعد بعد فترة بتعرف مكانها ويبقى الموضوع عادى .
2- كنت اتمنى لو أن الشاشة تبقى أعرض من كدة يعنى عرضها يبقى 2.5 بوصة زى Win مش 2.3 ..بس برضة الموبايل حجمة كويس .

3- الموبايل مش بيقبل فلاشة ( للاخوة اللى بيحبو يحطوا الفلاشة بشكل مباشر فى الموبايل زى سامسونج S3 او الكاتيل Idol 2 للأسف الموبايل دة مش بيقبل فلاشة ...وأن كانت سرعه النقل من الجهاز للكومبيوتر بالكابل عالية جدا وممتازة ..

4- الشبكة بتاعت الخطين احيانا بتقع ينعى تلاقى جايلك رسايل ان فلان حاول يتصل بك بالرغم من ان الموبايل مفتوح والشبكة مفولة ....بس للأمانة مش عارف دة عيب شبكة الموبايل ولا علشان الشبكات فى مصر بقالها كام شهر بايظةجدااااا

5-البطارية تفول من 13% الى 100% من ساعتين لساعتين ونص بس تاخد اكتر لو حاولت تتصل ولا تلعب علية


للاسف الشبكه في الجهاز متوسطه في بيت الشريحه الاوليِِ. ضعيفه في بيت الشريحه الثاني...ياترى بالنسبه للاخوه اللي اشتروا الجهاز ..بيت الشريحه الثاني بيلقط شبكه كويس ولا ضعيف ??

AMRSOFTWARE
11-12-2014, 01:27
تسلم يا باشا والف شكر على تعبك

وانا بالفعل كنت قريت تلك الاراء على mob4me بس كنت حابب اعرف رأى الاعضاء اللى جربوا الهاتف هنا وخاصة بعد التحديثات الاخيرة للهاتف هل ظلت هذة المشكلات قائمة ولا تحسنت .

وياريت لو حد عنده اراء اخرى يذكرها

والف شكر مرة اخرى اخى على تعبك

DoRo
12-12-2014, 01:46
تسلم يا باشا والف شكر على تعبك

وانا بالفعل كنت قريت تلك الاراء على mob4me بس كنت حابب اعرف رأى الاعضاء اللى جربوا الهاتف هنا وخاصة بعد التحديثات الاخيرة للهاتف هل ظلت هذة المشكلات قائمة ولا تحسنت .

وياريت لو حد عنده اراء اخرى يذكرها

والف شكر مرة اخرى اخى على تعبك

ولا يهمك تعبك راحه
وفعلا الردود دي من الموقع اللي انت ذكرته
واتنمى تلاقي افاده اكتر من الاعضاء هنا لو حد معاه نفس الموبيل

AMRSOFTWARE
30-12-2014, 08:36
شكرا ليك استاذ DoRo
وانا اشتريت التليفون من عشرة ايام وهو رائع بمعنى الكلمة ولم تقابلنى اى مشكلة خالص فى التليفون الموجودة فى التعليقات وبنصح اى حد عايز يشتريه انه يجيبه