مناقشة حول انواع الطابعات للوصول للافضل كله يقول نوع طابعته او الافضل من وجهة نظرة

[Mohamed-Samy]

عاوزين نتناقش من حيث انواع الطابعات
سواء حبر ليزر
طابعة فقط ولا متعددة الوظائف
الانواع العادية ولا دائمة الاحبار
الشركات الافضل
الأحبار الارخص من حيث السعر ولاتوفر في الاسواق
سهولة وجود اماكن لصيانتها
و نشوف الافضل
اتمنى نفيد بعض لاني لاحظت ان الموضوع دا على النت كله مش واخد اهميه عايزين نتناقش مع بعض من حيث كل شئ يا جماعة ارجو الرد من الجميع حتى نستفيد او يستفيد هوا شخصيا :ah7:

[Mohamed-Samy]

عن نفسي انا شايف الطابعة دي ممتازة
HP LaserJet P1102 Pro


لكني انا بفضل الطابعات الالوان متعددتة الاستخدام وطبعا ليزر لكن لا اعرف النوع الافضل فيها

[TIMO1]

موضوع جميل ياريت الاخوه يشاركوا فيه لعل الجميع يستفيد منوا ويبقى فى منه اسنفاده حتى لو حد يريد الشرا يبقى اخد خلفيه عن تجارب الاعضاء .

[arabhardiraq]

حياكم الله شباب
انا طابعتي Canon 3010
عندي من سنة وشغالة ولله الحمد

[mrhoda]

انا بقى ليا خبرة واتعاملت مع طابعات كتيير جدا
مبدأيا لو بتطبع ورق قليل على قد بتاع 10 - 15 ورقة كل شهر فممكن تجيب طابعة Hp 2050 a ومايعادلها من اصدارتها
مميزاتها
رخيصة الثمن - سكانر جيد جدا - تعمل مثل ماكينات الطابعة - حبرها متوافر ورخيص
عيوبها
تلف الكارتيدج يخليك تشترى كارتيدج جديد تمنه 120 جنيه وطبعا الطابعة هاتلاقيها 300 جنيه ولو الكارتيدجين باظوا تلاقى نفسك صارف على الطابعة اكتر من نص تمنها
ـــــــــــــــــــــــــــــــــــــــــ
بالنسبة للناس اللى بتطبع اسود فقط
هاتشترى طابعة ليزر وبتبقى عبارة عن تونر كبيير جوا بيسع كمية حبر لابأس بها وممكن تطبع معاك لحد سبع الاف ورقة وسريعة جدا وكيلو الحبر بتاعها 140 جنيه وبيكون حبر بودرة يكفيك سنين وملوها مش صعب وممكن عاليوتيوب تتعلم ملوها ومنصحكش تملاها بره علشان بيملهالك حبر قليل وتضطر ترجعله تانى ودى تمنها بيبدأ من 900 جنيه وانت طالع وعلى حسب مميزات كل نوع بيغلى السعر وتعلى الامكانيات زى سرعة الطباعة وجودتها
ــــــــــــــــــــــــــــــــــــــــ
الناس اللى بتطبع ألوان فيه عندك اختيارين
طابعات النفاثة للحبر
اول اختيار انك تجيب طابعات ايبسون ودى بتبقى مزودة بخزان حبر من الجانب بيشحن الكارتيدجات اللى جوا اتوماتيك ومش محتاجة تفك ولا تركب مجرد انك بتفتح الخزان وتجيب زجاجات الحبر الاصلية وتملاها وتقفل الخزان كده الطابعة اتملت ودى تمنها بيبدأ من 1500 وانت طالع
طابعات البودرة الحبر
تانى اختيار انك بتجيب طابعات ليزر الوان ودى بتبقى عبارة عن اربع تونرات كل تونر بيتملى لون معين والحبر بيبقى بودرة وبتعمل معاك كمية لابأس بها من المطبوعات ودى تمنها بيبدأ من 1200 وانت طالع
ـــــــــــــــــــــــــــــــــــ
واى استفسار ممكن رسالة عالخاص وانا هارد فى الموضوع هنا لافادة الجميع