محتاج شراء شاشة للكمبيوتر وتصلح لتشغيل رسيفير ايضا

[karimbo]

السلام عليكم ورحمة الله وبركاته
برجاء التكرم من خبراء المنتدى في توضيح بعض الامور
اولا يا جماعة انا سمعت عن بعض المصطلحات بخصوص الشاشات زي IPS, VA, PLS, AHVA, TN
كنت حابب اعرف دول بيشيروا لإيه وايه الفروقات ما بينهم لأني حابب افهم

ثانيا طلبي لشاشة للكمبيوتر وفي نفس الوقت حابب اشغل عليها رسيفير صغير كده سواء اتش دي او عادي
بصراحة معرفش الاسعار فمش عاوز اقول ميزانية محددة بس الشاشة عاوزها تكون لا تزيد عن 21 بوصة لإني مش بحب الشاشات الكبيرة
وبالتالي لو في امكانية ذكر عدة موديلات في المقاس ده تقريبا مع ذكر الاختلافات وعلى هذا الاساس إن شاء الله هشتري

ثالثا لو ياريت التوضيح عن بعض الموديلات في التلفزيونات مقاس 32 عشان بإذن الله برضه عاوز اشتري تلفزيون
لو تلفزيون full hd او على الاقل hd ready وميكونش 3d ولا سمارت
بصراحة شوفت موديلات كتير اوي في سامسونج وإل جي وتوشيبا وبصراحة احترت
انا عاوز حاجة صورتها كويسة اهم حاجة وصوتها كويس وتشغيل افلام وكده
وفي نفس الوقت سعرها معقول من 2000 - 2200
فياريت لو تقولوا كذا موديل في الرينج ده مع سعر كل واحد

[karimbo]

فين الخبراء يا جماعة

[TIMO1]

يعنى حضرتك معداش يوم كامل 24 ساعه ومنتظر الرد وده من حقك بس مش من حقك انك ترفع الموضوع فى نفس اليوم واكيد ردك على انه كل الى شافوا الموضوع محدش رد فجايز محدش عنده المعلومه الى تفيدك وبخلاف ذلك فى مواضيع مثبته فى القسم للتوضيح بين الموديلات الى حضرتك بتسال عليها.
وباختصار اجود انواع البانل
ips
pls
va-MVA
TN
اول وتانى نوع يعتبروا افضل الانوااع كبانل عمق الوان قوى وزوايا رؤيه جيده 178-178 زمن استجابه 5 مللى ولكن فى اغلبيه الموديلات بيكون سريع مع انه 5مللى فقط الا انه يكون جيد ولا يوجد مشكله ما يسمى بالجوستنيج او التشبيح او الخيالات كما يراها البعض وارقى انواع ال ips هو AH-ips
النوع التالت MVA هو حل كان جيد فى غياب الموديلين الاول والتانى فهو يعتبر كبديل زوايا رؤيه جيده 178-178+ عمق الوان معقول ارقى من TN ولكنه يفتقر الى زمن الاستجابه الجيد 5مللى ايضا ولكن لقوى الملاحظه او من كان يمتلك شاشات عديده سيلاحظ الفرق فى زمن الاستجابه بينهم جميعا وبين هذا الموديل فهو بانل معروف بسوء مدى زمن الاستجابه وايضا يمتاز بمدى عمق اللون الاسود فهو يقدم لون اسود مبهر افضل من جميع ما يكون .
ام الاصدار الاخير فهو اقدم انواع البانل المصممه للشاشات وهو يمتاز بمدى تقديمه للشاشه بزمن استجابه يصل فى بعض الاحيان الى 1 مللى فقط مما يثير الانبهار لمحبى الالعاب والسرعه وايضا يوجد بعض الشاشات القويه تقدم عمق الوان مرضى وزوايا رؤيه جيده قد تصل ال 178 (H) / 170مثل بعض الشاشات الفيلبس ولكن لا ترتقى الى الموديلات السابقه فى مدى زوايا الرؤيه ولكن مرضيه للغايه .
اما بالنسبه لاستفسار حضرتك فلا يوجد اى من الموديلات الثلاثه(ips-pls-MVA) اى شاشه 21 او 22 او 23 بدايه من 24/27 والمتاح اليك هو من TN 21 LED full HD 1080 فقط .
وبخصوص التلفزيونات فانا عن تجربه مع LG هى افضل ماقمت بتجربته فى حدود الفئه السعريه المطلوبه ips -full hd 32 LB 6510 (https://www.lg.com/in/tvs/lg-32LB5610)
وسعره يتراواح من 2350-2500 على حسب مكان الشراء من معرض مثل القاهره للمبيعات او من شارع عبد العزيز .

[karimbo]

اولا شكرا لحضرتك على الرد رغم اني مش فاهم رفع موضوع ايه مع ان حضرتك لو كلفت نفسك وشوفت تواريخ اخر الردود قبل ما اعمل موضوعي هتلاقي ببساطة شديدة ان موضوعي فضل طول اليوم هو اول موضوع ومحدش رد على اي مواضيع الا موضوع تاني فقط وبالتالي مش محتاج انا ارفع موضوعي وهو اساسا اول او تاني موضوع!!
في كل الاحوال مفيش مشكلة انت حكمت على النوايا بدون ما تعرف التفاصيل ومفيش مشكلة حصل خير
ثانيا انا حضرتك مفهمش اصلا المصطلحات دالة على ايه عشان اشوف موضوعات متثبتة ولا لا ولو حضرتك تقصد الموضوع
الاستفادة القصوى من شاشات tnpanel وجعلها قريبة من ips
فحضرتك انا كلامي كان واضح اني معرفش الاختصارات دي اساسا بتشير لإيه عشان افهم موضوع المفروض انه بيخاطب حد فاهم!
ثالثا بالنسبة لرد حضرتك فدلوقت بالنسبة للشاشات 21 ايه الموديلات الموجودة وسعرها كام

[TIMO1]

اولا شكرا لحضرتك على الرد رغم اني مش فاهم رفع موضوع ايه مع ان حضرتك لو كلفت نفسك وشوفت تواريخ اخر الردود قبل ما اعمل موضوعي هتلاقي ببساطة شديدة ان موضوعي فضل طول اليوم هو اول موضوع ومحدش رد على اي مواضيع الا موضوع تاني فقط وبالتالي مش محتاج انا ارفع موضوعي وهو اساسا اول او تاني موضوع!!
في كل الاحوال مفيش مشكلة انت حكمت على النوايا بدون ما تعرف التفاصيل ومفيش مشكلة حصل خير
ثانيا انا حضرتك مفهمش اصلا المصطلحات دالة على ايه عشان اشوف موضوعات متثبتة ولا لا ولو حضرتك تقصد الموضوع
الاستفادة القصوى من شاشات tnpanel وجعلها قريبة من ips
فحضرتك انا كلامي كان واضح اني معرفش الاختصارات دي اساسا بتشير لإيه عشان افهم موضوع المفروض انه بيخاطب حد فاهم!
ثالثا بالنسبة لرد حضرتك فدلوقت بالنسبة للشاشات 21 ايه الموديلات الموجودة وسعرها كام


ياريت تتكلم باسلوب كويس عن كده ايه لو كلفت نفسك انت ممنوع الرفع فى نفس يوم عملك الموضوع الموضوع انت عامله يوم 22 ورفعت الموضوع فى نفس اليوم
كل دي مشاهدات بدون اي رد؟؟

ومفيش حاجه اسمها نوايا فى حاجه اسمها التزام بقوانين واحترام المنتدى والقسم طالما ان الاسلوب هايبقى كده
انت حضرتك بتعمل الموضوع وتسيبه لتانى يوم وبعد كده ابقى اكتب الى انت عايزوا احنا موجودين علشان نساعدك لو الوقت متاح مش مسخرين ان حضرتك تعمل الموضوع وتدوس انتر تلاقى الاجابه فى وقتها ومحدش مجبر لا اعضاء ولامشرفين انهم يردوا عليك ده بتبقى مساعده تطوعيه الى عندوا حاجه يفيدك بها هايقلها معندوش مش هايتكلم .

[whiteknights]

بالنسبة للتلفزيون انا كمان بفاضل بين تلفزيونات 32 بوصة و رسيت ما بين اتنين ..
Sony Bravia KLV-32R402A 32 Inch

و التانى
Samsung 32H5100 32 Inch LED LCD HDTV

الأتنين فى حدود ميزانيتك او اعلى شوية..

[karimbo]

بالنسبة للتلفزيون انا كمان بفاضل بين تلفزيونات 32 بوصة و رسيت ما بين اتنين ..
Sony Bravia KLV-32R402A 32 Inch

و التانى
Samsung 32H5100 32 Inch LED LCD HDTV

الأتنين فى حدود ميزانيتك او اعلى شوية..


شكرا جزيلا اخي وايت نايتس على توضيحك ولكن هل سعر الشاشة السامسونج دلوقت اقل من 2200 جنيه؟
لاني بصراحة مش حابب ازيد عن الميزانية المحددة للتفزيون وهي بالكتير 2200
وبالنسبة لشاشة الكمبيوتر .. انا عاوز اعرف تقريبا موديلات كويسة في مقاس 21 او اقل شاشة سعرا وتكون تحتوي على مخرج hdmi حتى لو في مقاس اكبر من ال 21 بحاجة بسيطة المهم تحتوي على المخرج ده

[whiteknights]

ممكن تشوف التلفزيون ده ب 2100


LG 32LB550A 32 Inch LED LCD HDTV



بدقة FULL HD و فيه اتنين مخارج HDMI

او ده بس بدقة HD فقط
Samsung 32H4100 32 inch LED
بس اعتقد ان صورته هتكون اسرع و انقى

اما بالنسبة للشاشات فا ممكن تشوف ال 24 بوصة او 23 بوصة على الأقل هتكون احسنلك و فيه كتير فيهم مخارج HDMI عادى

مثل شاشة Asus VN248h 23.8 inch monitor IPS سعرها 1600 جنيه

او شاشة Samsung LS24D590PL 23.6 inch PLS monitor سعرها 1500 جنيه