محتاج مساعدة فى حل مشكلة كارت الشاشه 6990 Sapphire

[mrmoha]

https://www.dvhardware.net/news/2011/sapphire_radeon_hd_6990.jpg
السلام عليكم ورحمة الله

رجاءاً اللى يقدر يساعدنى بمعلومة ميبخلش
كارت الشاشه بيفصل لما بفتح لعبه زى باتل فيلد مثلا فول سكرين
بيجيب شاشه سودة والكيبورد بيهنج تماماً لكن لما بيكون فى صوت او ميديا شغاله بتستمر عادى زى اى اغانى مثلاً
لما بفتح الالعاب بنظام نافذة window بدلا من فول سكرين مبيحصل اى مشاكل نهائى
كمان المشكلة بتحصل عند الضغط يعنى فى العاب مش بتفصل لما بتكون العاب خفيفة اما الالعاب الثقيلة بتفصل بعد دقايق من اللعب
كنت فاكر المشكلة فى الباور وجبت باور سي سونيك 1200 وات لكن نفس المشكلة برده
الكارت بدون ضمان وارد الخارج ونفس المشكلة بالظبط كانت بتحصل مع كارت gtx 590
معرفش ليه الكرتين بيفصلو عند فول سكرين بنفس الطريقة كدة
محتاج رجاءاً حد يقولى احدد سبب المشكلة ازاى او اعرف ايه المسببات المحتملة ليها لانى بحثت كتير جداً وموصلتش لشىء
التعريفات تمام على وندوز 8.1

مواصفات الجهاز
i7 4790k
ram 16 gb
بورده z97 ud5h
باور 730 وات فعلى ومعايا 1200 سي سونيك مركون .
الكارت بالمشتت المعفن بتاعه العادى وحاسس ان المشكلة فى التبريد .
شكراً جزيلاً مقدماً

[mrmoha]

شكرا

[Ahmad Rady]

وعليكم السلام؛
ممكن صورة من درجة الحرارة في الخمول والضغط ببرنامج GPU-Z؟
لو مش عندك البرنامج حمل اخر اصدار من هنا (https://www.techpowerup.com/downloads/2418/techpowerup-gpu-z-v0-8-0/start?server=8)

[mrmoha]

وعليكم السلام؛
ممكن صورة من درجة الحرارة في الخمول والضغط ببرنامج GPU-Z؟
لو مش عندك البرنامج حمل اخر اصدار من هنا (https://www.techpowerup.com/downloads/2418/techpowerup-gpu-z-v0-8-0/start?server=8)

اتفضل صورة للخمول
https://i.imgur.com/3XRcWsj.png

ودى للضغط على gpu واحد مش الاتنين
https://i.imgur.com/yfivZ0Y.gif

شكراً جزيلاً

[Ahmad Rady]

حاول تنضف المروحة بعناية من خلال بلاور مثلا بس تكون مثبتها اثناء الضغط بالهواء بايدك
ثم؛ من اعدادات AMD Control Panel اضبط المروحة يدوي على 50% وجرب الألعاب؛
في انتظار ردك

[hellstorm]

فى حاجة غريبة شوية فى حالة اللود سرعة الكور بتقل ليه انا اشك انه عاوز يتشحن بايوس

[mrmoha]

حاول تنضف المروحة بعناية من خلال بلاور مثلا بس تكون مثبتها اثناء الضغط بالهواء بايدك
ثم؛ من اعدادات AMD Control Panel اضبط المروحة يدوي على 50% وجرب الألعاب؛
في انتظار ردك
انا رفعتها 100% ونضفتها وصلت المشكلة برده
انا لاحظت ان المشكلة مش فى الحرارة لانى بعمل ضغط على gpu واحد فقط وبتوصل حرارته ل80 ومش بيفصل ومبتحصلش اى مشاكل
انما مع الاتنين gpu الحرارة مش بتلحق تزيد اصلاً وبتفصل عند او ثانية من الضغط والجهاز بيفضل شغال واللعبه بتكون شغاله كذلك وحاسس انها مشكلة سوفتوير مثلا مش مشكلة حرارة
شكراً جزيلاً .



فى حاجة غريبة شوية فى حالة اللود سرعة الكور بتقل ليه انا اشك انه عاوز يتشحن بايوس

اتمنى تدلنى ازاى اغير البايوس او اعيد شحنه لانى حاولت فى الحكاية دى ومعرفتش اعملها .
شكراً .

[Ahmad Rady]

أخي لما الحرارة تبقى 80 مع GPU واحد يبقي دايرة الباور هي اللي بتسخن وتخلي البطاقة تفصل؛ لأن في الطبيعي لما المعالج يبقي 80 يبقي دائرة الباور وصلت 100 فما فوق ...
يبقي لما تضغط على الاتنين يبقي الحرارة في العموم سواء دايرة الباور او الـ GPU بتوصل للحدود القصوى بسرعة ...
والدليل ما قاله الأخ hellstorm إن المعالج سرعتة 567 في حين انه المفروض مضغوط ... وده مش طبيعي لكن الحاصل ان البيوس بشكل تلقائي بيقلل تردادت البطاقة كي يتفادي حدوث تلف ...
لكن لما الأمر بيخرج عن سيطرة البرامج البطاقة لازم تفصل فورًا ...
حاجة أخيرة ممكن تعملها ولكنها محتاجة احترافية شوية ...
فك التبريد تمامًا ونظف وحط معجون حراري من ماركة محترمة (مثلا MX-4) لو فضلت نفس المشكلة يبقي بنسبة 90% انت محتاج تبريد احترافي ...

* معلومة صغيرة: لو البطاقة دي انت شاريها مستعمله وكان عليها تبريد احترافي وصاحبها قبل البيع رجع التبريد الافتراضي ... لا تحاول وفقط لن يجدي سوى التبريد الاحترافي مرة أخرى ..

[mrmoha]

أخي لما الحرارة تبقى 80 مع GPU واحد يبقي دايرة الباور هي اللي بتسخن وتخلي البطاقة تفصل؛ لأن في الطبيعي لما المعالج يبقي 80 يبقي دائرة الباور وصلت 100 فما فوق ...
يبقي لما تضغط على الاتنين يبقي الحرارة في العموم سواء دايرة الباور او الـ GPU بتوصل للحدود القصوى بسرعة ...
والدليل ما قاله الأخ hellstorm إن المعالج سرعتة 567 في حين انه المفروض مضغوط ... وده مش طبيعي لكن الحاصل ان البيوس بشكل تلقائي بيقلل تردادت البطاقة كي يتفادي حدوث تلف ...
لكن لما الأمر بيخرج عن سيطرة البرامج البطاقة لازم تفصل فورًا ...
حاجة أخيرة ممكن تعملها ولكنها محتاجة احترافية شوية ...
فك التبريد تمامًا ونظف وحط معجون حراري من ماركة محترمة (مثلا MX-4) لو فضلت نفس المشكلة يبقي بنسبة 90% انت محتاج تبريد احترافي ...

* معلومة صغيرة: لو البطاقة دي انت شاريها مستعمله وكان عليها تبريد احترافي وصاحبها قبل البيع رجع التبريد الافتراضي ... لا تحاول وفقط لن يجدي سوى التبريد الاحترافي مرة أخرى ..

كلامك كله طلع مظبوط يا غالى
فكيت المشتت ولاحظت انه كان مفكوك قبل كدة
جبت معجون كولر ماستر احترافى ووضعته ولما شغلت الكارت كانت النتيجة كويسة والحرارة فى الخمول انخفضت من 50 ل30 وعملت ضغط والكارت استمر دقيقة كاملة قبل ما يفصل والحرارة مكنتش بتزيد بسرعه لكن لما زادت فصل وده دليل ان فعلا لازم مشتت احترافى
المشكلة بقا معرفش اجيبه منين وهيكلف كام
ولو حبيت ابيع الكارت زى ما هو تفتكر يجيب كام ياغالى .

وشكراً جزيلاً على تعبك معايا